عودة أمل 💛

الحلقة ١١ ج٣

الحلقة الحادية عشر
عودة امل3
بوسي مصطفي
.................
في غرفة البنات
الجميع في صمت. .نورهان ممدده علي السرير بجوارها وعد
مراد وهشام قاعدين في جانب من الغرفة في المقابل دينا وأمل
من وقت لتاني نظرات بين هشام وأمل تحمل عتاب ولوم من جانب أمل
مراد/متزعليش نفسك يا بنتي هو شوية كده وهيروق اكيد الصدمة شلت تفكيره
دينا/هيفكر ويرجعلك متقلقيش هو في حد يسيب القمر ده
نورهان /هشام شيلي البتاعة دي من أيدي مضايقاني
مراد/يا بنتي دي فيتامينات علشان تتغذي انتي ماكلتيش حاجة النهاردة
وانتي يا أمل انا ليه معاكي كلام تاني بس بعدين مش وقته دلوقتي
تنظر أمل لهشام بنظره حاده
مراد/ يلا يا دينا علشان تنامي وانتي يا أمل يلا علي اوضتك الولاد عندهم مدرسة بكره ولازم تصحي فايقة
وعد/ أمل معلش خلي ليلي تبات معاكي الليلة لو دا ميضايقكيش
امل/حاضر
مراد/ وعد خلي بالك من اختك وانت يا هشام تعالي معايا عايزك شوية في المكتب
نورهان/متتأخرش يا هشام علشان تشيلي الابره دي من أيدي
هشام / حاضر
...........
في المكتب
مراد بانفعال/ انا بقا عايز اعرف ايه اللي دخلك اوضة اخواتك وعمر بيتكلم مع نور
هشام/ انا معدي عادي داخل اوضتي سمعته بيزعق بصوت عالي
قاطعه مراد
مراد/ قومت اتشمللت ودخلت علشان تولع فيها اكتر
هشام /لا طبعاً محصلش انا دخلت اهديه لاقيته بيغلط في الكلام مراد / وايه اللي دخلك أصلا متسيبهم يتفاهموا مع بعض عاجبك اللي حصل ده
هشام/ أنا معرفش عملت ايه وحضرتك متعصب عليه اوي انا اللي فيه مكفيني مش ناقص
مراد/ عال اوي وكمان بتعلي صوتك عليه
هشام/انا آسف يا بابا تصبح علي خير
مراد/ انا لسه مخلصتش كلامي
هشام/اتفضل حضرتك
مراد/ اسمع مني الكلمتين دول ولو منفذتش كلامي متلوملنيش علي اللي هعمله
موضوع نور وعمر متدخلش فيه نهائي سامعني
هشام/ حاضر. ..بس بقا لما يبيع ويشتري فينا وهو اللي غلطان ميبقاش حد يتكلم معايا ويقولي مجبتش حق اختك ليه
مراد/ ملكش فيه خليك في نفسك كفاية موضوع وعد
دبستنا في جوازه مهببه وبعد كده اتوصت علشان يطلقها انا مش عايز الناس تتكلم وتقول بنات مراد مبيعمروش في بيت
كفاية كده
هشام / حاضر في حاجة تانية حضرتك تأمرني بيها
مراد/ الأمر لله. ..اتفضل بقا اطلع نام في اوضتك وسيبني اقعد شوية لوحدي
هشام / تصبح علي خير
مراد/ هشام
هشام / نعم يا بابا
مراد / تنام في اوضتك مع مراتك مش في اوضة الولاد فاهمني وهدي الأمور بينك وبين أمل هي مش ناقصة كمان مشاكلكو
هشام/ حاضر
..............
في فيلا علاء
سها نايمه محتضنه شهد يدخل علاء الغرفة
علاء بمزح/ عال اوي انا بقا مبقاش ليه مكان ولا ايه
تستيقظ سها ببتسامة وتضع يدها علي فم علاء / اشششش شهد نايمه عايز تصحيها ولا ايه
علاء ممسك يد سها يقبلها / طب قوليلي انتي بقا واحد جاي من شغله تعبان وعايز ينام جنب مراته حبيبته يدخل اوضته ميلاقيش مكان ينام عليه
سها/ السرير كبير نام براحتك
علاء/ براحتي ازاي والهانم اللي نايمه دي وممكن تصحيني في أي وقت
سها/ خلاص هدخل انام انا وشهد جوه
علاء ممسك ايدها/استني بس رايحه فين أهون عليكي بردو تسبيني انام لوحدي
سها بمزح/ ايه خايف من العفريت
علاء /هههههههه لا خايف عيني تغمض عنك وانتي مش جنبي
سها/ علاء كلامك دا بيخوفني
يقعد علاء بجوارها/ خايفه من حبي ليكي
سها تهز راسها
علاء /اول مره اشوف واحده ست خايفة من حب جوزها ليها
سها/ خايفة أكون بظلمك انا مستحقش حبك دا يا علاء
علاء /ليه بتقولي كده يا حبيبتي
دا انتي دنيتي انتي وشهد تعرفي بقا محضرلك مفاجأة
سها/ مفاجأة!!..مفاجأة ايه قول
علاء/ ودي تبقي مفاجأة بردو
سها/ أخص عليك بقا مبحبش الانتظار
علاء /هتعرفي في الوقت المناسب
المهم بقا سيبك من دا كله وخليكي في اللحظة دي معايا
تبتسم سها
علاء /انا بقول داده تاخد شهد في اوضتها
سها بحب/ حاضر هطلع أقولها
علاء/ لأ متطلعيش انا اللي هقولها عايزة تهربي مني ولا ايه
سها/ هو انا اقدر
علاء / طب ايه مفيش حاجة اتصبر بيها كده
سها تقبل خده
علاء /لأ انتي فهمتي ايه انا أقصد مفيش عشا ولا ايه
سها بخجل/ أخص عليك احرجتني
علاء/هههههه علشان تعرفي بس إن دماغك دي بتروح لحاجات هههههههه
سها / كده طيب شهد هتفضل نايمه هنا وشوفلك مكان تاني بقا نام فيه
علاء/ لأ علشان خاطري انا هموت وانام
سها/ طيب متعيطش سامحتك المرادي هخرج انا احضرلك العشا علاء/بس بسرعة متتأخريش ها
لتيجي تلاقيني نايم
سها/ طب ابقي اعملها وشوف هيحصلك ايه
علاء/ههههههه
.....................
في فيلا عاصم
ماجد/وانا بقا مقولتش لحد يتوسطلي علشان ارجعها
انا اصلا مبقتش طايقاها ولا هي طايقاني يبقي هنعيش مع بعض ازاي
عاصم/عقلي ابنك يا مديحة
مديحة/عاصم انت عارف إن الجوازة دي كانت غلط من الأول يبقي خلاص واهي جت منها وهي اللي سابت البيت
ماجد/دي يا بابا همها كله علي الفلوس والشركة وكل شوية طلبات واشتغل علشان احققها كل اللي هي عايزاه
يعني مبتحبنيش انا
عاصم/بتحركك علشان تشتغل وتعمل مستقبل يبقى ايه الغلط في ده انت اللي مش عايز تتعب نفسك
ماجد/ بابا بصراحة أنا مبقتش مرتاح معاها ولو فضلنا متجوزين هتجوز واحده تانية
بتحبني انا مبتحبش فلوسي
عاصم بسخرية /فلوسك! !! أنت حيلتك فلوس
مديحة/ما هو كل ده ليه في الآخر يا عاصم
عاصم/لما ابقي اموت أبقى قسمي انتي وابنك
مديحة/مقصدش بس
عاصم/خلاص اعمل اللي تعمله تطلق تتجوز انا مبقاش يهمني
تركهم وطلع اوضته
مديحة / انا من رأيي تديها فرصة تانيه واهي تبقي عملت اللي عليك
ماجد /ماما بجد انا خلاص مبقتش طايقها
مديحة/علشان خاطري يا ميجو
ماجد/حاضر بس نرجع شقتنا
مديحة /اللي تشوفوا يا حبيبي
............
في غرفة البنات
نورهان /آي. ..بالراحة يا هشام انت ايدك تقيله كده ليه
وعد/هشام اصلا ماسك الحقنه وهو سرحان
هشام/ هي امل فين
وعد/خرجت راحت تنام
هشام/ تصبحو علي خير
...................
في غرفة هشام
يطرق الباب ويدخل. ..أمل تضع رأسها بين قدميها جالسه علي السرير
هشام يجلس بجانبها
هشام بحزن/ مش هتنامي
أمل ترفع رأسها وتمسح دموعها /'لأ سهرانه شوية
هشام/ بس انا تعبان وعايز انام ممكن تطفي النور اللي جنبك
أمل / حاضر
وقامت من علي السريع. ..أسرع هشام نحوها ممسك يدها
هشام بدموع/ متسبنيش يا أمل
امل/ أنا مسبتكش انت اللي خرجت ونمت في اوضة تانية حتي دموعي مهزتكش لدرجادي انا رخيصة في نظرك
هشام/لا يا امل متقوليش كده انا تعبان
امل/ تعبان مني؟
هشام وهو بيحتضنها / تعبان علشانك
أمل وهي بتحاول تبعد عنه/سيبني وبلاش تخنقني بحبك ده
هشام ممسك بيها بقوة/متبعديش عن حضني انا محتاجلك
امل ببكاء/وانا محتاجة حد يحس بيه
انا مش نور ولا وعد ولا ليه أب اشتكيله ولا أخ ارتمي في حضنه واستعيث بيه واقوله الحقني
هشام/ وانا ايه يا أمل
انتي بالنسبة ليه كل حاجة امي وأختي وحبيبتي وروحي اللي لو فارقتني اموت
امل/ عايرتني اني مش زي نور
عارف ليه علشان وقتها مكانش ليه حد يلحقني أخ ممكن ينجدني كلكم دبحتوني وانت أولهم
هشام/انا؟ !
امل/ايوه انت. ..هشام من اللحظة دي كل واحد فينا هيبقى لوحدي مش هيجمعني بيك سرير واحد
تركته بعنف وهي بتبكي
هشام/ ياااااه قلبك اسود اوي يا أمل
امل/ مكانش اسود. ..بس انتوا اللي لونتوه باللون اللي علي مزاجكو
شوفتوا أمل دي بنت ضعيفة ويتيمه ايه يعني منلعب بمشاعرها شوية اديها كل حاجة وبعدها احرمها من كل حاجة
هشام انت كنت في نظري حاجة كبيرة اوي بس دلوقتى مبقتش حاجة بالنسبة ليه
هشام/ أمل انتي مش فاهمه حاجة
أمل بصوت عالي / ولا عايزة أفهم. ..انا واحده غبيه مبتفهمش عبارة عن لعبه في ايدكو كل واحد يلعب بيها شوية يفرحها وبعد كده يكسرها مية حته
مراد يطرق الباب بعنف
مراد/ في ايه هو انتوا ايه معندكوش دم لدرجادي
امل/ بابا انا
مراد يقاطعها
مراد/ انتي تخرسي خالص حسابك معايا بعدين
صوتك عالي ولا مراعيه لظروف اللي احنا فيها
ونظر لهشام. .أما أنت بقي فحسابك تقل اوي معايا
هشام بعصبية / حضرتك مش فاهم حاجة
يرفع مراد ايده ويصفع هشام علي وجهه
تصرخ أمل
مراد/ وكمان شايفني غبي ومبفهمش
تجري وعد ونور لغرفة هشام
أمل بتبكي
وعد/ هو في ايه؟
مراد بعصبيه/ اتفضلوا علي اوضتكو يلا
ايه بربي ابني عمركو مشوفتكو أب بيربي أبنه
نورهان/بس هشام مش صغير يا بابا علشان تضربه
مراد/ لأ صغير وعيل كمان ولا هتكبروا عليه
تدخل دينا / في ايه يا مراد. ...هدي نفسك انت بترتعش
مراد/اسنديني يا دينا مش قادر أقف
.....................
في الصباح
في شركة رفعت حامد
عادل/ ما هو يااما تجيب الفلوس من بنت نادية لاما بقا متلومنيش علي اللي هيحصل
سامي/يعني ايه يا عادل بتهددني
عادل/البنك هيحجز علي الشركة انا عن نفسي معايا الجزء الخاص بنصيبي هسدده وانت حر بقا
سامي/يعني هتبعني
عادل/انا ممكن اشترى حصتك في الشركة
سامي/طيب متدفع للبنك المبلغ كله وانا هسددك من أرباح الشركة
عادل بسخرية /ههههه أرباح ايه اللي بتتكلم عنها وبعدين محدش قال لضميرك يصحي ويدي البنت الفلوس
سامي/بس دا كان حقها
عادل/حقها ايه يا مغفل هي كان عندها إثبات بده انت اللي عملت فيها شهم اوي وجريت لكمال علشان فلوس الهانم بنت حبيبة القلب
سامي/وايه العمل دلوقتي
عادل/انا قولتلك اللي عندي اما تاخد الفلوس من البنت تاني أو اشتري نصيبك وساعتها بقا ابقي اعمل بيهم مشروع كده لوحدك علشان خاطر ابنك
سامي/بتلوي دراعي يا عادل فاكرني مش هعرف أتصرف
عادل بسخرية/لما تتصرف ابقي قولي ومتنساش ميعادنا مع البنك الاسبوع الجاي إما الدفع أو الحجز وانت ميرضكش ان شركة أبوك تضيع سلام يا سمسم
...............
في شركة مراد
هشام/صباح الخير يا مازن
مازن /صباح الخير. ..هشام كنت عايز اقولك حاجة
هشام/مازن انا مش رايق دلوقتي لاي كلام
هاتلي كل الملفات علي المكتب
مازن /ما هو انا كنت عايز اقولك إن باباك بعت السكرتير بتاعته اخد كل الشغل وقالي أي أوراق بعد كده خاصه بالمكتب هنا تتبعت علي مكتبه علي طول من غير مراجعه
هشام /ازاي ده ولازمة المكتب هنا ايه
ترك هشام مازن وتوجه لمكتب مراد
.............
هشام ل سليم / بابا جوه
سليم/ ثواني يا دكتور هشام مراد بيه معاه تليفون يخلصه وممكن تدخله
هشام قعد علي كرسي مقابل مكتب سليم
هشام / دي الأوراق اللي كانت علي مكتبي؟ !
سليم /سوري دي أوامر مراد بيه
مراد يخرج من المكتب
مراد/سليم تعالي عايزك
بعدها يلمح هشام
هشام/بابا انا كنت عايز اتكلم مع حضرتك
مراد/سليم اطلبلنا اتنين قهوة. ..تعالي جوه يا هشام نتكلم
هشام داخل المكتب
هشام/بابا كنت عايز أفهم حضرتك ليه
مراد يقاطعه / ليه اخدت كل شغل المكتب عندك مش كده؟
هشام/ انا عايز أفهم بس
مراد/من هنا ورايح كل الأوراق اللي تخص الشركة هتكون علي مكتبي وانا اللي هطلع عليها
هشام/ليه دا كله يا بابا وبعدين لازمتي انا ايه بقي في الشركة مراد /قبل منسى دفتر حسابات الشركة تجيبه طلبته من مازن وقالي في درج مكتبك وانت قافل عليه
هشام /وكمان دفتر الحسابات؟ !
مراد/ايه بريحك وبعدين بلاش كلمة بابا دي هنا
هشام/ لا حضرتك كده بتطردني من الشركة لاني ببساطة مبقاش ليه لازمة كده
مراد/ براحتك لو عايز تسيب الشركة وتأسس شركة لحسابك معنديش مانع
يخبط سليم ومعاه الفراش
الفراش / القهوة يا بيه
هشام / بعد اذنك يا مراد بيه
...........
في فيلا مراد
أمل تخبط علي باب غرفة البنات
وعد/ ادخلي يا أمل
امل/ جايه أطمن علي نور
نورهان بصوت متعب/تعالي يا أمل
وعد/ ايه النشطة دي يا أمل
أمل تتجاهل كلام وعد/ عامله ايه دلوقتي يا نور
نورهان/الحمد لله
وعد/ ليلي اتفزعت امبارح من صوتكو ياريتني منيمتها في اوضتك
أمل بحزن / انا آسفة يا وعد
وعد/ لا يا حبيبتي عادي المهم تكوني انتي وهشام اتصالحوتوا
امل/ مش فارقة
وعد/ يا هبله انتي هشام بيحبك يا ريتني اتجوز واحد زي هشام ولا حتي ربعه
أمل /متزعليش نفسك يا نور
عمر بيحبك واكيد هيراجع نفسه ويجي يصالحك
وعد/يا اختي قولي لنفسك واخده شنطة هدومك ورايحه فين يا أمل
امل/قولتلك قبل كده هغير جو يومين عند خالي
وعد/يا تري قولتي ل هشام
امل/أبقى قوليلو انتي
نورهان / يبقي متخانقين زي مقالت وعد
وعد/ يا اختي فرفشيه بدل ميشوف غيرك
نورهان /هشام مش زي الرجاله اللي تقصديهم يا وعد
وعد/ يااختي كلهم زي بعض
سبيلوا البيت يا أمل علشان يلاقي اللي تبل ريقه بكلمة حلوه بدل جو النكد اللي عملهوله كل يوم
امل/:حاضر يا وعد هسمع كلامك ابقي شوفيلو انتي العروسة
وعد/واللي يرجع ؟...يبقي عيل.. ماشي
نورهان/يووووه صدعتوني هو انا ناقصة
يطرق هشام الباب
وعد باندهاش / ايه اللي رجعك بدري النهاردة؟ !
هشام/ جاي أطمن علي نور
تقوم أمل وتخرج من الغرفة
وعد بهمس/ هشام ألحق امل اخدت شنطة هدومها وماشية
يسرع هشام نحو الباب
هشام/أمل انتي رايحه فين
امل/ سايبه البيت علشان تستريح من التفكير
هشام/اعقلي يا أمل وبلاش جنان
نورهان جوه / رايحه فين يا وعد متخرجيش خليهم يتفاهموا مع بعض
وعد/ انا لو مخرجتش المجنونه اللي بره دي هتمشي
هشام/ أمل لو مصممه تمشي سيبي الولاد هنا
وعد/ هي مش هتاخد الولاد ولا هتمشي متعقلي يا أمل البيت مش ناقص مشاكل كفاية اللي فيه
تتجه أمل نحو باب الفيلا ومعاها الولاد
هشام للولاد/ عايزين تمشوا مع ماما ولا تفضلوا هنا
الولاد في نفس واحد/ لا عايزين نقعد في بيتنا
امل/ بتساومني يا هشام بتلوي دراعي
بس انا بردو همشي وولادك عندك خليهم معاك
خرجت أمل. ..وعد بتجري وراها
وعد/ استني يامجنونه هشام قالك كده علشان تقعدي لكن انتي راكبه دماغك يا أمل ومصممه تمشي
أمل لعم عبده / شوفلي تاكسى يا عم عبده
وعد تنظر لأمل وهي راكبه التاكسي وتبعد عن الفيلا
تدخل وعد جوه
هشام/ مشيت بردو
هزت وعد راسها بحزن
...................
في فيلا مختار
تدخل مريم غرفة عمر بسرعة
مريم تصحي عمر بفزع/ عمر. ..عمر. ..قوم كلمني هو في ايه
انت يا ابني رد عليه
عمر بصوت ناعس /في ايه يا ماما
مريم/انا اللي بسألك رجعت من السفر بسرعة ليه انت قولتي هتقعد اسبوع
عمر/ خلصت شغلي علي طول ورجعت
مريم/عمر متكدبش عليه
عمر/'هو دا اللي حصل. ..المهم ريم أخبارها ايه دلوقتي بعد العملية
مريم/ الحمد لله. ..لسه خارجة دلوقتي من المستشفى جبتها وجيت علي طول
عمر/ مفيش أخبار عن ماجد
مريم/ احتمال يجي يصالحها قريب
عمر / طيب. ...الحمد لله
مربم/ هي نور وبدر فين
عمر /في بيت باباها
مريم/ مرحتش جبتها ليه وبعدين جاي يعني تبات هنا
مش غريبة دي؟!
عمر/ يعني اروح
مريم/ لا يا حبيبي مقصدش
يدخل مختار الغرفة / قولي للشغالة تجهز السفرة
مريم / حاضر
مختار/يلا مستنيه ايه
مريم/ مستعجل اوي ؟!
مختار/بصراحة عايز اتكلم مع عمر شوية
مريم/ متتكلم هو انا غريبة
مختار/ يوووه عايزة اكلم ابني براحتي. ..موضوع كده ملكيش فيه
مريم/ وانا مش همشي
مختار ل عمر/ عملت ايه مع نادين
مريم / يعني الموضوع فيه نادين
عمر/ بابا أتكلم عادي؟
مختار/ اه عادي هنعمل ايه بقي في الست والدتك
مريم/ قولوا السر اللي مخبينه
عمر/ وافقت ترجع الفلوس
مريم بسخرية/ ترجع ايه هو اللي بيروح بيرجع
مختار / ممكن تسكتي وتسبيه يكمل
عمر/ بس ليها شرط انها ترجعلك الفلوس هناك في لندن
مريم/ ههههه قولت حاجة من عندي؟
أهي بانت لوحدها عايزاك علشان تستفرد بيك هناك ولو معاك قرشين تعرف تطلعهم منك
مختار / كلمها وقولها بابا موافق
مريم/ يا فرحتي. ..روحلها ما هو دا طبعك
اللي تديلك علي دماغك تتعلق بيها لكن اللي تقيدلك صوابعها العشرة شمع ترميها
مختار/ انا مليش أي مصلحه معاها غير اني اخد حقي منها
مريم/ اضحك علي نفسك. ..بس لو قشطتك هناك مترجعش تلوم غير نفسك
مختار/ اطلعي انتي منها بس وهي تتم علي خير واخد فلوسي
مريم وهي خارجة من الغرفة /'احلم. ..الاحلام مش عيب
مختار/ قولي عملت ايه مع بنت مراد
عمر/ اتخانقنا وسبتها ومشيت
مختار/ عمر انت طبعاً مصدقني. ..لو تحب تشوف روشتة الدكتور أهي موجودة. ..انا بس كانت ليه حقنه باخدها بالليل ومامتك طبعاً هى اللي بتدهالي
خبطت علي الهانم انا عارف إنها بتدي حقن يعني
قعدت تصوت وتقول هيكسر الباب. ..
واتصلت باخوها وجه اتهجم علي البيت وخدها بدون استأذان
عمر/ عارف يا بابا
مختار / يعني مصدقني يا ابني
عمر/ طبعاً مصدق حضرتك
مختار/ انا ممدتش إيدي عليها زي ما هي بتقول
لاني عارف هي قالتلك ايه علشان كانت بتصوت وبتقولي أبعد عني انت جاي تخبط عليه في الوقت دا ليه
انا لو مش تعبان والحقنه دي لازم تتاخد في ميعادها مكنتش خبطت عليها هخبط عليها ليه
عمر/ حقك عليه يا بابا
مختار/ خلاص يا ابني انا مش زعلان
..   ..  
في شفة كمال
أمل تطرق الباب
تسرع نجلاء في فتح الباب تتفاجأ بأمل
نجلاء/ أمل! !..يا مرحب يامرحب
وتاخدها من ايدها
نجلاء / ايه الشنطة دي وبعدين مجبتيش الولاد معاكي ليه
كمال من داخل الغرفة / مين يا نجلاء
نجلاء بفرحه / دي أمل
كمال بفرحه يخرج من الغرفة نحو أمل
كمال بفرحه/ أمل
ايه المفاجأة الحلوه دي
امل/ متشكرة اوي يا خالو
كمال/ فين الولاد أخص عليكي مجبتهمش معاكي ليه وحشني الدراسة والمذاكرة بعدتهم عنا
جهزي الغدا يا نجلاء
امل/ لا انا مليش نفس مش عايزة غير اني انام
.....  ......... . .
في المساء في فيلا مراد
دينا في التليفون / أهي خطوة كويسه النهاردة اخد منه كل الشغل بكره يزهق ويسيب الشركة كلها
مدحت/ متنسيش يا دينا زي ما اتفقنا انتي كده بكلمتين حلوين تحاولي تقنعيه إني أمسك انا حسابات الشركة وبعدها بقي شوفي ايه اللي هيحصل
دينا/ متتستعجلش لازم ناخد وقت شوية علشان ميقولش إني مصدقت ابنه ساب الشغل وأنا عايزة أشغل اخويا مكانه
مدحت/ ايه يا بنت والدي هترجعي في كلامك ولا ايه
دينا/ الدنيا هنا مولعه علي الآخر ولازم أحاول اهديه شوية وابعده عن التوتر والعصبيه. ..ما هو كمان صحته تهمني
مدحت/ هو فين دلوقتي
دينا/ في المكتب تحت
تسمع صوت خبط علي الباب
دينا/ اقفل دلوقتي وهبقي اكلمك بعدين
يدخل مراد تتجه دينا نحوه
دينا/ ايه يا حبيبي مش كفاية شغل النهاردة
مراد/ تعبان اوي يا دينا
دينا/ انت اللى غاوى تعب ريح نفسك شوية يا حبيبي
مراد/ ازاي بس والشركة دي مين يتابعها وخصوصاً بعد اللي حصل النهاردة
دينا/تعرف يا مراد إن الخطوة اللي عملتها النهاردة عجبتني اوي ما هو هشام لازم كنت تخف الشغل عنه شوية
مراد/ اللي عملته مع هشام قرصت ودن مش اكتر علشان بس أعلمه واعرفه إني لسه والده وإنه مهما كبر فضل أبوه وهو ابني
دينا/ يعني ايه ناوي ترجعه الشغل تاني
مراد/ هشام ابني دراعي اليمين في كل حاجة في الشركة
حسابات ومرتبات الموظفين توريد و إستلام الأدوية كل ده شغل بيخلصه لوحده انا مقدرش علي الحمل دا لوحدي
دينا بضيق/ خلاص يا مراد هنفضل نتكلم في الشغل دا كتير
مراد/ هما البنات وهشام فين مش سامع ليهم صوت
دينا/ انت متعرفش إن أمل سايت البيت الصبح
مراد/ انتي بتقولي ايه
دينا/هو دا اللي حصل
مراد بانفعال  / هاتي التليفون اكلمه اشوفه فين
......................
معتز/ ايوه كده فكوا عنكو الحصار
مازن/ ههههه مفيش أحلى من الحرية يا عم جواز ايه انا كان مالي ومال دا بس
معتز/ هههههه بس بردو فيه حاجة حلوه
مازن / قولي ايه الحلو اللي فيه
معتز/ انك ترجع البيت تلاقي حضن ابنك ولا بنتك ترمي عليه كل همومك دا بالدنيا
هشام/ عندك حق
مازن/ صحيح يا معتز مقولتلناش هو انت اتجوزت؟
معتز/ ههههه تلاته
مازن/ هههههه يا مفتري تلاته مره واحده
معتز/ لا يا عم علي تلات مرات
مازن/ وهما فين بقي
معتز/'راحوا لحالهم
مازن/ عرفتهم ازاي دول
معتز/ لما سافرت روسيا اعملي قرشين واتفسح شوية اتعرفت هناك علي واحده واتجوزنا
مازن /يا ابن الايه روسيه مره واحده والباقي بقي عرفتهم فين
معتز/ في ألمانيا والأردن
مازن/ لا دا انت حكايتك حكاية والقاعدة شكلها هتطول اطلبلنا حاجة نشربها بقي علشان القاعدة تحلو
هشام/ ثواني هرد علي التليفون
مازن/ باباك صح
هز هشام رأسه وخرج من الكافيه
معتز/ هو هشام ماله كده مش رايق خالص
مازن/ معرفش الظاهر كده إنه هو وباباه شادين شوية مع بعض
معتز/ تعرف يا أخي إن هشام دا صعبان عليه مضيع عمره كله في الشغل ومش عارف يعيش حياته
مازن/ هشام شايل شغل الشركة كله علي دماغة وباباه متجوز بس من يومين وشكلها مسيطره اوي لدرجة إن عمو مراد سحب كل الشغل من ايد هشام وهو دا اللي مزعله
معتز/ يا نهاااار
ما انا علشان كده مش عايز اتجوز تاني
مازن/ قول رابع هههههه دا انت جبل يا ابني وعلي كده خلفت منهم عيال
معتز بحزن / ولد وبنت
مازن/ وهما فين
معتز/ مع والدتهم في ألمانيا
مازن/ اخدتهم بالقانون يعني
معتز/ مازن انا مبحبش اتكلم في الموضوع ده
مازن/ خلاص. ..خلاص. .انا آسف
..........
هشام في التليفون/حاضر يا بابا
مراد/ دلوقتي حالا
هشام/ حاضر جاي مسافة السكه
يدخل هشام الكافيه
هشام/ سوري يا جماعة مضطر امشي حالا
معتز/تعالي هنا يا ابني هو انت كل مره تسيبنا كده وتمشي
مازن/ وانا كمان همشي بقي الوقت اتأخر
معتز/ ايه دي مواعيد الانصراف بتاعتكو مراتتكو هتاخدكو غياب ولا ايه ههههه
مازن/ يا عم هو انت في حد زيك عايش حياتك ولا همك حاجة
هشام/ سلام انا بقي
معتز/ سلام يا متجوزين هههه
............
......
في فيلا مراد
مراد في المكتب / يعني ايه هي اللي مشيت ليه انت مش راجل
هشام / بابا لو سمحت كفاية غلط بقي
مراد/ ما هو لو انت راجل قدامها مكنتش سابت البيت
اتفضل روح هاتها
هشام/ خليها هناك لما تزهق تبقي ترجع لوحدها
مراد /دا كلام ناس عاقلين طب والولاد ازاي سابتهم جالها قلب؟ !
هشام/بابا انا تعبان وطالع انام
مراد/ يا برودك يا أخي وكمان ليك نفس تنام
هشام بانفعال/ أنا مش عارف اعمل لحضرتك ايه علشان ترضي عني انا تعبت بجد
مراد/ زعق كمان وعالي صوتك اكتر
هشام/ تصبح علي خير
...................
في شقة كمال
كمال/ وازاي تسيبي ولادك يا بنتي علي الأقل كنتي جبتيهم معاكي
امل/ بيلوي دراعي بيهم
نجلاء /مش يمكن قالك كده علشان تقعدي وتخافي تسبيهم
كمال/ مش يمكن دا اكيد هشام بيحبك بس انا مش فاهم ايه اللي حصل بينكم خلي الأمور توصل لكده
...............
في فيلا مراد
مريم / يعني يصح اللي حصل دا يا هشام
هشام/خالتو لو سمحتي انا مش عايز اتكلم في الموضوع ده
مريم / يعني عمك كان عايز نورهان علشان ميعاد الحقنه بتاعته وانا من لخبطتي بريم نسيت ارجع اديهالو
هشام/ حقنة ايه يا خالتو اللي ضحك عليكو بيها اتكلمي يا نور لو متكلمتيش انا اللي هتكلم انا ساكت بس علشان خاطرك
نورهان/ خالتو الموضوع بتاع الحقنه دا كله كذب اللي حصل غير كده خالص
مريم/ وهو ايه اللي حصل يخلي هشام يدخل بالطريقة دي البيت انتي مش عارفة إن مختار صحته بقت علي قده ومش حمل زقه علشان هشام يدخل يتهجم عليه بالشكل ده وبعدين اللي حصل زمان قولنا خلاص ننساه ايه اللي جد بقي
هشام/ اللي جد إن جوزك عينه زايغة ومش بيراعي إن دي زي بنته ومرات ابنه جوزيه احسن يا خالتو يمكن يعقل
مريم /تقصد ايه يا هشام
هشام /أقصد إن جوزك المحترم اتهجم علي اختي وكان عايز
مريم / سكت ليه يا هشام
نورهان بخجل / بصراحة يا طنط دي مش أول مره
مريم / انتو اكيد اتجننتو
هشام/ احنا بردو اللي اتجننا ولا البيه المحترم اللي مفروض يصون الأمانة اللي ابنه سابهالو بدل ميحافظ عليها عايز يستفرد بيها وهي لوحدها
مريم / مستحيل اللي بتقولوه ده. ..مختار آه ليه في الستات بس نورهان لأ دي بنته اكيد في غلط في الموضوع
هشام/ أهو عندك أسأليه لو أنكر انا بقي بنفسى هواجهه
مراد ينزل من فوق / أظن يا مريم الولاد قالولك كل حاجة ياريت تبقي تقولي لابنك اللي بدل ميجيبلها حقها طلقها
مريم/ طلقها يا مصيبتي كمان
نورهان تقوم بسرعة وتسيبهم
هشام/ تصبحو علي خير

.....................
#عودة امل3
📝بقلمى
#بوسي مصطفي