عودة أمل 💛

الحلقة ٢٤ والاخييييرة

الحلقة 24
---والأخيرة---
#عودةامل3
#بوسي_مصطفي
...........................

في الصباح في فيلا مراد
في غرفة هشام
وعد /مش معقولة يا هشام بقي دينا دي يطلع منها كله ده
نورهان/ طب وايه التهم اللي اتوجهت ليها
هشام/ تحريض علي الخطف والقتل
امل/ يعني كانت عايزة تقتلني ليه. ..هو انا عملتلها ايه
وعد/ عملتلها ايه؟...لسه بتسالي. ..دينا دي واللي زيها يموتوا لو شافوا اتنين سعده في حياتهم زيك انتي وهشام
امل/ يعني الموضوع غيره وبس
هشام/ لأ مش غيره دينا كانت عايزة البيت كله يتخرب علشان هي اللي تكسب في الآخر الحكاية كلها طمع لو كانت نيتها صافيه كانت قدرت تكسب قلب بابا لكن هي باللي عملته خلتوا كرهها لحد مطلقها
نورهان/ هو بابا طلقها فعلاً
هشام/ آه طلقها وانا تأكدت بنفسى
وعد/ طب وحكاية الحمل دي صحيح سقط
هشام/ سقط من كام يوم
وعد/ عرفت ازاي
هشام/ بالصدفه كنت بتصل بالدكتورة اللي أمل بتابع عندها علشان تكشف لما قالتلي إنها تعبانه وعرفت من الدكتورة إن مدام دينا كانت عندها واجهضت لانها كانت تعبانه
بس طبعاً هي متعرفش إنها نفس الدكتورة اللي بتابع عندها
نورهان/ سيبك من كل ده المهم الواد القمر دا جيباه منين يا أمل
أمل وهشام يبتسموا
هشام/ طالع لأبوه طبعاً
وعد/ مننكرش إنك حلو ومسمسم بس الواد دا أمور اوي
هشام/ يا بنتي قولي. ..ماشاء الله
امل/ اومال لو مكنش صغير وابن سبعه كنتوا قولتوا ايه
نورهان / نعم يااختي انتي بتشيلي العين عنه ولا ايه
امل/ انا؟ !...مقصدش بس انا شايفاه عادي شبه هشام ابنى
هشام/ طب ماهشام زي القمر أهو وطالعلي
سبيه بقي يا وعد ينام لسه خارج من الحضانه
نورهان/ انا حجزتوا لمريم خلاص
وعد/ لأ بقي هو انتي كل حاجة تكوشي عليها انا اللي حجزتوا ل ليلي بنتي
نورهان/ بنتك أكبر منه
وعد/ طب ماهو بنتك أكبر منه
نورهان/ بس دول شهرين بس
هشام/ بس خلاص اقولكوا لما يكبر يبقي ياخد واحده فيهم أو ياخد الاتنين مش مشكلة
امل/ نعم وانا مليش رأي
نورهان/'جرا ايه يا أمل هتعترضي ولا ايه
هشام / ههههه انتي هتهدديها ولا ايه
امل/ انا اللي هبقي اختار
نورهان/ يلا يا وعد دي صدقت إن ابنها حلو بجد
احنا كنا بنرفع من روحك المعنوية بس متصدقيش نفسك اوي
تخبط مني
هشام/ أدخل
مني/ ست وعد في واحده تحت طالبه تقابلك
وعد/ مقالتش هي مين
مني/ هي بتقول معرفة واسمها سوسن
نورهان/ انتي تعرفيها
وعد/ لأ ...هنزل اشوف مين دي
...............
في الأسفل
سوسن تسكت صغيرها/ ياابني اسكت بقي
نجلاء /يمكن يا بنتي جعان أو عايز يغير
سوسن / ماهي دي المشكلة مبيرضعش طبيعي
نجلاء /لو معاكي لبن ليه وببرونه هاتي اعمله الرضعة
سوسن بفرحه/ متشكرة اوي. ..اتفضلي بس معلش ابقي هاتيلي حاجة ابرد فيها الببرونة
تنزل وعد
سوسن بحرج / ازيك يا مدام وعد
وعد/ انتي تعرفيني
سوسن بتهز ابنها / طبعاً اعرفك علي الأقل بنتك وابني قريبين من بعض
وعد بعدم فهم/ نعم يعني ايه احنا قرايب مثلا وانا معرفش
سوسن/ ابني وبنتك يبقوا اخوات
وعد/ آه انتي بقي مراته مش كده
سوسن/ لا طليقته
وعد بانفعال / مراته.... طليقته....المهم انتي جايه هنا ليه
سوسن / ليكي حق تضايقي من وجودي هنا بس انا جابني هنا احساسي بالذنب
وعد بسخرية/ يا سلام دلوقتي حسيتي بالذنب لما أمك جوزك قتلها
سوسن/ انا جايه اعرفك إن بنتك ليها أخ ملوش ذنب فكل ده
هو ميستحقش اني ابقي أمه ولا حسن يبقي أبوه ابني هدخله ملجأ يراعوه هناك ويعلموه احسن مني
ابقي روحي زوريه وعرفيه باخته
وعد/ ياسلام عايزاني أدخل انا وبنتي الملجأ علشان نشوف ابنك يعني بدل منسي الماضي كله عايزة تعرفي بنتي بيه
سوسن/ حسن بالنسبه لابني وبنتك مات قوليلها كده
وعد/ وانتي يا هانم هتودي ابنك ملجأ وتروحي فين بقي
سوسن/ أي مكان انسي فيه الماضي كله دا عنوان اختي هي عارفة عنوان الملجأ
تاخد سوسن ابنها وتخرج
وعد / انتي ست أنانية عايزة تتخلى عن ابنك علشان تنسى الماضي لأنك مش عارفة هتقولي ايه لابنك لما يكبر لكن انا عارفة هقول ايه لبنتي
تخرج نجلاء بالرضعة
نجلاء /فين الست اللي كانت هنا
وعد/ غارت في داهية
.............................
بعد مرور أكثر من شهر
عمر في التليفون / وحشاني بجد
مريم/ لو وحشتك بجد كنت سألت عليه
عمر/ هاجي الليلة اشوفك واطمن علي صحة بابا هو عامل ايه
مريم/ باباك خلاص مبقاش واعي ولا مركز في حاجة مفيش حاجة فاكرها ولا بعملها غير أنه يعاكس في كل شغاله اجيبها وطبعاً كلهم بيطفشوا من تصرفاته معاهم
عمر/ طب متقوليلوا يتجوز
تضحك مريم
عمر/ انا بتكلم بجد
مريم/ يتجوز ايه ياابني بقولك مبقاش فاكر حاجة بيصحي من النوم يسألني انا مين ابقي تعالي وشوف بنفسك
عمر/ ياااه لدرجة دي
مريم/ ماانت مبتسالش اعملك ايه
عمر /حاضر يا ماما هخلص بس كام حاجة واجي اشوف حضرتك
مريم/ هو الشغل بيخلص
عمر/ قربت أخلص وافتتاح الشركة الاسبوع الجاي انتي اول واحده اقولك
مريم/ ودي بقي دعوتي
عمر/ لا طبعاً هاجي بنفسي ليكي ولبابا
مريم/ ماشي يا حبيبي خلي بالك من نفسك
...................
في شقة صفاء
صفاء/ هتقعدي كتير يا سوسن
سوسن/ علي حسب الشغل بقولك ايه يا صفاء اسيب الواد عندك وهبعتلك مصاريفه
صفاء/ وحيد خايف حسن جوزك يخرج في أي وقت ويجي ياخده الملجأ أضمن
سوسن/ خلاص هبقي ابعتلك مصاريفة واهو كل أجازة هبقي اروح ازوره
صفاء/ لو سيبته عندي في البيت هتبعتيلوا كام
سوسن/ ألفين في الشهر
صفاء/ نعم ألفين ايه دا أنا سامعه انك هتقبضي بالدولار دا ابنك يعني هتستخسري فيه
سوسن / خلاص تلات تلاف كويسين وبعدين الواد لسه صغير
صفاء/ اربعه حلوين وبعدين خالتو يعني اللي هتربي وتاكل وتغير ملهاش حاجة
سوسن ببتسامة/ موافقة بس الواد يفضل عندك اوعى يا صفاء لما يكبر ينزل الشارع وتشغلوه زي ولادك
صفاء ببتسامة/ تروحي وترجعيلي بالسلامة يااختي يا حبيبتي
سوسن/ اشوف وشك بخير خلي بالك من الواد
صفاء/ في عنيه يلا بقي علشان الطيارة متفتكيش
سوسن علي الباب / هبعتلك علي اول الشهر متقلقيش اوعى تودي الواد الملجأ هتصل بجارتنا أم مسعد أسألها
.........................
في الصباح في غرفة أمل
تدخل وعد الغرفة بسرعة
وعد/ أمل. ..أمل. ..قومي بقي انتي لسه نايمه احنا بقينا الضهر
امل/ سيبني انام شوية انا منمتش طول الليل
وعد/ هو مين دا اللي يسيبك فوقي بقي
أمل تفتح عينها / وعد؟ !!
وعد/ اومال خيالى
تقرب وعد تفتح الستاير والبلكونه
امل/ افتكرتك هشام. ..علشان خاطري يا وعد اقفلي البلكونة والستاير دي الجو برد وعايزة انام مراد مسهرني طول الليل
وعد/ بقي كده ياامل أخص عليكي تنامي يوم فرحي بردو
امل/ نص ساعة بس وبعدين انتي عايزة مني ايه
وعد/ تدخلي معايا تشوفي الشنط لو في حاجة نقصاني تفكريني بيها
امل/ وفين نور مجاتش ليه
وعد/ نور مشغولة بولادها وافتتاح الشركة علشان خاطري قومى بقي
امل/ حاضر هقوم بس هاتيلي حاجة تقيله البسها الجو برد اوي
وعد/ حاضر
تقرب وعد من الدولاب
يخبط هشام ويدخل ببتسامة يتفاجأ بوعد
وعد/ ايه مالك شوفت عفريت
هشام/ انتي بتعملي ايه هنا
وعد/ كنت بصحي مراتك وبعدين ايه اللي في ايدك ده
هشام بغمز لأمل / حاجات كده ملكيش فيها
تجري وعد وتخطف الشنط من هشام
وعد/ وريني ايه ده
هشام/ وعد عيب كده دي حاجات خاصه بأمل
وعد تخرج فستان / جميل اوي دا يا هشام جايبه منين
هشام/ هبقي اقولك بعدين بس سيبي الحاجة دلوقتي وروحي شوفي ناقصك ايه
تخرج وعد فستان تاني/ فظيع الفستان دا يا هشام
بس دا بيتلبس ازاي
هشام/ سيبي يا بنتي بقولك
امل/ سيبها تقيسو يا هشام لو عجبها هاتلي واحده غيره
هشام بغمز لأمل / بس مفيش وقت وانا عايزك تلبسيه الليله
وعد/ هدخل اقيسو جوه
يقرب هشام من أمل / عمال اغمزلك وانتي مش عايزة تفهميني امل/ أفهم ايه فيها ايه يعني لما تلبسه وعد
وعد تنادي/ تعالي ياامل شوفي الفستان ده
امل/ اطلعي يا وعد اشوفوا عليكي هنا
وعد/ لا يااختي اتكسف تعالي بقولك
امل/ تتكسف من ايه؟ !...هو مش فستان بردو
هشام بضيق/ أدخلي شوفيه وانتي تعرفي
تقرب أمل من وعد / يالهوي ايه ده دا مش فستان
وعد بغمز/ علشان كده جوزك مكانش عايزني البسه بس انا بقي هاخده والبسه في شقتي
تخرج وعد بعد خلع الفستان
وعد/ انا هاخد ده واسيبلك الفستان دا تخرجي بيه
هشام/ طب اقولك خدي ده وهاتي ده أمل عندها فساتين خروج كتير
وعد/ بقي كده يا هشام ماشي
هشام/ انتي عرفتي العنوان ممكن توصلي هناك دلوقتي واشترى اللي يعجبك لكن ده انا جايبه علي ذوقي علشان مراتي تلبسه
وعد/ طيب يا هشام انا خارجه
تخرج وعد
هشام لأمل / البسي الفستان دا اشوفوا عليكي
امل/ انا مستحيل البس الحاجات دي دا عريان اوي
هشام/ هو انا بقولك اخرجي بيه انتي هتلبسيه هنا يلا ياحبيبتي بقي
امل/ حاضر. ..بس تغمض عينك
هشام/ طب واشوف ازاي
امل/ معرفش أهو تغمض عينك وخلاص
هشام/ هههههه حاضر خلصيني بقي
...........................
تدخل نورهان من باب الفيلا
وعد قاعدة مضايقة
نورهان ببتسامة/ الجميل زعلان ليه حد يزعل يوم فرحه بردو
وعد/ حضرتك لسه جايه وأمل هانم مشغولة وبابا مش هيحضر فرحي هو انا دايماً يحصلي كده
تطبطب نورهان عليها/ طب قوليلي عايزة مني ايه وانا اعمله
وعد/ أولا تسيبي ولادك دول مع مني ومنال وتطلعي معايا اوضتي ترتبيلي الشنط
نورهان / حاضر بس هكلم عمر الأول اشوف العمال شطبوا الشغل ولا لسه
وعد بضيق /انا طالعه اوضتي لما تفضي ابقي اطلعي
تدخل ريم
ريم ببتسامة/ صباح الخير يا بنات
نورهان ببتسامة/ أهلا ازيك يا ريم اخبارك ايه
ريم/ الحمد لله ....تمام. ..ازيك يا وعد الف مبروك
وعد بضيق/ ميرسي
ريم/ انا قولت أجي اباركلك الصبح علشان طنط لوحدها في البيت
وعد/ فيكي الخير
نورهان/'طنط مديحة عامله ايه
ريم بتنهيدة/ أهي كويسه. ...وفاة سها مآثرة علي نفسيتها اوي نورهان/ سلميلي عليها هبقي أجي ازورها
وعد/ تشربي ايه
ريم/ ولا أي حاجة انا جايه اقدملك الهدية البسيطة دي أتمنى إنها تعجبك
وعد/انا هطلع اوضتي يا نور لما تخلصي تعاليلي الأوضة علشان اخلص الحاجات اللي نقصاني
نورهان بحرج تاخد هدية ريم/ هدية مقبولة عقبال منهديكي يوم فرح كريم. ..صحيح مجبتهوش معاكي ليه
ريم/ طنط متسبوش لحظة معرفش يجي معايا. ..استاذن انا بقي يا نور واضح انكو مشغولين سلميلي علي هشام وأمل والولاد
نورهان/ مينفعش تيجي وتمشي كده من غير متشربي حاجة
ريم/ معلش بقي عندنا مشغولياتنا هبقي اشوفك في حفل إفتتاح شركة عمر بقي
نورهان/ إن شاء الله. .. تيجي وتنوري مع السلامة
.............................
في غرفة وعد
نورهان/ ايه قلة الذوق اللي انتي فيها دي واحده وجايه تباركلك تحرجيها بالشكل ده
وعد/ نور بقولك ايه هي اخت جوزك مالي انا بالموضوع وبعدين تعالي بقي رتبي الشنطة دي وشوفيها مش عايزة تتقفل ليه
نورهان/ علشان يا ذكية حاطه فيها حاجات أكبر من حجم الشنطة اوعى كده خليني اشيل منها
تخبط أمل وتدخل
نورهان/ أهلا يا أمل نموسيتك كحلي
وعد بضيق/ ايه الفستان عجب هشام
امل/ عجبوا اوي وهينزل يشتريلي كام واحد كمان
وعد لنورهان/ شايفة بتفرسني ازاي
امل/ وريني بقي عايزة تعملي ايه
................
في فيلا مختار
مريم/ انا تعبت بجد دي عاشر مره افكرك واقولك لازم تاخد الدوا
مختار/ اخده وترجعيلي فلوسي
مريم/ وارجعهالك ازاي هو انا اللي كنت اخدتهم
مختار/ هاتيهم من نادين
مريم/ اشمعنه نادين اللي فاكرها اوي
مختار/ البنت كانت حلوه اوي يا مريم
مريم/ كويس انك فاكر اسمي أهي الهانم موجودة وابنك عارف عنوانها ابقي روحلها انا خارجه قبل متجيبلي الضغط
مختار/ رايحه فين
مريم/ رايحه ابارك لبنت اختي واقف جمبها في يوم فرحها
مختار/ هي مرات ابنك هتتجوز
مريم/ أنت ياراجل جرالك ايه مرات ابنك تتجوز ازاي
دي وعد هي اللي فرحها الليلة
مختار /هي مش متجوزة هتتجوز تاني ليه
مريم/ مختار خد الدوا يا حبيبي وانا موصيه البواب ياخد باله منك لو احتاجت أكل مياه دوا أي حاجة هيعملهالك
ومشيت الشغالة علشان مش ناقصة أجي الاقيك عامل مصيبه
مختار /طيب متتأخريش يا مريم علشان بتعب اوي وانتي مش موجودة
تقرب مريم منه/ عارف برغم كل اللي بتعمله واللي عملته فيه بس مبتهونش عليه
مختار/ علشان قلبك طيب وبتحبيني صح
مريم/ انا ماشية
مختار/ اتكسفتي يبقى بتحبيني. ..قوليها يا مريم عايز أسمعها
مريم ببتسامة/ انت فايق ورايق سلام يا مختار
....................................
في المساء
وعد/ شايفة هشام خرج ازاي ومجاش لحد دلوقتي
نورهان/ تلاقيه بيخلص شوية شغل ماانتي عارفة هشام طول اليوم من الشركة للمستشفي للبيت اعذرية يا وعد
وعد/ ماشي بس هاني قاعد قلقان
امل/ بتتودودو علي ايه
نورهان /هي حماتك يا وعد مالها
وعد/ شكلها زي اللي مغصوب عليها في الجوازة دي
امل/ تلاقيها بس حاجة مضايقاها هروح اقعد معاها وافرفشها شوية
نورهان /وانا هروح لحماتي اشوفها محتاسه بالعيال يا حبيبتي هتلاقيها من جوزها ولا من العيال
وعد/ أهو جوزك جه خليهم معاه وتعالي اظبطيلي الفستان حاسة إن السوسته دي هتفك والفستان هيتقطع
نورهان/ متقلقيش انا مظبطاه وبطلي كل شوية تعدلي في الفستان
وعد/ الفستان كان مظبوط معرفش تخنت في اليومين دول ولا ايه
عمر يقرب من وعد ونورهان / مبروك يا عروسة
وعد/ ميرسي يا عمر بيه خلاص مبقتش فاضي لحد
عمر ببتسامة/ ازيك يامراتي يا حبيبتي
وعد/ اسيبك مع مراتك حبيبتك واروح انا اشوف جوزي
نورهان / خلصت كل حاجة
عمر/ كله تمام العمال خلصوا وجبت ناس نضفوا المكان وبقي فله باقي حضرتك بقي تشرفينا وتظبطي المدخل والمكتب علي ذوقك علشان الافتتاح
نورهان /نخلص بس من ليلة وعد دي ونطمن علي بابا وبعد كده نشوف موضوع الافتتاح ده
عمر/ هو هشام فين
.....
أمل في التليفون/ كل ده شغل يا هشام يعني الناس يجوا ميلقوش حد يستقبلهم ينفع كده
هشام/ خمس دقايق يا حبيبتي واكون عندك وبعدين انتي الخير والبركه بردو
امل/ ماشي يا هشام ثبتني بكلمتين
هشام/ سلام بقي علشان أركز في الطريق
.............
مني في المطبخ / ايه يا منال مش عايزة تفوكيها بقى
منال/ مالي ماانا كويسه شايفاني بقطع في شعري ولا بعضعض في شفايفي
مني/ لأ انا شايفة انك توافقي علي العريس اللي خالي جايبه
منال/ عريس ايه اسكتي يا مني احسن
مني/ صدقيني دي فرصة متتعوضش الواد كويس وابن حلال وشاريكي ومعاه صنعه كويسه هيعيشك كويس وتبعدي عن الشغل في البيوت ولا انتي لسه بتفكري في الموضوع إياه
منال/ مبفكرش في مواضيع وان كان علي العريس استريحي يااختي انا قولت لخالي اني موافقة
مني/ مبروك يا بت عقبالي انا عارفة معندوش نظر دا انا اللي طلعتلوا بالعصير بس واضح بقي انه كان جاي وحاطط عينه عليكي انتي
منال/ أهي جوازة والسلام وعلي رأيك الواحد يبعد عن الشغل في البيوت
.................
معتز يدخل وفي أيده عروستة
مازن ومرات وابنه
تقرب أمل ونورهان ببتسامة تسلم علي نغم وزوجة معتز
نغم/ اومال فين عروستنا الحلوه
امل/ ثواني هندهلها
نورهان/ شرفتونا يا جماعه
مازن/ هو هشام فين لسه مجاش
نورهان/ هو مش في الشركة
مازن /لأ دا حتي خرج من بدري وقال إنه رايح مشوار مهم وهيرجع علي طول
معتز يغمز لمازن/ اوبااااا هو هشام بيعمل مشاوير
مازن بهمس/ اسكت متخربش الدنيا
معتز/ أوك هسكت خالص بس قولي الأول هشام فين
مازن/ ياابني معرفش وبعدين هو اي مشوار يبقى اللي بالك فيه بطل بقي انت متجوز
معتز/ ماشي يا عم المستقيم
....................
يدخل هشام بالعربية
أمل بفرحه / اكيد دا هشام
هاني/ عارفة لو مكانش هشام هشيلك دلوقتي وادخلك العربية ونروح شقتنا انا بجد تعبت
وعد/ دا انا اللي تعبت من الفستان ده بقالي كام ساعة بيه لما خلاص حاسه اني هموت وانا لبساه
نورهان وأمل يضحكوا
يدخل هشام من بابا الفيلا
هشام بفرحه مليئة بالدموع / اتفضل يا بابا نورت بيتك
نورهان ووعد في دهشة ودموع بتنزل
يجروا علي مراد
مراد بدموع / وحشتوني يا حبايبي
وعد ببكاء/ كنت عارفة انك مستحيل تسيبني في يوم زي ده
نورهان تقبل يد مراد/ يا حبيبي يا بابا وحشتني وحشتني اوي
الجميع في دهشة
يجروا الأحفاد ناحية مراد يحتضنوه
هشام/ بالراحة بابا لسه خارج من المستشفي
أمل واقفه بعيد بدموع
مراد/ ايه يا أمل مش عايزة تيجي في حضني
هشام / طب وسعوا بقي علشان دا الحضن الكبير
تجري أمل ناحية مراد بدموع
أمل تحتضن مراد بقوة/ وحشتني وحشتني اوي
مراد/ طب وايه لازمة الدموع دي
امل/ دموع الفرحه
وعد لأمل / طب وسعي بقي انا عايزة اخد حضن انا كمان
هشام/ حضن ايه كفاية عليكي هاني
يلا يا هاني مش هتاخد عروستك ولا ايه
هاني/ اللي يشوفوا عمي. ..حمدا لله علي سلامتك يا عمي
وعد/ اشبع من بابا الأول
هشام/ لو مخرجتيش دلوقتي هنرجع في كلامنا ها قولتي ايه
هاني يقرص وعد في كتفها بهمس/ انا بقول يلا بينا
وعد/ أوك همشي بس جايه الصبح اطمن علي بابا
تخرج وعد في ايد عريسها
وسط فرحه كبيرة من المعازيم وتهنئة للعروسين
وفرحه بسلامة مراد ورجوعه لبيته
.................
في غرفة هشام
هشام خارج من الحمام / يا سلام علي الحمام الدافي في الجو ده والنوم تحت البطانية
يلتفت يمين وشمال / أمل. ..أمل انتي فين
يخرج هشام
.. ......
في غرفة مراد
أمل بجانب سرير مراد/ عارف يا بابا انا مكنتش هسامح نفسي لو جرا لحضرتك حاجة بعد الشر بعد الشر عليك يعني
مراد/ حبيبتي يا بنتي عارفه اكتر حاجة كانت وحشاني وانا راقد في سرير المستشفي ايه
امل/ هشام والولاد
مراد/ انتي يا أمل ضحكتك وابتسامتك دي اللي يوم مشوفتهم وانتي بنت صغيرة في ايدها اللعبه بتاعتها بترتعش من البرد حضنتك وكأني انا اللي محتاج الحضن ده
تحتضن أمل مراد
مراد/ اتمنيت إن يكون عندي بنت أو تكوني انتي بنتي وفعلا انتي بنتي اللي مخلفتهاش
يخبط هشام ويدخل
هشام بمزح / انتي هنا بتعملي ايه
مراد/ كانت بتغطيني من البرد
يقرب هشام من السرير بغمز / وسعي بقي واسبقيني علي الأوضة يلا
اخدت الدوا يا بابا
مراد ببتسامة/ اخدته يلا بقي علشان تلحق تنام عندك شغل الصبح بدري
هشام/ سمعتي يلا بينا
امل/ تصبح علي خير يا بابا
هشام يغطي مراد ويطبع قبله علي رأسة / نورت بيتك يا حبيبي يبتسم مراد ويغلق عينه لينام
هشام ممسك بيد أمل
هشام/'يلا علشان تقيسي الفستان
أمل تسمع صوت بكاء مراد
هشام / ايه..... اوعى
امل/ معلش يا حبيبي هروح للولد تلاقيه جعان
هشام/ والفستان
امل/ مش هتاخر
يدخل هشام الغرفة وينتظر نصف ساعة وبعدها ينام
تدخل أمل بهدوء وتقرب من السرير / هشام. ..هشام يا حبيبي انت نمت
هشام بضيق /آه نمت عايزة مني حاجة
امل/ لأ بس مش هقيس الفستان
هشام / لأ مش عايزك تقسيه نامي بقي
بعد شوية
يقرب هشام من أمل
هشام/ حبيبتي انتي نمتي
امل/ اه يا حبيبي عايز مني حاجة
هشام/ متقومي تقيسي الفستان
امل/ بكره يا حبيبي تصبح علي خير
هشام بضيق ممسك الوسادة ويخبطها علي دماغها / وانتى من أهل الخير يا حبيبتي
😂😂😂😂
---------------
استنوا لسه مخلصتش
عارفة اني في الرواية بعض الشخصيات في النهاية اعطتهم فرصة تانية علشان يكملوا حياتهم وشخصيات تانية الفرصة راحت منهم
ريم وماجد حياتهم اتغيرت لانهم حاولوا انهم يتغيروا بجد ولما الفرصة جات لهم استغلوها
---------------
ماجد / دلوقتي أصبح له دور كبير في شركة والده وبيحاول انه يكبرها وينسى الماضي كله
اما ريم/ فعايشة هي وابنها وزوجها مع عاصم ومديحة وبتحاول ع قد متقدر انها تسعدهم وتنسيهم وفاة بنتهم
-----------
مديحة وعاصم/ مازالوا متأثرين بوفاة سها لكن بيحاولوا يمشوا الحياة مابينهم ووجود شهد خميس وجمعه بيهون عليهم كتير----
أما علاء /فهو في نفس الحالة ولسه منعرفش هيتجوز ولا لأ لانه مازال عايش علي ذكري زوجته
-----------
علي العكس حسن / اللي ياما اخد فرص كتير علشان يبقي كويس ولكن هو حابب يكون كده ومعندوش إرادة للتغيير اتكيف علي حياة السجن وهيقضي خمسه وعشرين سنه من عمره فيه قضي منهم سنه واحده
----------
سوسن/ نفس الحال خارج السجن ولكن تعتبر سجينه لشغلها اللي بتكون فيه زوجة للي يدفع اكتر زواج لمدة بسيطة ويحصل انفصال تلات شهور وتتجوز تاني راجل يدفع اكتر وهكذا
ابنها/ عايش مع خالته اللي بتعامله احسن معامله وكله بالفلوس
--------
أما دينا ومدحت / فكانت نهايتهم السجن
وفي السجن دينا اتعذبت واتبهدلت من الستات داخل الحجز وكمان بعد دخولها السجن والحكم عليها
بعد مضاعت منها كل حاجة جوازها وحملها مستقبلها بسبب الطمع
------
كمال ونجلاء/ حياتهم الزوجيه سعيدة لانهم متفاهمين من البداية والحب هو الرابط اللي ما بينهم
-------
وعد وهاني/ عايشين مبسوطين وسعده جداً في حياتهم عايشين علي قدهم وكمان اشتغلت في شركة والدها في الحسابات ومعاها أنور دلوقتي وليلى عايشة معاهم
----------
نورهان وعمر/ افتتحوا الشركة وبدأت تشتغل وحياتهم جميله مع بعض المشاكل البسيطة اللي مبيخلاش أي بيت منها
------------
مريم ومختار/ عايشين زي ماهما مريم بتراعي زوجها
ومختار لسه عنده أمل إن نادين ترجعله الفلوس اللي اخدتها منه
----------
مراد/ طبعاً بطل الرواية من أول حلقة انسان طيب وقلبه نضيف وعايش في الفيلا صحته بقت علي قده عايش وسط أحفاده
هشام. ..شادي...مراد
-----------------
أما هشام / شايل شغل الشركة كله وفي بعض الأوراق اللي بياخدها معاه البيت لوالده يطلع عليها
وعايش هو أمل في سعادة وهنا بعد مابعدت كل المشكلات اللي كانت بتعكر عليهم حياتهم الزوجية
------------
اما امل/ فقررت تنسى الماضي كله وتعيش لزوجها واولادها وبيتها ورعاية الأب اللي مد أيده ليها علشان تعود أمل من تاني

---------------النهاااااااااااية---------------

اتمني تكون عجبتكم عودة أمل بأجزاءها الثلاثة
وإن شاء الله نلتقي في رواية جديدة من كتابتي
اتمني ليكم السعاده وراحة البال.
❤❤❤❤❤❤❤❤❤❤❤❤❤❤
بقلمي:-
#بوسي مصطفي

انتهت قصة عودة أمل ولكن للأحداث باقيه مع أنت قلبي
قصة جديدة جمعت فيها أسرة مراد الي جانب باقي  أبطال قصص قديمة
اللي حابب يستكمل الأحداث يقرأها
هي أيضاً ع الواتباد
بعنوان... أنت♥️قلبي .