عودة أمل 💛

الحلقة ٢٢

الحلقة 22
#عودةامل3
#بوسي مصطفي
الشارع خالي من الناس
أمل قدام مدخل العمارة
يخرج شاب من عربيته ينادي عليها
الشاب/ يا مدام. ...مدام
تتلفت أمل
الشاب / في حاجة وقعت منك
تنظر أمل بدهشة
الشاب ممسك بمنديل يضعه علي أنف أمل
يحملها الشاب ويدخلها السيارة
شاب اخر/ يلا بينا بسرعة قبل ماحد يلمحنا
الشاب الاول/ يلا دوس بسرعة
بتتصل بمين دلوقتي
الشاب الثاني / بتصل ب عادل بيه اطمنه إن المهمه تمت
......

في فيلا مراد

مراد وهشام يدخلوا من باب الفيلا
وعد قاعدة علي السفرة
هشام يقعد جمبها/ هههههه ايه ده مالك قاعدة كده
وعد بانفعال/ هشام لو سمحت متكلمنيش
مراد/ انا واقع من الجوع مفطرتش كويس هو الغدا مجهزش
وعد/ ماهو دا اللي مضايقني الست مني واختها راحوا يشوفوا أمهم عيانه وسابولي الأكل علي النار
هشام/ ههههه وايه المشكلة ادخلي شوفيه
وعد /هاني زمانه جاي وانا بقي مش عارفة اعمل ايه
هشام / طيب تعالي نشوف هنعمل ايه
مراد/ لو في حاجة استوت هاتهالي اتصبر بيها يا ابني علشان اخد الدوا
يدخل هشام المطبخ
هشام/ وريني بقي الأكل
يرفع غطا الحله
هشام / اااااه
وعد/ هههههه وعاملي فيها شيف اتفضل أمسك بدي
هشام /وانا ايه اللي عرفني يعني شوفتيني دخلت مطبخ قبل كده
وعد/كويس أهم عملو مكرونه بشاميل وملوخية
طلع انت بقي الفراخ من الحله وانا هعمل السلطه
.......
هاني يدخل المطبخ /مساء الخير
وعد ببتسامة / تعالي اشتغل بقى
هاني/ ايه دا انتوا بتعملوا ايه هنا
هشام / شغلها الفرن بقي علشان نحمر الفراخ دي وانتي هاتي السلطة هعملها بره
يقرب هاني/ ولواني مش فاهم حاجة بس مش مهم
يخرج هشام بطبق الخضار ويقعد علي السفرة
هشام بمزح/ يا حبيبتي يا أمل اتبهدلنا من غيرك
مراد / هههههه قطع وانت ساكت
هشام/ اقطع ايه بس انا هعملها شرايح واخلص هو انا فاضي للتقطيع
مراد / طب هاتلي الخياره دي بقي
..........
في المطبخ
وعد/ أي
هشام بمزح/ حاسب يا هاني من النار لتحرقك
هاني في المطبخ / انا اللي قلبي مولع
وعد / أبعد بقي شوفت أيدي اتحرقت بسببك
هاني يقبل يدها/'الف سلامه عليك يا قمر
وعد ببتسامة/ هاني حد يشوفنا
هاني/ في ايه يا حبيبتي من يوم كتب الكتاب ملمستش ايدك حتي
.........
يدخل هشام بمزح/'انا بقول الفراخ اتحرقت دلوقتي
يدخل بينهم ويفتح الفرن
وعد / خرجهم انت بقي يلا يا هاني
هشام/ أخرجهم مخرجهمش ليه
..........
في شقة كمال
نجلاء لهشام/ يعني ماما فين دلوقتي يا حبيبي
هشام/ احنا سبقناها بسرعة علشان هي بتمشي علي مهلها
نجلاء /نص ساعة بتطلع السلم مش معقولة
بتنهيدة/ هنزل اشوفها لتكون تعبانه وقاعدة على السلم
تفتح نجلاء الباب تقابل كمال
كمال / رايحه فين يا نجلاء
يلمح كمال الولاد. ..يجروا الولاد ناحيته ...يحتضنهم
كمال / اومال فين ماما يا حبايبي؟
نجلاء /انت مشوفتهاش تحت
كمال /'لأ هي نزلت تحت ليه
نجلاء بقلق /هي مطلعتش اصلا الولاد هما اللي جم بس
كمال بعدم استيعاب/ يعني ايه الولاد جايين لوحدهم
هشام/ لأ ماما جات معانا
نجلاء / أمل مطلعتش مع الولاد هما جريوا وطلعوا علي طول
كمال ينزل بسرعة
نجلاء / استني يا كمال انا جايه معاك
ينزل كمال تحت يسأل صاحبة الكشك
صاحبة الكشك / لا يا ابني مشوفتش حد انا لسه فاتحه دلوقتي
يمكن بتشتري حاجة من السوبر ماركت اللي جمبنا ده
يتصل كمال بتليفون أمل مفيش رد
يجرى ناحية السوبر ماركت يدور عليها
نجلاء واقفة عند مدخل العمارة بالولاد تتلفت يمين وشمال متشوفهاش
يرجع كمال
نجلاء /ملقتهاش
كمال/ مش موجوده هناك
نجلاء /يمكن تعبت قدام شقة من شقق جيرانا واخدتها تستريح عندها
كمال/ طب اطلعي أسألي كده
وانا هدور تاني يمكن دخلت محل قريب من هنا بس لو ترد علي التليفون
.................
فى فيلا مراد
وعد/ ههههههههههه احلي غدوه اتغدتها
هشام/ بامارة الفراخ المحروقة
هاني/ هههههههه يا عم ولا يهمك
مراد/ كويس انه كان في اكل تاني
هشام/ علي كده لو فكرنا نزوركو نعمل حسابنا بقي وناكل في البيت
وعد/ لأ ابقي هات دليفرى معاك وياريت لو بيتزا وفراخ مشوية هشام/ شايف يا عم خطيبتك داخله علي طمع ازاي
تليفون هشام يرن
هشام/ الو
كمال بانفاس متقطعه /'هشام. ..أمل مجاتش عندك ؟
هشام بعدم فهم/ عمي في ايه انا مش فاهم حضرتك ممكن تكلمني بالراحة
مراد / في ايه يا ابني
هشام بانفعال /هتيجي ازاي وهي عندكو
يخطف مراد التليفون / أمل مالها يا كمال
كمال/ أمل مش لاقيناها
مراد/ يعني ايه
وعد فين عم فتحي
وعد/ مجاش من وقت مراح يوصل أمل
هشام/ يعني ايه مطلعتش الشقة
كمال/ ياابني الولاد هما اللي طلعوا لوحدهم انا قلبت المكان هنا ودورت في كل مكان ممكن تكون موجودة فيه ملقتهاش
هشام بانفعال/'يعني الأرض اتشقت وبلعتها مثلا
المكالمة تنتهي
مراد/ اهدي يا ابني خلينا نفكر ممكن تكون فين
هشام / اهدي ايه يا بابا وانا معرفش مراتي فين ولا ايه اللي ممكن يكون حصلها
وعد/ ليه بس تقدر حاجة زي كده. ..إن شاء الله. ..هي بخير
........................
تستيقظ أمل لتجد نفسها جالسه علي كرسى ويداها مكبلتين بحبل سميك تنظر لأعلي وتلتفت يميناً ويسارا لتجد نفسها في مكان لا تعرفه
شفتاها جافة لا تقدر علي البلع
تجد امامها
شاب قوي البنيه
أمل بتعب/انا فين
ينادي الشاب لشاب آخر
الشاب الاول/البت صحيت
الشاب الثاني/ طب هنعمل ايه
الشاب الاول/ لما يجي عادل بيه بقي احنا نروح ناكل
أمل / عطشانه. ...عطشانه عايزة اشرب
الشاب الاول/ألحق البت عايزة تشرب
الشاب الثاني/ طب واحنا مالنا احنا بنفذ التعليمات وبس هو قاللنا ندخلها المخزن وبس لانتكلم معاها ولا تكلمنا
الشاب الاول/ نشربها يا عم هو هيعرف منين
قرب الشاب الأول منها / انا هشربك بس تفضلي ساكته متعمليش صوت
امل/ انا بردانه وتعبانه من قعدت الكرسي دي وبعدين انتوا مين وانا هنا ليه
الشاب الثاني بانفعال / ايه كل الاسئلة دي وبعدين انتي عطشانه ولا بردانه ارسيلك علي حل
أمل بتعب/ عايزة اقعد علي الأرض ارجوكوا انا مش قادرة تعبانه عايزة أفرد رجلي
الشاب الأول / اتفضلي اشربي
يقرب المياه من بوقها تشرب أمل
أمل / خرجوني بقي من هنا انتوا عايزين مني ايه
يدخل عادل
عادل/ عايزينك تقومي بالسلامة دا بقي متوقف عليكي
أمل بدهشة/'انت. ..انت عايز مني ايه
عادل / انتي اللي دخلتي وسطنا برجليكي
تحاول أمل تفك نفسها بعنف
عادل يقرب منها يضع قداماه بقوة فوق أصابع قدمها
تصرخ أمل
عادل /اصرخي كمان محدش هيسمعك
يفك حجابها
ويمسك بشعرها بقوة
تصرخ أمل
عادل/'اسمعي بقي اللي هقولك عليه هتنفذي اللي هطلبه هتطلعي بسلام انتي واللي في بطنك هتعصلجي
انتي حره بقي
شايفة الرجاله دول لو سيبتوهم بس عليكي مش هيسيبوا فيكي حاجة سليمه
دول بقي زي الديابه لما تشوف فريسة تنهش في لحمها ومتسبش منها حاجة
أمل بتعب/انت عايز مني ايه
عادل/ فين عقد الشراكة اللي باعلك مقابله سامي جزء من حصته في الشركة
امل/ معرفش
يشاور عادل للشاب الأول
امل/ صدقني معرفش لو الحكاية فلوس اتصل بجوزي هو هيدلك اللي تطلبه
عادل /بت انتي بلاش اللف والدوان ده انتي عارفة انا عايز ايه وفتحي مخك شوية ولا تحبي تشوفي العين الحمرا
يقرب الشاب من أمل
أمل بصراخ/ انت مش عايز تصدقني ليه قولتلك العقد مش معايا عادل /اوك هصدقك العقد مع مين بقي
أمل / مع خالي بس معرفش محتفظ بيه فين لانه مقاليش ومش عايز يقولي
عادل/ كمال بقي عايز يحفظ فلوسك ونصيبك في الشركة
بس انا دلوقتي مستفدتش حاجة
أمل بانفعال/ انا قولتلك معرفش مكان العقد فين
ينهال عادل عليها بالضرب علي وجهها
تصرخ أمل حتي تفقد الوعي
عادل بقسوة / فوقوها بجردل مياه
.......................
في فيلا مراد
نورهان بحزن/ أدخل يا هشام الدنيا برد والسما بتمطر
هشام بتنهيدة قوية/ الدنيا بتمطر وانا مش عارف مراتي فين ياترى في الشارع ولا
يجري هشام يمسك التليفون
مراد/ ايه يا ابني عرفت مكانها
عمر/ ولا أي حاجة يا عمي سألنا في كل مكان المستشفيات أقسام شرطة كل قرايبنا وأي مكان ممكن تكون موجودة فيه كلهم بيقولوا مشفوهاش
هشام الصغير يبكي /انا عايز ماما. ...عايز ماما
وعد/ تعالى يا هشام انيمك انت وشادي
شادي ممسك بمراد/ جدو انا عايز ماما هي الحراميه اخدوا ماما
هشام/ خلاص يا عمي متشكر
ويقغل التليفون
مراد / كنت بتكلم مين
هشام/ عمو عاصم كانت أمل قالتلي إنها عايزة تروح تعزيهم قولت يمكن تكون هناك
مريم/ يعني لو حتي راحت هناك هتقعد لحد دلوقتي
يخبط هشام الحائط بأنفعال / انا هتجنن راحت فين دي  بتتحرك  بالعافية
وعد ببكاء/ اهدي يا هشام هيجرالك حاجة
هشام / هتجنن يا عالم دي ملهاش مكان تروحه ولا بتروح أي مكان غير لو كنت معاها أو حد من أخواتي
مراد / هاتي لاخوكي كوباية مياه يا نور
مراد لكمال/ متقول حاجة يا كمال ساكت ليه
كمال بحزن/ خايف بكون حد من ولاد عمي له يد في خطفها
هشام/ خطفها؟ !!!...يعنى انت عارف مكانها
كمال/ وهعرف منين بس يا ابني
هشام / معاك رقم اللي اسمه ايه ده اللي ادتوا الفلوس
كمال / سامي؟...آه معايا رقمه
مراد/ وساكت يا كمال هات الرقم بسرعة
.......................
في فيلا سليم
سوسن/ بس انا مش هشتغل بالمبلغ ده
سليم /جرا ايه يا سميرة هو انتي مش مفهماها كل حاجة ولا ايه
سميرة/ اعقلي يا سوسن يااختي انتي اللي اخدتيه كويس اوي
سوسن/ قولت مش هشتغل بالمبلغ ده
ماهو انتوا متاخدوش ملايين وترمولنا الفتافيت
سليم/ يعني عايزة كام
سوسن/ عشرة في الميه
سليم/ نعم يااختي عشرة ايه؟ 1...الظاهر صاحبتك اتجننت يا سميرة
سميرة/ يا بت اللي انتي بتقوليه دا جنان يعني ايه عايزة تاخدي المبلغ دا كله
سوسن/ خلاص شوفي غيري واهو الراجل مستعد يديني اضعافهم بعيد عنكو
سليم/ موافق بس تاخدي فلوسك لما الصفقة تتم
سوسن / ماشي اتفقنا بس فلوسي اخدها اول باول آه
انا ميضحكش عليه
......................
أمل برعشه من شدة البرد/ سيبوني اروح انا تعبانه
وبردانه
عادل/ ندفيكي وماله
يشاور لأحد الرجال
عادل /مترحمي نفسك وتخلصي نفسك بقي
امل/ انا قولتلك كل اللي اعرفة
تليفون عادل يرن
عادل لأمل  / متتكلميش خالص
الو ايوه نعم
هههههههه بقولك ايه اطلع انت من الموضوع
سامي/ لو كنت أنت اللي ورا موضوع اختفاء البنت هوديك في داهية دي مفيهاش هزار
عادل/ خليك في حالك احسن
أمل تستمع للحديث ثم تصرخ بعد شعورها بأن المكالمة من أجلها
امل/ الحقوني الراجل دا خاطفني في مخزن كبير في مكان مهجور
يغلق عادل الهاتف
ثم ينهال عليها بالضرب والشتائم
ويشير للشبان
يقتربون منها يمزقون ثيابها
تصرخ أمل وتدفعهم بقدمها فتسقط علي الأرض
ثم يقتربون مره اخري قاومتهم بكل ما أوتيت من قوة    حتي تسقط أرضا ويغشي عليها
يفزعون جميعاً من كثرة الدماء التي كالمياه الجارية تسير علي الأرض
يتركونها ويصعدون لأعلي
....   ..... ......
هشام في التليفون / يعني عرفت المكان
سامي/ هقولكو علي العنوان بس المسافة بعيدة شوية
هشام/ بسرعة أرجوك
مراد/ قالك ايه
هشام / العنوان. .....
مراد/ سوق بسرعة المسافة مهتخدش منك ربع ساعة بس علي قد متقدر دوس بنزين
عمر/نيجي معاكو يا عمي
مراد/ لا خليكو مع نور ووعد والولاد
كمال/ انا هشغل العربية وجاي معاكو
هاني/ هنتصل بالشرطة لانه اكيد معاه رجاله كتير
..............
داخل الفيلا
وعد ونورهان بيبكوا
مريم/ عملتوا ايه للعيال الصغيرة بطلوا بقي العيال خايفة
هاتي البنت يا نور انيمها
نجلاء ترفع يديها بالدعاء وتبكي
يدخل عمر وهاني
هاني/ خير يا جماعة اهدوا. ..هترجع. ...إن شاء الله
وعد بدموع/ أمل دي غلبانه وعمرها مااذت حد ولا حتي بتعرف تاخد حقها
نورهان/ انا خايفة يحصلها حاجة هى اصلا تعبانه ومش ناقصة
.....................
في فيلا عاصم
عاصم/ شوغتي يا مديحة ابنك اتغير ازاي
فاكرني بشادي ابن مراد
مديحة بحزن/ كفاية اللي حصل لسها كمان حسدني علي الواد اللي حيلتي
عاصم / احسدك دا انا فرحان بيه
مبقاش يسهر ولا يخرج غير علي قد الشغل
بيوصل اول واحد في الشركة ويخرج آخر واحد
ريم تقرب منهم
ريم/ طنط انا نايمت شهد بعد مغيرتلها واكلتها
مديحة بدموع/ متشكرة يا بنتي
عاصم / هو ماجد نايم
ريم/ نام يا عمي من بدري
مديحة/ هاتيلي كريم عايزاه يقعد معايا
ريم/ حاضر يا طنط
....................
في المخزن
الشاب الاول/ انا بقول يا بيه نوديها علي أقرب مستشفي نرميها هناك ولا من شاف ولا من دري
عادل/'انت غبي عايز تدخلنا في سين وجيم وحد يشوفكو بقي ومن اول قلم هتعترفوا انا عارفكو جبنه
الشاب الثاني/ خلاص يا باشا احنا نجيبلها دكتور هنا يشوفها ويعالجها علشان احنا بردو محتاجينها علشان حضرتك تعرف منها العقد فين
عادل للشاب الثاني / كلامك صح
جهز السفرة انا جعان
وانت اتصل بالدكتور بتاعنا
.......  ..........
خارج المخزن
هشام/ هو دا العنوان
ينزل كمال من عربيته يتجه ناحية مراد وهشام
كمال لهشام / السور عالي اوي بقولك يا ابني انت تطلع تشوف الجو ايه جوه ولو عرفت افتحلنا الباب
مراد / هتصل بالشرطة اكيد في ناس جوه واحنا مش هنقدر نعمل حاجة
هشام/ هاني اتصل يا بابا
انا هطلع علي السور ده واشوف المكان جوه وانتوا خليكو علي اتصال بيه لو عرفت افتح الباب هفتحه ولو اني مش عايز تدخلوا جوه
ينزل هشام من العربية يتسلق السور ويقفز داخل المخزن
.......
عادل / سمعت صوت خبط بره
يشاور لرجاله/ اطلعوا شوفوا في ايه
هشام يجري يستخبي خلف الخردوات
يقرب من الباب بهدوء
مراد/ ها عملت ايه
هشام/'بابا علشان خاطري متدخلش لما الشرطة تيجي انا هدخل اطمن علي أمل
كمال/ احنا هنا لو في حاجة كلمنا
يهز هشام رأسه ويتركهم
يمشي بهدوء حتي يصل إلي المكان المحتجزه فيه أمل
يجدها غارقة في دماءها مكبله فاقدة الوعي يهرول ناحيتها
هشام يقترب منها بفزع/ أمل. ..أمل فوقي
يفك الحبل عنها ويحملها ليخرج بها
تفتح أمل عينها بتعب
أمل ببتسامة/ هشام
هشام بقوة يحتضنها / ايوه يا حبيبتي انا هشام
يلا نخرج من هنا بس ايه الدم دا يا أمل حد قربلك
امل/ مفيش حاجة من اللي في دماغك دا نزيف الحمل تقريباً سقط
هشام بفزع/ طب يلا نخرج من هنا علشان أطمن عليكي
عادل/'علي فين يا هشام بيه
هشام بغضب/ انت
عادل بسخرية/ هههههه وأخيراً جه الفارس اللي هينقذ حبيبته من ايد الأشرار الوحشين ويروحوا بسلام وأمان ويخلفوا صبيان وبنات حلوه نهاية الرواية مش كده
هشام/ انا هطلع بمراتي دلوقتي وحسابك معايا بعدين
أمل ممسكه بهشام بقوة
عادل/ بس انا رجالتي لسه متعشوش ونفسهم يتعشوا
نستاذنك بقي المدام تيجي معانا
ينزل هشام أمل ويهرول ناحية عادل بغضب وينهال عليه بالضرب
يخرج عادل مسدسه
يعود هشام لأمل ويمسك بها
عادل/ ياترى مين فيكو يحب يتقتل
يقف هشام أمام أمل
عادل / لا شهم. ..بس يا تري خايف علي المدام ولا خايف علي اللي في بطنها
تحتضن أمل هشام من الخلف بقوة وهي تبكي وتضع يدها علي صدره
عادل/ ههههه انتي طيبه اوي فاكره إن ايدك الصغيرة دي هتحميه من الرصاص
امل/ هشام انا خايفة
عادل/ فاكر والدى اللي بسببك اتسجن ومات مقهور في السجن هشام/ علشان معندوش ضمير وغشاش وبيموت الناس بدوا مفروض يعالجهم
يدخل مراد
عادل / دي اللعبه احلوت اوي. ..مراد بيه كمان عندنا 
مراد/ سيب ابني ياخد مراته ويخرجوا
أمل بتصرخ
هشام/ حاسه بأيه يا أمل
امل/ وجع هيموتني بطني بتتقطع هموت يا هشام
مراد/ البنت بتنزف أخرج بيها بسرعة يا ابني
عادل/ يخرج بيها فين
مراد/ خلي المواجهة بينا راجل لراجل وابعد البنت عن الموضوع
أمل بتصرخ. ..عادل مازال موجه المسدس ناحية هشام
عادل/ ههههه راجل لراجل على أساس إن ابنك مش راجل
مراد/ هشام ملوش علاقة بالموضوع خليه يخرج بمراته وواجهني انا
هشام بانفعال/ سيبني أخرج أرجوك مراتي بتموت
عادل/ تقولي العقد فين قبل متخرج
هشام / عقد ايه؟ !
أنا مستعد اكتبلك أضعاف المبلغ اللي اخدته أمل اقولك انا مستعد دلوقتي امضيلك تنازل بكل مااملك بس سيبني أخرج من هنا الحقها علي أقرب مستشفي أرجوك
.....
تدخل الشرطة
الضابط/ نزل السلاح اللي في ايدك يا عادل
هشام بيحاول يخرج بأمل
الضابط/ قولتلك نزل السلاح اللي في ايدك رجالتك معانا ومش هتعرف تخرج من هنا
عادل يضغط علي المسدس
يجري مراد يوقف قدام هشام
تصرخ أمل
مراد يوقع علي الأرض
الشرطة تقبض علي عادل
كمال يدخل بسرعة
كمال لهشام / اطلع بأمل بسرعة وانا هسند والدك
هشام بدموع/ بابا اضرب بالرصاص يا عمي
كمال بانفعال/ أجري بسرعة اطلع بيها من هنا قبل ميحصلها حاجة وانا هحصلكو هاخد والدك علي أقرب مستشفي
.................
في فيلا مراد
وعد/ اتصلي تاني يانور
نورهان/ يا بنتي بقولك اتصلت كتير محدش بيرد لا تليفون بابا ولا تليفون هشام
نجلاء /انا كمان بتصل بكمال مبيردش
يدخل عمر
نورهان/ كنت فين
عمر بفرحه/ انا كلمت هشام وقالي إنه اخد أمل علي المستشفي
وعد/ ومالك فرحان كده
عمر/ هشام بيقول انها بتولد
نورهان/ كلهم رجعوا بالسلامة
عمر / الحمد لله
وعد/ كلمت بابا
عمر/ لأ مكلمتوش بس سمعت صوت الأستاذ كمال
نجلاء / يعني كويس
عمر/ يا جماعة كلهم كويسين متقلقوش بقي
...........
في المستشفي
كمال / خليك مع والدك يا ابني وانا هفضل هنا اطمن أطمن علي أمل
هشام/ محتار يا عمي مش عارف اعمل ايه خايف علي بابا وأمل اوي
كمال/ ربنا يستر
تخرج الدكتورة / لوسمحتم عايزين نقل دم للمدام اللي جوه نزفت كتير
هشام/ طب فصيلة دمها مش موجوده في المستشفى
الدكتورة / حضرتك لو موجوده كنت سألت
كمال/ طب انا معرفش هي فصلية دمي زيها ولا ايه
الدكتورة تشاور للممرضة / دخلي الأستاذ هنا اعمليلوا اختبار ولو نفس الفصيلة انقلي دم بسرعة
هشام/ هي حالتها ايه
الدكتورة/ هنضطر نولدها قيصري المشكلة في النزيف وحجم الجنين كمان صغير اوي غالبا هتنقل لحضانه
بس حضانات المستشفى مفيهاش مكان ياريت تعمل حسابك وتشوف مستشفي تانية
هشام / حاضر بس ارجوكي اعملي كل اللي تقدري عليه مش مهم الجنين انا عايزها هي
الدكتورة / احنا بنعمل اللي في وسعنا وبنجهز غرفة العمليات
ربنا معاها. ..ادعيلها
هشام بدموع/ يارب
تجري ممرضة ناحية هشام
الممرضة/ حضرتك ابن المريض اللي جه مصاب بطلق ناري في الصدر
هشام/ اه انا في حاجة
الممرضة / والدك فاق وطالب يشوف حضرتك
تخرج ممرضة تانية بفرحة من الغرفة / فصيلة الدم مطابقة
هشام/ الحمد لله
عمي انا هروح اشوف بابا وحضرتك خلي بالك من أمل انا جاي
...........
في غرفة مراد في المستشفي
هشام يدخل بهدوء. ...مراد يشاور لهشام
هشام بحزن/ بابا علشان خاطري بلاش تتكلم
مراد بتعب/ أمل. ...أمل عامله ايه
هشام بدموع / ادعيلها يا بابا تقوم بالسلامة
مراد/ هشام عايزة اطلب منك حاجة
هشام/  بس يا بابا 
مراد يقاطعه / انا طلقت دينا
هشام/ طيب متتكلمش الدكاترة قالوا إن
يقاطعه مراد/ عارف تعبان وهموت
هشام/ لا يا بابا أرجوك متقولش كده
مراد/ اطلبلي المحامي عايزة في أمر مهم
هشام/ بابا علشان خاطري ريح نفسك محامي ايه دلوقتي
مراد/ خلي بالك من اخواتك يا هشام اوعى تظلمهم
هشام يبكي
مراد / أمل يا هشام خلي بالك منها يتيمه وملهاش غيرك يا ابني
هشام/ انت هتقوم بالسلامة علشاني انا وأخواتي وأمل
بابا احنا منقدرش نعيش من غيرك لحظة
مراد/ هشام ابن اخوك عامله زي ولادك إياك تفرق بينهم
هشام بدموع يهز رأسه / حاضر
تدخل الممرضة / لو سمحت كفاية كده علشان والدك ميتعبش
يقوم هشام ....مراد ممسك بيده بدموع
مراد / سلملي علي اخواتك وقولهم هتوحشوني
ينهار هشام بالبكاء
الممرضة/ لو سمحت يا استاذ تتفضل
بلاش تضرني في شغلي
يخرج هشام ويوقف قدام الغرفة يمسح دموعه
التليفون يرد
هشام/ الو
كمال/ أمل ولدت ونقلوها غرفة رقم. ...
هشام / انا جاي
......................
في فيلا مراد
وعد تقوم من السرير
نورهان/ منمتيش ليه يا وعد
وعد/ قلبي مقبوض ومحدش بيتصل يطمنا
نورهان/ انا كمان قلقانه اوي
وعد/ هحاول كمان
نورهان/ النهار قرب يطلع والدنيا برد اوي يا تري في ايه مستخبي
وعد/ تليفوناتهم مقفولة
تنهار وعد بالبكاء / انا مش مطمنه
نورهان/ اهدي يا وعد العيال مصدقنا يناموا تعالي نطلع بره
......................
في غرفة أمل في المستشفي
أمل تفتح عينها ببطء
هشام ببتسامة مليئة بالدموع/ حبيبتي. ...حمدا لله علي سلامتك كمال / قلقتينا عليكى. ..حمدا لله علي سلامتك
امل/  بابا عامل ايه
هشام / كويس اطمني
امل/ ابني فين
كمال/ في الحضانة دوخنا لما لاقينا حضانه ليه
امل/ هو صغير اوي يا هشام
هشام/ اعمل ايه طالع لمامته علشان مكنتش بتاكل
تبتسم أمل بتعب / هو انا تعبانه اوي ليه
كمال/ نزفتي كتير يا بنتي ولادك كانت صعبه
امل/ بردانه اوي
يغطيها هشام
امل/ هفضل هنا كتير
هشام/ هتخرجي بالليل
امل/ هو بابا فين
كمال /تعبان شوية يا بنتي متقلقيش نفسك. ...ان شاء الله. ..يقوم بالسلامة
امل/ عايزة اشوفة
هشام/ مينفعش تتحركي كتير
امل/ هاتلي كرسى وأخرج اشوفة هو هنا في المستشفي مش كده
هشام بانفعال/ مينفعش يا أمل.
امل/ علشان خاطري انا السبب في اللي حصل لازم اطمن عليه
........   ...........
قدام غرفة مراد
تخرج الممرضة بسرعة
الممرضة / دكتور فين الدكتور
هشام وأمل وكمال جايين ناحية الغرفة
كمال/ في ايه
الممرضة تشاور لهشام/ انت ابن المريض اللي جوه
هشام / آه ليه
الدكتور جاي بسرعة ويدخل الغرفة
كمال/ ردي علينا يا بنتي اعصابنا مش مستحمله
الممرضة / للأسف  القلب أتوقف 
تصرخ أمل
يخرج الدكتور بحزن
................................
#عودة امل3
#بوسي مصطفي