عودة أمل 💛

الحلقة ١٩

الحلقة التاسعة عشر
#عودة امل3
#بوسي مصطفي
.........  ..........
نورهان ووعد عيونهم بتلمع من الفرحة
هشام وأمل واقفين في صمت
وعد / انا فرحانه اوي للي بابا عمله فيها
نورهان/ لأ كله كوم بقي وكلامها عن هشام
قال ايه منال خارجه من اوضته بتجري و
تنظر نورهان لأمل وتسكت
أمل تنظرل هشام بغضب
هشام لأمل / ايه انتي هتصدقي كلامها ولا ايه
امل/ وهي هتقول كده ليه
وعد/ ههههههه يا عبيطه دي عايزة توقع بينكو انتي لسه مش فاهمه
هشام يقرب منها بحب / هو دا معقولة حد يسيب القمر ده
امل/ هشام وبعدين؟!. .. .هو دا وقته
نورهان بغمز / يااختي هو دا وقته ....تصبحو علي خير يلا يا وعد متوقفيش كده عزول
وعد/ ماشي يا دكتره نسيبك احنا مع القمر ونتفرج احنا من البلكونة
أمل تدخل الغرفة بحرج
هشام يلحقها ويمسك ايدها
هشام بعتاب / بقي كده يا أمل تشكي فيه
امل/ غصب عني من كتر حبي ليك بقيت بخاف عليك من أي واحده تقرب منك
هشام / ايه الكلام الحلو ده كان فين من زمان
أمل تمسك بطنها / اااااه يا ابن ال
هشام / أبن ايه ها
أمل ببتسامة / ابنك شقي اوي يا حبيبي
هشام / بس يا ولد بطل تخبط في مامتك علشان دي حياتي وروحي وقلبي اللي عايش بيه
أمل / هشام انا دوخت من كلامك
هشام بغمز/ انا بقول كفاية كلام كده ونطفي النور بقي
أمل / هشام الدنيا ضلمه اوي
هشام / حضني هيطمنك
امل/ هشام والخناقة اللي تحت
هشام يحتضنها / ملناش دعوه
امل/ هشام بس كده مبنقاش عندنا دم
هشام يقبلها
أمل / هشام. ....هشااااام
.....................................
في الجنينه
وعد و نورهان من فوق بيشاهدوا اللي بيحصل تحت
مراد قاعد علي أحد الكراسي في الجنينه
عم عبده يقرب منه / في عربيه يا بيه
يقاطعه مراد / افتحلو الباب
دينا بتبكي
مدحت ينزل بسرعة من العربية ويجري ناحية دينا
يحتضن دينا وهي بتبكي
مدحت بدهشة/ ايه اللي بهدلك كده
تنظر دينا لمراد بغضب
مدحت بانفعال/ يصح اللي عملته في اختي ده؟ !
هي عملت ايه لكل ده؟ !
مراد/ تاخد اختك وتتفضل من هنا مش عايز المحك لا انت ولا هي وورقت طلاقها هتوصلها بس لما تولد واطمن علي اللي في بطنها
مدحت/ كده بسهولة ليه انت فاكر ملهاش راجل يجيب لها حقها
مراد بعدم اهتمام / اعمل اللي تعمله
يتركه ويدخل جوه
مدحت/ ايه اللي حصل لكل ده
دينا بدموع /سندني للعربية وانا هقولك علي كل حاجة
.....................
بعد شهر من الأحداث
في شقة حسن
سوسن / يعنى ايه مش هتصرف علي البيت وابنك ده مش مسؤل منك
حسن بانفعال / بقولك ايه مش كل متشوفيني تسمعيني الكلمتين دول
سوسن بدموع/ يعني اعمل ايه اروح اشتغل بابني اللي علي ايدي ده
حسن/ خمسوميت جنيه أهم ودا كل اللي معايا متسالنيش عن فلوس تاني
سوسن/ طيب انت معاك فلوس هات بقى تلتوميه كمان
حسن/ نعم يا اختي
سوسن/ فلوس الكهربه احنا علينا كام شهر متأخرين جارنا اللي قصادنا دفعلنا شهرين متأخرين
المحصل جه وخبط قبل كده وانا مرضتش اطلع علشان معييش فلوس الراجل طلع من شقته ودفع فلوس الكهربه
حسن/ لما اشوفه هردله الفلوس
سوسن/ أمتي
حسن/ قولتلك لما اشوفه وقومي بقي حضريلي الغدا انا جعان
سوسن/ مجهزتش حاجة
حسن / نعم يعنى ايه
سوسن/ مفيش أكل في البيت
حسن بغضب/ هنزل اشتري أكل
سوسن بفرحه / طيب هات بقي لبن لعلي معاك
حسن / هاتي متين جنيه
سوسن / ليه
حسن/ اومال هجيب الأكل واللبن منين
سوسن بضيق تخرج الفلوس/ اتفضل
..................
في غرفة وعد
وعد في التليفون/ انا قولتلك اللي عندي ومتتصلش بقي تاني
هاني/ بس متبقيش حمقيه اوي كده
ماما متقصدش حاجة وانا آسف بالنيابة عنها
وعد/ لأ متتاسفش ...انا اللي آسفة
هاني/ طب اجي اقابل بابا أمتي علشان نحدد ميعاد الخطوبة
وعد/ تاني انت ايه يا ابني ؟!
هاني/ لزقه ومش هبعد عنك حتي لو عملتي ايه
وعد/ انت اللي جبته لنفسك
تقفل وعد التليفون وهي بتضحك
تخبط أمل وتدخل
وعد/ في حاجة يا أمل
أمل بتعب/ نور بتتصل بيكي تليفونك مشغول
وعد بارتباك / آه. ..في حاجة
امل/ أصلها بتقول رايحه للدكتورة النهاردة علشان حاسه بتعب وعايزاكي تروحي معاها
وعد/ يا خبر. .. طب وانتي مالك انتي كمان
امل/ مش عارفة تعبانه اوي بقالي كام يوم
وعد/ اجمدي كده انتي لسه في السابع
امل/ خايفة اوي
وعد/ متخافيش يا حبيبتي بس اوعى تعمليها تاني
امل/ خلاص حرمت يا اختي
وعد/ طيب انا هلبس بقي واكلم نور علشان متزعلش
امل/ ماشي بس ابقي طمنينى بقي اوعى تقغلي تليفونك ولا تشغيله علشان مقلقش
وعد/ حاضر
....................... 
عند الدكتورة ... تكشف علي نورهان
الدكتورة / ولادة يامدام
نورهان بخوف/ ايه بس انا لسه فضلي أسبوعين علي الميعاد اللي حضرتك حددتيه
الدكتورة / بس في طلق وكده فيه خطورة عليكى علشان الجرح القديم
وعد/ يعنى هتولد قيصري بردو
الدكتورة/ مفيش حل غير كده
نورهان ببكاء/ اتصلي بعمر وبابا وهشام يا وعد
وعد/ حاضر بس اهدي يا نور
......... 
أمل بتتصل
وعد/ الو ايوه يا أمل مالك في ايه
بس اهدي بتعيطي ليه
امل/ سها ماتت يا وعد
وعد بخضه/ ايه. ..أمتي
امل/ الصبح. ..هشام لسه كنت بكلمه علشان نور
قالي الخبر
وعد بدموع/ يا حبيبتي يا سها
أمل بتمسح دموعها / نور عامله ايه
وعد/ نور هتولد دلوقتي
امل/ طب والعمل دا هشام وعمر وبابا راحوا علشان يحضروا الدفن
وعد/ مش عارفة اعمل ايه
امل/ طب اقفلي وانا هكلم هشام
............. .......
في فيلا علاء
مراد لعاصم / البقاء لله
عاصم قاعد علي الكرسى مبيتحركش ولا بيتكلم
ماجد بيبكي
تليفون هشام يرن ....يخرج هشام لجنينه
هشام/ الو ايوه يا أمل عايزة حاجة
أمل بحزن/ انا عارفة الوقت ميسمحش إني اكلمك دلوقتى
هشام/ قولي في ايه
امل/ نور هتولد دلوقتي وعايزة حد معاها
هشام/ ايه. ...طيب هشوف هعرف أخرج ولا ابعتلها عمر
امل/ الدكتورة حولتها للمستشفي اللي ولدت فيها قبل كده علشان هتولد قيصري
هشام/ طيب اقفلي دلوقتي ثواني وهبقي اكلمك
............
عمر يقرب من هشام
عمر/ في حاجة يا هشام
هشام/ نور هتولد دلوقتي
عمر بارتباك / طيب انا هروحلها هي فين
هشام/ استني بس استاذن الأول منهم
............
في غرفة سها
مديحة تحتضن شهد ببكاء
ريم/ متعمليش كده في نفسك يا طنط
مديحة ببكاء/ بنتي راحت مني خلاص. ...خلاص مش هشوفها
تاني
صديقة/ هاتي البنت يا مديحة البنت خايفة
مديحة بصراخ/ لأ محدش هياخدها مني. ...محدش هياخد سها مني
صديقة اخري/ لا حول ولا قوة إلا بالله
يا مديحة بس سيبي البنت مش كده قوليلها حاجة يا ريم
مريم لمديحة / البنت خايفة سبيها يا مديحة ريم تاكلها وتغيرلها
ريم/ طيب يا طنط انا هاخدها اكلها وارجعهالك تاني
مديحة بخوف وبكاء/ لأ محدش ياخدها مني
دي بنتي عمري كله اول فرحتي دي الدنيا اللي عايشة علشانها
ضحكتها بتحلي دنيتي
لما تقولي يا ماما قلبي يتنطط من الفرحه
كل اللي موجودين بيبكوا
ماجد يخبط علي الباب ويدخل
صديقة / أهو ماجد جه أهو هات بقي بنت اختك مامتك مش عايزة تسيبها
ماجد يقرب من مامته / هاتيها يا ماما
مديحة/ شوفت يا ماجد عايزين ياخدوا سها من حضني
ماجد بيبكي
مديحة ل ماجد/ شوف سها كبرت وحلوت ازاي
ماجد بيغمض عيونه بدموع
ماجد / طيب هاتيلي سها يا ماما
مديحة ببتسامة/ هتدخدها وتجيبهالي تانى
ماجد/ حاضر
يشاور ماجد للطبيب
يدخل الدكتور ويعطيها حقنه منومه
.............. ......
تحت في الفيلا
هشام بجوار علاء يواسيه
مراد لهشام بهمس/ روح انت علشان تشوف اختك وانا هقعد شوية
هشام / حاضر يا بابا
يقرب هشام من عاصم / البقاء لله. ...يا عمي
عاصم بعدم وعي يهز رأسه
مراد/ شد حيلك يا عاصم
عاصم / سها راحت يا مراد
مراد / الدوام لله
عاصم ببكاء يدهش الجميع
عاصم/ شوفت يا مراد انا مش اول مره قلبي يتحرق
لتاني مره احسن بنار في قلبي
مراد يشد علي أيده
عاصم يكمل/ قلبي اتحرق علي شادي قبلها بس المرادي النار جامده اوي يا مراد
بنتي نور عنيه حته مني راحت وخلاص مش راجعه
يارب الصبر من عندك يارب
...............................
في المستشفي
عمر/ حمدا لله علي سلامتك. ..يا حبيبتي
نورهان/ في ايه ياجماعة مالكو
امل / مفيش يا حبيبتي. ...المهم انك قومتلينا بالسلامة
نورهان/ متشكرة يا أمل عقبالك
وعد/ بنوتك زي القمر يا نور
نورهان/ مش احلي من ليلي طبعاً
وعد/ ماهي ليلي شبهك يعني مجبناش من بره
هشام يخبط
عمر يفتح الباب
عمر/ أدخل يا هشام
نورهان بعتاب/ ياااه لسه فاكر
هشام / معلش بقي المهم انتي عامله ايه
نورهان/ الشغل واخدك كده دايماً
انت عينك حمره ليه يا هشام
امل/ تلاقيه بس من ضغط الشغل
نورهان/ لأ انتوا اللي شكلكو غريب اوي في ايه
اوعوا تكونوا زعلانيين علشان جبت بنوته
امل/ ياريت يااختي يكون اللي ف بطني بنت
هو في أحلى من البنات
هشام / نور معلش بقي اعذريني تعبان ومحتاج استريح هجيلك بكره
نورهان/ لا يا حبيبي انا عارفة الشغل وتعبه روح انت استريح
هشام/ لو عايزة أمل تبات معاكي انا معنديش مانع
عمر/ لا يا هشام  أمل هي كمان شكلها تعبان انا اللى هبات مع نور
هشام / يلا يا وعد
وعد/ هجيلك الصبح
نورهان/ احتمال أخرج الصبح اتصلي قبل متيجي
وعد/ حاضر. ...يلا تصبحو علي خير
أمل / سلام بقي وتصبحي علي خير
نورهان/ وانتو من أهل الخير
....  ......   .......
في فيلا مراد
وعد/ انا قلبي وجعني من اللي قولته يا هشام مش عارفة اروح اعزي ولا لأ
امل/ لا طبعاً واجب نروح نعزي ونجبر بخاطرهم
هشام/ انا تعبان اوي وعايز اناااام
امل/"تاكل الأول اكيد ماكلتش من الصبح
هشام/ ولا ليه نفس
انا طالع انام تصبحو علي خير
وعد / انا ضميري بيأنبني اوي
امل/ ليه يا وعد
وعد/ علشان مرضتش اروح معاكي انتي ونور اشوف سها
امل/ متحمليش نفسك اكتر من اللازم
وعد/ اكيد جرحتها واضايقت اني مرحتش اشوفها
يعني هي دلوقتي زعلانه مني
أمل / عارفة يا وعد لما روحنا عندها كانت فرحانه اوي وقعدت تسأل عليكي وقالتلي قولي لوعد متزعلش مني
وعد بتمسح دموعها/ يااااااه انا ازعل منها
انا خايفة تكون هي اللي زعلانه مني
يدخل مراد
مراد لوعد /اختك عامله ايه
وعد/ كويسه. ..الحمد لله
جابت مريم زي القمر
امل/ هحضرلك العشا يا بابا
مراد/ لا يا بنتي خليكي مستريحة انا طالع انام
هشام نام
أمل /لسه من شوية
مراد/ تصبحو علي خير
..... ...  ......
في غرفة هشام
أمل تقرب من هشام / انت لسه منمتش يا حبيبي
هشام / مش عارف انام
أمل انتي اكيد حاسه بيه وفهماني سها دي كانت صديقة الطفولة عاشت معايا انا واخواتي وشاركتنا في حاجات كتير أعياد ميلادنا ونجاحنا صورتها قدامي من ساعة معرفت الخبر
امل/ هشام انا عارفة كل ده ومقدره مشاعرك ومفهيمتهاش غلط زي ما انت متصور
وسها انا عمري مكرهتها حتي لما اتخبطت ليك لانك انت اللي اخترت وكانت الظروف وقتها صعبه عليه وعليك
انا بدعيلها من قلبي. ....ربنا يرحمها
هشام يحتضنها / قلبك الطيب ده اللي بيزود حبك في قلبي
امل/ وانا بحبك يا اول وآخر حب قلبي دق ليه بجد
هشام/ وانتي حلم عمري اللي اتحقق
تبتسم أمل وهي بتمسح دموعها 
.............
بعد كام يوم من الأحداث
في شقة والدة دينا
دينا في التليفون / الخطوبة الليلة وكتب الكتاب يا استاذ حسن
حسن/ طب متعرفيني انتي مين
دينا/ أنا واحده اتهانت من الناس دي زيك بالظبط وعايزة اعكنن عليهم أي فرحة تدخل بيتهم
حسن/ ومين بقي العريس
دينا/ مدرب السباحه اللي في النادي
اللى لمؤاخذة يعني ضربك
حسن/ بقي هي الحكاية كده بقي يعني البيه كان حاطط عينه عليها
دينا/ المهم دلوقتى بنتك تاخدها منهم ملهمش حق انهم يربوها جدتها متوفيه ومامتها بقي مش فاضيه كفاية عليها عريس الهنا
حسن/ دا انا هطربقها علي دماغهم الليلة
دينا/ بس ياريت تنفذ متبقاش بق علي الفاضي
حسن / متقلقيش يا مدام مش مدام بردو
تقفل دينا التليفون
حسن/ ماشي يا وعد عايزة تتجوزي طب ابقي وريني هتتجوزي ازاي
......................
في فيلا مراد
في غرفة هشام
أمل تدخل الغرفة بسرعة
امل/ هشام. ..هشام انت فين
هشام / انا هنا يا حبيبتي بحلق دقني
أمل / ودا وقته بردو
هشام/ يعني أخرج للناس كده
تقرب أمل من هشام / ما انت زي القمر اهوه من غير حلاقة
هشام/ دي معاكسه بقي
أمل / ماانا لازم اعكاسك اومال هعاكس مين
هشام/ طب وسعي ببطنك دي علشان أخلص
أمل / انا اللي هحلقلك
هشام/ لأ أبوس ايدك انا مش ناقص كفاية المره اللي فاتت
امل/ متخافش قرب بس
هشام/ أمل احنا عندنا مناسبة بلاش تخرجيني بجرح في وشي
أمل / حاضر
هشام يقف قدامها
أمل ممسكه بمكينة الحلاقة / تعرف انك زى القمر هو انت كده طبيعي
هشام /ههههه أمل مالك كده النهاردة انتي تعبانه ولا ايه
أمل تحتضنه
هشام ياخد منها المكينة ويضعها أمام المرآة
هشام/ شكلي كده مش هحلق ولا أخرج من الاوضة دي
أمل / بحبك
هشام/ بقولك ايه يا أمل منعتذر للناس احسن
أمل ممسكه المكينة/انت عايز وعد تموتني قرب بقى
هشام / اااااه ايه ده
تجري أمل
هشام ينظر لوجهه في المرآة
هشام/ طب وادى دقني بقي لو فلتي من أيدي النهاردة
يخرج هشام منفعل
تصرخ امل/ علشان خاطري يا هشام آخر مره مش هتكرر تانى
هشام/ ماهي فعلا هتبقى آخر مره شايفة حصلي ايه
أمل / خلاص معلش هات قطن ومطهر هتلاقيه عندك في الدرج
هشام/ يا سلام تعالي جبيه انتي يا جبانه وابعدي بقي عن الباب امل/ هشام انا حامل علشان خاطري بلاش تقربلي
هشام/ مش هقربلك بس تعالي هاتي القطن يلا
امل/ وعد
هشام/ من غير وعد تعالي يلا
امل/ طب أبعد شوية
هشام / حاضر
تقرب أمل بخوف وتفتح الدرج
يتمكن هشام منها تصرخ أمل
هشام/ مش هسيبك يعني مش هسيبك
امل/ حقك عليه
هشام/ شايفة الدم
امل/ ياريتو كان في وشي انا
يقبلها هشام / بعد الشر عليكي يا حبيبتي
الباب يخبط
هشام/ مين
تدخل وعد / انت بتعمل ايه كل ده يا هشام
هشام/ بحلق دقني
وعد / يا لهوي ايه اللي عمل فيك كده
هشام/ أسألي الهانم
ودخل يكمل حلاقة
وعد لأمل /وانتي بقي عامله فيها حلاق لما بهدلتي وشه بالشكل ده
امل/ غصب عني.
وعد بمكر/ طب هو متعور انتي بقي بتصرخي ليه
أمل /هاه
وعد/ هاه ايه بقولك بتصرخي وتجري منه ليه وارتبكتي ليه لما دخلت
أمل /تصدقي انك رخمه
وعد بغمز/ علشان قطعت عليكو اللحظات الحلوه دي
أمل / وعد روحي شوفي وراكي ايه
وعد/ انا جاهزة يا حبيبتي الدور والباقي عليكى انتي
روحي اغسلي بقي وشك
امل/ ماله وشي
وعد بمكر /غرقان معجون حلاقة يا اختي
أمل بارتباك / أصل هشام كان عايز بضربني علشان اتعور وانا بحلقلو
وعد/ وايه اللي جاب المعجون علي وشك بالشكل ده
هشام خلص بقي الناس زمانهم علي وصول
هشام / خلاص خلصت
هاتيلي البدله يا أمل
وعد/ البس براحتك انا خارجة
...................... 
في شقة دينا
مدحت/ ها وبعدين
دينا/ هنتقم من كل اللي في البيت وأولهم مراد هحسره علي ولاده كلهم.
مدحت/ سألتلك علي اللي اسمه عادل رفعت ده
دينا/ وايه الأخبار
مدحت/ طلع ابن رفعت حامد صاحب شركة أدوية كبيرة ويبقي عم والدة اللي اسمها أمل دي
دينا/ قولتلي بقي
مدحت/ وكان في خلاف كبير بين أمل وولاد الراجل ده عادل وسامي
وسامي ادالها ميراثها من والدتها اللي كان في حيازة والده قبل وفاته
دينا/ يعني الراجل دا مات
مدحت/ مات في السجن ماهو اتحبس بسبب تصنيعه لادوية غير مرخصة من وزارة الصحه واللي بلغ عنه هشام ابن مراد
دينا/ دي الحكاية احلوت اوي
مدحت/ المهم بقي دلوقتي إن أمل شاركتهم في الشركة من غير علم عادل بعد مااخد سامي منها اتناشر مليون جنيه
دينا/ يعني عادل ده ميعرفش
مدحت/ شغلتنا بقي نعرفه ونوعيه صح يا دودو
دينا/ صح اوي وياريته بقي بعد ميعرف ينتقم من أمل وجوزها ومراد بالمره علشان اطفي ناري
والدة دينا/ النار دي هتحرقك يا بنتي
دينا/ ماما انا مقهورة منهم ولازم اخد حقي
والدة دينا/ تاخدي حقك لما تخليفلهم الواد اللي هيقاسمهم في كل حاجة
دينا/ الموضوع مبقاش فلوس وبس لأ
نفسي اشوفهم مذلولين ومكسرورين زي مكسروني وجوزي اللي كنت بفتكره بيحبني ذلني وكسرني قدامهم
هاتلي التليفون يا مدحت
مدحت/ هتنفذي الخطه
دينا/ اكيد
...............
في فيلا مراد
نورهان/ مبروك يا وعد
وعد/ خايفة اوي يا نور
نورهان/ جمدي قلبك هي يعني اول مره
تخبطها وعد في كتفها
أمل لمني/ هاتي الصنف دا هنا يا مني
لأ مش ده. ...ايوه ده
عمر لنورهان / هو العريس اتأخر ليه
نورهان/ ايه مستعجل
عمر/ عايز أمضي عقد الأرض الراجل قالي بعد ساعة أكون عنده
نورهان /كنت أجلت الموضوع ده النهاردة
عمر/ دا انا مصدقت الراجل يوافق وخايف يشوف زبون غيري
.......
أمل لهشام / انت هتفضل ايدك علي وشك كده
هشام/ اعمل ايه ماهو الحلاق اللي حلقي النهاردة لسه جديد في الكار
امل/ خلاص بقي هتعملها حكاية
هشام/طيب اصبري عليه
امل/ هتعمل ايه
هشام/ لما تقومي من النوم الصبح هتعرفي
أمل / ليه ايه اللي هيحصل
هشام/ شعرك الجميل الحلو دا اللي بتفرديه وبيجنني ده هتصحي من النوم مش هتلاقيه
امل/ ولما تقصه هتتجنن ازاي
هشام/ بتهزري حضرتك
امل/ ههههههه روق يا اتش
هروح اشوف الولاد بيعملوا ايه
يدخل هاني وفي أيده والدته وعمه وقرايبه
مراد يوقف يرحب بيهم
وعد تبتسم بخجل
امل/ الأكل  دا هيكفي المعازيم
نورهان/ هيكفي الأكل كتير كويس إننا زودنا
وعد تقرب منهم
نورهان/ ايه اللي موقفك هنا
وعد/ بصراحة مكسوفة
امل/ هههههه لأ وانتي وش كسوف اوي
نورهان/ صحيح يا وعد انتي مكسوفه من ايه دي خطوبة يعني
ههههههههه
..................
هاني لهشام/ نلبس الدبل دلوقتى عيال ما يجي المأذون
هشام/ اللي يشوفه بابا ووعد
مراد/ زي متحبو
ينادي لوعد
وعد وهاني جمب بعض
هاني بهمس لوعد/ هي الدبله في اليمين ولا الشمال انا نسيت
وعد/ يمين انت متلخبط ليه
هاني/ انا مش تلخبط انا قلبي هيوقف
هشام / هات الدبله انا البسهالها
وعد/ آه خلي هشام يلبسني الدبله
نورهان بهمس لأمل / شوفتي العريس مكسوف ازاي
يانهار بقي دا هيتجوز وعد استحالة أصدق
امل/ هههههههه بس لايقين علي بعض مش كده
مني لمنال / زغرطي ولا مبتعرفيش
منال بضيق/ اللوز تعباني
مني/ يا بت بطلي استعباط زغرطي بقي وافرحي ليهم عقبال مشوفك زيهم
...........
يدخل حسن
حسن / انا بقي جيت من غير دعوة ولا عزومه
مش واجب بردو كنتي تعزميني يا وعد
الجميع في دهشة
مني/ يخربيتك انت ايه اللي جابك
يشاور مراد لعم عبده
وعد الدموع
في عينها
هاني/ متخافيش يا وعد انا هتصرف
فريدة/ مين دا يا هاني
........................
#عودة امل3
بقلمي📝
#بوسي مصطفي