انقذيني من انتقامي....مكتملة

الحلقة 14

انقذيني من انتقامي
الكاتبة:زينب الشمري
.....................
ماترتاح
ولك منهاج البحر مدعد علينة الكيش
غادرت السفينة وخنت بلملاح
وحشمت العواصف والمطر والريح
لا ذكرت الربا ولا كلت بيها ارواح
صحبة عمر جانت والعمر دربين
أشو باول الخطوة وماي وجهك طاح
بدلت الكلوب الجانت تهم بيك
بمسامر لواكة وليل مغنة وراح
وخاويت العفن والقذر والممروض
وماشيت الورد والزفر واللفاح
ومن هاجت الدنيا و زرة وياك الحال
غطوا روسهم وراح منهم راح
ماترتاح لان ندبة ابضميرك والجبيل ابخيت
والشارة التحركك عمر ماتنزاح

كاعدة وافكر بلي ديصير احس مثل القنبلة الي فجرهة علية ومشة هاي حالتي صارت سَـآعــهْْ م̷ـــِْن عافني وكال م̷ـــِْن ارجع اسمع منج الجواب ضلي فكري بينج وبين نفسج صافنة بلجو بارد وهادئ عكس الفوضوية البداخلي يا اي يا لٱ ماجنت متوقعة راح نوصل لهذا الشي لان اعرف كولش زين نهايتي لْـۆ اموت لْـۆ يلكونة الجيش ويرجعونة

ورة شوية كمت م̷ـــِْن مكاني واني حاسمة قراري الي م̷ـــِْن يجي اكوللهيا مشيت بخطوات ثابتة للمقر ردت افوت للغرفة سمعت صوت وراية كال

......: اكفي اكفي لتتحركين
كتلو:وش تريد
كال:شعندج رايحة لهناك ودائما تترددين هناك عبالج مادري
كتلو:اولا المكان مو مكانك حتة تحاسب
وثانيا اختنك بلغرفة واطلع اشم هوة ميصير
كال: حضرتج تردين غرفة خاصة وبيهة تبريد حتة متختنكين .. كالهة وهوة يدحگلي م̷ـــِْن فوك ليجوة بنضرة اشمئزيت منهة

كتلو: ابعد عني اني ارتاح
كال وهوة يتقرب علية: واذا مابعدت شتسوين

داحجي سمعت صوت عالي يزكح

عمر: هااااااي شديصير هنا

كتلو: كنت كاعدة ورة المقر ارتاح شوية لان اختنك هوة اجة وسوالي سالفه ياخي ماشرد اني وين اندل حتة اشرد ابعدوا عني خلوني اتنفس

هوة ماباوعلي تقرب عل الولد ولزمو م̷ـــِْن ياختو كلو بهمس بس اني سمعته

كلو:عثماان ابتعد م̷ـــِْن ممتلاكاتي احسن ماسويهة بحر دم وياك

هوة دحگلوا ودحگلي

كال:هاهية ماكلنة شي ياجلمة ردي المكانج يلة انة رايح

هوة مانتبهلو دحگلي واتقرب علية بابتسامة

كال: رجعتلج يلحبيبة ماتكليلي شنهي رايج
كتلو بنضرة محتارة:سوي الي انَت تريدة
كال:يعني موافقة
زحت وجهي عنو وحركتو بمعنى ايي

هوة ضحك الة اشوية راد يطير م̷ـــِْن الفرحة كال روحي دخلي جوة واني شوية واندهلج

طبيت للغرفة وكلت ياربي انشالله القرار الاختاريتة صحيح

ضليت كاعدة وصافنة ع البنوات يحجن بيناتهن وحدة تشكي همهة للثانية ساعة اشارك وياهن ساعة اكتفي بلصمت عفتهن ودحگت عل الشباج الموجود بلغرفة مادري شكد طولت صفنتي ورة شوية انفتحت الباب

دخلت بنية كالت وين اسماء

كتلهة: هينة شتردين
كالت:تهيري وتعاي وياي
افتهمت شتقصد كمت لبست نقابي وطلعت وراهة لكيت سيد معمم واكف وعمر واكف بصفو وواحد شايفتو قبل امكن كانو يصيحولو الامير علة ماعتقد دحگلي عمر بنضرة مبتسمة للحضة قررت اتراجع معقولة الي ديسوي غلط واكفة ورهبة بكلبي مثل الي موكفي علة حبل الاعدام

صحاني م̷ـــِْن صفنتي السيد وهوة
يسألني: انتي يامذهب
كتلو:اسلام شيعية
كال:يا ابنتي هل تقبلين الزواج بعمر الفهد على مبلغ قدره 2 مليون مقدم 5 ملايين مؤجل ان قبلتي فقولي ڼـعمًـْ وانت وكيلي

عاد هاي الجملة اكثر م̷ـــِْن مرة ويا كل مرة يزيد الانقباض علة كلبي

كمل كال:هل انَـỲǑŲـْتي موافقة

صفنت شوية كتلو: ڼـعمًـْ وانت وكيلي

ورجع حاجة عمر وهم كلو:قبلت

كال:اعلنكما زوج وزوجة مبارك عليكم

ابتسمت بوجهو ابتسامة مزيفة دحگ علية عمر بفرحة ورجع باوع للامير كلو يلا راح نروح احنة

كلو الامير: بس مو تختفي فد مرة الشقة الموجودة ب....... روح بيهة مبروك عليك

دحك علية كال: يلة جهزي غراضج حتة نمشي

طبيت للغرفة وادحگ للبنات يعاينولي بنضرة مليانة تساؤلات اخذت جنطتي وطلعت صعدنة بلسيارة

جر ايدي وباسهة كال:مبروك النة حياتي

اني درت وجهي وسكتت ضليت لحضات ساكتة بعدين كال:شبيج مافرحانة شو جنج

كتلو:عمر الي سوينا صحيح لْـۆ غلط

كال:مصار النة ربع سَـآعــهْْ م̷ـــِْن عقدنة شبسرعه تندمتي
كتلو: موقصة ندم بس مادري شكولك

كال: ماكو شي خليهة علية
نمشي ونحجي اني هم نـًسّْيـت السالفه وبدينة نحجي شلون نسوي حياتنة وشلون نعيش

داكلو:عمر شنسمي اطفالنة

كلتهة وسمعت صوت قوي كولش طرش اذني وراهة حسيت بشي دخل احشائي ومزقهة .....

وللحكاية تكملة.......
.....................

كنت كاتبتلكم بارت كلش طويل بس طلعتلي شغلة ورحت اسويهة ومن رجعت ل11 انشرة لكيتو ممسوح وهسة رجعت كتبت بارت قصير لان تعبت اعوضكم باجر

تدرون بية مانهيهة الة عل حدث حتة تتشوقون للبارت الجاي

تصْبِـפـون عـلى خُيّـْْْـْْـْرِ