انا حياتى زى الاسم ده كده بدون عنوان مفيش فيها حاجه محدده ولا ليها اسم ولا معنى نفس الروتين الممل كل يوم تفتكروا الواحد المفروض يعمل اى علشان يغير روتين حياته انا واحده بعشق المغامرات بس معنديش فرصه اعمل حاجه وده طبعا بسبب وجود الاهل واننا فى الارياف فالبنات يعنى ...حقهم ضايع شويه (انا مش بكتب علشان حد يشوف بس زى ماتقولوا كده فضفضه بس)
سؤال بيتسال للبنت هتعملى اى لو انتى كنتى ولد ليوم واحد البنات فى الاول هتقول يوووووووه هعمل كتير اوى بس لو ركزتى هتلاقى انتى نفسك تبقى ولد لحاجات معنويه مش ماديه لان احنا فى مجتمع ذكورى بينظر للولد على انه مبيغلطش والغلط من البنات طبعا هو دلوقتى مش كده بس بردو البذرة موجوده .......
يعنى تخيلوا كده شاب ضحك على بنت وكده يعنى فى الاخر هيجيبوا الغلط على البنت مع ان ممكن البنت تكون محترمه بس واحد ز***** ضحك عليها وفى ساعات بتوصل للانتحار هى دى دايما نظرة المجتمع للبنت ودايما التفرقه دى موجوده وبيتهيالى انها مش هتنتهى بالسهوله دى ودايما الغلط على البنت يعنى لو واحد عاكس واحده فى الشارع مفيش غير ردين اتنين ممكن تعملهم......
الاول انها تسكت وتكمل طريقها وفى الحاله دى الشاب اللى بيعاكس هيقول اوبااااا دى سكتت يعنى شكلها عاجبها الموضوع صح ......
اما الحل التانى انها تقف وتزعق معاه وساعتها هيقول ياعم دى بتجر شكل يعنى هى عايزة كده وفى الحالتين بيفكروا فى البنت تفكير شمال .......
المفروض نعمل اى يعنى ؟؟؟
أنت تقرأ
عن نفسي
Short Storyكل واحد فينا بيشوف الحياه من وجهة نظرة هو وفى ناس بتبقى متعصبه لوجهه نظرها ومبتقتنعش براى غيرها فيها ايه لو قال ده رأى الشخصى وكل واحد حر فى رايه لكن لا دول مش كده وعلشان كده انا بقدملهم نصيحه ياريت متعتبرش نفسك اله ومبتغلطش لا كل ابن ادم خطاء لكن ا...
