احببت عنادك... بقلمي/هاجر هشام

البارت 20

عمر وهو في السوبر جيت
سالي بعياط: وانت جاي تقولي بعد ما سافرت ياعمر
عمر : ياحبيبتي والله الموضوع جه فجاه وملحقتش اقول
سالي: بردوا مش عذر كان ممكن مكالمه تليفون وتعرفني في ساعتها
عمر: كنتي هتعملي اي مثلا هتمنعيني
سالي: لا بس اكون عارفه
عمر: طب اديكي عرفتي
سالي : طب دلوقتي وضعنا ازاي انت حسب كلامك هتقيم هناك اي بقاا
عمر: انا ان شاء الله هظبط حالي هنا واستقر وهجيب شقه كدا واوضبها وبعديها نجوز ونعيش انا وانتي في الشقه
سالي: تفتكر بابا هيوافق اني اروح بعيد اوووي كدا
عمر: ما دا يتوقف عليكي انتي حاولي تقنعيه وانا بردوا هكلموا
سالي: ماشي ياعمر انت فاضلك قد اي وتوصل
عمر: يعني قدامي نص ساعه
سالي: ماشي توصل بالسلامه ياحبيبي
عمر: ايوا بقاا فين حبيبي دي من زمان
سالي بكسوف : خلاص بقاا ياعمر
عمر: خلاص حاضر هحترم نفسي اهو
منار جنبه : ماتخلص ياعم النحنوح
عمر قفل مع سالي ولفلها
عمر: نحنوح يابيئه انتي جبتي الكلمه دي منين يابت
منار: يعني واحده قاعده وسط مجرمين عايزها تقولك اي يابيبي مثلا 😒
عمر: ايوا صح عندك حق انا استاهل ضرب الجزمه اني خليتك تدخلي شرطه اصلا
منار: بسيبابا انا داخلها بمجهودي 😎
عمر: مجهود اي يااختي دا فين دا عايز اشوفوا
منار باستغراب : هو اي الي عايز تشوفوا
عمر بضحك: مجهودك
منار: ودا هتشوفوا ازاي يااهبل ثم اكملت بغرور مصطنع وبعدين انا الرائد منار عبدلله الاسم لوحدوا مجهود يابابا
عمر: يالهوي ع الغرور 😒
الام : بس يازفت انت وهي بطلوا رغي صدعتوني
عمر ومنار وهم يقلدوا اللمبي : حاضر يا ماما
عمر ومنار بصوا لبعض وضحكوا وكملت منار بحماس: بجد مش قادره اصدق كان نفسي اقيم في اسكندريه ع طول متتخيلش قد اي بلد جميله
عمر:اه جداا الاماكن الي فيها والناس طيبين وجدعين
منار: دا اه فعلا بس كل البلاد فيها ناس كتير طيبه وجدعه انا بكلم ع الاماكن وعن الجو وعن البحر
عمر: في اي ياست ام كلثوم انتي مالك
منار: يخربيت فصلانك ياشيخ غور 😒
💝💝💝💝💝💝💝💝💝💝
عند اسر وهاجر
اللواء: دلوقتي بالنسبه لمهندس الكمبيوتر احنا طلبناه وهو جاي من القاهره هيكون هنا بكره
هاجر : طب هو ليه حضرتك من القاهره ما كان ممكن من اسكندريه عادي
اللواء: المهندس الي جبناه مش اي حد دا من اكفء المهندسين الي في الداخليه وهو دا الي يقدر يخترق الجهاز لان الجهاز محمي جدا وصعب اختراقه
وعندي ليكي خبر وحش يا هاجر
هاجر : خير يافندم
اللواء : للاسف صلاح ايوب المرادي مش هيسكت ومن خلال الجسوس الي زرعناه هناك سمع انو هيحاول اغتيالك
اسر ولؤي بصولها بخوف شديد
اسر بخوف : طب مانقبض عليه يافندم قبل ما يعمل كدا
اللواء: هنقبض عليه بتهمه اي ياحضره الظابط بتهمه التفكير في الاغتيال ولا اي بالظبط
اسر سكت لان اللواء فعلا عندو حق
هاجر : متقلقش حضرتك يافندم الحامي هو ربنا والي عايز يعملوا يعملوا لان حتي لو حصلي حاجه فيه غيري يقدر يمسكوا
اللواء: حقيقي انا بشجعك ع قوتك دي وفخور جدا بيكي انتي لا تختلفي ابدا عن الرجاله وانتي اثبتي دا بجداره
هاجر: شكرا لحضرتك يافندم دا واجبي واي حد مكاني هيعمل كدا
اللواء: تمام اتفضلوا انتوا دلوقتي ولما يجي المهندس بكره هطلبكوا
الكل: تمام يافندم
بعد خروجهم هاجر طلبت تكلم اسر ع انفراد
هاجر: شكرا ع خوفك علياا لما اتضربت بالرصاصه في كتفي وخوفك علياا دلوقتي ولما اتخطفت
اسر : لا مفيش شكرا ابدا انتي زي اختي ولازم اخاف عليكي
هاجر بخيبه امل: وانت بردوا زي اخوياا عن اذنك
مشيت هاجر واسر نهر نفسه جدا
اسر جواه : غبي اي الي قولتوا دا اختي اي وزفت اي
عند هاجر
هاجر : اه ياقلبي اسفه اني وجعتك لتاني مره
القلب: بس انا حاسس انو بيحبني
العقل:بيحب اي انت عبيط ما هو بيقول زي اختي
💔💔💔💔💔💔💔
عند نورهان وسيف
باسم : ساره
ساره: ايوا يااستاذ باسم
باسم بمرح:لا استاذ اي يعني انا بقولك ساره وانتي تقولي استاذ دا حتي عيبه في حقي
ساره بضحك: هههههههههه حاضر يا باسم
باسم بهيام: يااه ضحكتك حلوه اووي
ساره بكسوف :ميرسي
نورهان من وراهم : بتعملوا اي
باسم بخضه: والله ماعملت حاجه
نورهان بضحك: هههههههههه طب خلاص في اي انا بهزر
باسم: حرام عليكي ياشيخه قطعت الخلف
ساره: خضتيني يانور
نورهان: ههههههههههه انا اسفه كنت بهزر
قطع كلامهم سيف بجديه: ماتضحكونا معاكوا
باسم : مفيش كنا بنهزر مع بعض عادي
سيف حس بالغيره لما لقي نورهان بتهزر مع باسم وتضحك
سيف: طب دا مكان شغل مش للهزار
نورهان: والله مكان الشغل ممنعش الهزار ع ما اعتقد وبعدين ماتفك كدا خليك فريش بدل الجديه دي
سيف بدهشه: فريش
نورهان بضحك: انت مستغرب ليه
سيف: مستغرب ان بنت بتقول الالفاظ دي
نورهان بثقه: نحن نختلف عن الاخرون يا حبيبي
سيف بدهشه: حبيبي
نورهان بحرج: اسفه قولتها تلقائي
سيف : لا عادي ولا يهمك
قطع كلامهم ساره
ساره: ننو صح كل سنه وانتي طيبه ياقلبي
نورهان : وانتي طيبه ياحبي
سيف: اي دا هو عيد ميلادك انهارده
نورهان : لا بكره
سيف: كل سنه وانتي طيبه
نورهان: وانت طيب
💝💝💝💝💝💝💝💝
تاني يوم
عند سيف ونورهان
سيف اتفق مع ساره ع حاجه وقال للكل عليها وهي انهم يعملوا مفاجاه لنورهان بمناسبه عيد ميلادها واتفق مع مطعم وحجز وبعتلهم صوره نورهان عشان يحطوها ع التورته
ساره: نورهان انا جوعت انتي مجوعتيش
نورهان: انا كمان جوعت جدا تعالي نروح ناكل في المطعم
ساره : لا تعالي انا عزماكي انهارده ع حسابي وفي مطعم تاني بمناسبه عيد ميلادك
نورهان بمرح: طالما ع حسابك معنديش مانع
ساره بضحك : طب يلا يااختي
نورهان: يلا
ذهبوا الاثنين الي المطعم
نورهان: اي دا هو النور قاطع ولا اي
ساره: اي دا مش عارفه
نورهان: طب خلينا نشوف مطعم تاني
ولفت عشان تمشي لكن فجاه النور جه ولقت تصقيف وزينه في المكان وظهر سيف وباسم ومروان ومريم
نورهان بفرحه: الله دا عشاني
ساره: طبعا هو احنا عندنا كام نورهان يعني
نورهان بفرحه: ياروحي ربنا يخليكي لياا يارب انا مبسوطه جدا ربنا يخليكوا بجد
باسم بابتسامه وهو بقدم الهديه : كل سنه وانتي طيبه يانور
نورهان: وانت طيب يا باسم ميرسي
وكل واحد بيقدم هديته ويقولها كل سنه وانتي طيبه
سيف بابتسامه: كل سنه وانتي طيبه يانورهان
نورهان بابتسامه : وانت طيب يا سيف ميرسي
ساره : ع فكره يا نورهان سيف هو كان صاحب الفكره دي
نورهان بفرح: ميرسي يا سيف ع المفاجاه دي
سيف : يارب تكون عجبتك
نورهان: عجبتني بس دي تحفه حقيقي اول مره حد يعملي مفاجاه
سيف : طب يلا عشان نطفي الشمع
جاء الجرسون ومعاه التورته وعليها صوره نورهان
نورهان باعجاب : واو حلوه اووي
سيف : يلا نبدا
الكل: Happy Birthday to you
Happy Birthday Norhan Happy Birthday to you
وطفوا كلهم الشمع
وبعديها اشتغلت مزيكا وقعدوا يهيصوا ويرقصوا كلهم وفي نهايه الحفله كلوا مشي وفضل نورهان وسيف
سيف : تعالي اوصلك
نورهان : لا شكرا معايا عربيتي
سيف : لا طبعاا الوقت اتاخر سيبي عربيتك هنا وانا هعدي عليكي بكره اوصلك لحد عربيتك تاني
نورهان : مش عايزه اتعبك معايا
سيف: ياستي هو انا اشتكيت اتعبيني انتي بس وملكيش دعوه
نورهان بضحك: والله لو مكنتش تحلف
سيف بضحك: طب يلا
ركبوا العربيه ومشيوا وكانوا ساكتين
نورهان قطعت الصمت وشغلت اغنيه
سيف: هو انتي مصدعتيش من الاغاني
نورهان : لا خالص انا بحب الاغاني جدا
وفجاه لقوا ع الطريق شجره ساده الطريق عليهم
نورهان باستغراب : اي دا اي الي وقع الشجره كدا
سيف حس ان فيه حاجه غلط وطلع سلاحوا
سيف : طلعي سلاحك خليه معاكي
وطلعت هي كمان السلاح وهو خرج عشان يزيح الشجره وهي كمان خرجت معاه تراقب الطريق
راح ورفع الشجره مكنتش كبيره ولا تقيله بس فجاه سمع ضرب نار بص وراه لقه حد واقع ع الارض سايح في دموا وبص ناحيه نورهان عرف ان هي الي صوبت عليه واتفزع لما لقي حد وراها هي ومعاه شومه عمل حركه بعنيه ليها وهي فهمت ووطت بسرعه وهو ضرب نار عليه بس فجاه لقوا رجاله كتير من حواليهم من كل مكان هما الاتنين فضلوا يضربوا بالرصاص بس الرصاص بتاعهم خلص فا استخدموا ايديهم في الضرب وحصل معركه وفجاه حد من ورا سيف ضربوا ع راسوا بالعصايه
نورهان بصريخ : سيييييييف
وفجاه هي كمان حست بخبطه ع دماغها جامد وبعديها محستش بحاجه
💝💝💝💝💝💝💝💝
في مكان اخر
عند محسن
مراد  قفل المكالمه الي معاه ولف لمحسن
مراد: كلوا تمام يا بااشاا الرجاله نفذوا
محسن : عفارم عليك يامراد
مراد: تلميذك يا بااشاا
محسن : خليه يجبهم بقاا ع المزرعه انت عارفها
مراد: طبعا يا بااشاا علم وينفذ  عن اذنك
خرج مراد
محسن بشر: اخيرا وقعتوا تحت ايدي اصل مش شويه عيال زيكوا يوقعوني انا محسن الديب الي اوقع بلد
💝💝💝💝💝💝💝💝💝💝
عند عمر ومنار
منار كانت سهرانه ع الاب بتاعها بتشتغل عليه سمعت خبط ع الباب
منار : ادخل
عمر: انتي لسه صاحيه يا منار
منار : اه بعمل شويه حاجات ع الاب كدا
عمر : ماشي ياحببتي انا كنت بطمن عليكي بس عايزه حاجه
منار : لا ياحبيبي عايزه سلامتك
عمر : طب تصبحي ع خير متنسيش تصحيني ع الفجر
منار : وانت من اهلوا ياحبيبي وحاضر مش هنسي
راح عمر ينام ومنار كملت شغل
منار كانت بتحب الهكر جداا واتعلمتوا وبقت اشطر من الدكاتره بتوعها كمان فيه عشان كدا حبت تجرب الهكر ع حساب يستحيل اختراقوا وهو حساب تبع منظمه كبيره جدا وعشان هي ظابط ومش بتخاف جربت فعلا حاولت مره واتنين وثلاثه واخيرا
منار بفرحه: ياااه اخيرا قدرت اهكر الحساب ودخلت ع الحساب وعرفت معلومات كتير جدا وخطيره جدا
منار : يالهوووي اي المعلومات دي دي تودي في داهيه
💝💝💝💝💝💝💝💝💝
ع جانب اخر
شخص : الحق يا بااشاا
شخص2: في اي يابني
شخص: في حد اخترق الجهاز يا بااشااا
شخص 2بعصبيه: انت بتقول اي ازاي حصل دا ومين الي عمل كدا
شخص: للاسف يا بااشاا مش عارف اجيبوا شكلوا محترف جدا
شخص 2 بغضب: يعني اي مش عارف تجيبوا امال انا جايبك ليه لو مش عارف قول وانا اجيب مهندسين ع اعلي مستوي
شخص بخوف : حاضر يافندم هحاول اوصلوا
شخص 2: مفيش حاجه اسمها هحاول انا عايزك تعرفلي كل حاجه عنو انت فاهم
شخص : حاضر يا باااشاا
💝💝💝💝💝💝💝💝
في مكان مهجور وبعيد
صحي سيف
سيف بوجع : اه دماغي انا فين
بص حواليه لقاا نورهان نايمه ع الارض وايديها مربوطه ورا ضهرها ورجليها كمان كانت لسه مفاقتش
سيف بفزع : نورهان
سيف كمان كان مربوط زيها حاول يقوم بس مش عارف لان رجليه مربوطه فا فضل يهز فيها عشان تصحي
سيف : نورهان اصحي يانورهان
نورهان : اه يادماغي الهي تنشك في ايدك ياشيخ
سيف باستغراب : هو مين دا
نورهان : الي خبطني ع راسي الهي يارب اشوفوا مخبوط في راسوا عشان يحس بالوجع دا دانا حاسه اني جالي ارتجاج في المخ
سيف ضحك ع طريقه كلامها
سيف :هههههههههه  بجد مش قادر يعني احنا مخطوفين وانتي بصي بتقولي اي
نورهان : اه مانت مش حاسس بدماغي انا جالي صداع
سيف: مانا اضربت زيك هو انا يعني الي شربوني حاجه اصفرا ولا حاجه
نورهان بتذكر : اي دا اه صح سوري نسيت
سيف : انا مش عارف ليه حاسس اني مخطوف مع بنت اختي يابنتي هو انتي ظابط طبيعي كدا يعني
نورهان بمرح : لا قيصري 😂😂😂😂
سيف بضحك: بس انتي اخرسي خالص يخربيت الي يكلم معاكي بجد انا مش حاسس اننا مخطوفين
نورهان بهمس وهي تقترب من اذنه : اقولك كلامك في سرك
سيف بنفس الطريقه : قولي
نورهان بهمس: انا بصراحه كان نفسي اتخطف من زمان اوووي انا اصلا داخله كليه الشرطه عشان الاكشن دا حقيقي عجبني
سيف انفجر في الضحك لحد ما عنيه دمعت من كتر الضحك: لا حقيقي مش قادر يخربيتك انتي فظيعه
نورهان : ايوا اضحك كدا محدش واخد منها حاجه
سيف بضحك: مااشي يااختي وانا الي كنت قلقان لتكوني خايفه دا انتي طلعتي عبيطه
نورهان : شالله يخليك 😂😂😂😂😂
سيف : طب احنا هنعمل اي دلوقتي
نورهان : بص هو حسب الافلام كان الراجل الكبير بتاع العصابه بيدخل ويقول كلام كدا بص هو لاما عايز يعذبنا زي في الافلام لاما يعذبنا
سيف : لا بجد يعني هو لاما يعذبنا لاما يعذبنا
نورهان وهي تهز راسها بالموافقه بثقه
سيف : طب ونبي نقطينا بسكاتك خالص
نورهان : يعني مش عايز تستفاد من ذكائي
سيف : لا شكرا انا مستغني عن خدامتك
نورهان : احسن انت الخسران
سيف : انا عايز اخسر ملكيش دعوه
نورهان : هو انت مبتعرفش تكلم باحترام يوم كامل ع بعض
سيف : اصل عايزاني اقول اي انا حاسس انهم خاطفين طفله معايا
نورهان بغضب: متقولش طفله
سيف : يارب صبرني حاضر مش هقول طفله هقول هبله
نورهان بصتلوا بغيظ : ومتقولش دي كمان
قطع خناقهم دخول احدهم نورهان وسيف بصوا ناحيه الباب عشان يشوفوا مين الي داخل
نورهان بصدمه : انت
محسن : اي ياحلوه مكنتيش متوقعه تشوفيني ولا اي
نورهان باستفزاز: لا طبعا متوقعه بعد ما علمنا عليك في الصفقه
محسن بغضب وشدها من شعرها ورجع راسها لورا وهي صرخت وسيف بغضب: سيبها احسنلك
محسن : هتعمل اي يا بااشاا مااانت مربوط زيها ومش هتقدر تعمل حاجه
سيف : طب فكني وشوف هعمل فيك ايثم اكمل باستفزاز ولا مش بتتشطر غير ع الستات
محسن ضربوا بوكس خلاه نزف من انفه
سيف بغضب : وحياه امي مااهسيبك
محسن : كفايه حلفانات يا بااشاا لانك مش هتقدر تعمل حاجه
سيف : اخلص وقول الي عندك
محسن بخبث : لا انا عندي كتير بصراحه يا بااشاا بس هسييكوا تريحوا انهارده وبكره نكلم
نورهان بتريقه : تصدق محسسني اننا جايين نضايف  انت متخلف نريح اي وكلام بكره اي ما تقول الي عندك واخلص
فجاه لقت قلم نزل ع وشها
سيف حاول يفك الحبل الي مربوط بيه مش عارف : والله ما هسيبك
محسن : دا ياحلوه عشان لسانك الي عايز قطعه  وانا لما قول حاجه تتنفذ
نورهان بغضب : صدقني القلم دا تمنه غالي قوي ومش هرحمك
محسن : لا شرس بجد عجبتيني
نور بصتلوا من فوق لتحت باستحقار
محسن وهو ماشي : يلا باااي
خرج وقفل الباب
سيف : نورهان انا اسف ع الي حصلك دا
نور: انت بتتاسف ليه انت ملكش ذنب في حاجه
سيف : بس مش قادر احميكي
نور: الحامي هو ربنا وبعدين انت غصب عنك وانا اقدر احمي نفسي كويس بس هو خدنا ع خوانا