{ الحب الاعمي }
الجزء الثاني الحلقه 98
يوسف: بحت فيا . وشيرلي بمعنا الحقيني
وصبا يوسف مشا فوق
قعدت اشويه مع اروي وهند
وبعدين نضت لحقت يوسف وركبت فوق
وكنت اول مره نركب من زواجي من يوسف
نركب لحوشهم من فوق
ركبت وقبلتني صاله
ويطلعلي يوسف من جنب ويكرني من يدي
ويدفني ع ساس ويجي مقبلني
انا: يوسف حول راه يجي حد من هلك
يوسف: عادي خليهم يجو مراتي
انا: ههههه والله فاضي ورايق انت . مش وقت اهبالك هذا
يوسف: شن رايك نرقدو في داري اليوم
انا: تحكي من جدك
يوسف: اها شن رايك
انا: ابتسمت. عادي
يوسف: اهو بالمره نقعدو مع امي
انا: باهي والله فكره
يوسف: وبالمره نجربك ع سرير متاعي
انا: خبطت يوسف ع كتفا .ياصايع باهي
تو خوك مش قاعد ومش عارفين عليه شي وانت تفكر في قلة الادب
يوسف: خويا تو يرد مصيرا . بس نحنا اليوم الي يمشي منا يمشي
انا: يانا عليا .
يوسف: حط يدا في جيبا وطلع منا علبه اصغيره
وفتحها ليا
انا: هههه خاتم يهبل شكلا
يوسف: خذا الخاتم من علبه . ولبس ليا في صبعي اليمين
انا: يهبل بكل .
يوسف: هذا ع حلفة الطلاق متاعي .
انا: اها عارفا . بس مانحسبكش اليوم اتجيبا
يوسف: وانا كم عندي حياه اصلاً
انا: لا بس انا قلت عصومي مختفي اكيد يبقا عقلك مشغول ومش لاهي تفكر في شي كيف هذا
يوسف: تي انا نقعد منشنق انفكر فيك
انا: ياعيني
يوسف: عض علي فما . راه خيرلك راه نعضك
انا: والله تحول هيا وننزلو عيب اكيد فقدونا
يوسف: بعد يدا من ع ساس . وجا بيحكي معايا
عديت هربت منا وجيت بننزل
كرني من لورا ومسكني من خصري
انا: ههههه هيا والله اطلقني مش وقت حناطه متاعك توا
يوسف: حضني من لورا وحط ايديه علي بطني
. ويحكي عند وذني ،امتا تكبر . بطنك هيا
انا: مازال . تبيلك شهرين اخره تقعد كبيره وتبان مازلت في الثاني راه
يوسف: باسني بوسه في وذني دارت صوت . انحبك
انا: جسمي تقشعر من بوسة يوسف. حتي انا
يوسف: تو يقعدن عندي منجوهتين
انا: هههههه ماتبيش منجوه
يوسف: لالا نبي بنات بس
انا: غريبه تبيش وليد
يوسف: انا نحب بنات
انا: وانا عكسك نحب لعيال
يوسف: اخييه لعيال . بنات احسن
انا: الي من ربي كلا كويس المهم خلقه تامه
يوسف: صاح . وتسلمي انتي هذي الاهم منهن كلهن
انا: تخيال نجيبها لكي هو وليد ولا بنات اين كان يعني
ونموت كيف ماما
يوسف: لفني شورا . وحط يدا علي فمي . وفنص اعيونا . ردي بالك مره اخره نسمعك قيلتيها الكلمه هذي
انا: نبحت في يوسف وتفنيصت عيونا . وكان الخوف باين ورقالا بالجد من كلمتي
يوسف: اني قتلك والله مانسمحك كان عودتيها . بعيد السو عليك ان شاء الله يومي قبل يومك
انا: حولت يد يوسف من علي فمي. ان شاء الله لا ياعمري وانا نبصر معاك كنت
يوسف: موضوع هذا حتي بصاره ماتبصريش فيه فاهما
انا: باهي حاضر . خلاص ماتزعلش
يوسف: والله رقيتيها ليا حسك بجد . خلاص هيا خلينا ننزلو
انا: لا والله مانك نازل عند ماتضحك . هيا ماتبقش بارد
يوسف: والله تحولي ياحياه تو اشويه ونروق بروحي
انا: عشان خاطري . وحطيت يدي علي خدود يوسف. وقربت منا ورفعت روحي علي روس صوابعي وحبيتا علي ....
يوسف: باهي خلاص رضيت
انا: باهي اضحك قبل
يوسف: ابتسم . تمام هكي
انا: كويس
يوسف: باهي هيا ننزلو ونقولولهم ان بنباتو هنا
انا: باهي تمام . هيا
أنت تقرأ
الـحب الأعـمـى
Storie d'amoreطبعآ هياا روايةة منقولهه مش انا اللي كتبتها بس هيا عجبتني وحبيت انزلها ع الوات باد❤
