عودة أمل 💛

الحلقة ١٦

#عودة أمل3
#بوسي مصطفي
....................

الحلقة السادسة عشر
في الفيلا
دينا في المطبخ
دينا لنفسها / الحمل دا مش لازم يتم
تفتح غطا الحله
تدخل منال/ في حاجة يا ست دينا
دينا بارتباك / لأ مفيش بس انا اللي هقدم الأكل علي السفرة
منال/ براحتك يا هانم
.....
علي السفرة
هشام ل امل/ رايحه فين
امل/ هروح أجيب الأكل
هشام/ اقعدي استريحي مني ومنال في المطبخ
متتعبيش نفسك
تقرب دينا من السفرة
دينا / طبق شربه هيعجبك اوي يا أمل عايزاكي تشربيه كله
أمل بنظر للطبق باندهاش/ عبارة عن ايه دا يا طنط
دينا ببتسامة / دوقي وانتي تعرفي
طبقك أهو يا هشام
هشام بتصنع الابتسامة / ميرسي
مراد/ ايه وانا مليش انا كمان
دينا / ثواني يا حبيبي اجيبلك طبقك
تدخل دينا المطبخ
مني امنال بهمس/ هو في ايه
منال/ واحنا مالنا أهي كل ساعه في حال
مني/ لما نخلص المطبخ هقعد معاكي نتكلم شكلك مش مظبوط من وقت رجوع أمل الفيلا
منال/ أهي أمل دي اللي فرساني وكمان يااختي موضوع الحمل دا هيجنني
مني/ شوفي شغلك وانتي ساكته
... .....
تدخل وعد الفيلا
مراد ببتسامة/ تعالي يا وعد اقعدي ناكل مع بعض الأكل حلو اوي تسلم ايدك يا دينا
وعد / مليش نفس
امل/ مالك يا وعد
وعد بدموع / مفيش
وتجري علي اوضتها
تقوم أمل من علي السفرة
دينا/ رايحه فين يا أمل
امل/ هشوف وعد مالها
............................... ....

في غرفة وعد
امل/ هو دا اللي مزعلك
وعد/ اصلك مشفتهوش كان بيبصلي ازاي
امل/ حبتيه يا وعد
وعد/ انا منكرش انى أعجبت بيه وخصوصاً بعد خناقته مع حسن علشاني بس الحب والحاجات دي مبقتش أفكر فيها
امل/ خلاص يبقي مزعله نفسك ليه
وعد/ يا بنتي بقولك بصلي كأني عامله جريمه نظرة وحشة اوي يا امل وجعتني وخلتني ضعيفة اوي قدام نفسي
امل/ يبقي حبتيه. ...اوعى تنكري
وعد/ خلاص يا أمل كل شيء نصيب
أمل ماسكه بطنها
وعد/ مالك يا أمل
امل/ معرفش من وقت مااكلت وبطني بتوجعني
وعد/ ليه مين اللي عمل الأكل
امل/ دينا
وعد/ يبقي حاطة سم في الأكل
امل/ يا لهوي. ...انتي بتقولي ايه ههههه ضخكتيني يا شيخة
وعد/ انتي مش مصدقاني هي دي حد ياكل من ايدها بردو
امل/ ااااااه حاسه بألم جامد اوي. ...هموت يا وعد
وعد باضطراب/ اعملك ايه بس
تخرج وعد تنادي بصوت عالي/ يا هشااااام. ....هشاااااام
هشام يجي بسرعة / في ايه يا بنتي مالك
وعد/ أمل تعبانه جوه وماسكه بطنها
يجري هشام
هشام ممسك بأمل / ايه يا أمل في ايه
أمل /بطني بتتقطع يا هشام الحقني
هشام / انا مش عارف ايه اللي خلاكي تاكلي بس
امل/ هو دا وقته
هشام / هتصل بالدكتورة اللي جنبنا تشوف مالك
.......
بعد الكشف
الدكتورة/ اكلتي حاجة مبتاكلهاش
هشام/ هي شربت شربة غريبه كده
امل/ لأ انا مشربتش منها كل اللي اكلته معقلتين رز وحته صغيرة من صدر فرخة
الدكتورة / شكلك بقي نفسك مكناتش جايه للأكل واكلتي غصب عنك
هشام/ الحقيقه ايوه فعلاً مكنتش عايزة تاكل
الدكتورة/ يبقي انت اللي غصبت عليها
هشام بضيق/ لأ أصلي مراتي مبتحبش تزعل حد وبتيجي علي نفسها
الدكتورة / لأ دا مش صح انتي مفروض تاكلي اللي نفسك تجيلو وخصوصاً في الأكل مفهوش غصب ولا مجامله
هشام/ متشكرين اوي تعبناكي
الدكتورة / علي ايه احنا جيران انا بقي مش تخصص نسا بس بقولك بصفتي دكتورة باطنه خلي بالك من صحتك وكلي أكل صحي علشان البيبي تقومي بالسلامة انتي كويسه ومفكيش حاجة
....................
في الصباح
في شقة والدة سوسن
الضابط/ مين اول واحد دخل الشقة
أحد الجيران / انا يا باشا
الضابط / انت اللي رفعت مفاتيح الكهربه
أحد الجيران / اه انا علشان الشقة قصاد الشقة
لاقيت ريحة دخان جايه من الشقة اللي قصادنا جريت لاقيت باب الشقة مفتوح ونار خارجة من الاوضة دي والدنيا ضلمه النار بس اللي مولعه
الضابط / يعني باب الشقة كان مفتوح
أحد الجيران/ اه يا بيه والكهربه كانت فاصله من الشقة بس لان العماره كلها كانت منوره
الضابط لصفاء بنت المجنى عليها / مين غيرك بيزور والدتك
صفاء وهي بتعيط / مفيش غيري انا وأختي بس هي مبتجيش علي طول
الضابط / وانتي بتجيلها باستمرار
صفاء/ آه يا بيه أصلي امي
وبكت صفاء
الضابط/ لو تعبانه ممكن نكمل كلامنا في المكتب
صفاء/ لا يا بيه بس امي ست كبيرة وعمرها مااذت حد
الضابط / يعني الحادث بفعل فاعل
صفاء/ معرفش بس جارنا بيقول إن باب الشقة كان مفتوح
الضابط /الباب اتفتح بمفتاح متكسرش قوليلي يا صفاء انتي معاكي مفتاح الشقة
صفاء/ ايوه يا بيه معايا وفي جيبي أهه
الضابط / مين غيرك معاه المفتاح
صفاء/ مفيش
الضابط / جوزك ممعوش المفتاح اختك
صفاء/ ممكن تكون سوسن معاها مفتاح أصلي مش متأكدة
.........
في فيلا مراد
أمل / هشام انت خارج
هشام/ آه عايزة حاجة يا حبيبتي
امل/ مش هتفطر ؟
هشام/ نفسي مبقتش جايه لأكل البيت
امل/ طب ثواني هنزل اعملك فطار
هشام ممسك ايدها ويقبلها / لأ مش عايزك تتحركي من السرير كفايه اللي حصل امبارح
امل/ بس انا كويسه يا حبيبي مش معقولة هفضل نايمه كده في السرير
هشام/ علشان خاطري متتحركيش كتير متقلقنيش عليكي
أمل ببتسامة/ هتوحشني
هشام بحب/ قربي بقي هاتي حضن يصبرني لحد ماارجع من الشغل
أمل تقرب من هشام ببتسامة/هشام انت بجد ولا دا مش انت ولا ايه
هشام بيحتضنها/هههههه جمعي يا حبيبتي وبعدين اتكلمي
امل/ هشام هو الحلم الجميل دا هيخلص أمتي
هشام/ اوعدك إنه مش هيخلص أبدا
امل/ بحبك
هشام ينظر في الساعة / يا خبر الساعة تسعه والنص عندي اجتماع عشرة
هشام يجري يخرج من الغرفة
دينا تحت في ايدها كوباية ميه
هشام ينزل بسرعة
أمل واقفة علي السلم / هشام استني
هشام ينظر ليها/في حاجة يا حبيبتي
أمل بتنزل علي السلم/ استني موبايلك. ..
تتزحلق أمل تصرخ
هشام يجري بلهفه ناحيتها
هشام يقومها / حصلك حاجة
دينا بمكر/سلامتك يا حبيبتى
وعد تنزل بسرعة ولهفة/في ايه. ..أمل حصلك حاجة
امل/ انا كويسة مفيش حاجة
هشام بانفعال/ أيه اللي نزلك بس
امل/ تليفونك نسيته جريت علشان اديهولك
هشام بغضب وصوت عالي / الميه دي من ايه
دينا/ دي منال كانت بتمسح دلوقتى
هشام بانفعال / مناااااال
تحرج منال من المطبخ بخوف / في حاجة يا بيه
هشام/ منشفتيش الأرض كويس ليه
امل/ خلاص يا هشام انا كويسه محصلش حاجة
منال/ نشفتها يا بيه كويس
هشام / اومال دا ايه
منال/ معلش همسحها تاني
هشام/ بعد كده لو لاقيت نقطة ميه علي الأرض متعرفيش انا هعمل ايه
منال بخوف / حاضر
تدخل منال المطبخ
امل/ ليه كل ده يا هشام محصلش حاجة يعنى
هشام/ ازاي يعنى انتي عارفة وقعه زي دي ممكن تعمل ايه
وعد/ انتي متأكدة انك كويسه
امل/ الحمد لله. ...انا وقعت وقعه خفيفة ملحقتش أوصل الأرض اوي يدوب رجلي بس اتزحلقت
هشام/ الحمد لله
وعد خلي بالك منها ومتخلهاش تتعب نفسها في أي حاجة
وعد/ حاضر
هشام/ وحاولي تدخلي المطبخ مع منال ومنى علشان نفسى تتفتح للأكل
دينا تسيبها وتطلع اوضتها
وعد/ هههههه احسن انك كسفتها
امل/ ميصحش كده يا جماعه
وعد/ اسكتي انتي طيبه مش فاهمه حاجة
هشام/ سلام بقي اتاخرت علي الشغل
...............
في شقة والدة سوسن
الضابط لسوسن / يعني ايه مبتجيش دايما
سوسن ببكاء/صفاء هي اللي كانت بتساعد امي وتعملها كل حاجة
الضابط / والدتك كان عندها فلوس
صفاء/ منين يا بيه دول خمسوميت جنيه اول عن آخر معاش ابويا وانا اللي كنت بصرفة واجيب بيهم طلبات البيت والدوا بتاعها وكانوا بيتصرفوا في نفس اليوم
الضابط / بس اللي دخل الشقة دخل بالمفتاح مفيش كسر في الباب ولا أي بصمات غير بصماتكو انتو والمجني عليها
سوسن /يا لهوي دهبي
صفاء/ دهب ايه يا بت
الضابط ينظر لهم
سوسن / دهبي شايلاه هنا عند امي
صفاء/ وانتي زعلانه علي الدهب ومش زعلانه علي أمك صحيح زي ماكانت بتقول بت جاحده
سوسن/ ودا وقت تبكتيني فيه
الضابط / ودهبك شايلاه هنا ليه
سوسن بتردد / أصل. ...أصل
صفاء/ أصلها معاها راجل مفيش قرش بيفضل في جيبه منزوع منه البركه حشاش وفلاتي وعينه زايغة
سوسن / بس يا صفاء عيب كده
صفاء/ زعلانه يا أختي عليه
الضابط / وهو فين ؟...في الشغل
صفاء/ هو دا بيشتغل ولا بينفع في شغلانه
سوسن/ هو يا بيه بيسهر كل يوم في شقة واحد من صحابه
الضابط / هو موجود هناك دلوقتي
سوسن/ معرفش ممكن يكون رجع البيت
الضابط للعسكري/هاتلي
هو اسمه ايه بالكامل
سوسن/ حسن. ...  
..........  ......
في شركة مراد
مراد/ ايه اللي اخرك كده يا هشام انت مش عارف إن عندنا اجتماع وهناخد فيه قرارات مهمه
هشام/ انا آسف يا بابا بس امل كانت تعبانه شوية
مراد /وبقت كويسه دلوقتي
هشام/'الحمد لله
مراد/ شوف يا ابني انت عارف إن صحتي بقت علي قدي ومبقتش قادر علي الشغل زي زمان فأنا أخذت قرار انا عارف إنك هتبقى قده وهتنفذه
هشام بقلق/ خير يا بابا
مراد/ هشام انا عارف انك تعبت معايا في الشركة دي من وانت في أولي جامعه والمبلغ اللي ادهتهولك ميجيش حاجة قصاد مجهودك وتعبك في الشغل وانا مبتعاملش معاك كموظف لأ انت تعتبر شريك في كل حاجة وانا محبتش اكتبلك حاجة في الشركة علشان لما اموت محدش من اخواتك يفتكر اني ميزتك عنهم في حاجة
هشام/ بعد الشر علي حضرتك يا بابا
مراد/ هشام متقاطعنيش وسيبني اتكلم
انا عوضت بده بالمبلغ اللي ادتهولك تشتري أرض تشترى عمارة انت حر وعد انا بميزها بمصروفها عن نور لانها معاها بنتها وكمان انت عارف ظروفها مش عايزها تحس انها أقل من أختها في حاجة
هشام/ ربنا يديك الصحه يا بابا
مراد/ الجزء الأهم نصيب هشام ابن اخوك انا كتبتله جزء من الشركة علشان لما يكبر يبقي دراعك اليمين في الشغل والشركة تفضل زي ما هي ابقي عرف اخواتك كده
هشام/ بابا انت ليه بتقولي كده
مراد/ محدش ضامن الموت من الحيا يا ابني
انا هسلمك إدارة الشركة وانا هتابع من بعيد يعني لو فيه أوراق مهمه ابقي هاتهالي مكتبي في البيت
هشام/ بس يا بابا
مراد/ ايه مش هتقدر علي الشغل
هشام/ بصراحة مسؤلية كبيرة اوي وانا خايف ابقي مش قدها
مراد/ لا هتبقى قدها وبعدين انا ياما تعبت وقعدت في البيت وانت اللي كنت شايل الشغل كله
هشام/ بس دا كان بيبقى يومين ولا حاجة مش علي طول يعني مراد/ متقلقش انا معاك شهر بحاله هعرفك كل حاجة عن إدارة الشركة وانت بقي عارف الباقي اتفقنا
هشام/ اللي تشوفوا حضرتك
يخبط سليم علي باب المكتب
مراد/ ادخل
سليم/ عاصم بيه بره عايز يقابل حضرتك
مراد/ خليه يتفضل
هشام/ امشي انا بقي يا بابا اروح اشوف شغلي
عاصم يدخل ببتسامة /تمشي فين دا انت وحشني وعايز اقعد معاك
هشام/ ازيك يا دكتور
عاصم/ ايه دكتور دي اومال فين عمو بقي
هشام/ خلاص بقي دا كان زمان
مراد/ ازيك يا عاصم
يقرب عاصم يصافح مراد / الحمد لله بخير
شوف انا مش هعطلك لاني عارف انك دايماً مشغول
هشام/ بعد اذنكو انا بقي
عاصم/ لا يا هشام خليك انا عايز اتكلم في وجودك علشان رأيك يهمني
مراد بقلق/ خير يا عاصم
................
في مكتب الضابط
أحد الضباط / ليه سيبته يمشي يا محسن
الضابط محسن/ يعني هنقبض عليه بدون دليل
الضابط / دي هيئته أكبر دليل
محسن/ انت عارف القوانين كويس مينفعش اقبض علي شخص لمجرد الشك
الضابط / بس الدهب المسروق دا يعتبر بتاعه ومراته أقرت انها كانت مخبياه في شقة والدتها خوفا منه وانه عنده علم بده واتخانق معاها قبل كده دا غير بقي انه بيشرب كل حاجة وبيسهر بره البيت
محسن/ وأثبت انه كان غي شقة صاحبه وقت وقوع الجريمة ملوش أي بصمات في الشقة الغرفة اللي توفيت فيها المجني عليها محترقة بالكامل باب الشقة اتفتح بدون كسر يعنى ممكن المجني عليها تكون نسيت الباب مفتوح بحكم سنها
الضابط / طب والكهربه اللي اتقطعت من الشقة  والجيران اقروا إن في الوقت ده العمارة كانت الكهربه شغاله في العماره بالكامل
محسن / في لغز في الموضوع وعلي العموم كله هيبان ابعتلي اتنين من رجالتنا يراقبوا اللي اسمه حسن ده ولو ظهرت عليه الفلوس يبقي هو اللي سرق الدهب واتصرف فيه
الضابط / كده صح. ...حسن دا مفتاح لغز القضية. ..وأنا متأكد إن الجريمة حدثت بفعل فاعل وحسن دا له يد في الموضوع
..........
في مكتب مراد في الشركة
مراد / مبقاش ينفع يا عاصم
عاصم/ ليه يا مراد انا قولتلك هدخل معاك النص بالنص وأكبر شركتي وشركتك ويكون لينا فروع في كل مكان الأرباح هتكون خياليه ايه رأيك يا هشام
هشام/ القرار في ايد بابا اللي يقول عليه مراد بيه موافق عليه
عاصم/ هههههه حلوه مراد بيه دي
مراد/ اشرب قهوتك يا عاصم قبل متبرد
عاصم/ مراد انت ليه مش عايز تنسي ونفتح صفحة جديدة ونكبر شغلنا مع بعض زي زمان
مراد/ علشان زمان مبيرجعش يا عاصم
عاصم/ لسه زعلان مني
مراد / عاصم انت جاي في شغل وانا قولتلك مش موافق
عاصم/ براحتك يا صاحبي بعد اذنكو
.................
في فيلا مراد
في المطبخ
مني/ يا بت اهمدي بقي عماله تحرقي في اعصابك كده ليه
منال/ هموت من الغيظ يا مني
مني/ راجل ومراته مالك انتى
منال/'شوفتي كان بيزعقلي الصبح ازاي
مني/ ماهو انتي اللي غلطانه منشفتيش الأرض كويس ليه
منال/ نشفتها كلها وكمان كنت لسه معديه علي نفس المكان بالظبط  وبعدين انا ماسحه الصبح البدرى وكل الارضيه نشفت اشمعنه دى
مني/ خلاص بقى أهو اللي حصل
منال/"مش غيظني غير لهفته عليها واهتمامه بيها
دينا جايه ناحية المطبخ توقف
مني/'انتي يا هبله لسه بتفكري فيه
منال/ كل يوم اكتر من التاني بحبه يا مني بحبه من أول يوم شفته فيه وهو اخد قلبي وعقلي
مني/ يا بت انتي مش جربتي الهبل اللي اسمه الأعمال دي ومنفعتش جربتي الحب والكلام الناعم ومنفعش
منال/ آه يا اختي بس مفيش حاجة محوقه فيه
مني/ يبقي خلاص انسيه. ...انسيه علشان أكل عيشك يا بت احنا مصدقنا وبعدين بدل المصاريف اللي عماله تصرفيها دي علشان توقعيه حوشي يااختي علشان لما يجي ابن الحلال اللي من توبنا تجهزي نفسه
سامعه اللي من توبنا
تدخل دينا المطبخ
دينا/ عال اوي واقفين تتسامروا مع بعض وسيبين شغلكو
...................
وعد وأمل في الجنينه
أمل ل وعد/ بس أنتى مقولتليش علي حكاية الخناقة وشهامة هاني معاكي
وعد/ يووووه يا أمل بقيتي رغاية اوي وانا مش عايزة اتكلم في الموضوع ده خلاص
أمل تنادي لهشام / هشام هات شادي هنا علشان ميتبلش
وعد/ هو اللي واقف جمب الجنايني والظاهر كده نفسه يتبل
امل/'هي مني فين
وعد/ استني شوفي مين جاي
نورهان داخله من البوابة
وعد ببتسامة تقوم وتاخد بدر
نورهان/ يا هلا يا هلا. ...ازيك يا أمل
امل/ الحمد لله
وعد/ جايه في تاكسى يعني
نورهان/ههههه العربية عطلانه
امل/ عمر في الشغل
نورهان/ يعني لو موجود هاجي في تاكسى
قولولي عندكو أكل ايه يتاكل
وعد/ انتي جايه من بيتكو جعانه يا طفسه
نورهان / اعمل ايه البنت اللي في بطني علي طول جعانه
امل/ هههههه هي اللي جعانه بردو
نورهان/ اخلصوا بقي وهاتلوا أكل
وعد/ مرات باباكي عامله شوية أكل يا سلام زي الفل تأكلي من هنا وتروحي للدكتور علي طول
نورهان/ يالهوي
وعد/ مش مصدقاني أسألي أمل ايه اللي حصلها امبارح
امل/ أكلت من خها وبطني وجعتني كنت هموت من كتر الوجع
نورهان/ غريبه وهي بتطبخ ليه
وعد/ امبارح بس اللي طبخت والنهاردة بقي منال ومنى اللي هيعملوا الأكل
نورهان/ طيب كويس أهو الواحد ياكل بنفس
النونو عامل ايه يا أمل
امل/ الحمد لله
بس الدوخه بقي ونفسي للأكل مش جايه خالص
نورهان/ معلش هو في الأول كده
...................
في شقة حسن
سوسن / انت هتنام
حسن/ عايزة مني ايه
سوسن/ انت مش زعلان علي امي؟
حسن /زعلان بس يعني اعمل ايه اخد جمب في الاوضة واقعد اعيط
سوسن/ دا انت حتي معزتنيش
حسن/ ماانتي عملتي الواجب وقولتي للظابط يبعت ياخدني كاني متهم
سوسن/ هما حققوا مع الكل حتي جوز صفاء انت بقي ايه اللي مزعلك
حسن/ مش زعلان ولا حاجة سبيني بقي عايز انام
...............
في شقة والدة دينا
دينا/ يالهوي انت بتقول ايه يا مدحت
مدحت/ هو دا الحل مش البيه جوزك سلم كل حاجة لابنه يبقي مفيش غير إننا نخلص من الواد ده اللي واقف لينا زي اللقمه في الزور
دينا/ مدحت أعقل وبطل الجنان ده قتل ايه اللي بتتكلم عنه
مدحت / يعني نعمل ايه مع الواد ده عارفة يعني ايه يمسك إدارة الشركة
دينا/ عارفة
مدحت/ ولا انتي عارفة أي حاجة دا حسابات الشركة والصفقات اللي بتم ومفتاح كل مكتب في الشركة هيكون في أيده
دينا /مفيش غير حل واحد بعيد عن القتل والكلام ده
مدحت/ ايه هو
دينا/ نبعده عن الشركة