عودة أمل 💛

الحلقة ٢١

الحلقة الـ 21
#عودة امل3
#بوسي مصطفي
........................
هشام يقوم/ههههه تعالي بقي اكتبي علي اللاب أسماء الأدوية دي
تقرب أمل وتقعد
امل/ بس واحده واحده انا بردو علي قدي
هشام/ ههههه حاضر هقولك كلمة كلمة
امل/ متكتب انت وخلاص
هشام/ أيدي وجعتني بقالي ساعتين بكتب
يلا بقي اكتبي. ........
امل/ لا قولي حرف حرف
هشام/ نعم. ..يبقي مش هنخلص الليلة
امل/ هشام انا مليش في الحاجات دي
هشام/ خلاص  واضح انك   تعبانه فعلا وانا كمان تعبت يلا نطلع ننام
........................
في فيلا مراد. ...في الصباح
نورهان في التليفون لعمر / لأ تمام الولاد كويسين
خلاص يبقي بالليل لو مشغول هشام هيبقى يوصلني
سلام
نورهان / ايه يا وعد مش تباركلنا
وعد/ مبروك
نورهان/طب مش تعرفي الأول بتباركي علي ايه
وعد/ أهو خبر حلو وخلاص
نورهان/ بدأنا بني في الأرض اللي اخدناها وطلعنا بأول دور
تيجي أمل تقعد معاهم
امل بفرحه/ مبروك يا وعد عقبال متفتتحوا الشركة بس تعزمونا بقي
نورهان / انتوا اول ناس تدخل الشركة علشان تنوروها
بس يكون الكرش دا مش موجود علشان تعرفي تدخلي من الباب
امل/ هههههههه
نورهان / هي وعد مالها
امل/ أصلها زعلانه علي المحروس
وعد بانفعال/ انا مش زعلانه عليه انا زعلانه علي بنتي أقولها ايه لما تكبر
نورهان/ متقولولي في ايه
امل/ البيه اتسجن قتل حماته وسرقها
نورهان بدهشة/ حسن
امل/ ايوه حسن
نورهان/ وانتي بقي زعلانه دا المفروض تفرحي كده مش هيعرف ياخد بنتك منك ولا هيشوفها
وعد/ بس لما تسأل عنه أقولها ايه ؟
في السجن !
نورهان / قوليلها مات وريحنا
امل/ اااااه
نورهان / مالك يا أمل
امل/'بقالي كام يوم تعبانه اوي
وعد/شكلك هتعمليها وتولدي
نورهان/ بس لسه بدري علي الولاده
امل/ بس تعبانه مش عارفة دا من ايه
نورهان/ وساكته علي نفسك ليه
امل/ اعمل ايه مش لاقيه حد يروح معايا هشام مشغول ووعد بتجهز بيتها وانتي بولادك وبعدين بقول اهو وجع وهيروح
نورهان/ازاي بس يا أمل مفروض متسكوتيش علي التعب ده انا هروح معاكي بكره للدكتورة نطمن عليكي
امل/'متشكرة يا نور هشوف البنات خلصوا الأكل ولا لسه
تقوم أمل تدخل المطبخ
نورهان/ متفوكي كده يا وعد بلاش التكشيرة دي جوزك زمانه جاى يقول ايه عليكى بس
وعد/ خايفة من اللي جاي مش عارفة ايه اللي مستخبي
نورهان/ خير... ان شاء الله. ... وبعدين هاني ابن حلال مش زي حسن دا ابدا
وعد/ قفلي علي سيرته انا عايزة أنساه
.......................
صفاء لسوسن عند أحد الفلل
صفاء/ يا بنتي اتحركي مالك واقفة كده ليه
سوسن/ مش مطمنه وقلبي مقبوض
صفاء/ يا بنتي دا باب الهنا والسعد قدامنا تعالي بقي خلينا نخبط عليه ويفتحلنا بابه
سوسن /يلا يااختي منشوف الباب دا وراه ايه
صفاء للبواب/ لو سمحت يا عم احنا جايين من طرف سميرة اللي شغاله هنا
ينظر ليهم البواب من فوق لتحت / آه أدخلوا
سوسن/ مالو الراجل ده بيبص لينا كده ليه
صفاء /متساليش علي حاجة هنا امشي وانتي ساكته
سوسن بانبهار/ يالهوي كل دا بيت
صفاء بفرحه/ اومال لو شوفتي اللي جوه ادخلي ادخلي
تقابلهم سميرة
سميرة / يا الف نهار ابيض سوسن عندنا  حته واحده
سوسن/ لأ حتتين ازايك يا بت يا سميرة مالك نضفتي كده ايه اللي انتي لابساه ده دهب دا يا بت
سميرة وفي بوقها اللبانه/ دهب وياقوت والماظ وكل حاجة بس ادخلي وانتي هتتنغنغي
تدخل سوسن جوه
سوسن/ ايه دا كله دا قصر مش بيت يا بت
سميرة /'اقعدوا لما اجيبلكو حاجة تشربوها
صفاء/ يا بختك يا بت يا سوسن هتعيشي هنا
سوسن/ يااختي هعيش هنا فين دا انا هبقي مجرد خدامه
سميرة تيجي بالعصير
صفاء/ هو مفيش حد هنا يا بت
سميرة/ البيه نايم فوق
سوسن/ نايم لحد دلوقتي احنا بقينا المغرب
في الأعلي
سليم بيه صاحب الفيلا يقبل فتاة ويعطيها نقود
سوسن بالاسفل بهمس/ يالهوي حد يعمل كده قدام الناس
هي دي مراته
تسكت سميرة ....تنزل الفتاة تنظر لهم ثم تذهب
سوسن/ يالهوي ايه اللي هي لابساه ده
صفاء/ اسكتي ملناش دعوة
سليم/ سميرة اعمليلي فنجان قهوة وهاتهولي في اوضتي
سميرة تصعد لأعلي بسرعة
سميرة /عندنا ضيوف يا بيه
سليم/ مين الضيوف دول
تهمس سميرة ل سليم
سليم/ آه. ..آه. ..خليني اشوفها الأول تنفع ولا لأ
سميرة/ حاضر يا بيه
ينزل سليم وينظر لصفاء وسوسن نظرة ثاقبه
سليم/ مين فيهم اللى هتشتغل
سوسن باضطراب/ انا يا بيه
سليم بهمس / هي حلوة بس محتاجة شغل كتير
سميرة/ ولا يهمك يا بيه انا ههيءها واخليها زي الفل
سليم/ عندنا حفلة الليلة عايز كل حاجة تمام
سميرة بثقة/ كله هيبقى تمام يا بيه متقلقش
سليم/ انا هطلع استريح شوية وجهزي انتي كل حاجة علي الساعة عشرة
يصعد سليم للأعلى
سوسن/ هو في ايه يا بت يا سميرة هو الراجل دا ماله
سميرة/ وافق انك تشتغلي من الليلة
سوسن/ اشتغل الليلة بس انا مش عايزة اتأخر انتي عارفة ظروفي
سميرة / جرا ايه يا سوسن انتي عايزة تشتغلي ولا لأ متقولي حاجة يا صفاء
صفاء/ اسمعي كلامها يا سوسن واللي تقولك عليه اعمليه
سميرة/ الشغل هنا يبدأ من تسعة ويخلص علي سته الصبح
سوسن/ سته الصبح ايه ؟ والواد
صفاء/ متخافيش عليه هيكون معايا وأبقى عدي الصبح خديه
سميرة/ يلا يا صفاء انتي بقي اتفضلي وسبيلي سوسن
صفاء/ امشي يعني
سميرة/ لأ استني يااختي خدي حاجة للعيال
..........................
في فيلا مراد
وعد لهاني/'طب شوف اللون ده عجبني اكتر
هشام/ يا بنتي دا خامس لون تختارية ويعجبك اقولك اعملي أي لون يا وعد وخلصينا
وعد/ في ايه يا هشام مش لازم اختار لون شقتي
هاني/'اختاري يا حبيبتي اللي يعجبك
مراد/ الفرش هختاروا انا علي ذوقي
وعد/ دا هيبقى أحلى حاجة في الشقة
نورهان/ ثبتي ابوكي بكلمتين طول عمرك بكاشة
مراد/ خليها تبكش براحتها احنا عندنا كام وعد
وعد/ اتكسفي بقي واسكتي
نورهان/'ماشي هسكت هشوف بدر فين
هشام/ تلاقيه بيلعب مع هشام وشادي فوق
نورهان/ بيلعب مع مين؟ ... يبقي خلصوا علي الواد
مراد/ هههههه مش للدرجه دي يعني
نورهان/ العيال دي مشوفتش زيهم اشقيه معرفش طالعين لمين
هشام/ طلعينلك وانتي صغيرة
نورهان/ انا بردو. ..ماشي يا هشام
مراد/ اومال فين أمل
وعد/ في المطبخ
يقوم هشام ويدخل المطبخ
أمل واقفه في ايدها الأطباق
هشام/ بتعملي ايه يا حبيبتي
امل/ بشوف الأكل استوى ولا لأ
هشام ممسك بيد امل/ اطلعي يا حبيبتي من المطبخ ده هو مفيش غيرك يشوف الأكل
يخرج هشام ومعاه أمل
مراد/ ايه يا بنتي انتى مقيمه في المطبخ دا ولا ايه
امل/ ابدا يا بابا انا لسه داخله من شويه بس
وعد/ تعالي يا أمل اختاري لون علي ذوقك أصلي محتاره
امل/ أي حاجة يا وعد
وعد/ ايه يا جماعة هو انا كل مااقول لحد علي حاجة يقولي أي حاجة وخلاص
امل/ انا تعبانه وانتي رايقة اوي وانا مش فايقة ليكي
هشام/ مالك يا أمل
امل/ هطلع استريح مش قادرة اقعد
تطلع أمل اوضتها
.............
علي السفرة
يقوم هشام
مراد / ايه يا ابني كمل اكلك
هشام/ هطلع اشوف أمل
نورهان /آه يا هشام شوفها أصلها تعبانه وعايزة تروح للدكتورة هشام/ طب مقلتش ليه. ..بعد اذنك يا هاني البيت بيتك معلش بقي 
هاني/ لا يا حبيبي اتفضل ولا يهمك
مراد لهاني/ مبتاكلش ليه يا ابني ولا مكسوف
وعد/ مكسوف ايه يا بابا ماهو بياكل أهو سيبوا براحته
نورهان تخبطها في رجلها بهمس/ خلي عندك دم متكسفهوش
وعد/ وانتي مالك هو كان خطيبك ولا خطيبي
...................
في غرفة هشام
يدخل الغرفة. ..أمل نايمه. ..يقرب منها
بهمس في ودنها / انتي نمتي يا حبيبتي
أمل ببتسامة/ لسه كنت بنام دلوقتي انت متعشتش ولا ايه
هشام/ وانتي ماكلتيش ليه
امل/ مليش نفس للأكل اليومين دول
يقرب هشام ويقعد جمبها علي السرير /وانا كمان مليش نفس
امل/ ليه يا حبيبي
يقبل هشام يدها / علشان حبيبتي مبتشاركنيش الأكل
امل/ بجد لو ليه نفس كنت أكلت
هشام/ وايه بقي اللي مخلي نفسك مش جايه للأكل
امل/'طب شيل ايدك من علي شعري
هشام/'بفردوا ليكي
امل/ مبحبوش يتفرد هيتبهدل ومش هقدر اسرحه ضهري بيوجعنى
هشام/ هسرحه ليكي
امل/ سيب شغلك بقي واقعد جمبي
هشام / وفيها ايه يعني عادي
يحتضنها هشام
امل/ بقولك تعبانه وضهري بيوجعني
هشام/ طب وانا عملت حاجة
امل/ اومال دا ايه
هشام/ دا حضن يعنى مفهوش حاجة
أمتي الكرش دا بقي ينزل
امل/ شكله كده هينزل قريب
هشام/ ايه حاسه بوجع
امل/ اااااه
هشام/ في ايه
امل/ فك ايدك عني شوية
هشام/'بحبك
امل ببتسامة/ سيبك من شغل الاونطه بتاعك دع وسيبني انام
هشام بغمز/ بقولك بحبك ايه مفهمتيش
امل/ طيب خلاص فهمنا تصبح علي خير بقي
هشام/ أصبح ايه انتي هتستهبلي
وبعدين انتي حلوه اوي النهاردة كده ليه
امل/ بقولك ايه يا هشام مش وقتك خالص انا تعبانه وعايزة انام هشام بغمز/ هروح اطفي النور بقي
أمل ببتسامة/ مفيش فايدة فيك
.......................... 
في فيلا سليم
سميرة/ انتي لسه مخلصتيش
سوسن/ هو انا جايه هنا البس ولا اطبخ
سميرة/ يا بنت الايه الفستان يجنن عليكي
سوسن/ بس انا هطلع كده
سميرة/ اومال عايزة تطلعي ازاي
دول بهوات ولازم تطلعي بحاجة تليق بمقامهم
سوسن/ بس انا هاخد الفستان ده معايا البيت
سميرة/ انتي مش بس هتاخدي الفستان انتي هتاخدي بقشيش حلو الليلة اطلعي بقي طلعتي روحى
تخرج سوسن بالمشروب بتاعهم
رجاله كتير قاعدة وبنات. ...أصوات موسيقي عاليه ورقص
سوسن بهمس/ هي دي الحفلة
سميرة/ ادخلي وانتي ساكته بقولك ايه شايفة الراجل اللي قاعد هناك ده جمب سليم بيه
سوسن/ آه. ..أبو بدله زرقة ده
سميره/ قدميله هو أول واحد
سوسن / ماشي
تقرب سوسن منهم .....
يهمس الرجل لسليم/ هي دي وجه جديد
سليم/ آه ولسه جايه النهاردة قدم بقي الهدية
يفتح علبة مجوهرات ويقدمها لسوسن
سوسن بانبهار/ ايه ده دا علشاني
الرجل ببتسامة/ علشان القمر
تغمز سميرة لسليم
سليم ل الرجل /تعالي بقي نمضي العقد فوق في اوضتي
الرجل/ بس بالشروط اللي قولتلك عليها
سليم/ طبعاً يا باشا شروطك كلها هتنفذ
هاتيلنا حاجة نشربها فوق يا سوسن
........
في المطبخ
سميرة/ انتي لسه مخلصتيش يلا بسرعة
سوسن/ مش مصدقة نفسي شوفتي العقد يجنن عليه صح
سميرة/ طب اطلعيلهم بقي علشان ميتضايقوش
.........................
في الصباح
في شركة رفعت حامد
عادل بانفعال/ وانا اللي بقول عليك غبي ومبتفهمش طلعت انا اللي غبي
سامي/ متزعلش نفسك اوي كده اعتبره نصيبي وخلاص
عادل/ تدخلها شريكة معانا ايه عايز تكسرني
سامي بمكر/ متقولش كده يا عادل بيه مهما كان احنا أخوات والمصلحة واحده ايه يعني لما اخدت منها الفلوس ودخلتها بيهم شريكة علي قد المبلغ اللي دفعته
عادل /لأ ناصح اوي ومفتح. ...عايز تلوي دراعي يا سامي
بس انا مش هنولهالك فين العقد
سامي/ مفيش عقود
عادل/ عايز تفهمني انك مكتبتش عقد
سامي/ كل الأوراق معاها ولعلمك مش هطولهم لانها نفسها متعرفش مكانهم فين
عادل/ نجيبها ونعرف
سامي/ لو قربتلها انا مش مسؤل علي اللي هيحصل
عادل/ بتهددني بس انت هتبقي السبب لو الموضوع دا طار فيه رقاب
سامي/ اعمل اللي تعمله بردو مش هتاخد حاجة
يخبط عادل علي المكتب بانفعال. ..يخرج سامي بمنتهي البرود
...............................
في فيلا سليم
سوسن بتبكي
سميرة/ انتي يا بت هتستهبلي فيها يعني مكونتيش عارفة
سوسن ببكاء/ وانا هعرف منين انكو زبالة اوي كده
سميرة/ بقي دي اخرتها نضفتك ولبستك واكلتي وشربتي واخدتي قرشين حلوين ايه هتتبطري
سوسن/ خديهم مش عايزاهم
سميرة/ تكونيش بتعيطي علشان ماخدتيش العقد الالماظ
سوسن/ انا مش عايزة لا دهب ولا الماظ انا كنت عايزة اشتغل شغلانه شريفة
سميرة/ شغلانه شريفة هتلبسك وتاكلك انتي وابنك وتعيشك مستريحة يااختي لما تلاقيها ابقي قوليلي
سوسن بتمسح دموعها وخارجة
سميرة/ استني خدي الحاجات دي لاختك
سوسن بانفعال/ هي صفاء عارفة كل حاجة
سميرة / عارفة يااختي وقابضه قبلك
وبطلي بقي عياط عايزاكي مفرفشة كده وبلاش الكآبة دي
سوسن / ومين قالك اني هشتغل هنا تاني
سميرة/ هترجعي يا سوسن وبكره أفكرك ياما قبلك قالوا نفس الكلام ورجعوا
سوسن/ بس انا لأ سامعه انا لأ ومش ههوب ناحية الفيلا دي تاني
سميرة بثقة/ هنشوف....جوع ابنك هو اللي هيرجعك
روحي دلوقتي استريحي وهبقي اكلمك
..............
في فيلا مراد
في غرفة هشام
هشام يقرب من أمل
هشام/ ايه يا حبيبتي دا كله نوم
امل/ هشام سيبني  انت عارف اني نايمه متأخرة
هشام/ طب ماانا زيك اهوه وصاحي فايق عادي قومى بقى بلاش كسل
امل/ حاضر سيبني نايمه خمس دقايق كمان
هشام / لو مصحتيش ونزلتي في خمس دقايق هنزل  من غير فطار
امل/ يووووه خلاص يا هشام أنزل انت وانا جايه
..............
على السفرة
وعد / مش هتنزل معايا نجيب باقي الفرش
هشام / مين انا
وعد/ لا خيالك هو في حد غيرك قاعد معايا
ينزل مراد
هشام/ معلش يا وعد مش هينفع النهاردة
مراد / صباح الخير. ..اومال فين امل
تنزل امل
وعد/ ياريتنا افتكرنا مليون جنيه
يخبطها هشام
وعد/ ايه بهزر
امل/ صباح الخير
وعد/ ايه ده انتي عندك برد ولا ايه
امل/ جالي برد بالليل
وعد/ الف سلامة. ..مش قولتلي ليه لهشام يغطيكي
مراد / بطلي غلبه وخلصي فطارك علشان جوزك جاي دلوقتي
وعد/ اسمها خطيبي مش جوزي
مراد^ مش كتب الكتاب يبقى جوزك
ياريت تروحي معاه من دلوقتي وبلاش حكاية الفرح دي
وعد/ نعم بقي يعني ايه عايزينه يقول مصدقت
هشام/ ماانتي هتموتي علي الجوز أهو وبعدين بطلي تلمحاتك دي
وعد/ ايه فيها ايه لما قولت لأمل تقولك تغطيها
امل تغمزلها / خلاص بقي يا وعد
وعد/ يعني هو يغطي نفسه ويسيبك
هشام بهمس لوعد/ لعلمك بقي امل نايمه في حضني طول الليل واهمدي بقي
وعد بغمز/ اومال البرد اللي عندها دا من ايه
هشام/ مش هقولك. ...سبيني بقي افطر علشان الحق الجمعه امل/ هشام انا هاخد الولاد ونخرج عند خالي النهاردة
وعد/ انتي مش تعبانه اقعدي معايا عايزاكي في كام حاجة كده
امل/ لما ارجع
هشام/ مبلاش يا أمل مرواحك عند خالك النهاردة
مراد/ ليه يا ابني خليها تخرج تفك عن نفسها
امل/ دا خالي بستني اليوم دا من الأسبوع للأسبوع علشان يشوف الولاد ويلعب معاهم
هشام/ هتصل اعزمه يتغدا معانا واهو هيشوفهم ويلعب معاهم كمان
امل/ بلاش يا هشام خليها الجمعه الجايه انا وعدته متحرجنيش
مراد/ خلاص يا ابني خليها تروح
..............
في شقة صفاء
صفاء / ايه اللى انتي عملاه في نفسك ده
سوسن/ بعتيني يا صفاء وقبضتي التمن اخدتي كام
صفاء / كام ايه
سوسن / فلوس يااختي ايه مش عرفاهم
صفاء/ فلوس أيه يا ام فلوس وبعدين مزعله نفسك ليه ما انتي عملتيها قبل كده
سوسن / أنا؟ !
صفاء /ايه نسيتي مرات حسن اللي خططتي ورسمتي علشان ياخد البت من الكلية بتاعتها ويخدرها وياخدها البيت
علي الأقل دي كانت متخدره لكن انتي ايه بقي
سوسن/ مكنتش اعرف انك سافله وحقيرة للدرجه دي
صفاء / ضحكتيني وانا مليش نفس أيه يااختي مالك قومي فرفشي كده وانزلي هاتي طلبات البيت ولبن لابنك
ووريني بقي الكيس دا فيه ايه
سوسن بغضب/ خدي يااختي دا نصيبك من سهرة امبارح
وتاخد ابنها وتخرج
صفاء تفتح الكيس بفرحه / فيكي الخير يا بت يا سميرة مش زي اختي زي القطط تاكل وتنكر
.......... . .....
في منزل والدة دينا
دينا / قالك هينفذ أمتي
مدحت / النهاردة
دينا/ مش معقولة بسرعة كدة
مدحت/ مستعجل عايز ياخد حقه المهم قوليلي الدكتورة قالتلك ايه
والدة دينا/ قالتلها بنت
مدحت/ مش مهم بقي ولد بنت أهو هتبقى شوكة في ضهره العمر كله ووسيلة تاخدي بيها اللي انتي عايزاه
خلينا في اللي هيحصل النهاردة
دينا/ حقي هاخدوا منهم واحد واحد
............
في فيلا مراد
وعد/ مصره تخرجي بردو
امل/ هعمل ايه الولاد شبطانين وعايزين يخرجوا
اصلك متعرفيش طنط نجلاء بتعمل ايه لما بتشوفهم دي قلبها بيطنط من الفرحه عايزاني أكسر بخاطرها
وعد/ هي فعلا ست طيبه اوي وبتحب الولاد
امل/ سلام بقي علشان متأخرش
هشام وبابا خرجوا
وعد/ لسه حالا
امل/ ألحق انا بقي أوصل قبل خالي ميوصل البيت علشان بحب اشوفه وهو داخل من الباب ويتفاجا بالولاد ويعملوا جو حلو كده بحبه
وعد/ خلي بالك من نفسك
امل/ سلام
تخرج أمل ممسكه بهشام وشادي
بفتح عم فتحى باب العربية
عم فتحي ببتسامة/ رايحه لخالك زي كل جمعه صح؟
أمل ببتسامة / طبعاً يلا بينا 
أثناء الطريق
عم فتحي يوقف العربية
امل/ في حاجة يا عم فتحي
عم فتحي/ معرفش يا بنتي كان في عربية ماشية ورانا دلوقتي
امل/ وفيها ايه بس يلا علشان منتأخرش
قدام العمارة اللي فيها شقة كمال
عم فتحي/ حمدا لله علي السلامة
الولاد ينزلوا جري
امل/ متشكرة اوي يا عم فتحي
استنوا نطلع مع بعض
عم فتحي/ هههه شكلهم مستعجلين
ارجع بالليل اوصلك الفيلا
امل/ لا هشام هيبقى يجي يروحنا
عم فتحي/ ألحق انا صلاة الجمعه في مسجد قريب من هنا
يجري عم فتحي بالعربية بسرعة
الشارع خالي من الناس
أمل قدام مدخل العمارة
يخرج شاب من عربيته ينادي عليها
الشاب/ يا مدام. ...مدام
تتلفت أمل
الشاب / في حاجة وقعت منك
تنظر أمل بدهشة
الشاب ممسك بمنديل يضعه علي أنف أمل
يحملها الشاب ويدخلها السيارة
شاب اخر/ يلا بينا بسرعة قبل ماحد يلمحنا
الشاب الاول/ يلا دوس بسرعة
بتتصل بمين دلوقتي
الشاب الثاني / بتصل ب عادل بيه اطمنه إن المهمه تمت
....................
#عودة امل3
بقلمي📝
#بوسي مصطفى
..................