الفصل ( 13 )
بسام : : : : :_ المشكله اللى باقولك عليها انى مرشح لبعثه فى انجلترا اربع سنين عشان الماجستير و الدكتوراه و ده حلم امى و حلم ابويا الله يرحمه من يوم ما اتولدت و كان حلمى لكن انا قولت لك دلوقتى على حلمى الحقيقي مش باقولك انتى غيرتى كل حاجه
جنى : : : : : :عمرى ما اكون عقبه تقف فى طريق مستقبلك
و لا انت ولا انا نقدر نخذل الست العظيمه دى اللى عاشت عمرها عشانك مامتك
بسام : : : : :انتى كل احلامى يا جنى ، انتى بتقولى انى شكاك و بخاف انا باخاف افرح يا جنى عشان الدنيا عملت كتير فيا عشان جربت مرارة اليتم و مرارة ان امى تحرم نفسها من لبس جديد سنين عشان تجيبلى اللى انا عاوزه مرارة ان كل طالب ييجى حفلة المدرسه معاه باباه و انا يحتفلوا بى فى يوم اليتيم
حتى المدرسه دى كان ليها مرارتها عشان كنت باحس ماما قد ايه قاست عشان ما اخرجش من مدرسة اللغات بعد والدى ما توفى..وكل زمايلى واخدين الحياه كحقيقه مسلم بيها و مش حاسين باى حاجه وحدى كنت شايل الهم
ردت جنى قد انهارت فى البكاء و تمنت لو كانت بجوار حبيبها تضمه و تعوضه حرمان السنين لكنها تماسكت و حمدت الله انه لا يراها ولا حتى يسمعها على التليفون:-
طيب بعد كل ده عايز تخذل مامتك و تخذلنى الدكتوراه من انجلترا بقت حلمى انا كمان دلوقتى قبل حتى البيت الصغير
و بعدين انت فاكر يعنى لو انت اتقدمت بابى حايوافق نتجوز
قبل ما اكمل تعليمى برضه لازم اخلص الكليه و بعدين نتجوز انا حادعيلك من دلوقتى تجيلك البعثه و برضه حكاية البعثه دى على عكس ما تظن ممكن تكون خير عشان بابى حايتشجع انه يوافق لما يعرف انك هاتسافر و مش حاتعطلنى عن المذاكره
بسام : : : : انا ما بقتش اقدر ابعد عنك ، كفايه اشوفك و لو من بعيد ده انا شايل هم اجازة نص السنه من دلوقتى عشان مش حاشوفك من فضلك ممكن تحددى لى ميعاد مع بابا فى اقرب وقت عشان انا خلاص نويت اتوكل على الله و اتقدم له عشان انا مش حاقدر استنى لحد ما واحد تانى يتقدم
و ياخدك منى
جنى : : : : : :- طيب استنى الاجازه بس بعد ما الامتحانات تخلص و بعدين احدد لك ميعاد مع بابي و بعدين هوه مسافر فرنسا و راجع ان شاء الله بعد شهر
ياللا بقه يا دكتور تصبح على خير عندك شغل بدرى
بسام : : : : تصبحى على خير يا جنى
كان يود ان يدعوها حبيبته ، لكن غلافا من الاحترام يغلف تلك الفتاه يمنع كل من يفكر مجرد التفكير فى التمادى رغم انها فى منتهى الرقه و اللطف لكن الاحترام لم و لن يتعارض مع اللطف يكفى ان تكون فى قلبه
حبيبته
اميرته
مليكته
و حلمه
