عودة أمل 💛

الحلقة ١٣

#عودة امل3

#بوسي مصطفي
............
الحلقة الثالثة عشر
.............
في النادي
أمل جايه من بعيد تشاور لهشام ابنها
هشام يخرج من حمام السباحه جري
تحتضنه أمل
امل/ حبيبي وحشني اخبارك ايه
هشام/ استني يا ماما. ...شوفتي اديكي اتبليتي
أمل ببتسامة/ حبيبي ولا يهمك مين جه معاك
هشام/ عمتو وعد
تعطيه أمل المنشفة
امل تشاور ناحية طاولة قريبة/ تعالي نقعد هنا
قولي بقي تشرب ايه
هطلبلك حاجة سخنه علشان البرد
هشام/ الجو حلو اوي النهاردة والشمس طالعه والمياه كمان كانت دافيه
أمل بقلق/ تعالي اوضة اللبس علشان تغير الهدوم دي
هشام/ متخافيش عليه يا ماما انا جامد وصحتي بمب
تقرب أمل من هشام تختضنه / حبيبي لو مخوفتش عليك أخاف علي مين
هشام/ طب بتعيطي ليه بقي دلوقتي
امل/ لا ابدا يا حبيبي. ..عندي بس شوية برد
هشام/ شوفتي بقي حضرتك مبتاخديش بالك من نفسك
امل/ هشام انت بتحبني صح؟
هشام/ بحبك دا سؤال بردو
أمل /رد من غير لماضة
هشام يفتح ذراعيه/ بحبك  وبس دا انا بحبك قد الدنيا دي كلها
أمل تحتضنه / يا حبيبي انا بحبك اكتر من الدنيا دى كلها
هشام/ بس انا زعلان منك يا ماما
امل/ ليه يا حبيبي
هشام/ علشان سبتينا ومشيتي
امل/ غصب عني يا حبيبي
هشام / عارفة يا ماما بابا هشام كل يوم ينام معانا واقوله مبتنامش في اوضتك ليه يقولى لما ماما ترجع
ارجعي بقي علشان مبنعرفش ننام انا وشادي
امل/ ليه يا حبيبي
هشام/ السرير صغير وبابا كل ليلة ينام يوم معايا ويوم مع شادي ويفضل طول الليل يتكلم وهو نايم
أمل بقلق/ يتكلم؟ ! ....بيقول ايه
هشام / هاتي ودنك علشان محدش يسمعنا
أمل ببتسامة / حاضر اتفضل
تقرب من هشام
هشام/ بيقول. ..بيقول
امل/ ها قول وخلصني ودني وجعتني انت قافش فيها كده ليه
هشام/ بيقول بحبك يا أمل
أمل ببتسامة /بقي هو بيقول كده ولا هو اللي قالك تقولي كده هشام ببراءة/ ايوه طبعاً هو اللي بيقول حتي أسأليه
امل/ طيب حاضر بس يلا تعالي معايا علشان تلبس هدومك
هشام/ الجو حلو عايز أنزل الميه تانى
امل/ هشام قولنا ايه نسمع كلام ماما. ..هو شادي فين
هشام/ مع عمتو وعد هناك أهو بياكل آيس كريم
امل/ كمان ماشي يا وعد حسابك معايا بعدين يلا بقي علشان متبردش
............ ..
وعد لهنا/ بقولك ايه متنسيش اللي قولتلك عليه
بس اوعى تجيبي سيرتي انتي لا تعرفيني ولا عمرك شوفتيني قبل كده مفهوم
هنا/ طيب خلاص قولتيلي الكلام دا مية مرة اطمني معاكي راجل
وعد/ نعم؟!!!
هنا/ أقصد يعني كله هيبقى تمام والعملية هتم بنجاح والفار هيدخل المصيدة
وعد/ يا خوفي منك مفيش حاجة مخوفاني غير الثقة الزايدة اللي عندك دي علي العموم هي جايه أهه من بعيد امشي بقي قبل متشوفك معايا  ونفذي الخطة واوعي تغلطي
.............
في فيلا مختار
علي السفرة
مريم / قولي يا مختار هي نادين رجعتلك الفلوس
مختار بضيق / اصطبحي وقولي يا صبح يا مريم
مريم/ كنت بس بطمن علي فلوس ولادي
مختار/ ابنك مخاصمني يا ستي ومش عايز يكلمني وكله منك
مريم/ مني انا ولا من عمايلك
ريم/ ماما. ..بابا. ..علشان خاطري بطلوا خناق انا بجد اعصابي تعبت
مريم/ بعد الشر عليكي يا بنتي هو كريم لسه تعبان
ريم/ اخد الدوا الفجر ومصدقت إنه نام تعبني اوي طول الليل عياط مفصلش
مريم/ معلش يا بنتي هي تربية العيال كده صعبه
يدخل ماجد
ماجد ببتسامة مصطنعة / نقول صباح الخير
تقوم ريم بسرعة
مختار بفرحه/ صباح الفل قرب أفطر معانا
ماجد/ لا انا مبفطرش دلوقتي
ازيك يا ريم
ريم بضيق/ كويسه
مريم/ طب اقعد يا ابني نعملك قهوة
ماجد/ لو قهوة من ايد حبيبتي هشربها
يقبل يد ريم
مختار ببتسامة مكر/ يبقي اتنين قهوة يا ريم
ريم/ حاضر
يقعد ماجد ونظره ناحية ريم حتي وصولها المطبخ
مختار بمكر/ وحشتك مش كده
ماجد/ اكيد يا عمي. ...هو كريم فين
مريم/ نايم في اوضة ريم
ماجد/ وحشني اوي الواد ده هو عامل ايه
مختار/ تعبان طول الليل وطلبنا ليه الدكتور منيمناش طول الليل مريم بغمز لمختار/ لأ هو كويس دلوقتي
ماجد بقلق/ هطلع اشوفه ولو تعبان اخده للدكتور
مختار/ متقلقش اوي كده العيال دايماً كده دي شوية سخونيه بس علشان السنان
.........  .
في النادي
امل/ وحضرتك تعرفيني منين
هنا/ أخص عليكي يا أمل نسيتيني احنا كنا مع بعض دايماً في الجامعه
امل/ معلش أصلي بقالي كام سنه متخرجه وبصراحة مش فاكراكي خالص
هنا/ مش مهم المهم عندي اني شوفتك انتي وحشاني اوى اخبارك ايه امل/ الحمد لله
هنا/ اتجوزتي صح انا عرفت إنك اتجوزتي هشام ابن الدكتور مراد صاحب أكبر شركة أدوية في مصر
امل/ ياااه انتي متابعة أهو
هنا/ مش بقولك وحشاني ودايماً في بالي وانا اللي أحبه لازم اعرف عنه كل حاجة بس بيقولوا انه هيتجوز
أمل / هو مين
هنا/ الدكتور هشام
أمل بضيق / مين قالك كده
هنا/ شوفته من كام يوم كانت قاعدة معاه واحدة في كافية
حتي بالاماره اسمه. .....
مش هو دا اللي دايماً بيقعد عليه
أمل بتوتر/ آه هو
هنا/ ولما سألت قالولي إن دي هتكون جوازته التانية
امل/ انتي متأكدة من الكلام اللي بتقولية
...................
في شركة رفعت حامد
عادل بانفعال/ جرالك أيه يا سامي هو كل منتكلم تقولي نفض الشركة
سامي/ انت اللي شغلي مبقاش يعجبك
عادل/ ماهو انت اللي هضيعنا وتخسرنا كل حاجة
سامي/ هو يعني علشان عايز شغلنا يكون نضيف يبقي هخسرك
عادل/ بقولك ايه هو دا شغلنا من زمان عايز تغير يا حبيبي اعملك شركة لوحدك
سامي / وماله اسحب فلوسي وأسس شركة جديدة ولا يهمني
عادل/ لأ قلبك جمد اوي من يوم مسددت ديونك وبعدين حكاية إن بنت نادية ترجعلك الفلوس من غير مشاكل دي مش داخله دماغي
سامي/ تدخل ولا متدخلش ملكش فيه المهم اني دلوقتي بقي ليه ف الشركة اكتر منك  وانا بقي ليه حق في الإدارة
عادل/ شوكتك قويت أوي يا سامي بس لازم اعرف السبب
سامي/ لما تعرف ابقي قولى سلام يا دوله
....................