الماضى ونبضات الحاضر

part 25 ( the last)

الطبيب بحزن: البقاء لله ، صدمه حلت على الجميع اي هراء تنطق به يارجل هي حيه نعم هي حيه مازال قلبى ينبض هكذا حدث ادم نفسه والباقى فى حالة صدمه شديده هل ستتركهم هكذا
كمال بصدمه: انت بتقول ايه مستحيل
الطبيب باسف: للاسف الحالة مدمرة خالص مقدرتش اعمل حاجه هي جاية خلصانه
احمد : خلصانه ايه دى جاية معانا عادى
الطبيب بتعجب: عادى ايه حضرتك ده الحادثه دمرتلها خلايا المخ ومقدرناش نوقف النزيف وللاسف ماتت لينتبه الجميع له ولما يقوله وفى وسط توترهم لم يلاحظوا ان هذا ليس طبيب نور
حنان: انت بتتكلم عن مين يادكتور
الطبيب: عن الحالة اللى جت فى الحادثه من شوية
فاطمه بفرحه: لاء احنا قصدنا نور بنتنا اللى بتعمل القلب
الطبيب: اه دى فى غرفه العمليات التانية ربنا معاكم عن اذنكم اشوف اهل المريضه دى ليتنفس الجميع الصعداء فقد توقفت قلوبهم لحظه ما قال الطبيب هذا الكلام
ادم بقلق وبكاء: ياااارب رجعهالى سليمه ياارب مليش غيرها كان الجميع ينظر له بشفقه حتى العاملين والاهالى فى المشفى ف ادم نور الدين الرجل المعروف بقوته وبروده يبكى الان لاول مرة تهبط دموعه على الملأ هكذا احساس انه سيفقد روحه اصعب ما مر به ليخرج الطبيب ليلتفوا حوله جميعا
محمد بخوف: ايه الاخبار يادكتور
محسن بهدوء: فيه خبرين واحد كويس والتانى مش كويس
احمد: اتكلم على طول يامحسن
محسن: الخبر الاول ان العملية والحمد لله نجحت بعد ماقابلنا صعوبات كتير جدا والقلب وقف فعلا بس رجع تانى اما الخبر الوحش انها دخلت فى غيبوبة وللاسف مش عارف هتفوق امتى
حازم: يعنى ايه تنجح وتدخل فى غيبوبة
محسن: انت عارف ياحازم ودارس كمان ان العمليات دى بتبقى صعبه جدا والمريض بعدها احتمال كبير بيدخل فى غيبوبة ممكن يوم اسبوع شهر سنه على حسب استجابتها وده بيتوقف على المريضه نفسها
ليسجد ادم شاكرا لله على عودتها للحياة ويقوم سريعا
ادم بتوهان: انا عايز اشوفها ممكن
محسن: لاء طبعا محدش هيشوفها قبل شهر هي هتتنقل العناية دلوقتى لحد مانطمن عليها
ادم بقوة: انا هادخل اشوفها يعنى هادخل ومحدش هيمنعنى يبقى تساعدنى ولا هادخل لوحدى
محسن بتنهيدة غضب: هساعدك انا مش عارف انتو عايشين بالعند ده ازاى عيلة غم مش عايز اعرفكم بعد كده ليبتسم الرجال على كلامه فهو قد تحمل الكثير فعلا يكفى مافعله حازم ونور به ليأتى ادم ويعانده ايضا
بعد فترة تم تعقيم ادم للدخول الى غرفه العناية وادخلته احدى الممرضات
الممرضه: خمس دقايق بس لو سمحت
ادم بتجاهل: تمام تمام ليدخل الى حبيبته ويرى وجهها الشاحب وجسدها الضعيف موصل بالعديد من الاجهزة الطبيه ويرى جهاز القلب الذى يوضح انها مازالت على قيد الحياة حتى الان
ادم بحزن: حبيبتى قومى بقى متسبنيش انا من غيرك ولا حاجه كده هيهون عليكى ادم حبيبك قومى نفسى اشوف ولادى منك مش عايزة تكبرى عيلتنا مش عايزة اقولك على مكانى السرى انا نفسى احس بيكى حواليا فى كل حته عايزك تملى حياتى يا كل حياتى
الممرضه: لو سمحت كفاية كده
ليقبل ادم يد نور وينظر نظرة اخيرة لمحبوبته ويخرج وقد ترك قلبه معلق بالداخل
مر شهر دون جديد مازالت نور فى غيبوبتها وادم لم يتركها لحظه واحده يحدثها يوميا عن حياته وروتينه الذى لم يفعل به شئ سوى الجلوس جانبها حتى حازم اصبح ضعيف وهو يرى اخته ترفض الحياة هكذا فجميع مؤشراتها الحيوية منتظمه ولكنها ترفض العودة للواقع
عاصم بتعب: ايه يامحسن بنتى هتفوق امتى بقى
محسن: مش عارف ياعاصم قولتلك على حسب استجابتها هي خلى فى صبر شوية
ادم بعصبيه: بقالنا شهر صابرين(صابرين ولا نعمات😂😂)
كمال: ده قضاء ربنا يا ادم اهدى شوية بقى
ادم بتعب: ياارب الصبر يااارب حياتى مدمرة من غيرها نفسى اشوف ضحكتها عيونها اي علامه ياارب
مر يومين ايضا دون جديد كان حازم بجوار نور وادم من الجانب الاخر فهما اكثر من تأثروا بغيابها
حازم بحزن: مش هتقومى بقى انا بجد تعبت من غيرك يا نور انتى اميرتى الصغيرة انتى روحى مش عايزة تشوفى ملك بقت حامل فى الشهر الخامس وعرفنا انه ولد كمان وندى برضو حامل فى ولد والبيبى بيكبر وكلها كام شهر وينور حياتنا قومى بقى انتى قلتى انك هتختارى الاسم وانا منتظرك يلا انتى عمرك مابعدتى عنى كده آن الاوان بقى تفتحى عيونك ليصمت وهو يبكى بضعف على اخته
ادم: قلبى قومى بقى انا زهقت من غيرك حياتى سودة من غيرك مفهاش اي لون تانى انتى اللى كنتى مخليه لحياتى لون وطعم انا اول مرة احب كده اول مرة اتعب كده اول مرة فى حياتى احس انى بموت من غيرك انا كل خليه فيا بتصرخ باسمك عايزاكى تفوقى انا محتاجاك اوى قومى علشان ابكى فى حضنك واعاتبك على بعدك وغيابك على انك خبيتى عنى انك تعبانه ومشاركتنيش تعبك وبعد مااعاتبك مش هسمح لدموعك تنزل لانها عندى لؤلؤ ساعتها هاعتذر بسرعه واراضيكى واخليكى تبتسمى علشان شمسى تطلع القمر جنبك لما تضحكى مش حاجه ده القمر يخجل يطلع لو انتى ابتسمتى حتى قومى ياشمعه حياتنا نوريها بقى لتهبط دموعه على يدها بهدوء لتشد نور على يديه بضعف
كانت نور فى مكان ملئ بالخضرة والمياه والمناظر الطبيعيه الخلابة وكأنها جنه وكانت تسير بسعاده خياليه الى ان قابلها طائر ضعيف حزين جدا لتحمله بخفة حتى لا يتأذى لتصدم عندما سمعته يقول: انتى علاجى لتتعجب مما قاله ولكنها تكمل مسيرتها به وبعدها تقابل وردة جميلة جدا وكأنها تبتسم ولكن فى لمح البصر تبدأ الوردة بالذبول امام عينيها وهي لا تستطيع فعلا شئ لتسمع صوتا يقول: انتى مائى اروى ظمأى حتى لا اموت عطشا
نور بصياح: يعنى اعمل ايه دلوقتى
الطائر والوردة: ارجعى حالا
لتبدأ يد نور فى الحركه ببطء لينتفض ادم وحازم من مكانهما ( طبعا كان الطائر يرمز لحازم الضعيف والوردة كانت ترمز لادم اللى بيموت فى بعد نور عنه ده بيعلمنا شئ فى حياتنا وان لو حتى فيه ناس مش مهتمه بيك بس فيه اللى ميقدرش يعيش من غيرك فيه ناس بتبقى سبب انك تقوم من اي دروب تتعرضله فى حياتك وفيه العكس اللى بيحب يشوفك دايما مكسور وعلشان كده خليك دايما قوى وبعد ماتقع تقوم اقوى دى حياتنا )
ادم بصدمه: نور اتحركت صح
حازم: فعلا ليضع يده فوق عينيها لانه رأى رمشه عيناها البطيئة لتظهر عسلياتها ببطء شديد وسط لهفة وشوق ادم ودموع حازم التى تهبط بغزارة
حازم بسعاده: حبيبتى انتى سمعانى نور انتى فوقتى صح لتشد على يديه وكأنها تثبت كلامه
ليخر ادم ساجدا ومعه حازم وسط دموع فرحتهم بعودة نور سالمه للحياة ليقوما ويضغط حازم على زر الاستدعاء فورا ليأتى محسن سريعا ويصدم عندما يرى نور مستيقظه
محسن بفرحه: يااه اخيرا فوقتى تعبتينا معاكى يانور وانتى فايقه وانتى فى غيبوبة بردو
نور ببطء: انا عايشة صح
حازم: لاء انتى فى الجنه واحنا وصلنا قبلك ايه يابت هو الشهر اثر على دماغك كده ولا عملك فقدان ذاكرة
نور بصدمه: بقالى شهر نايمه بجد
ادم: مش مهم بقالك اد ايه المهم انك رجعتى ليا ياقلبى وحشتينى اوى كده يانور هنت عليكى تغيبى ده كله
يدخل الجميع الغرفه بعدما عرفوا من احدى الممرضات ان نور فاقت ليصيح الجميع بفرحه عند رؤيتها وتبدأ رحلة عذاب ادم من الغيرة بسبب احتضان الجميع لها ولم يتركوا له الفرصه حتى للانفراد بها جميعا وجاء الليل والجميع مازال ملتف حول نور وهم يشعرون بالسعاده لعودتها وادم يموت من الغيظ
ادم بقوة: انا بقول انها تعبت كفاية كده يلا روحوا بقى وابقوا تعالوا بكرة ولا اقولكم متجوش اصلا انا يومين وهاجيبها البيت
كمال بصدمه: انت بتطردنا يالا ولا ايه
عاصم: انا قاعد مع بنتى ومش همشى
ادم بغيظ: اه بطردكم عادى جدا ومحدش هيقعد معاها غيرى حتى حازم هيمشى وكلمه كمان مش عارف ممكن اعمل ايه
احمد بتعجب: ايه الوقاحه دى
محمد : ده مترباش اصلا ايه ياكمال ده
حنان: اول مرة اشوف ابنى بارد معانا كده
منى: الحب وما يفعل بقى
حازم بغيظ: مش همشى ياادم انا قاعد مع اختى
ادم ببرود: طيب ماشى خليكم انا هاخدها واخرج
محسن: اقف مكانك يالا انت
ادم ببرود: هعد تلاته اقسم بالله اللى هلاقيه هنا مش هخليه يشوفها لمده يومين 1 2 وقبل ان يكمل كانت الغرفه خالية بالفعل فهم يعلمون بانه قادر بالفعل على ذلك فهو الى الان رحيم بهم ولم يقدروا انه كان يموت دونها
نور بضحكه بسيطه: ايه ده انت مجنون
ادم بغضب: اسكتى انتى كمان شوية فى حضن ابوكى وبعدين اخوكى ايه العالم دى انتى بتاعتى انا
نور: طيب اهدى بس خلاص محدش هنا وكلهم مشيوا بسببك اهو
ادم بسخرية: ده كان ناقص يباتوا هنا كمان
نور بضحك: ايه ده بتغير عليا انت من الصبح ساكت اصلا متكلمتش خالص ليه ياادم
وبدون كلام اتجه نحوها وتمدد جانبها بهدوء حتى لا يؤذيها واحتضنها وفجأة شعرت بدموعه الساخنه تلفح رقبتها الباردة لتلسعها وكأنها نيران
نور بقلق: ادم مالك انت كويس
ادم ببكاء: انا كنت خايف اوى مكنتش متخيل ان ممكن تسيبنى ليه كده شهر كامل سايبانى لوحدى وانا بموت فى اليوم الف مرة انا مكنتش عايش من غيرك ياقلبى متسبنيش تانى والله بموت من غيرك
نور بحزن: انا اسفه بس انت اهدى عمرى ماشفتك ضعيف كده ياادم انت اقوى حتى لو كنت موتت كان لازم تكمل حياتك
ادم بغضب: مكنتش هكمل انتى حياتى مجرد انك فى غيبوبة مكنتش بقدر اسيبك بخاف انام لاقوم ولقيتك روحتى وسيبتينى دايما بكلمك يمكن تصحى شهر قاعد جنبك ومتحركتش انا بقالى شهر مش بعرف انام كنت اتعودت على حضنك مقدرش انام من غير ماتكونى جنبى انتى امانى يانور
نور: نام ياادم انا معاك مش هاسيبك ولاول مرة بعد شهر ينام ادم براحه بين احضان محبوبته لتشعر هي الاخرى بالدفئ وتنام سريعا
فى صباح يوم جديد اتى الجميع مبكرا ولكن حدث ماصدمهم جميعا فقد قام ادم باغلاق الباب من الداخل ولم يستطع احد الدخول
حازم بصدمه: ابن الجذمه قافل الباب من جوا
يوسف: ده الشيطان يتعلم منه ايه ده
عاصم بوعيد: حااضر لما يفتح بس
كمال: تعالوا نجيب المفتاح الاضافى لتأتى احد الممرضات به ولكن ادم ليس غبيا لهذه الدرجه فقد ترك المفتاح معلق فى الباب حتى لا يستطيع احد فتحه بالمفتاح الاخر
احمد: دماغ معلمين فعلا وبعد مرور 4 ساعات تستيقظ نور وتحاول الحركه ولكن ادم محاوطها بقوة
نور: ادم اصحى يلا
ادم بنوم: صباح الخير ياقلبى نمتى كويس
نور: صباح الخير ياحبيبى اه وانت
ادم بحب: احلى نومه نمتها من شهر ونص
نور: ربنا يخليك ليا اومال الجماعه مجوش ليه
ادم: هي الساعه كام دلوقتى لينظر بجواره ويراها الثانيه عشر
ادم بذهول: احنا نمنا ده كله
نور: اه كتير فعلا بس ازاى محدش صحانا
ادم ببتسامه: مش عارف حاجه غريبه
نور: مش مريحنى ياادم طيب روح شوفهم
ادم: اكيد ليقوم ويفتح الباب ببطء لينتفض الجميع من مكانهم ويقتحموا الغرفه وفى لمح البصر كان ادم محتضن نور حتى لا يأتى احدهم اليها
حازم بغيظ: بتقفل الباب ياحيوان
كمال: بقى كده ياادم تسيبنا بره بقالنا اكتر من 4 ساعات
عاصم: دى بنتى ياحيوان ممكن ابعدها عنك
حنان: ليه كده ياحبيبى
يوسف: حتى المفتاح سايبه جوا علشان منفتحش
منى: لاء ونايم ولا همه لسه صاحى دلوقتى
ادم ببرود: ايه خلاص كده خلصتوا اولا براحتى ثانيا دى مراتى وانا حر ثالثا وده الاهم انا عارف انكم عيلة رخمه وهتيجوا بدرى فكان لازم اعمل كده علشان انام براحتى ومحدش يزعج قلبى وهي نايمه
عاصم: طيب ابعد عايز اقعد معاها شوية
ادم ببرود: سورى اونكل اقعد معاها عادى بس في كراسى كتير اهو اما ده مكانى انا وبس
كمال بذهول: يخربيت الوقاحه بقى انا ربيتك كده
محمد: ده مترباش اصلا
حنان: ده مش ابنى خالص ايه قلة الادب دى
ادم ببرود: اه انا وقح وقليل الادب عادى جدا بس محدش هيقرب من نور بردو وده اخر كلام عندى
نور بضحك: انت عنيد اوى
ادم: مش اكتر منك ياقلبى
نور بغيظ: عايزة اقوم ادخل الحمام
ادم: حاااضر ليحملها فجأة ويتجه بها لحمام الغرفه
نور: نزلنى عايزة امشى ياادم
ادم: لاء كده عاجبنى يلا هستناكى لحد ماتخلصى
كان الجميع ينظر له بصدمه هل هذا ادم ام شخص اخر لقد تغير كثيرا وصدق من قال ان الحب يفعل المعجزات
مرت 3 ايام وحال ادم كما هو لا يسمح لاحد بالاقتراب من نور حتى امها يغير عليها بشدة والجميع يحب مشاكسته والضغط عليه من تلك الجهة وهو لا يلقى لهم بالا وفى اليوم الرابع سمح لهم الطبيب بالمغادرة وعند عودتهم للفيلا لم تتغير تصرفات ادم ايضا وحازم يموت من الغيظ ويستغل فترات غيابه ويدخل لاخته وما لا يعلمه ان ادم يعلم ذلك ولكنه يتركه فهو يعلم مقدار عشق حازم لها ومدى خوفه عليها
نور بحزن: يعنى هتنزل الشغل انهارده
ادم بحب: معلش ياروحى بقالى كتير سايب الشغل لحازم ويوسف وفيه حاجات كتير متأخره ساعتين بس وهاجيلك تانى
نور: ماشى ترجع بالسلامه ليقبلها على جبينها ويخرج ويوصى الجميع عليها حتى لا يعاقبهم ثم يوجه حديثه للرجال
ادم: اسمعونى كويس محدش يقرب منها خالص ماشى يابابا وانت يااونكل كمان
عاصم : انا ابوها يا متخلف
ادم بتجاهل: ميخصنيش انا قلت وخلاص
كمال: ما تلم نفسك يالا محدش قادر عليك ولا ايه
ادم ببرود: ما بلاش يابابا احنا لسه ماتكلمناش فى حكاية انك كنت عارف ومخبى دى يلا سلام ليركب سيارته ويغادر سريعا ولم يكن هناك حديث لوسائل الاعلام سوى عودة ادم نور الدين للظهور مجددا على الساحه وفى ميدان التنافس وذلك بعد تعافى زوجته نور الدمنهورى من مرضها وعودتها سالمه لمنزلهم
حيا الجميع ادم وهنأوه بعودة زوجته سالمه ليرد تحيتهم ببتسامه جميلة ليعلم الجميع ان الموجود الان ليس ادم رجل الاعمال انما ادم الرجل العاشق
مرت 6 ساعات وعاد ادم للفيلا وهو متشوق لرؤيه صغيرته فقد تركها لمدة قصيرة ولكن اشتاق لها بشدة ليصعد لغرفتهم ويرى بها ملك وندى ببطونهم البارزة فقد اكملوا شهرهم السادس
ادم: حبيبتى عاملة ايه
نور: الحمد لله وانت عملت ايه فى الشغل
ادم: تمام المهم صحتك ياروحى حد زعلك من العيال دى
ملك بتذمر: عيال مين ياادم انا لوكة حبيبتك
ندى بزهق: على فكرة ياادم انا مش هخلى ابنى يحبك
ادم بحب: انتو اخواتى ياهبل وانا بحبكم جدا ولو فى يوم حازم او يوسف زعلوكم انا اللى هقف ضدهم لتضمه ملك بحب فهذا سندها لتقف ندى فكم تمنت ان يكون لها اخ ولكن حدث مشاكل لوالدتها لتكون هي وحيدتهم ليشعر ادم بها ليفتح ذراعه الثانى
ادم: ايه ياندوش انا مش اخوكى ولا ايه
ندى بحب: انت افضل اخ فى الدنيا ليأتى دور نور فى الغيرة
نور: مش كفاية بقى احضان ولا ايه فرح ادم بشدة لانها تغار عليه ولكنه احب ان يغيظها اكثر
ادم ببرود: اخواتى ياحبيبتى ليدخل فى ذلك الوقت حازم ويوسف
حازم: خيانه ابعد عن مراتى
يوسف: انت ياعم سيب مراتى لوحدها
ادم بعند: قلت اخواتى انا حر يازفت انت وهو وبعدها لم يدرى كيف اصبحت نور فى حضن حازم ويوسف بجوارها ليشد الاثنين سريعا ويبتعد عن الفتيات فورا ويضم نور بتملك
نور بالم: ياادم براحه
ادم بقلق: اسف ياعمرى مكنتش اقصد
حازم: علشان متحضنش مراتى تانى زي ماهي اختك نور اختى ياادم وانت عارف كده كويس
يوسف: كلامك صح ياحازم مش اد اللعب ميلعبش
ادم: بره ياكلاب مش عايز اشوف حد فيكم هنا انا مش عارف البنات طايقينكم ازاى وانتو معفنين كده
نور ببتسامه: خلاص بقى بطلوا لعب عيال انا عايزة انزل تحت ياادم كفاية قعاد فى الاوضة بقى
ادم: هتنزلى دورين ياقلبى وده غلط عليكى
نور بزهق: ادم بجد انا بقيت كويسه عايزة انزل بقى بليز هاخرج الجنينه شوية واشوف الفيلا ماتفرجتش عليها
ادم: ماشى ياروحى يلا ننزل ثم يوجه كلامه للشباب: هتنزلوا ولا لاء
يوسف: لاء انا هاخد حبيبتى وادخل اوضتنا
حازم: وانا كمان مش هنزل بقالى شهر مقعدتش مع مراتى لوحدنا ياجدع ايه ده كده ظلم
ادم بضحك: ماشى ياعم العادل سلام
دلف حازم لغرفتهم، حازم: يااه الواحدتعب من الشغل الله يهدك ياادم زي مانت تعبتنا كده
ملك بضحك: معلش ياحبيبى الفترة دى كان جنب نور ومكنش بيقدر يسيبها لوحدها انت عارف ادم
حازم: ماهى المشكلة انى عارفه انسان غتت ثم ينظر حوله : ليكون سامعنا ولا حاجه ده له جواسيس فى كل حته لتضحك ملك على مرح حبيبها وهي تدعى ان يديم الله سعادتهم
عند يوسف يرتمى فورا على فراشه: اخيرا شوية راحه الواحد حيل اهله مهدود من كتر الشغل
ندى بحنان: معلش ياروحى انت ادها واهو ادم بدأ يرجع الشغل اهو وهيخفف عنك انت وحازم
يوسف بحب: كفاية وجودك معايا بينسينى اي تعب وارهاق بشوفه فى يومى ربنا يديمك ليا
فى الاسفل سعد الجميع برؤيه نور تهبط برفقه ادم وجلست معهم لبعض الوقت ثم اخذها ادم لمكان هادئ فى الحديقه واجلسها على ارجوحه هناك
ادم: ده بقى لما اجى هنا بيكون مكانى المفضل بحس فيه براحه نفسيه فظيعه بعرف احل مشاكلى وانا هنا
نور: المكان فعلا تحفه والجو جميل يصفى ذهنك
ادم بحب: انا ذهنى وبالى وقلبى وكلى مش مشغولين غير بيكى انتى ياروحى
نور بحب: ربنا يخليك ليا ياقلبى
مر اسبوع وعادت نور لطبيعتها وعادو جميعا الى اعمالهم ومنازلهم فى الكس مدينتهم الاصليه ولكن كان لادم رأي اخر ليقف امام القصر
كمال: وقفت ليه خلينا ندخل
ادم: هتدخلوا بس انا لاء انا هاخد مراتى ونسافر ومش هعرفكم فين ولو على الشغل انا خلصت شغل شهر قدام يايوسف اللى فاضل حاجات بسيطه ماشى ياحازم مش عايز اعرفكم لمدة شهر كده متفقين يلا سلام
عاصم بصدمه: انت بتقول ايه
حازم: هتسافر وتسيبنا ايه الندالة دى
ادم ببرود: بقول هسافر ومش هقولكم فين وبعدين انتو مش مكتوبين على امى فى البطاقه ياحازم يلا باي كان الجميع مذهول مما يحدث واكثرهم صدمه كانت نور ليأخذها سريعا ويتحرك بالسيارة مبتعدا عن الجميع
فى المطار تحرك ادم بطائرته الخاصه
نور: احنا هنروح فين ياادم
ادم: مفاجأة ياروحى وبعد مرور 9 ساعات تهبط الطائرة لتجد نور نفسها فى جزر المالديف
نور بسعادة: واااو جزر المالديف
ادم بحب: حبيبت يكون المكان ده شاهد على حبنا لتبدأ قصه عشق وحب برئ بين ادم ونور من الان ليسطر التاريخ عشقهم باحرف من ذهب ولما لا وبالحب معا قد تخطوا الصعاب
بعد مرور 7 سنوات يدلف ادم لقصره ومعه حازم وسيف ويوسف وكل منهم يتجه مباشرة نحو زوجته لتستقبلهم الفتيات بحب ولهفه وبعد فترة كان  الجميع يجلس فى قصر نور الدين واطفالهم يلعبون سويا ليصدح صوت طفل يصيح بغضب على الجميع ليتجهوا فورا ناحيه ابنائهم
ادم بجدية: فى ايه يا مالك بتزعق ليه
مالك بجدية لا تليق بعمره: عمالين يتخانقوا يااونكل ومش محترمين وجودى خالص
جودى بطفولة: انت اللى بتزعق لينا على طول
مالك بحب: انا ازعق للكل الا انتى يا قلبى لينظر الجميع لهذا الطفل الذى لم يتخطى السابعه بعد وقد ورث جديه ادم وبروده وكأن ادم والده وليس حازم
اسر: على فكرة يامالك انت اكبر منى باسبوع واحد يعنى مش تزعق ليا
مالك ببرود: المهم اكبر وخلاص
ياسين: على فكرة يامالك انا ساكت بمزاجى
مالك: وهتعمل ايه بقى يااستاذ ياسين
نور بطفوليه: ملكش دعوة ب حبيبى يامالك ياسين حلو
ياسين: قلب ياسين انتى
سما ببرأة: لاء اسر احسن منهم
ادم : بس مش عايز صوت انت كنت بتزعق ليه يامالك
مالك: يااونكل لاقيت ياسين بيزعق لنور وهي بتعيط وانا مش هاسكت لما اشوف اختى بتعيط
ياسين بغضب: بزعقلها علشان مبتسمعش كلامى
ملك: مسمعتش ايه ياحبيبى
ياسين: قلتلها ياطنط تقعد جنبى مرضيتش وراحت جنب مالك وكانت جودى قاعده جنبه
جودى: هو اللى خلانى اقعد جنبه
اسر: خلاص كل واحد يقعد جنب حبيبته ايه رأيكم
مالك باقتناع : موافق يلا ياجودى
ياسين: كده تمام انا هاخد نور واقعد عند البول يابابى
اسر: تعالى انتى بقى يا سما نخربها مع بعض
سيف بذهول: بقى بنتى متقعش غير مع اسر ابن يوسف
حازم: انا بنتى اتشقطت قدامى عادى كده
نور ببرود: وانت فكرك هتقف قدام ياسين يعنى
(علشان محدش يتلغبط فى الاطفال بس حازم وملك عندهم مالك 7 سنين وورث جدية ادم ولون عيون والدته ويشبه والده كثيرا وايضا هناك نور4 سنوات تشبه ملك فى كل شئ
اما سيف ونغم فلديهم سما ورثت جمال والدتها وعيون والدها
بينما يوسف وندى لديهم اسر الذى ورث كل شئ فى والده حتى مزاحه وايضا رؤى ذو العامين من عمرها ولكنها نسخه من ندى والدتها
وفى الاخير رُزق ادم ونور بتوأم جميل جدا يشبهان بعضهم البعض وهما ياسين الذى ورث كل طباع والده وعناد والدته وايضا جودى التى لا تخلتف عنه كثيرا ويبلغان من العمر 5 سنوات ونصف)
يوسف: والله احنا ماكنا عيال ايه الجيل ده
ادم بحب: الحب بيعمل اكتر من كده انت اهو يايوسف كنت قافل قلبك ومن اول نظرة لندى وقعت وتعبت لما حازم عمل فيك مقلب وانها هتتخطب ساعتها بس عرفت انك بتعشقها وان دى اللى بتكملك وانت ياحازم القدر حطك فى طريقنا واحنا ساعدناك وفى نفس اللحظه اختى تتعب وتيجى انت تعالجها وبعد كده تنقذها من الموت بل كنت انت هتموت بسببها وفى لحظه كنت اعترفت بحبك ليها وانك متقدرش تستغنى عنها وكذلك سيف قعد سنتين يحب نغم وبعد ما اتقدملها اترفض وقفل قلبه بس القدر وقف جنبه وبعد 3 سنين كانت نور بتجمع بينهم تانى واتجوزوا وعاشوا اجمل حياة ليهم اما حكايتى بقى كانت مختلفه شوية انا بدأت احبها من مجرد كلام عنها ولما اتخطفنا سوا حسيت باحساس حلو اوى بس مش كل حاجه بنتمناها بتحصل كان لازم مسمحش لقلبى يحب علشان متتأذيش فى حياتها بسببى لما ظهرت الصور كان ممكن فى ثانيه الغيها بس حبيت انها تكون مراتى
نور مقاطعه: ساعتها انا كنت بعشقك وحبيت انا كمان نكمل سوا بس مرض قلبى ساعتها كان مدمرنى كنت فقدت الامل انى اعيش تانى كنت بحاول ابعد عن الكل علشان اقلل عدد اللى هينجرح بعد ماابعد بس بالعكس اتعلقت بيك اكتر وبعد معاناة وعذاب والم اتجمعنا سوا وكتبنا اول سطور عشقنا سوا
حازم: زي ماالحياة فيها الالم والتعب فيها الحلو كفاية وقت ماارجع الاقى ملك واطفالى فى استقبالى ده كفيل انى انسى هموم الدنيا كلها بين ايديهم
سيف: فعلا احساس جميل اوى ان يبقى ليك شخص عايز تخلص شغلك علشانه علشان ترجع تشوفى وتحكيله يومك حتى لو ممل وهو يسمعك بردو ده كفاية انه يزيل كل الصعوبات اللى بتقابلنى
نغم: الحياة مش بتتدى كل شخص اللى بيختاره بس انت بايدك تحول حياتك من حزن لفرح انت سر سعادة نفسك
ندى: كل انسان مننا جواه حاجات فى منها الحلو وفى الوحش بس طول ماهو معاه ناس تحبه ويحبها وعيلة متكاملة كده عمر الوحش ماهيظهر وبالتدريج هيختفى وتبقى كويس وبس
ملك: سيب قلبك يختار مش دايما تحكم بعقلك فى اوقات القلب بيبقى هو الصح فيها القلب مش عقبة زي ما كتير بيفكر كده نبض قلبك لشخص بحد ذاته ممكن يقلب جحيم حياتك لنعيم على الارض
يوسف: فعلا مش لازم كمان نقع من اول دروب فى حياتنا لازم نقوم ونكمل لان الحياة مبتقفش عند حد وزي ما كل واحد منا له ماضى كان سبب المه بس دلوقتى عايشين حاضر اجمل بكتير ومستقبل مجهول بس طول مااحنا مع بعض هيبقى مستقبل اجمل باذن الله
ادم: الماضى كان كابوس بس قلبنا فى الحاضر غير كل واحد فينا بجد
نور: عمر ماقلبك هيبطل نبض طول مانت عايش بمزاجك او غصب عنك وقت مايقابل اللى يكمله هيجرى وراه ودلوقتى اقدر انهى معاكم بانى اقول بالرغم من ان ماضينا مؤلم الا ان الماضى خلى نبضات حاضرنا تحول مستقبلنا لسعادة وفرح.

الى اللقاء فى رواية جديدة رأيكم يهمنى واي نقد هتقبله عايزة دعم يخلينى اكمل الى اللقاء حبايبى👋👋👋👋👋