#عودة أمل3
#بوسي مصطفي
.............
الحلقة الخامسة عشر
أمل / انا حامل
نجلاء بعد تفكير / ههههههه وفيها ايه هو انتي يعني مش متجوزة
امل/ بس انا وهشام يعني
نجلاء بمكر/انتي وهشام مش كنتو مع بعض في شرم
أمل بحرج تهز راسها
نجلاء/ هههههه ومكسوفة ليه؟.... اما انتي يا أمل عليكي حاجات ههههههههه
امل/ بتضحكي علي ايه يا طنط
نجلاء /ههههههههههه
يخبط كمال ويدخل
كمال / متضحكونا معاكو
نجلاء / أصلي أمل
تقاطعها أمل / طنط
تهمس نجلاء لكمال
كمال/ هههههههههههه
أمل / انا غلطانه اني قولتلك
نجلاء /شوف بنت اختك دي رايحه اشوف مين على الباب
هههههههههههههههههنه
................
نجلاء تقرب من الباب
نجلاء /حاضر. ...حاضر..خير مين جاي لينا السعادي
تفتح الباب
نجلاء /هشام
هشام بنفس متقطع /انا آسف يا طنط بتصل بأمل وعمي محدش بيرد هي أمل كويسة؟
نجلاء ببتسامة/ قول سلام عليكم. ..مساء الخير الأول
هشام/ انا آسف بس قلقان علي أمل هي كويسه
نجلاء /امل بخير ...ادخل يا ابني
هشام بيدخل / طب هي فين
نجلاء /جوه في اوضتها
ثواني هندهلها
تدخل نجلاء
كمال/ مين يا نجلاء
نجلاء /دا هشام جاي يطمن علي أمل زي ميكون قلبه حاسس
أمل بدهشة / هشام بره
نجلاء /وهيتجنن عايز يشوفك هتطلعي ولا أقوله يجي
كمال/ استني يا نجلاء انا هخرج اتكلم معاه
امل/ خالي علشان خاطري انا مش عايزة ارجع معاه
كمال/ اصبري يا أمل نشوف فيه ايه الأول
يخرج كمال
هشام/ انا آسف يا عمي اني جاي في وقت متأخر
كمال / لا يا ابني دا بيتك اخبارك ايه
هشام/ الحمد لله. ..كنت عايز اطمن علي أمل ممكن أدخلها
كمال/ اتفضل يا ابني. ...بس بالراحة عليها ماشي
هشام / هو في ايه يا عمي
كمال /أمل هتقولك
.........
في غرفة أمل
هشام بلهفه / قلقتيني عليكي يا حبيبتي
أمل بغضب / قلقت عليه ليه
هشام/ في ايه يا أمل مالك
امل بانفعال/ فيه إنك لازم تخلصني من المصيبة اللي انا فيها
هشام بقلق/ مصيبة ايه
امل/ هشام انا عملت تحليل وطلعت حامل
هشام / نعم؟!
امل/ ايه انت هتنكر ولا ايه
هشام بعد استيعاب للموقف/ هههههههههه وايه المطلوب دلوقتي
أمل / تيجي معايا للدكتور ننزل الحمل
هشام/ نعم...انتي اكيد اتجننتي. ..حمل ايه اللي عايزة تنزليه
امل/ هشام انا كده هتفضح الناس تقول أيه وكلهم عارفين اني سايبه البيت من سبع شهور
هشام / خلتيها فضيحة خلاص. ..وبعدين حد قالك تيجي عندي الاوضة هههههه
امل/ انت هتهزر كمان
هشام/ انتي اللي بتهزري وبعدين كله خير
امل/ يعني ايه
هشام/ يعني تقومي كده تلبسي وتنزلي معايا نروح بيتنا
امل/ انت بتحلم بقي
هشام قاعد علي السرير بمزح/ يبقي خلاص هقول انا معرفش حاجة عن الحمل ده ومشوفتهاش من يوم مخرجت من البيت عندي
امل بتعيط
هشام يقرب منها ويحتضنها/ يا مجنونه دا رزق جالنا في الوقت المناسب علشان يرجعنا لبعض
امل وهي بتعيط/ ياريتني مروحت شرم ولا شوفتك
هشام/ هههههههههه استهبلي بقى
قومي يا أمل البسي خلينا نروح الوقت اتأخر
امل/ انا مش عايزة اروح
هشام/ خلاص انتي حره خليكي هنا بقي لما بطنك تكبر وانا بقي مش جاي تاني
امل/ بتذلني يا هشام
هشام/ ذل ايه يا مجنونه انتي عارفة لو مقومتيش دلوقتى هشيلك كده زي ما انتي واروحك البيت
امل/ مش هتفكر في الماضي تاني
هشام / انا آسف يا أمل انا عارف إن دا اللي وجعك ومزعلك مني
امل/ خايفة الماضي هو اللي ميسبناش في حالنا. ..تعرف إن الموقف دا فكرني بيوم مكتشفتش اني حامل في هشام
هشام/ شوفتي بقي انك انتي اللي مش عايزة تنسى وبتقلبي في الماضي وبعدين ايه علاقة ده بده
امل/ الحمل ده جه فجأة فكرني بكل حاجة
هشام/ خلاص قولنا ننسي بقي قومي يلا البسي
أمل / طب واللي في البيت هتقولهم ايه
هشام/ قصدك الحمل يعني
أمل تهز راسها بدموع
هشام/ انتي مراتي ومحدش له عندي حاجة
أمل تحتضن هشام بقوة/ بحبك اوي يا حبيبي
هشام / طب ما انتي حلوه أهو وجيتي لوحدك انا بقول الوقت اتأخر نبات هنا احسن والمرتبه دي شكلها مريح اوي
امل/ هشام
هشام/ يا عيون هشام
امل/ بتحبني
هشام بمزح/ لأ مبحبكيش وخلصيني بقي يلا غيري هدومك الساعة واحده أنا عندي شغل الصبح
امل/ انت قلبت ليه كده
هشام/ بحبك يا مجنونه وبموت فيكي
امل/ أخرج بقي علشان اغير
هشام بمزح / طب عليه ال
امل/ خلاص خلاص خليك. ...بس دور وشك الناحية التانية
هشام / مش هدور وشي ولا هقوم من مكاني واخلصي بقي
........................
في الصباح
في شقة هاني
فريدة/ انت رايح فين يا ابني وانت بالشكل ده
هاني / رايح الشغل يا ماما
فريدة/ شغل ايه وانت كده
حمدي/ معلش يا طنط أصل العلقة كانت سخنه اوي
فريدة/ اسكت انت كمان بوشك اللي متخرشم ده
حمدي وهو بيضع ايده علي وجهه / ااااه. ...كله من ابنك حد قاله يعمل فيها شهم اوي ويتدخل في الخناقة
هاني/ يعني اسيب البنت للولد ده يضربها
فريدة/ هي حلوه يا هاني
حمدي/ هي حلوه بعقل
هاني يخبط حمدي علي ايده
حمدي يصرخ / ااااااه
فربدة/ هههههه هو الواد مسابش فيك حاجة سليمة
حمدي/ معرفش كان مستقصدني انا ليه؟!
هاني/ هههههه بطل غلبه وأقوم ورانا شغل
حمدي/ انت مجنون يا ابني أنزل الشغل وانا كده
هاني / قوم يا حمدي بطل كسل
حمدي/ انا فاهمك كويس انت رايح علشان تشوفها
هاني بهمس/ بصراحه اه
حمدي بصوت عالي/ ومكسوف من ايه متقول لطنط علي طول انك بتحبها وواقع لشوشتك في حبها
هاني/ تصدق اني غلطان علشان صارحتك
فريدة بفرحه/ انا مش مصدقة اللي بسمعه ده ابني أخيراً قلبه دق يا الف نهار ابيض
زغرطت فريدة من فرحتها
هاني ممسك ايدها/ ماما الجيران يقولوا ايه وبعدين انا لسه معرفش حقيقة شعورها من ناحيتي
فريدة/ كلمها ولو وافقت هروح واخطبهالك علي طول
حمدي/ استني يا طنط لما نعرف أصلها وفصلها وبعدين شكلها كانت مخطوبة للواد ده ولما فركشو اتحرق اوي وجه يتخانق معاها
فريدة/ خلاص يا ابني انت تعرف كل حاجة عنها ولما تطمن انها مش مرتبطة ناخد بعضنا ونروح بيتهم تتقدملها
يااااه أمتي يجي اليوم ده دا انا تعبت من الكلام معاك في الموضوع ده
هاني/ في أقرب فرصة بس الاقي الوقت المناسب أصلها مبتكونش لوحدها
..............
في شقة عمر
نورهان/ يلا بقي يا عمر علشان متتاخرش علي الشغل
يخرج عمر من الغرفة
عمر/ صباح الخير يا حبيبتي
نورهان ببتسامة/ صباح الخير تعالي يلا علشان تفطر
يقعد عمر علي السفرة
نورهان/ عمر انت مستريح في الشغل مع بابا
عمر/بصراحة يا نور لأ
نورهان /ليه حد بيضايقك في الشركة
عمر/ لأ. ..بس انا نفسي يكون ليه شركة لوحدي
نورهان/ شركة ايه؟
عمر/ شركة سياحة كبيرة مش مجرد موظف في شركة
نورهان /ودي عايزة راس مال كبير
عمر/ هههههه ايه هتسلفيني
نورهان/ لأ. ..بس بابا ممكن يساعدك
عمر/ ومين قالك اني هقبل بحاجة زي كده
نورهان/ استني بس متاخدش الأمور وتفهمها بشكل تاني
عمر/ وايه اللي محتاج يتفهم ومفهمتوش؟... انا لو موافق علي المبدأ ده من الأول كنت قبلت بمساعدة بابا
نورهان/ بصرف النظر عن انك جبت سيرة والدتك اللي انا مش طايقها متزعلش مني بس الموضوع مش زي ما انت متصور
انا عندي فلوس في البنك
عمر يقوم بأنفعال
نورهان/ استني بس يا عمر من غير متتعصب ولا تضايق عايزة اقولك إن الفلوس دي فلوسي انا ميراثي من ماما وبابا قسمهم بيني وبين أخواتي بالعدل والمبلغ مش قليل فبقول انك يعني تاخدوا تبدأ بيه حلمك
عمر/ فلوسك انتي مش كده
نورهان / عمر
عمر يقاطعها / مش دا كلامك
نورهان/ وفيها ايه لما اشاركك حلمك احنا مش واحد ولا ايه انت بمجهودك وانا هدخل براس المال ومش هقولك اكتبلي حاجة بأسمى يكفي إن الشركة هيتكتب عليها اسمك
عمر/ نورهان بس انا
تقاطعه نورهان وهي مقربه منه / علشان خاطري يا حبيبي انت مش عارف دا هيفرحني قد ايه
عمر /هفكر
نورهان تطبع قلبه علي خد عمر
عمر بمزح/ لا لا مش كفاية
نورهان/ نعم ....
عمر/ أقوم اشوف شغلي بدل الاحلام اللي انتي عماله تحلميها دي
نورهان/ دا مش حلم وبكره تشوف بس وقتها بقي اوعى تبص لوحده غيري انا عارفة الشركة هيكون فيها أجانب وكده وهيفتكروك بقي منهم بشعرك ده ولون عيونك اللي يجننوا
عمر بغمز/ هههههه. .. انا بقول أدخل اغير هدومي وبلاش شغل النهاردة
نورهان/ لا يا حبيبي لازم تروح الشغل احنا محتاجين للفلوس اوي الفترة اللي جايه علشان نحقق حلمنا ياريت كمان تشتغل وقت إضافي علشان تنجز بسرعة
عمر/ هههههه اوك بس متشتكيش بعد كده وتقولي اني بتأخر بره البيت
نورهان /مع السلامة يا حبيبي
عمر علي الباب / متراجعي نفسك وادخل اغير هدومي وأجز النهاردة
نورهان بنظرة حاده/ عمر
عمر باستسلام/ خلاص خارج
....................
في شقة حسن
سوسن بانفعال/ مفيش فلوس
حسن/ يعني ايه
سوسن/ يعني بطلت شغل خلاص
حسن / نعم انتي بتقولي ايه
سوسن/ بصراحة بقي مبقتش قادرة على نزول كل يوم ووقفتي في المحل انا تعبت وكمان الحمل تعبني اوي
حسن/ بقولك ايه اصطبحي وقولي يا صبح إنا لسه دماغى متظبطتش متخلنيش اتجنن عليكي
سوسن/ وريني بقي هتعمل ايه
يقرب حسن منها يضربها
سوسن بتصرخ وتستغيث بالجيران
حسن/ ماشي يا سوسن بس هتندمي علي اللي بتعمليه وشوفي بقي مين هياكلك انتي واللي في بطنك
سوسن وهي بتعيط/ما هو مش غريبه عليك اللي يرمي بنته ضناه يهون عليه كل حاجة
حسن/ متكتريش في الكلام احسنلك
سوسن بسخرية / روح للهانم هات منها فلوس بس المرادي ابقي أمن علي نفسك علشان متجيش متخرشم كده
يقرب حسن منها يضربها تاني تجري سوسن منه وتدخل اوضتها وتقفل علي نفسها وهي بتبكي
...................
في فيلا مراد
علي السفرة وقت العشاء
دينا/ علشان خاطري تاخد دي بس يا ميرو
مراد/ مش قادر بجد خلاص معدتي مبقاش فيها مكان
وعد بضيق/ هشام هاتلي شوية سلطة من اللي قدامك دى مش عارف ابلع الأكل
هشام/ حاضر
مراد/ نورتي بيتك يا أمل
امل/ متشكرة يا بابا
دينا بتصنع الفرحه / البيت كان وحش اوي من غيرك يا اموله من بكره بقي انتي اللي تطبخي
امل/ حاضر يا طنط من عنيه
هشام/ أمل متقدرش توقف في المطبخ
دينا/ ليه خير هي تعبانه
هشام ببتسامة ممسك بإيد امل/مش تباركلنا أمل حامل
وعد بفرحه/ مبروك يا هشام
دينا بسخرية / ازاي دا بقي
مراد بغمز لدينا / مبروك يا أمل
هشام/ أمل من هنا ورايح مش هتعمل حاجة في البيت
وعد/ طبعاً. ..تقومي بالسلامة يا اموله
........................
في غرفة هشام
امل/ ليه كده يا هشام
هشام بغير هدومه/ ليه ايه
امل/ احرجت دينا وبعدين هي مقالتش حاجة تستحق ردك ده
هشام بيقرب من السرير علشان ينام / هو ده اللي تستحقه
امل/ ليه ده كله
هشام / أمل انا تعبان وعايز انام ممكن تطفي النور
امل/ حاضر ولو اني مش فاهمه حاجة بس بصراحة عجبتني وحسيت انك خايف عليه
هشام/ لو مخوفتش عليكي هخاف علي مين يلا بقي عايز انام
أمل / هتنام بجد
هشام /آه بجد تعبان اوي. ..تصبحي علي خير
أنت تقرأ
عودة أمل 💛
عاطفية(((((((المقدمة)))))) ((تراجيدي ... رومانسي.. إجتماعي )) فتاة تعيش واقع مأساوي بعد وفاة والديها لتكمل أمل حياتها يتيمه حتى شعرت بالحب لـ يأتي شقيق من احبها ليغير حياتها وتتزوج منه ثم يتوفى لتعود إلى من أحبها لتعود أمل...من جديد. عودة أمل (((٣ أج...
