الـحب الأعـمـى

الـبـارت 98

{ الحب الاعمي }

الحلقه 98

يوسف:  كاين راقد. ونط من نوما شنووو
ابراهيم: انزل بسرعه نرجو فيك تحت
يوسف: اوكي . سكر يوسف . وحط موبايل  ع كوميديني . وصبا بيخش الحمام
انا: مفنصا عيوني . كنك شن في 
يوسف: معتصم مش لقينا . في الحوش وقلبو عليه الدنيا مالقوش من بدري ويدورو عليه
انا: وين عدا باهي
يوسف: الله اعلم . قالي باتي واخد اشويه من دبشا وطالع وحتي موبايلا مسيبا في الحوش
انا: هييي هذا هرب ولاشنو
يوسف: تنهد .اكييد تباعد .هذا الي يبيه جدي
خليه يفرح توا
انا: بس شي هذا مايفرحش ونحنا مش عارفين عليه شي .
يوسف: يستر الله . خليني نلبس وننزل اندور معاهم
انا: باهي معناها نزلني معاك
يوسف: اها بعد خطرها سألت الشيخ امس قالي اشريهلها حاجه ذهب .
انا: باهي كنك ماقالتش من امس
يوسف: امس ركبت رقيلي وانتي عارفا كنت مع عصومي . ونسيت وكنت عابي اليوم نطلع نجيبلك حاجه
انا: باهي خلاص توا المهم نزلني وبعدها .ساهل المهم ندور ع معتصم
يوسف: ان شاء الله
وخش يوسف الحمام
وحسيتا عادي ومانصدمش ولا تأثر مع اني نعرف طبع يوسف
بس قلت ممكن ماسك روحا قدامي بس ومايبينيش انتأثر
مع اني انشغلت اكثر منا وقعد عقلي يشيل ويجيب
ونفكر في وين عدا عصومي ورحاب شن بيصير فيها

~~~~~~~~~~~~~~~~~~~~~~~~~

منذر: لاحول ولاقوة الا بالله تي وين عدا بس
نزار: مصبي جنب باب متاع مربوعا . ومنسند ع ساس ومربع ايديه . مش عارف ان شاء الله يكون مش صايرلا شي بس
إبراهيم: مقعمز ع صالون . ومنسته في الارض ويفكر
علي: حط العكوز . بين كرعيه ومنسند عليه
نزار: بحت في جده . هذا الي كنتو تبوه انتم . اهو لم روحا وعدا بكل وياريت عارفين وين قاعد اصلاً
هيثم: قدام المربوعا من برا . ويتصل بوحدين في الامن
يوسف: نزل بعد مانزلني معاه . وجا عند مربوعا
وخش. سلام عليكم
كلهم: وعليكم السلام
يوسف: شن صاير من امتا طالع هو
ابراهيم: شكلا من صبح . ولا من ليل مش عارفين
نزار: الليل كنت معاه عند ساعه 1 انا برا بعدها خشيت وسيبتا برا قالي اشويه وتو نخش
يوسف: حاط ايديه في جيوبا . انا قتلكم ماتزروش عليه معتصم تفكيرا مجنون . ادعو بس مايديرش شي
نزار: يصوت عالي . وانا هذي الي خايف منها
كنتو وافقتو وخلاص عليش مرمدا هذي الي درتوه له بس
منذر: صبا وخذا نزار . وطلع بيه برا المربوعا
جمال: نزار متأثر بكل . مش ضبط اعصابا
علي: تنهد . وسكت وكان يحس بالذنب
ابراهيم: باهي شن حل توا نقعدو مقعمزين هكي مش قادرين انديرو شي يعني
يوسف: وشن بنديرو . نرجو وخلاص بالك تو يجي بعدين في ليل
ابراهيم: من جدك انت . تي خوك طالع مانندروش عليه وين ماشي واخذ معاه دبشا
يوسف: باهي ها شن بنديرو . ماهو كلمنا وقاعد هيثم يكلم . وانتم من بدري ادور ومافي شي. بعد خايفين عليه كنت توافقو علي زواجا عليش رفضت

وطلع يوسف من مربوعا ودار روحا رقيلا
لقا مندر يهدي في نزار
وهيثم مازال يكلم
تباعد يوسف منهم وطلع موبايلا . وقعد يحكي