عودة أمل 💛

الحلقة ٢٣

الحلقة 23
#عودةامل3
#بوسي مصطفي
............................

قدام غرفة مراد
تخرج الممرضة بسرعة
الممرضة / دكتور فين الدكتور
هشام وأمل وكمال جايين ناحية الغرفة
كمال/ في ايه
الممرضة تشاور لهشام/ انت ابن المريض اللي جوه
هشام / آه ليه
الدكتور جاي بسرعة ويدخل الغرفة
كمال/ ردي علينا يا بنتي اعصابنا مش مستحمله
الممرضة / للأسف  القلب أتوقف 
تصرخ أمل
يخرج الدكتور بحزن
.........................
أمل ببكاء / بابا مات؟
الدكتور/'مين قال كده احنا عملنا إنعاش للقلب واستجاب
الحمد لله
بس انصحكوا تنقلوه مستشفي تانية لان الحالة غير مستقرة ولو حصلت حاجة زي دي ممكن الحالة تسوء لان دكاترة القلب غير متواجدين بإستمرار والامكانيات هنا ضعيفة
تنهد هشام ببعض الارتياح
امل/ ممكن أدخل اشوفه
الدكتور / بس
امل/ مش هتعبه ولا هزعجه ولا هسمحله يتكلم عارفة
الدكتور/ دقيقتين بس
يشاور للممرضة / ادخلي معاها
يقرب هشام وأمل يدخلوا
الدكتور لأمل / ادخلي لوحدك.
هشام/مينفعش علشان تعبانه
تدخل أمل
مراد ينظر للباب ببتسامة
أمل تقرب/ الف سلامة عليك يا حبيبي
الف سلامة عليك يا اغلي الناس ابويا واخويا وأول راجل عينه فتحت عليه
هشام بمزح/ شايف أهو انا هبدا اغير مراتي بتعاكسك قدامى
تبتسم الممرضة
امل/ ياريت الرصاصة دي كانت في قلبي انا مكنتش وجعتني زي ما انا موجوعه دلوقتى
يمسك مراد يد أمل بقوة
أمل بتمسح دموعها/ اوعى تسيبني هزعل منك
مراد يهز رأسه بدموع
الممرضه/ كفاية كده يا جماعة لو يهمكو صحته
هشام/ يلا يا أمل
امل/ سيبوني اشبع منه انا ملحقتش
يمسك مراد بايدها
امل/ هتقوم بالسلامة وتلعب مع مراد الصغير زي ماكنت بتعمل معايا
يبكي مراد
أمل تقرب تمسح دموعه
امل/ مستنياك في البيت لازم تيجي
يهز مراد رأسة مرة أخري
هشام بصوت مخنوق من الدموع / يلا يا أمل كفاية كده
يخرج هشام وأمل من الغرفة
هشام يتصل بمدير المستشفي اللي مراد عمل فيها قبل كده العملية
هشام/ متشكر جدا يا دكتور ياريت تبعتلنا سيارة إسعاف من عندك بقي علشان ننقل والدي فيها
...................
في شقة والدة دينا
دينا بانفعال / انا استفدت ايه دلوقتى انا مكنتش عايزة مراد يموت انا كنت عايزة ابنه هو اللي يموت علشان مقسمنيش في الميراث
مدحت/ واحنا يعني كنا نعرف اللي هيحصل
المهم اللي اسمه عادل ده ميجبش رجلنا في الموضوع
دينا/ انا لازم ارجع الفيلا واعمل بقى اني حزينه وكده ماهو جوزي بردو
وكمان علشان اخد حقي واقعد في بيتى ومحدش منهم يقدر يخرجني بعد كده
مدحت/ هو دا كل اللي بتفكري فيه
دينا /يعني نعمل ايه مكناش نعرف أننا بنتعامل مع واحد غبي زي اللي اسمه عادل ده
مدحت/ أدخلي البسي علشان اوصلك
.....................
قدام فيلا مراد
كمال/ خليك انت مع والدك يا ابني وانا هسند أمل وادخلها
هشام/ حاضر يا عمي بس متقولش لاخواتي غير إن بابا تعبان شوية والدكاترة نصحوه يفضل في المستشفى يومين علشان يطمنوا علي صحته
كمال/ حاضر شوف انت والدك وشغلك وانا ونجلاء هنفضل مع أمل متقلقش
هشام/ تمام كده يا عمي متشكر لحضرتك
كمال/'متزعلنيش منك يا هشام أمل بنتي ووالدك اخويا
......
في الداخل
دينا قاعدة وجمبها مدحت
دينا/ منال هاتيلنا حاجة نشربها
وعد/ يا بجاحتك انتي ليكي عين تيجي هنا
مدحت/ مبلاش يا قمر انتى تتكلمي
وعد/ اقعد انت في مكان ونقطنا بسكاتك
انت واختك مش مرحب بيكو هنا
دينا توقف ممسكه ضهرها/ لا يا حبيبتي انا مش ضيفة علشان تطرديني انا قاعدة في بيتى وبيت اللي في بطني
نورهان/ اسكتي يا وعد احنا في ايه ولا في ايه
وعد بانفعال/'مش شايفة الست المستفزة دي بتقول ايه
يدخل كمال مسند أمل
تجري نورهان ووعد
نورهان بفرحه/ الف الف ...حمدا لله علي سلامتك. ..ياامل
وعد/ خضتينا عليكي سلامتك الف سلامة
أمل بحزن/ متشكره بس سندوني عايزة اقعد
تخرج نجلاء من غرفة المعيشة / أمل. ..حمدا لله علي سلامتك
يسندوا أمل يقعدوها
نورهان / فين البيبي يا أمل وبعدين بابا وهشام فين
كمال/ الطفل في الحضانه وبابا تعبان شوية هشام اخده يعمله شوية تحاليل
وعد/ ايه
يا حبيبي يا بابا
نورهان / يعني هما فين دلوقتي
كمال /متقلقوش يا جماعة هما بخير بس هشام عايز يطمن
تنظر أمل لتجد دينا
أمل / سندوني اطلع اوضتي مخنوقة من القعدة هنا
وعد/ معاكي حق القعدة هنا تخنق
يطلعوا كلهم فوق في غرفة أمل
دينا/ شايف الهانم وبنات مراد بيلحقوا عليه بالكلام ازاي
مدحت/ انا بقي وصلتك بيتك اروح اطقس بقي واشوف عادل دا هبب ايه في القسم
دينا/ اه يا مدحت علشان خاطري اعرف الأخبار ايه وطمني
..............
في المستشفي
هشام في التليفون / لا يا مازن مش هقدر اجي النهاردة تابع الشغل بنفسك ولو في حاجة اتصل بيه
خلاص كده تمام. ..سلام
يخرج الدكتور من غرفة مراد
هشام/ ايه الأخبار يا دكتور
الدكتور /بصراحة الحالة خطيرة والرصاصة جمب القلب مباشرتا
احنا هنحاول وكله. ..بأمر الله
هشام / متشكر يا دكتور
.......................
في المساء
وعد/ يعني ايه يا هشام اللي بتقوله ده
هشام/ دا كلام بابا ولا مش عايزة تنفذية
نورهان/ قبل كل حاجة يا هشام انت لازم تقولنا كل حاجة وبابا ليه قاعد في المستشفي وانت رافض نروح نطمن عليه ليه
هشام/ علشان محدش بيدخل جوه
وعد/ ليه بابا حالته خطيرة
هشام/ تعبان شوية وقلقان علي وعد وقالي لازم تتجوز في أقرب وقت
وعد بانفعال/ انت عارف حاجة ومخبيها احنا من حقنا نعرف في ايه
هشام / بصراحه بابا تعبان اوي وطلب مني الطلب ده
وعد ونورهان بيعيطوا
نورهان/ لازم نروح نشوف بابا
هشام/ حاضر بكره هوصلكو هناك
يتركهم هشام ويدخل المكتب
نورهان/ مش عارفة حاسه إن بابا
وعد بدموع/ خايفة مووووت من بكره
...........
في غرفة أمل
نجلاء /يا بنتى كده مينفعش لازم تاكلي علشان تخفي بسرعة دا جرح مش حاجة سهلة
أمل بدموع/ مش قادرة أكل ...مليش نفس
نجلاء/ يعني هتفضلي كده من غير أكل ازاي بس يا بنتي
امل/ خايفة اوي. ..خايفة علي بابا. ..لو حصله حاجة مش هسامح نفسي ولا حد منهم هيسامحني
يعني دا يبقي جزاءه في الآخر بعد ماانقذني من الموت وعيشني في بيته وسط ولاده وعمره مفرق بينا غير هي الظروف اللي فرقت بيني وبينهم
نجلاء / إن شاء الله. ..هيقوم بالسلامة. ..كمال حكالي علي كل حاجة انتي ملكيش ذنب هو كان بيحمي ابنه
امل/ وبيحمني كمان والا مكانش جه مع هشام وخالي وهو تعبان وعنده القلب وتيجي الرصاصة كمان في قلبه
تبكى أمل
نجلاء/ علشان خاطري يا بنتي العياط هيتعبك انتى جرحك مبقلوش كام ساعة لا بتاكلي ولا بتاخدي الدوا اعمل ايه بس
يخبط هشام علي باب الغرفة
نجلاء/ اتفضل يا ابني
تمسح أمل دموعها
هشام/ أمل مالها يا طنط
نجلاء / تعالي شوفلك حل في مراتك غلبتني مش عايزة تاكل ولا اخدت الدوا
هشام/ ليه كده يا أمل انتي مش عارفة إن الجرح لازم ليه تغذية ومضاد حيوي علشان يخف
امل/ وانت أكلت؟
نجلاء / طيب هسيبك دلوقتي يا أمل لو احتاجتي حاجة اتصلي بيه انا تحت مش هنام
وحاول ياابني تاكلها
يهز هشام رأسة بصمت  ....تخرج نجلاء
يتنهد هشام ويقوم
أمل تمسك يده / مش هاكل إلا لو أكلت معايا
هشام / مليش نفس
امل/ لا خلاص وانا كمان مليش نفس
هشام /انا لو ماكلتش عادي لكن انتي لازم تاكلي
امل/"هتاكل معايا؟
هشام / حاضر
يحضر هشام الطعام ويضعه علي السرير
هشام/ هقطعلك الفراخ علشان تعرفي تاكلي
امل/ بابا عامل ايه
هشام بحزن يحاول يداريه/ كويس
امل/'يعني الدكتور قال إن حالته كويسه
هشام/'ممكن تاكلي بقى علشان انا هموت وانام
امل/ انت زعلان مني يا هشام
هشام بضيق / لأ
امل/ طيب بتتكلم معايا كده ليه
هشام بانفعال/ يعني المفروض اتكلم معاكي ازاي
تعبان وقرفان وزهقان من الدنيا كلها
أمل تداري وجهها بعيدا عنه وتبكي
هشام يقرب منها بحنان / خلاص ياامل انا آسف حقك عليه اعذريني انا تعبان اوي
أمل تمسح دموعها/ بس انا عايزة اعرف اللي اسمه عادل دا عرف منين إني شريكة معاهم في الشركة وهو مشافش العقد
هشام/ ودا وقته يا أمل. ..تلاقي أخوه هو اللي قاله
امل/ هي مرات أبوك لسه هنا
هشام/ أهي قاعدة في أوضة بابا
امل/ مبقتش مستريحة ليها
هشام/ ولا انا مبقتش طايق اشوفها. ..افتحي بوقك بقي
أمل ببتسامة/ هتاكل انت الأول.
هشام / حاضر هاكل
بعد فترة
يقرب هشام بمنديل
امل/ هتعمل ايه
هشام/ همسحلك بوقك
امل/ كمان لا هاتلي الحقنه بس علشان الجرح بيوجعني اوي
يقرب هشام ويحضر الحقنه
هشام / هاتي ايدك بقي
ايه دا ياامل
امل/ في ايه
هشام / مش لاقي مكان في ايدك تاخدي فيه الحقنه
امل/ دور يا هشام هتلاقي. ..آه بتخبط أيدي جامد اوي كده ليه
هشام/ هاديلك الحقنه في كف ايدك
امل/ ايه!!... بس دي هتوجعني
هشام/ لا متخافيش
أمل ببتسامة /ايدك خفيفة اوي ..
تضع يدها علي رأسه / هشام انت حنين اوي
يبتسم هشام / عايزة حاجة مني تاني
امل/ هتنام فين
هشام/ مع الولاد ...هبعتلك مرات خالك تبات معاكي
ولا انام انا هنا علي الكنبه
امل/ لا يا حبيبي انت تعبان منمتش بقالك ليلتين وواقف علي رجلك من امبارح طنط هتنام هنا معلش بقي هتعبها معايا
هشام/ حاضر هناديلها
امل/ هشام. ..نور ووعد عاملين ايه
هشام /'كويسين متقلقيش بس خلي بالك انتي من نفسك
تصبحي علي خير
امل/ متنساش اتصل اطمن علي مراد
هشام باندهاش/ مراد!!!
امل/ مراد ابننا انت نسيت ولا ايه
يبتسم هشام/ هو انا بقي فيه عقل. ..سلام يا حبيبتي
تتنهد أمل وتغلق عيناها لتنام
..........................
في فيلا عاصم
عاصم قاعد علي السفرة ينزل ماجد من فوق
عاصم /رايح فين يا ماجد
ماجد/ رايح الشركة يابابا حضرتك محتاج حاجة
عاصم /مش تفطر الأول
ماجد/ لا هفطر في الشركة عندي شغل كتير ومش عايز اتأخر
يبتسم عاصم
عاصم/ خلاص خلي بالك من الشركة النهاردة احتمال مقدرش اتابع الشغل من الشركة هتواصل معاك علي التليفون لو في حاجة كلمني
مديحة/ ليه يا عاصم انت تعبان ولا ايه
عاصم/ لا انا كويس... مراد هو اللي تعبان في المستشفي
ماجد/ خير يا بابا عمو مراد ماله
عاصم/ معرفش يا ابني كل اللي عرفته إنه تعب ونقلوه المستشفي
مديحة/ لا واجب نروح نزورة في المستشفي
عاصم/ أنا هروحله المستشفي أقف مع هشام علشان لو كان محتاج حاجة اقدر اساعده وأبقى انتي روحي للبنات اقعدي معاهم شوية
ماجد/ انا بقي هخرج محتاجين مني حاجة
مديحة/ سلامتك يا حبيبي خلي بالك من نفسك
يخرج ماجد
عاصم/ بلاش قلبك الرهيف دا عليه
مديحة/ مش ابني ولازم أخاف عليه
عاصم/ خوفك الزايد عليه هو السبب في اللي حصله زمان لو مكنتبش دلعتيه مكنش جرا اللي جرا نهايته انا خارج محتاجه حاجة
مديحة/ لا سلامتك ما انت مترتحش إلا إذا عاتبتني بكلمتين من بتوعك
عاصم/ انا بحب ابني ويخاف عليه اكتر منك بس مش لازم أظهر دا قدامه الشدة مطلوبه في بعض الأوقات
مديحة/ طيب شوق انت رايح فين وانا هطلع لشهد اطمن عليها
عاصم/ مديحة البنت لازم ترجع لابوها
مديحة/ تاني يا عاصم
عاصم / متبقيش قاسية وتحرمي البنت من أبوها لما تكبر مش هتسامحك
مديحة / بس انا مش هقدر علي بعدها عني
عاصم/ هتبعد تروح فين وبعدين هو كتر خيرك قالك هيجيبها خميس وجمعه تقعد معاكي
مديحة/ نجرب أسبوع واحد لو مقدرتش يرجعها ماشي
عاصم/ تجربي ايه. ..هي لعبه
اعقلي يا مديحة وفكري في مصلحة البنت
مديحة/ طب لو اتجوز
عاصم/ وقتها بقي نبقي نشوف لو مستريحه مع باباها خليها هناك المهم راحت البنت مش راحتك انتي فكري وهاخد منك القرار بالليل وياريت يكون القرار في مصلحة البنت سلام
.........
في فيلا مراد
دينا / اعمليلي قهوة يا منال اعصابي تعبانه ووحاسه بوجع جامد في ضهري
نورهان/ منال اطلعي اوضتي نضفيها علشان عايزة انام منمتش بالليل
دينا/ اعملي اللي قولتلك عليه الأول يا منال
وعد/ منال هتعمل اللي نور قالتلها عليه
دينا/ انا ست البيت هنا وانا اللي اامر وأنهى فيه
وعد/ ست البيت؟ !!..ولا حرباية البيت
دبنا/ احفظي لسانك يا وعد انا مش هرد عليكي بس علشان الظروف اللي احنا فيها
نورهان/ لأ باين عليكي الزعل اوي ياوليه عيب عليكي واحده في سنك تلبس اللبس ده ومكياج وفرده شعرك كأنك في فرح مش بابا تعبان وفي المستشفى ولا حاجة
دينا/ وانتى ايه اللي مضايقك انتي وهي هتعملوا عليه حموات يا قرشانه انتي وهي
وعد/ تصدقي انك بجحه وعايزة تضربي
دينا/ مش كفاية اني مستحملاكي انتي واختك في بيتي كل واحده فيكو عندها بيتها قاعدين هنا ليه
تنزل نجلاء من فوق
نجلاء /عيب يا مدام اللي انتي بتقوليه ده هما قاعدين في بيت باباهم مش قاعدين فوق دماغك
دينا/ وتطلعي مين انتي كمان خدامة الهانم اللي نايمه فوق
نورهان/ انتي ست معندكيش ذوق واللي بابا عمله فيكي مكنش كفاية
دينا/ طب اطلعوا بقي كلكو بره بيتي
هشام يستيقظ من نومه وينزل تحت
هشام/ مين بقي اللي يخرج من هنا؟!
بصفتك ايه بتقولي كده
دينا/ بصفتي مرات صاحب البيت وانتوا بقي ضيوف عندي ومش مرحب بيكو في بيتي
وعد / انتى ست قليلة الأدب
هشام/ بس يا وعد احنا متربناش علي كده الضيف بردو ليه احترامه
دينا/ نعم. ..ضيف. ..علي أساس ايه بقي اني ضيفه في بيتي
هشام / مين قال إن دا بيتك وانك مرات بابا
بابا طلقك يا مدام يعني ملكيش حق هنا غير فنجان قهوة ممكن نسمحلك بيه بس اعذرينا معندناش سكر تحبي تشربيها ساده
دينا/ وايه اللي يثبت كلامك
هشام/ بابا موجود والمحامي موجود وحضرتك حملك سقط من كام يوم يعني ملكيش حاجة عندنا
وعد/ يعني بطنها دي مش حقيقي
نورهان/ انتي ايه يا ست انتي مسبتيش حاجة معملتهاش
اتفضلي بقي من هنا
دينا/ اتفضل فين انتوا اجننتوا
تهجم نورهان ووعد علي دينا
تقوم أمل من سريرها بتعب وألم
أمل واقفة علي السلم / في ايه
ايه الزعيق ده
دينا/ إن موريتك يا مراد انت وولادك مبقاش انا دينا
هشام يصعد لأعلي / ايه اللي قومك من السرير يا حبيبتي
امل/ سمعت صوت عالي  اتخضيت علي بابا
هشام/ لا مفيش حاجة تعالي اسندك تنامي في السرير
........ ...   ...........
في شركة مراد
مازن/ مكنش ليه لزوم تيجي يا هشام الشغل ماشى تمام
هشام/ انا هراجع شوية ورق وارجع المستشفى
مازن/ هخرج انا اشوف شغلي
مازن عند الباب / نسيتني يااخي مبروك مجالك يتربي في عزك
هشام/ متشكر يا مازن عقبالك
مازن/ هو ينفع نغم تيجى تبارك للمدام؟
هشام / اه يا حبيبي ينفع تشرفنا
مازن/ أوك هقولها هي كانت محرجه بسبب الظروف يعني
هشام/ لا مفيش حاجة
مازن/ انا مقولتلكش
هشام / علي ايه
مازن / ههههه الواد معتز هيعملها ويتجوز
هشام/ مبرووك ومالك فرحان فيه كده ليه
مازن/ علشان يدخل القفص بقي ويبطل صرمحه
هشام/ طب متقول لنفسك انت وتبطل صرمحه
مازن/ هو انا بعمل ايه يعنى
هشام/ أعقل بدل مقول للمدام
مازن/ يا عم عادي قولها انا مبخافش
. ..........
في السجن
عسكري يفتح الزنزانه / زيارة علشانك يا حسن
حسن/ مين
العسكري/ أهي واحده من اللي تعرفهم
في مكتب الضابط
الضابط/ هديلك خمس دقايق
سوسن/ متشكرة يا بيه
يدخل حسن ينظر ليها باندهاش
سوسن / ايه مالك معرفتنيش
حسن/ انتي آخر واحده اتوقع إني اشوفها تزورني هنا
سوسن/ ليه علشان خلعتك
حسن/ ايه اللي غيرك كده
سوسن/ حلوين عليه مش كده انا قولت البس حتيتين الدهب دول بدل اللي سرقتهم
حسن/ مبروك
سوسن/ مالك مبهدل كده مبتاكلش ولا ايه
حسن/ جايه ليه يا سوسن
سوسن/ بصراحه انا جايه في حاجتين
حسن/ قولي وخلصيني
سوسن/ انا هتجوز بعد متخلص شهور العده طبعاً
حسن/ تتجوزي والواد
سوسن/ الواد هدخله دار أيتام
حسن/ ايه؟!!!
سوسن/ احسنله علشان لما يكبر ميعرفش إن ليه أب وأم زينا
حسن/ انتي اجننتي
سوسن / صدقني دا الحل الوحيد
انا هتجوز وهاسافر
انا بعرفك بس علشان لو طلعت من السجن يعني بعد عمر طويل يبقى مدورش علي ابنك
حسن/ عايزة تحرقي قلبي يا سوسن
سوسن/ وانت محرقتش قلبي لما قتلت امي وسرقت دهبي
حسن /متعمليش فيها الطاهره البريئة لأننا زي بعض ونستاهل نفس المصير
انتي خططتي ورسمتي كل حاجة معايا من البداية من أول حكايتي مع وعد لحد منصبنا عليها واخدت فلوسها انتي اللي علمتيني الغدر والخيانة زعلانه ليه دلوقتي
سوسن/ عندك حق انا اللي استاهل
حسن/ بس انا اللي دفعت التمن في الآخر
سوسن/ وانا كمان دفعت التمن من
حسن / سكتي ليه متكملي دفعتي التمن من ايه
العسكري يدخل بغضب / الزيارة انتهت يلا يا اخويا اتحرك
حسن وهو خارج/ سوسن علشان خاطر ابننا بلاش حكاية الملجأ دي وسبيه عند اختك
سوسن/ علشان تربيهولك وترجع تاخده علي الجاهز دا بعدك احسنلك تنسى إن ليك ابن وانا هنسي إني عرفتك في يوم من الأيام
العسكري/ انت هتوقف تتسامر يلا يا متهم
....... .........
في فيلا مراد
وعد/ هشام انا مستحيل اتجوز قبل مابابا يخرج من المستشفي قولي حاجة يا نور
نورهان/ هشام بيقول بابا طلب منه كده يبقي مفيهاش حاجة يا وعد مش فارقة يعني
وعد/ ازاي يعني مش فارقة
نورهان/'المهم دلوقتى اننا عايزين نشوف بابا
هشام/ الدكتور مانع الزيارة
وعد/ ايوه أكذب علينا ماهي مش اول مره
هشام/ يعني انا كداب
نورهان / ميصحش كده يا وعد بس يا هشام بابا وحشنا وعايزين نشوفه أظن يعنى مفيهاش حاجة
هشام/ هشوف
وعد/ هو ايه اللي هتشوف بابا ممنوع من الزيارة ولا لأ
هشام/ بصراحة أنا اللي مش عايز حد يتعبه
وعد/ ياسلام عاملي فيها دكتور حضرتك
نورهان / دكتور ايه بس احنا إللي بنقوله كده علشان ميزعلش
هشام/ نعم. ...طيب ماشي تصبحو علي خير
وعد/ تعالى هنا انت زعلت ولا ايه
هشام/ ليه شايفني مخي صغير زيكو
نورهان/ شوفتي الشتيمه اللي بالأدب
وعد/ صحيح هي اللي متتسماش اللي اسمها دينا دي لسه هنا
نورهان/ ايوه قاعدة في اوضة بابا معرفش  قاعدة هنا بصفة ايه
هشام/ بتقول عايزة تتأكد إن كان بابا طلقها ولا لأ
وعد/ انا لو منها كنت خرجت بكرامتي لكن دي
هشام/ المهم هتعملي الفرح أمتي
وعد بخجل/ الميعاد اللي تحدده انت وهاني
نورهان بغمز/ من شوية كنتي رافضة ايه اللي جرا
.......
تحت قدام بابا الفيلا خبط جامد علي الباب
عم عبده/ بس يا باشا لو تقولي في ايه
الضابط/ اسكت انت
يجري هشام يفتح الباب
وعد/ هشام بلاش تفتح انا مش مطمنه
أمل فوق / طنط في دوشة تحت ممكن تنزلي تشوفي في ايه
نجلاء/ تلاقيها الست اللي اسمها دينا دي عامله دوشة زي الصبح
.... 
يقرب هشام يفتح الباب
الضابط/ دينا سالم موجودة
هشام/ حضرتك هو في ايه
يدخل الضابط ومعاها العساكر
الضابط/ هتناديها ولا رجالتي تدخل تصحيها
هشام/ حضرتك ميصحش كده البيت ليه حرمه بردو
الضابط/ هتعرفني شغلي اتفضل ناديها بدل منفتش البيت كله
هشام لنورهان/ اطلعي ناديها نشوف نشوفه  نشوف هببت ايه دي
............... .
#عودةامل3
#بوسي مصطفي