عودة أمل 💛

الحلقة ٢٠

الحلقة العشرون
#عودة امل3
#بوسي مصطفي
.......................
...........
يدخل حسن
حسن / انا بقي جيت من غير دعوة ولا عزومه
مش واجب بردو كنتي تعزميني يا وعد
الجميع في دهشة
مني/ يخربيتك انت ايه اللي جابك
يشاور مراد لعم عبده
وعد الدموع في عينها
حسن/ متخافيش يا وعد انا هتصرف
فريدة/ مين دا يا هاني
..............
هشام يجري ناحية حسن يحاول يخرجه
هاني يترك وعد ويقرب من هشام ويحملوا حسن خارج الفيلا
في الجنينه
حسن/ بقي دي اخرتها يا هشام بيه
هشام/ جاي ليه يا حسن مكفاكش كل اللي عملته قبل كده
هاني/ الظاهرة العلقة اللي اخدها مني مكنتش كفاية وجاي بقي علشان أكمل عليه
حسن /بس يالا انت أتكلم علي قدك
هاني/ لو قربت من هنا تانى مش هيحصلك طيب
هشام/ اسمع الكلام وأمشي بكرامتك يا حسن
حسن/ انا جاي اشوف بنتي
هشام/ واللي جاي يشوف بنته يتهجم علي بيوت الناس كده وبعدين دلوقتي افتكرت بنتك يا أخي دا انت مشوفتهاش ولا تعرف شكلها ايه فاكر لما اتصلنا بحضرتك علشان تاخدها تسجلها قولتلنا ايه وفي الآخر اخدت انا اختي وروحنا سجلناها
حسن/ بس دي بنتي ومفيش قوة بقي هتمنعني اني اشوفها
تخرج وعد بانفعال / انت لسه واقف هنا
عم عبده ارميه بره
حسن/ ماشي يا وعد هتندمي وبكره افكرك بنتى انا هاخدها بالقانون ماانا مش هسيب بنتي لراجل غريب يربيها
هشام / جيبها علي بلاطه يا حسن عايز كام
حسن بمكر/ كنوز الدنيا كلها متسواش حاجة في نظري قصاد اني اشوف بنتي واخدها في حضني
وعد بسخرية / تصدق الدمعه هتفر من عيني لأ ممثل شاطر اوي
هشام/ لو الفلوس متهمكش مكنتش ساومتني علشان تطلق اختي وتطلع من الجوازه بكام مليون أهو يسندوا بردو الحياة صعبه
هاني/ يا جدعان انتوا بتتكلموا مع مين دا واحد جبله ومعندوش إحساس
يهجم حسن علي هاني تصرخ وعد
هشام / شيل الواد دا بره يا عم عبده ولو جه هنا تاني متفتحلوش
حسن وهو بيخرج من البوابة /هندمك يا وعد وبكره افكرك
هحرق قلبك قصاد اللي عملتيه انتي واخوكي فيه
هشام بيطبطب عليها / متخافيش دا لسان علي الفاضي
يدخلوا جوه
مراد/ ايه يا هشام عملت ايه
هاني /اطمن يا عمي اترمي بره وعمره مهيهوب هنا تاني
هشام/ يلا يا جماعة نتم الموضوع كفاية كده علشان الناس متتكلمش

فريدة تهمس لهاني / انا من الأول مش مستريحة للموضوع ده
هاني /ماما مفيش حاجة
فريدة/ انت لسه مصمم علي الجوازه دي
هاني/ بعد اذنك يا ماما
يقرب هاني من وعد
يدخل المأذون
هاني لوعد/ مش مصدق نفسي اني بعد دقايق هكون جوزك
وعد تبتسم بخجل
هشام/ يلا يا عم انت وهي ولا مش عايزين تتجوزوا
هاني بمزح/ لايمني علي المأذون خلينا نقعد براحتنا بقي
هشام/ نعم. ...أعمل حسابك مفيش قاعدة ولا الكلام ده إلا لما تروح شقتك
هاني/ خلاص يا عم في ايه طب حتي أمسك أيدها طيب
شكلنا وحش قدام الناس
هشام/ بعد كتب الكتاب
.............. ....................
في فيلا عاصم
علي السفرة
مديحة/'كلب بقي يا سها انتى مبقتيش تسمعي كلامي زي الاول
عاصم/ بالراحة علي البنت شوية خليها تاكل اللي نفسها فيه بلاش تاكليها اللي علي مزاجك انتي
يدخل علاء/ مساء الخير
تجرى شهد تحتضن والدها
علاء يحتضنها بقوة يكاد يكسر عظامها من كثرة الاشتياق
تنادي مديحة علي الخادمة
مديحة/ خدي سها تغسل أيدها وغيرلها هدومها علشان تنام
عاصم بحرج/ تعالي يا ابني اقعد
علاء/ انا كنت جاي اخد شهد تقعد معايا يومين وحشاني ونفسي اشبع منها
مديحة بفزع/ تاخدها فين؟ !...عايز تاخد بنتي مني
علاء /يا طنط
مديحة مقاطعه/ محدش هياخد سها مني
علاء /خالي قول حاجة
عاصم/ سبيلوا البنت يا مديحة أبوها ومن حقه ياخدها تعيش معاه
تصرخ مديحة وتطلع فوق وهي بتقول/ محدش هياخد سها مني. ..سامعين محدش هياخدها مني
علتء/وبعدين يا خالي بقي هو انا اتحرم من مراتي وبنتي يرضى مين دا يا ناس
عاصم/ هي بتفكر زيك كده بالظبط يعني هي اتحرمت من بنتها كمان تتحرم من شهد
علاء/ يا خالي انا مقدر كل اللي حضرتك بتقوله بس من الطبيعي إن بنتي تعيش معايا انا في بيتى مش في بيت جدها في حضن أبوها مش حضن جدتها وانا عمري مهحرمها منكو ابدا خميس وجمعه تبات معاكو واخدها السبت قولت ايه
عاصم/ هتكلم مع مرات خالك الأول علشان تتقبل الموضوع بس أصبر شوية ومتستعجلش ولو علي شهد تعالي كل يوم اقولك كل دقيقة قضي اليوم كله بعد الشغل معاها فترة بس وهتعدي لما امهد لمديحة الموضوع
علاء /حاضر يا خالي بس ياريت المده متطولش
..............
في فيلا مراد
في غرفة هشام
أمل / أدخل
منال/ ناديتي عليه يا مدام كنتي عايزة حاجة
امل/ تعالي يا منال
تقرب منال
أمل ببتسامة/ مالك بقي شكلك زعلان بقالك مده كده ايه مش مستريحه هنا
منال/ لا يا مدام انا مستريحه عندكو ومفيش حاجة
تقرب أمل من الدولاب وتخرج كام فستان
امل/'قربي يا منال وقوليلي رأيك
منال / رأيي في ايه
امل/ أنهي احلي الأسود ولا الأحمر ولا الأزرق ولاالموف
منال/ بصراحة كلهم احلي من بعض تدوبيهم في عرق العافية
امل/ خلاص طالما محتاره كده خديهم كلهم
منال بدهشة/ اخدهم. ..بس دا كتير اوي
امل/ مش كتير ولا حاجة قسميهم بينك وبين مني
منال/ حاضر
..........تخرج منال من الغرفة
أمل علي الباب تشوف وعد
امل/ ايه يا وعد بتعملي ايه
تخرج أمل وتقرب من وعد
وعد بضيق/ مفيش
تدخل وعد. ...أمل تقفل الباب
امل/ في ايه مالك
وعد/ عارفة يا أمل انتي واللي زيك تستاهلوا كل إللي يجرالكوا
أمل ببتسامة/ مالك قابله كده ليه انا عملتلك حاجة
وعد/ لأنك مبقتيش تصعبي علي عارفة ليه لانك مصممه تبقى عبيطة وطيبه بزيادة
كانت بتعمل ايه عندك البت دي
امل/ مين ؟..آه تقصدي منال.يا بنتي دي بنت غلبانه
وعد/ لسه بتدخليها اوضتك
امل/ وفيها ايه
وعد / طيب بقي ياريت في يوم تدخلي تلاقيها نايمه جمب جوزك وساعتها هفرح فيكي
أمل بدهشة /يا لهوي قلبك اسود اوي من ناحيتي أنا عملتلك ايه وعد/ علشان غبيه وعمرك مهتتعلمي يا أمل
امل/ متقوليلي في ايه بدل الألغاز دي كلها
وعد/ فاكره كلام دينا عن هشام لما قالت إنها شافت منال خارجة من اوضته
امل/ اه بس انتي عارفة إن دا كله كدب مش انتي اللى قولتي كده
وعد/لا يا يااختي دا فعلا حصل
امل/ يعني ايه هشام بيخوني كان بيستغفلني الوقت دا كله
وعد/ ايه قطر معدي متهدي بقي خليني افهمك
امل/ تفهميني ايه دا هطربقها علي دماغها ودماغة
وعد/ يا بنتي هشام معملش حاجة انا سمعت الحوار كله اللي دار بين دينا ومنال لما خرجت من الاوضة
امل/ وسمعتي ايه بقى سمعيني قبل مرتكب جنايه في البيت ده
وعد/ اعقلي بقي خليني اعرف أتكلم
الست دينا هانم كانت متفقه مع منال انهم يوقعوا هشام علشان تشكي فيه وحياتكو تتلخبط وبعد الشر يعني تنفصلوا
امل/ ازاي يعني
وعد/ معرفش بس انا سمعتها بتقول مقدرتش. ..مقدرتش اعمل ايه
امل/ مقدرتش؟!!...مقدرتش علي ايه وقعتها مهببه
تخرج أمل مندفعه
وعد/ استني يا مجنونه هتعملي ايه
في الوقت ده منال ومنى في المطبخ
مني / ايه يا بت مالك وايه اللي في ايدك ده
منال/ بواقي الهانم خديه مش عايزاه
وترمي الهدوم علي الأرض
مني/ ايه يا بت ده حد يعمل كده
تنحني مني لاخذ الملابس
مني بانبهار/ كل ده ومش عاجبه. ..تصدقي بقي فيها الخير دي الهدوم جديدة كانها متلبستش
منال بانفعال/ مش عايزة حاجة. ..مش عايزة حاجة من ريحتها
تدخل أمل المطبخ بانفعال
وعد/ استني بس يا أمل
منال ومنى واقفين في دهشة
مني/ في حاجة يا ست أمل
أمل مندفعه ناحية منال
أمل بأنفعال لمني/ وسعي بقي كده
وعد/ اهدي يا أمل لايحصلك حاجة
أمل ممسكه بمنال/ شوفي انا طيبه آه بس كله إلا جوزي دا انا اقطعك هنا قوليلي يا بت انتي اتفقتي عليه ايه مع اللى متتسماش
منال بارتباك/ اتفقت. ..اتفقت على ايه
وعد/ متستهبليش وقولي بينك ايه وبين دينا اتفقتي معاها  علي ايه
منال ببكاء/ انا معرفش انتوا تقصدوا ايه
مني/ منال معملتش حاجة من اللي قالتهالها الست دينا
منال/ اسكتي يا مني
امل/ اللي هي ايه بقي اتكلمي
منال ببكاء/ هقول. ..هقول بس سيبي أيدي يا مدام
أمل تركتها
امل/ ها قولي
منال بدموع/ الست دينا اتفقت معايا اني ادخل أوضة الدكتور هشام وحضرتك مش موجودة
امل/ ليه بقي
منال بحرج/ اني يعني أوقعه في الغلط علشان حضرتك تتخانقي معاه وتسيبي البيت
أمل تهجم علي منال/ وقعتك مهببه دا انا هقتلك الليلة
منال بتصرخ ووعد بتخلصها من ايد أمل
هشام يدخل / في ايه
يقفوا كلهم بارتباك
هشام/ محدش فيكو بيتكلم ليه
وعد/ أصل. ..أصل منال حرقت الأكل اللي أمل طبخته
منال بدموع / غصب عني يا بيه
هشام/ خلاص يا أمل محصلش حاجة
اخرجوا من المطبخ
أمل بهمس لمنال/ حسابك معايا بعدين
.......................
تخرج أمل ووعد
امل/ مين اللي قاعد في الصالون ده
وعد/ دا معتز صاحب هشام
بس بقولك اوعي تروحي عندهم دمه تقيل ورخم
هشام لأمل / قولي لمنال تجهز العشا
................................
في شقة حسن ....في الصباح
سوسن بانفعال/ بقولك ايه يا حسن طلقني
حسن/ اوي اوي معنديش  مانع بس تتنازلي عن كل حاجة
سوسن/ نعم
حسن/ مش انتي اللي كارهه العيشة معايا
سوسن / وانا كارهه العيشة معاك ليه
مش من عمايلك انا الاسم متجوزة لكن جوزي فين بيروح بيسهر كل ليلة ويبات فين معرفش حتي مصاريف البيت مش عايز تشارك فيها يبقي أعيش معاك ليه
حسن/ خلاص يبقي تتنازلي عن الشقة
سوسن/ بس دي شقة ابني ومش هسيبها
حسن/بعد مطلقلك اقعدي فيها معنديش مانع  بس ترجع باسمي
جرس الباب يرن
يقرب حسن يفتح الباب
يتفاجأ بظابط / معانا أمر من النيابة بالقبض عليك
تصرخ سوسن/ ليه يا بيه هو عمل ايه
الضابط/ هيعرف لما يجي معانا
يشاور الضابط للعساكر / خدوه
سوسن تعيط وتصرخ. ..يخرجوا الجيران
جاره/ في ايه يا سوسن البوليس اخد جوزك ليه
سوسن ببكاء / معرفش يااختي مقلوش حاجة
جاره أخرى / طب ادخلي البسي هنادي لجوزي يجي معاكي القسم يشوف فيه ايه
....................
في فيلا مراد
هشام/ هههههههه يا مجنونه
وعد/ اومال لو شوفتها وهي ماسكه في رقبة البت وبتقولها انا طيبه اه بس كله إلا جوزي
وعد/ ههههه مكونتش اعرف انك شرسة اوي كده
امل / اصلك مجربتنيش قبل كده وكله إلا جوزي وولادي اللي يقرب منهم اكله بسناني
يبتسم هشام
وعد/ ياواد يا خطر انت ههههههه
هشام/ ههههههه
أمل / بتضحكو؟!...اومال كنت اعمل ايه
هشام/ متعمليش حاجة انا اللي هعمل
امل/ هشام اوعى تكون
هشام / هو دا اللي هيحصل البنت دي مبقاش ليها أمان خلاص وقعادها في البيت بقي مستحيل
ينادي لمنال
أمل /بلاش يا هشام هي اكيد حست بغلطتها وعمرها مهتكررها
منال/ نعم يا بيه
هشام يخرج فلوس/ دا حسابك شهر كامل تاخدي بقي حاجتك ومشوفش وشك هنا تاني
منال ببكاء /علشان خاطري يا بيه آخر مره أنا عارفة اني غلطانه
تخرج مني من المطبخ بحزن
امل/ علشان خاطري يا هشام خلاص. ..كويس انها جات علي قد كده وهى كمان عرفت غلطها ومنفذتش اللي دينا قالت لها عليه
هشام/ خلاص مبقتش أثق فيها ولا ااتمنها علي ولادي
مني / معلش يا بيه آخر مره هي تابت خلاص ومش هتعمل كده تاني
عم عبده/ يا بيه
هشام/ في حاجة يا عم عبده
عم عبده / في محضر جاي من المحكمة معاه ورقة وعايز الست وعد تمضي عليها
هشام لمنال ومني/ ادخلوا انتوا دلوقتى
خليه يدخل يا عم عبده
وعد/ يا تري في ايه
يدخل المحضر
وعد / ورقة ايه دي
المحضر /دا طليقك رافع دعوي بضم بنته لحضانته
وعد / ايه

المحضر/ الأفضل انها تمضي وتحضر الجلسه في المحكمه علشان ميحكموش غيابي وياخدوا البنت
وعد ببكاء/ الحقني يا هشام
هشام/ أمضي دلوقتي وبعدين نتكلم
وعد بدموع/ شايف يا هشام عايز ياخد بنتي مني
أمل بتطبطب عليها وتحتضنها
وعد/ انا مش عايزة أتجوز انا مش عايزة غير بنتي
محدش هياخدها مني
هشام/ متخافيش يا وعد احنا هنتفاهم معاه وعارفين ديته ايه أهو هياخد قرشين ويسكت هو عامل دا كله علشان يطلعله بمصلحة هو لا عايز بنته ولا عمره أشتاق ليها
..................
في شركة مراد
مراد في التليفون / ايوه دا آخر كلام عندى
مدحت/ خلينا نتفاهم بالذوق أفضل يا مراد بيه
مراد/ اتفاهم مع مين انتوا اصلا ناس مبتجيش بالذوق
قول لاختك مبقتش تلزمني وورقة طلاقها هتوصلها بس في الوقت المناسب
مدحت/ وابنك اللي في بطنها
مراد/ ابني انا هعرف اخده ازاي ماهو مش هسيبه لوحده زيها تربية
مدحت/ انت كده بتغلط جامد وانا بقي عملت اللي عليه وان كان علي اختي هي رافضه الرجوع اصلا بس انا قولت أدخل وسيط وبلاش خراب البيوت ده
مراد / لأ فيك الخير
مدحت/ خلاص بقي يبقي انت واضح انك عايز الموضوع يوصل للمحاكم
مراد/ حقوق اختك هتوصلها لحد عندها انا مبظلمش حد
ومش خوف منك بس فعلا برغم كل اللي عملته انا مش هظلمها وأكل حقها وهطلع أصيل مع واحده. ....
مدحت/ سكت يعنى
دينا بصوت عالي / انت بتتفاهم مع مين دا واحد ضربني واهاني قدام الكل وانا هردهالك يا مراد بس في أعز حاجة عندك
مراد/ قول لاختك مراد الاسيوطي مبيتهددش وخليها تعمل اللي تعمله
مدحت/ يعنى دا آخر كلام عندك
يقفل مراد التليفون بانفعال
دينا / شوفت مش قولتلك متكلموش أهو طلع قليل الذوق معاك وقفل التليفون في وشك
مدحت/ هاتيلي رقم عادل ده
دينا/'هتعمل ايه
مدحت/ هنتقم من مراد وولاده
.........................
في قسم الشرطة
الضابط/ احسنلك تعترف يا حسن التهمه لبساك لبساك
حسن /يا باشا اعترف بايه انا معملتش حاجة
الضابط/ حسن انت دخلت شقة المجني عليها سعدية عكاشة الساعة واحده صباحاً وفتحت الباب بنسخة من المفتاح اللي مع زوجتك ابنة المجني عليها
حسن/ يا باشا انا هدخل ازاى وهي يعنى مهتشوفنيش
وبعدين لو عايز أدخل هرن الجرس عادي دا بيت حماتي
الضابط/ وهو اللي داخل يسرق هيخبط بردو يا حسن
حسن / طب انا هسرقها ليه هي حيلتها حاجة تتسرق
الضابط بانفعال/ بلاش استعباط يالا
انت كنت عارف ان دهب زوجتك عند والدتها في الشقة وزوجتك قالت في المحضر انك دائم الشجار معاها بسبب ضيق الحالة المادية وتطاولت عليها بالضرب أكثر من مره وفي مره منهم كانت بعد علمك بوجود الدهب في شقة حماتك اللي هي المجني عليها
دخلت الشقة بالمفتاح بعد معملت نسخة تانية من مفتاح زوجتك نزلت مفاتيح الكهربه علشان المجني عليها متشوفكش وتتعرف عليك
حسن/ كان ممكن تشغل كشاف يا بيه
الضابط / قبلها بيوم بدلت كشاف الكهربه بتاعها بواحد تانى طبعاً متشاحنش لأنه لسه جديد
واحد الجيران شاهدك قبلها بيوم طالع بكشاف
دخلت شقة المجني عليها وبدلت الكشاف واخدت القديم وطبعاً فهمتها أنك وصلته بالكهربه لكن من المعاينة وجدنا سلك الكشاف مقطوع بالرغم إنه لسه جديد
حسن /كل اللي حضرتك بتقوله ده استنتاج مهوش دليل يثبت عليه التهمه
الضابط/ آه انت بقي خريج حقوق وهتعملي فيها راجل قانون بس انت متعرفش إننا معانا قطعه من المسروقات اللي حضرتك سرقتها
حسن/ ايه
يشاور الضابط للعسكري/ هاتلي الراجل اللي جه من شوية
العسكري /تمام يا فندم
حسن واقف بقلق
يدخل العسكري وفى أيده صديق حسن اللي كان بيسهر في شقته
الصديق /يخربيتك يا حسن ودتني في داهية
حسن / انا اعرفك يا جدع انت
الضابط/ اسكت انت وهو
مش دا يا حسن صاحبك اللي ياما سهرت في شقته وشربت معاه الهباب اللي بتتعطاه
اعترف يا حسن احسنلك احنا لاقينا بعض اسورة  من دهب زوجتك عنده ودا بسؤال أختها أكدت إن دي نفس الاسورة  اللي شافتها قبل كده فى أيد زوجتك
دخل المدام اللي واقفه بره
تدخل سوسن. ...ينهار حسن
........
في شركة رفعت حامد
في مكتب عادل
عادل/ تشربوا ايه الأول
مدحت/ احنا بنقول ندخل في الموضوع
عادل/ وانا بقول الصفقه دي مش هاخد فيها أقل من عشرة مليون
دينا/ هو بصراحة يا عادل بيه الموضوع مفيهوش لا أدوية ولا شغل خالص
عادل/ نعم يعنى ايه
مدحت/ احنا جايين في موضوع تاني بس مصلحة ليك بردو
عادل/ وليه بقي جو الافلام والقصة اللي عملتوها في التليفون وهيبقي في شغل كبير اوي يا عادل بيه والكلام دا كله
دينا/ هو الموضوع يهم حضرتك انت وسامي اخوك ووالدك كمان
عادل /انا مش فاهم حاجة
مدحت/ انا هفهمك
انت طبعاً تعرف مراد وهشام الاسيوطي صاحب شركة الأدوية المنافسة لشركتكم
عادل بضيق/ ايوه أعرفهم
دينا/ ونعرف كمان انك ليك تار مع هشام ابن مراد بسبب البلاغ اللي قدمه في مصنعكم واتقبض علي والدتك ومات في السجن
عادل/ وانتوا بقي عايزين ايه من دا كله
مدحت/ أمل بنت نادية بنت عمك اللي هي مرات هشام مراد دلوقتي
عادل/ آه مالها
دينا /كان ليها ميراث عندكو واخوك عمل فيها شهم ورجعلها اتناشر مليون
عادل/ بقولكو ايه انتوا عمالين تحوروا وتقولوا حاجات انا عارفها كويس الخلاصة يعنى عايزين ايه
مدحت/ أمل شريكة معاك انت واخوك في الشركة
عادل / نعم؟ !!!!
دينا/ سامى اخد منها الفلوس مقابل إن يكون ليها نسبة في الشركة والأرباح بتوصل للهانم كل شهر
يقوم عادل منفعل/ انتوا بتقولوا ايه
مدحت/ اهدي بس علشان تعرف تاخد حقك وكمان تنتقم من هشام اللي سجن والدك
عادل /حسابك معايا يا سامي
دينا / حسابك مع أمل مرات هشام
عادل/ السبب كله من الغبي اخويا
مدحت /وانت هتستفيد ايه لما تزعق شوية لاخوك وخلاص شراكة أمل بقت أمر واقع المهم دلوقتي تفكر ازاي تاخد العقد منها وترد كرامتك وكرامة والدك
عادل / تقصد ايه
دينا/ تخطفها
عادل/ أنا مليش في شغل الحريم ده
دينا/ أمل كل جمعه بتروح عند خالها وبتكون لوحدها انت وشطارتك بقي
عادل/ وانا بقي هستفيد ايه من خطفها
مدحت/ عندي ليك خطه استحالة تتكشف
دينا/ المهم تتخطف وتتعذب وتضرب ولو أمكن كمان تتقتل يبقى مفيش مانع
عادل /دا انتي محروقة منها اوي
دينا/ حظك حلو الهانم حامل في الشهر السابع يعني لا هتقدر تجري ولا تقاوم هتدلك علي مكان العقد بكل سهولة بس متنساش تعذبها علشان تحرق قلب جوزها عليها زي ماهو حرق قلبك علي والدك
مدحت / وانا شايف انك متتكلمش مع اخوك في حاجة لأنه مش هيفيدك أمل اخدت منه كل الضمانات اللي تضمن بيها الفلوس وتأكد انها شريكة معاكو هنا في شركة والدك اللي تعب فيها علشان يكبرها
عادل / حسابك معايا بعدين يا سامى
مدحت/ بس انت متعرفناش ولا عمرك شوفتنا
عادل/ اطمن انا هاخد بتاري وانت واختك متهمونيش في حاجة
......   .............. ..
فى شقة حسن
صفاء/ بدل ما انتي عماله تعيطي وحاطه ايدك علي خدك كده قومي اشتغلي علشان تأكلي  ابنك ده
سوسن ببكاء/ باعني وسرقني وقتل امي
عملتله ايه علشان يعمل فيه دا كله
صفاء/ لو هو غلط وطلع حرامي وقتال قتله الحق مش عليه
سوسن/ يعني ايه
صفاء/ الحق علي اختي اللي آمنت لراجل زي ده
ياما قولتلك دا ميتعاشرش مفيهوش أي ميزة كنتي بتحبيه علي ايه
سوسن/ مكنتش شايفة حبي ليه خلاني مش شايفة غير مصلحتي وبس
صفاء/ امي ماتت واستريحت من كل القرف ده
وانتي بقي طلعتي مني الجوازة  بالشقة دي
حافظي بقي عليها وربي ابنك 
سوسن/ اصرف عليه منين بس
صفاء/ انزلي اشتغلي انا شوفت لك شغلانه عند واحد بيه متريش وايده فرطه البت سميرة قالتلي عليه وعايز واحده تكون مش متجوزه
سوسن/ ايه؟!!... بس دا يتخاف منه
صفاء/ يا عبيطة دا علشان دايما عنده سهرات في البيت وبيحضرها ناس ايه وهتاخدي بقشيش منهم دا غير إن اكلك ولبسك ومصروف ايدك هيدهولك دا بره مرتبك خالص
ها قولتي ايه
سوسن/ بس الواد هوديه فين وكمان حكاية السهرات والحاجات دي انا خايفة منها
صفاء/ يا بت انتي هتقدميلهم اللي يطلبوه وتدخلي المطبخ تاني وبس ايه اللى يخوفك وإن كان علي الواد هاخده عندي بس متنسنيش بقي انا والعيال لازم ينوبنا من الحب جانب شوية لحمه شوية فاكهة هدوم حاجات كده
سوسن/ انا هجرب يوم ولا اتنين وبعدها أفكر
صفاء/ ماشي يااختي فوتك بعافية الأكل عندك في المطبخ ابقي كلي وكمان جبتلك علبة لبن لابنك
سوسن/ مش عارفة من غيرك يا صفاء كنت عملت ايه
صفاء / متقوليش كده احنا أخوات
تخرج صفاء يقابلها وحيد علي السلم
وحيد/ ها عملتي ايه
صفاء / متقلقش هتوافق بس انت ابقي زود الحنيه شوية وأنزل هاتلها طلبات البيت
وحيد/ حاضر المهم المصلحة تتم
............................
في فيلا مراد
هشام في المكتب. ..تدخل أمل بالقهوة
أمل بصوت متعب/ القهوة يا حبيبي
هشام ببتسامة/ متشكر يا روحي
امل/ محتاج حاجة تانى
هشام/ ايه هتنامي
امل/ تعبانه ومش قادرة علي السهر
هشام بقلق/ ليه مالك
امل/ الحمل تعبني اوي بقالي كام يوم مش مستريحه
هشام/ ليه يا أمل في ايه
امل/ قلبي مقبوض خايفة يحصلي حاجة وانا بولد
هشام/ بعد الشر عليكي. ...إن شاء الله تقومي بالسلامة
قربي بقى ساعديني شوية في الشغل
امل/ بقولك تعبانه تقولي شغل
هشام/ دا شغل سهل اوي تعالي بس
تقرب أمل من المكتب
امل/ اعمل ايه بقي
هشام/ اقعدي الأول
امل تنظر للكرسي بدهشة/ اقعد فين
هشام/ هنا
امل/ نعم اقعد علي الكرسى اللي انت قاعد عليه
هشام/ متخافيش رجلي تستحمل
امل/ بتستهبل صح
هشام يقوم/ههههه تعالي بقي اكتبي علي اللاب أسماء الأدوية دي
تقرب أمل وتقعد
امل/ بس واحده واحده انا بردو علي قدي
هشام/ ههههه حاضر هقولك كلمة كلمة
امل/ متكتب انت وخلاص
هشام/ أيدي وجعتني بقالي ساعتين بكتب
يلا بقي اكتبي. ........
امل/ لا قولي حرف حرف
هشام/ نعم. ..يبقي مش هنخلص الليلة
امل/ هشام انا مليش في الحاجات دي
هشام/ خلاص  واضح انك   تعبانه فعلا وانا كمان تعبت يلا نطلع ننام
.................
#عودة امل3
بقلمي📝
#بوسي مصطفي