احببت عنادك... بقلمي/هاجر هشام

البارت 21

اول حاجه اسفه ع التاخير بس حقيقي غصب عني وعارفه اني اعتزرت كتير بس فعلا المرادي كان غصب عني

💝💝💝💝💝💝💝
عند سيف ونورهان
نور بتثأوب : انا هنام وانت بردوا نام  وريح جسمك
سيف: لا انا مش جايلي نوم نامي انتي
نور: اوك تصبح ع خير
سيف: وانتي من اهله
(محسسني انهم مخطوفين في جاردن سيتي 😂😂😂)
سيف كان عمال يفكر اي الي عايزه محسن ومخليهم عايشين لحد دلوقتي عشانو /فضل يفكر لحد ما غلبه النوم
بعد ساعات صحي سيف لما حس بحركه لقي حد بيفتح الباب
سيف: نورهان..... نورهان اصحي
نورهان بنعاس : سبني انام شويه
سيف: نورهان يخربيتك اصحي
نورهان بزعيق: اي في اي هو محدش يعرف ينام خالص
سيف بعصبيه: تعرفي لولا اني مربوط كنت ضربتك قلم يخرسك خالص  وبعدين انتي جايه ملاهي 😒
نورهان : اووووف واحد بارد حرام عليك انا نعسانه جدا
سيف: والله انا قولت خاطفين طفله محدش صدقني
نورهان بصتلوا بغضب وكانت لسه هترد قطع كلامهم امراه داخله بصينيه بها اكل
المراه: الباشا باعتلكوا الاكل اتفضلوا
نورهان بسخريه: دا اي كرم الضيافه العالي دا
سيف : وهناكل ازاي واحنا مربطين كدا
المراه بدلع : هاكلك انا وابقي اكلها هي كمان
نورهان بردح: ناااااااعم
سيف والست بصولها باستغراب
سيف: في اي يانورهان
نور بتلعثم: مفيش بس اي القرف دا لا انا مبحبش حد ياكلني متشلتش انا عشان حد ياكلني
المراه: والله هو دا الي عندي عاجبك عاجبك مش عاجبك يبقي متاكليش
نور: خلاص وانا مش عايزه اكل شكرا اكليه هو
سيف: لا انا مش جعان
نور: سمعتي خدي بقاا الاكل واتفضلي مطرح ما جيتي
الست بصتلها بغيظ ومشيت وسيف كان عمال يضحك
نور بغيظ : ممكن اعرف بتضحك ع اي
سيف: 😂😂😂بصراحه شكلك يضحك اوووي وانتي بتطرديها
نور : لا والله عجبك اووي
سيف : جدا
نور: طب اسكت عشان مرميش عليك اي حاجه
سيف: بسيماما روحي العبي بعيد
نور بغيظ : بااارد
💝💝💝💝💝💝💝💝💝
عند منار وعمر
صحيت منار خدت شاور واتوضت وصلت ولبست وخرجت بره الاوضه
منار: صباح الخير
عمر ومامتها: صباح النور
منار بحماس: عمور شوفت اختك عملت اي
عمر: عملتي اي يامصيبه
منار : مصيبه في عينك دا انا عسل
عمر: طب حاسبي لاتلزقي
منار : ظريف 😒
عمر: خلاص قولي عملتي اي
منار بحماس: اخترقت الحساب الي قولتلك عليه
عمر بفزع وعصبيه:انتي بتقولي اي انا مش قولتلك ملكيش دعوه بالحساب دا
منار : بس دا شغلي يا عمر وبعدين اشمعنا الحساب دا الي متعصب عليه وخايف كدا
عمر: لان دي منظمه كبيره وانا خايف عليكي لتتاذي
منار: متخفش عليا يا حبيبي عيب عليك اختك راجل 😎
عمر: بردوا مفيش سمعان للكلام
منار: خلاص بقاا يا عمر وانا الي قولت هتفرح عشان قدرت اهكر الحساب
عمر: افرح ع اي افرح ان ممكن في اي لحظه لقدر الله يحصلك حاجه تفتكري هما هيسكتوا لا طبعا مش بعيد شغالين دلوقتي عشان يعرفوا مكانك
منار : متقلقش عامله حسابي ومش سايبه اي حاجه يعرفوا منها مكاني
عمر: لحد امتي هتفضلي مش بتسمعي غير نفسك وبس لحد امتي هتفضلي عنديه كدا ومش بتعملي غير الي في دماغك هتضيعي يامنار وهتضيعينا معاكي
منار: لو خايف ع نفسك ياعمر وع ماما انا ممكن اخد شقه لوحدي واعيش فيها بعيد عشان مسببلكوش الاذي
عمر: انتي عبيطه هو دا الي فهمتيه من كلامي انا اقصد لو جرالك حاجه مفكرتيش احنا ممكن يحصلنا اي مفكرتيش امك ممكن يجرالها
منار : طب انت عايز اي دلوقتي
عمر : تبعدي عن الحساب دا خالص
منار: مش هينفع انا اوردي دخلت خلاص واتعرف ان فيه حد هكر الحساب
عمر: يبقي الاب بتاعك مش هتشوفيه تاني هيتكسر
منار : تفتكر هو دا الحل ما انا هشتري جديد
عمر: بس ع الاقل بياناتك ع القديم يعني مش هيعرفوا يوصلوا لو اي الي حصل
منار: بس كدا المعلومات الي جبتها هتروح
عمر: تغور في ستين داهيه اهم حاجه انتي
منار : طب استني لحد مااشتري لاب وانقل عليه البيانات لان شغلي الي رايحاه دلوقتي هحتاج فيه لاب
عمر: ماشي قدامك انهارده بس تجيبي واحد وانتي جايه ولو مجبتيش التاني هيتكسر ومش هتنقلي اي حاجه
منار : حاضر عن اذنك
خرجت منار وهي بتعيط
عمر بآسف: انا اسف يا منار بس لازم احميكي انتي طايشه وعنديه جدا ولازم حد يوقفلك
💝💝💝💝💝💝💝💝
شخص : ها يازفت عرفت حاجه ولا لسه
شخص2: لسه يا بااشاا
شخص بعصبيه: وهتعرف امتي ان شاء الله لما نتحبس ولا اي
شخص 2: والله يابااشا انا شغال عليه من امبارح بس فعلا صعب وهياخد وقت
شخص: قدامك قد اي يعني
شخص2: يعني مش اقل من اسبوع
شخص: نعم يااخوياا اسبوع ليه لا طبعا هما يومين مفيش غيرهم تعرف كل حاجه
شخص2: قليل اوووي يا باااشاا
شخص: مليش فيه قدامك يومين والا قول ع نفسك يارحمن يارحيم
شخص2 بخوف : حاضر ياباااشاا
💝💝💝💝💝💝💝💝
في مبني مكافحه المخدرات
باسم ومروان ومريم وساره في المكتب استغربوا جدا غياب نورهان وسيف خصوصا ان محدش فيهم بيتاخر او يغيب بس فسروا دا اكيد انهم تعبوا من العيد ميلاد امبارح وكملوا شغلوا
قطع الصمت دا رن هاتف باسم
باسم لقي سيف الي بيرن : ايوا يا سيف انت فين كل دا
المتصل: ايوا يااستاذ التليفون دا انا لقيتوا مرمي ع الطريق وفيه عربيه قصادو مفتوحه
باسم : طب حضرتك قولي العنوان فين بسرعه
المتصل: العنوان............
ساره: في اي ياباسم
باسم : مش عارف واحد بيكلمني من فون سيف وبيقول انو لقي الفون واقع ع الارض وفيه عربيه مفتوحه ومفيش حد فيها
كلهم اتخضوا وراحوا كلهم المكان
باسم: دي عربيه سيف
ساره لمحت حاجه واقعه تحت الكرسي وكان فون نورهان
ساره: دا فون نورهان كمان اهو
مروان : دا ملوش غير تفسير واحد
الكل: اتخطفوا 😨
ساره: طب هنعمل اي دلوقتي
باسم: مين الي ممكن يعمل كدا
مريم: ممكن يكون محسن
مروان: لا طبعا لو محسن كان خطفنا كلنا لان كلنا كنا مع بعض في العمليه
باسم: هو احنا هنقعد نقول يمكن وميمكنش احنا لازم نبلغ الكل حالاا
ساره: بس لو بلغنا هيبقي فيه خطر ع حياتهم
مريم : ايوا صح احنا لازم نشتغل ع الموضوع دا بينا احنا محدش يعرف
مروان: طب لو سالوا في الاداره عليهم هنقول اي
ساره: ناخدلهم اجازه
باسم: وهو بالساهل كدا ناخدلهم اجازه لازم يكون فيه سبب
مريم: عندي فكره
الكل انتبه ليها
مريم: هو مش بابا نورهان لواء / احنا نروح نقولوا ونفهموا كل حاجه وهو يقدر ياخدلهم اجازه
مروان: بالساهل كدا دا ممكن يقتلنا لو عرف ان بنتوا اتخطفت
مريم: لا لو عرف ان سيف كمان اتخطف معاها هيطمن شويه لان هو عارف سيف
باسم: فكره مريم هايله تمام يلا بينا
راحوا كلهم عند اللواء محمد
باسم بخوف من رده فعلوا : تمام يافندم
اللواء: اتفضلوا يا شباب مالكوا فيه اي اقعد يا باسم مالك خايف ليه كدا
باسم : بصراحه يافندم فيه حاجه كنا عايزين نقول لحضرتك عليها
اللواء: طب ماتقول فيه اي قلقتني / وبعدين صح هو فين سيف ونورهان هما مش ضمن الفريق
باسم: ماهو دا الموضوع الي عايز حضرتك فيه
اللوا: موضوع اي
ساره اتشجعت وقالت: بصراحه كدا يافندم باسم كان عايز يقول لحضرتك ان  سيف ونورهان اتخطفوا
اللواء بصدمه : انتي بتقولي اي بنتي انا اتخطفت
ساره: احنا اسفين يافندم
اللواء بغضب: يعني اي اتخطفت انتوا بتهزروا ياحضرات
مريم: والله دا الي حصل يافندم
اللواء: اتخطفوا ازاي وامتي
مروان: هو حضرتك مخدتش بالك ان بنت حضرتك مباتتش امبارح في البيت
اللواء بعصبيه: لا طبعا اكيد خدت بالي بس احنا قولنا اكيد باتت في الشغل زي قبل كدا
اتفكروا فعلا لما سيف عاقب نورهان وباتت يومين بره البيت
مروان : انا اسف يافندم
مريم: احنا كنا طالبين من حضرتك طلب هو انك تاخدلهم اجازه ع اساس انهم تعبانين او اي حاجه لحد مانوصلهم لان لو بلغنا وكلوا عرف هيبقي فيه خطر ع حياتهم
اللواء بخوف ع بنته: لا خلاص انا هاخدلهم اجازه
اهم حاجه بنتي ترجع بالسلامه
ساره: ان شاء الله يافندم هنرجعها لحضرتك وبعدين متقلقش نورهان وسيف قدها
اللواء: يارب
💝💝💝💝💝💝💝💝💝
عند هاجر واسر
كانوا مجتمعين في المكتب كلهم
اسر :هو جاي امتي المهندس دا احنا عايزين نشتغل
هاجر: اللواء قال انهارده والمفروض هو ع وصول
لؤي: هو احنا شغلنا كلوا هيبقي عن طريق المهندس دا
اسر: لا طبعا هو مجرد انو هيجبلنا معلومات عن الصفقه الجديد لانها مهمه جدا وبعد كدا احنا الي هنشتغل
قطع كلامهم دخول العسكري
العسكري: اللواء عايز حضراتكوا
اسر: طب روح انت
العسكري: تمام يافندم
هاجر: كدا يبقي المهندس جيه
مؤمن: تعالو نشوف
راحوا كلهم مكتب اللواء وكانت الصدمه بالنسبالهم
💝💝💝💝💝💝💝💝
عند سيف ونورهان
دخل محسن الاوضه
محسن: صباح الخير
نور: استغفر الله العظيم يارب هو حضرتك خاطفنا ولا مستضيفنا يعني
محسن: ليه بتقولي كدا ياحضره الظابط
نور: اصل انا بشوف في الافلام الي بيتخطف بيعذبوهم ،بيضربوهم، لكن ماشاء الله انت مستضيفنا احلي استضافه
سيف بغيظ: صبرني يارب ع الهبل دا /افلام اي يازفته دلوقتي 
نور: يابني هو انت حد كلمك دلوقتي
محسن بمكر: مستعجله ع اي ياقطه متقلقيش الي بتشوفيه في الافلام هيحصل بس ع الواقع
نور: ايوا كدا يا راجل دا انا حتي شكيت انك خاطفنا كدا وكدا
سيف: ممكن اعرف بقاا عايز اي
محسن : طبعا هتعرف يا بااشاا
نور: ما تخلص وتقول هي حكايه
محسن: اخرسي خالص يابت انتي
سيف: كلامك معايا انا ملكش دعوه بيها
محسن بمكر: ليه دا حتي الكلام معاها مسلي
نور: ليه قاعد مع لب 😒
سيف كتم ضحكته بالعافيه
محسن بصلها بغضب ومكلمش
سيف: اخلص قول عايز اي
محسن نده ع راجلين معاه  كانو مسكين مسدس
واحد منهم كان موجهه المسدس ناحيه نورهان
نور: تفتكر اني ممكن اخاف كدا مثلا
محسن : لا مش انتي الي تخافي هو الي يخاف
نور: ويخاف ليه يعني
محسن بمكر : هتشوفي دلوقتي ثم اكمل ولا اي يابااشاا
سيف: قول الي عندك
محسن بمكر: تمام بكره الصبح عربيه الترحيلات هتودي الراجل بتاعي للسجن هنا بقاا مهمتك انت يا بااشاا
سيف: مش فاهم انت عايز اي يعني
محسن بمكر: تخرجوا
سيف بغضب: ليه قالولك انو سجن ابويا وانا معرفش مستحيل طبعا يخرج
محسن : يبقي انتوا مش هتخرجوا يا بااشاا
نور: هو انت عبيط يخرجوا ازاي يعني يروح لظباط يقولهم ونبي خرجوا الراجل دا عشان منتقتلش احنا
محسن : مش مشكلتي الراجل بتاعي يخرج والا حياتكوا هي الثمن وحياتك انتي قبليه ياحلوه قدامكوا 4 ساعات تفكروا براحتكوا وتبلغوني بس خلي بالك يا بااشاا اي غدر كدا ولا كدا هتستلم جثتها  يلا سلام
خرج محسن
نور بغضب: اوعي تقول انك هتعمل الي هو بيقول عليه دا
سيف: عايزاني اعمل اي يعني انتي مسمعتيش قال اي
نور: يقول الي يقولوا يعني بعد التعب الي تعبناه عشان نقبض عليه عايز انت تخرجه بسهوله كدا والله العظيم ابدا حتي لو فيها موتي ميهمنيش
سيف بعصبيه: انتي عبيطه انتي بتفكري ازاي مستحيل اخليه يقتلك او يجي جنبك
نور بغضب: وانا بردوا مستحيل اخليك تنفذ الي هو قالوا دا
سيف : انا لو خرجت من هنا هقدر اتصرف وانقذك لازم اوافق
نور: وافرد معرفتش ساعتها هتخرجوا صح وانا مش موافقه فيه الف حل غير دا
سيف : الي هو اي بقاا يافيلسوفه فكريلنا في حل غير دا
نور: متتريقش بس انا هفكر وانت كمان فكر ولا هتفضل قاعد عامل دور المنقذ بس
سيف: تصدقي انا غلطان اني مش عايزك تموتي طلعت في الاخر غلطان كمان / انا لما يجي هقوله موافق بس خلصني منك
نور: خلصت روحك قال خلصني منها قال /نور فجاه : اي دا صح
سيف باستغراب: اي في اي
نور: احنا ازاي مفكرناش في الفكره دي قبل كدا
سيف: فكره اي دي
نور:هقولك.............
سيف: يابت الجنيه انا ازاي مفكرتش في دي
نور بغرور مصطنع: عيب عليك يابابا دا انا نورهان محمد مش اي حد يعني
سيف: خلاص يااختي انتي هتنفشي ريشك علينا لمجرد انك قولتي فكره حلوه
نور: بس الفكره دي هتخرجنا ياظريف 😒😝
بعد مرور ثلاث ساعات لانهم قعدوا ساعه يرغوا 😂😂
دخل محسن ومعاه الرجلين وهما ماسكين المسدسات
محسن: ها قررت اي يا بااشاا
سيف: موافق بس لو جبتهولك هنمشي انا وهي
محسن بمكر: طبعاا يا بااشاا بس مش قبل مااخد حق الصفقه الي ضاعت علياا
نور: ودا هتاخدوا ازاي بقاا ان شاء الله
محسن : لما يرجع الباشاا تبقي تعرفي بس مش هقول تاني اي غدر انت عارف هعمل اي
سيف: لا مفيش اي غدر
محسن : يبقي اتفقنا يا بااشاا
نور: طب انا جعانه
سيف بصلها بغيظ ووجه كلاموا لمحسن: بقولك اي انا هجيبلك الراجل دا بس خلصني منها
نور بغيظ: انت بتؤمروا ع اي انت / وبعدين انا جعانه فعلا وعطشانه فيها اي دي/ بني ادم بارد 😒
محسن: حاضر يا حلوه هنجبلك الاكل ومايه كمان
نور: تشكر والله كلك ذوق مش زي ناس 😒قصدها ع سيف
خرج محسن وبعت واحد من رجالته بالاكل ومايه
نور: طب هاكل وايدي مربوطه 😞
الراجل: ممكن اكلك يا حلوه
سيف بغيره : ملكش دعوه بيها انا هاكلها
نور: وانت هتاكلني ازاي وايدك انت كمان مربوطه
سيف : عادي يفك ايدي ويربطها قدام وامسك باطراف صوابعي المعلقه مش محتاجه يعني
نور: تصدق صح خلاص فك زي ما قالك كدا
الراجل: انت تؤمر يا عسل
سيف بغيره وغضب: اخلص فكني وغور
الراجل عمل زي ما سيف قال /بعد ماخرج الراجل سيف حاول يفك الحبل بتاع نورهان باطراف صوابعه وبعد وقت اتفك وكلت وشربت واكلت سيف
............
نكمل بكره بقاا