🔪شمكارة زووهرة 🔪 (مكتملة )

البارت 45

بديت كنحل في عينيا  بشوية بشوية وحسا بي عينها بحالي عليهم الضبابة كحلة مبغاو حتا يتحلو  وعاد زيد عليها الألم لي كنحس بيه مجاهد بزاف بزاف وفوق لقياس

مني تحلو شي شوية بديت كنرمش ونضور في عينا ونستكشف في المكان لي  فيه أنا  دبا بقيت كنشوف كنشوف وبديت كنتفكر الاحدت الأخير لي وقعت ليا بقيت كنتفكر نتفكر حتا تفكرت بلي دخلوني نولد ومن بعدها معقلت علي ولاكن أنا أش كندير هنا وشكون  جابني لبرطمة ديالي لي في المغرب وشكون لي حطني هنا بالخصوص لا ميمكنش

واش أنا خرج ليا لعقل ولا مالي هزيت أيدي حطيتها علي كرشي وبديت كنقلب فيها واش بقا حاملة ولا لا غير حطيتها وأنا نتصدم ملقيت حتا حاجة كورشي خاوية تصفر غير لقيتها خاوية وأنا نجمع النوضة وجلست علي قزيبتي معا النوضة لي نضت حسيت براسي توعت وتقست بزااااف  في لبلاصة ديال تحت كورشي هزيت بزربة تيشورط  لي لابسة وأنا نتصدم 😳😲😳😳لقيت كورشي عليها واحد الفاصمة كبيرة كدليل بلي ولدت وكانت عندي عملية قيصرية غير شفتها وأنا نتجنن وندت جمعت النوضة وخا مقديتش نوض شديت في لكوافوزة لي حديا وكززت مزيان وشديت في كورشي وتميت غاديا خارجة علي صباع ضفارني باش منتقصحش غير بشوية بشوي معا الحيط غير وصلت حدا الباب وأنا نتلقا معا سليم جاي داخل لعندي هاز في أيدو بلاطو فيه لفطور غير شافني غادة خارجة  بزربة حط داك الشي لي كان هاز في أيدو وتم جاي لعندي

سليم : نتي  أش كديري أش كديري شكون قالك نوضي راه مخاصكش تنوضي رجعي تكاي في بلاصتك راك مزال بقا الفتحة عندك خضرة راك غادي تحليها بهاد التصرفات

أنا :( كنتكلم معاه وأنا مجنة )فينهوما ولادي ولادي فيناهوما أشمن فتحة ولا بعر

سليم : أجي تمغطي بعدا وغادي نقول ليك كولشي غير أجي تكاي بعدة

أنا : ( بصوت حنين ) لا بغيت ولاادي قول ليا فين ولادي أسليم فينهوما  ولادي قول ليا خلاص قبل منتعصب

هوا مني شافني مصرة علي الرأي ديالي جا لعندي وشدني من دراعي وتم غادي جارني  مرجعني باش نجلس فوق الناموسية غير وصلني حداها وأنا نتر ليه أيدو من أيدي وقلت ليه وأنا معصبة فوق لقياس

سليم : صافي بلاما تبقا تهرب من أسئيلة ديالي الي مبغيتش تجاوب خاطرك هداك حيد من قدامي  خليني نمشي نقلب عليهم راسي صافي حيد من قدامي بلاما تبقا تمرض ليا في كري

غير تنتر منو وتميت غادة خارجة وأنا نسمعو قال ليا

سليم :(بصوت مألم ) زوهرة ولادك ماتو الله يرحمهم تهدني وبلاما يبقا فيك الحال  غادين يكون طيور من طيور الجنة  غدا يوم القيامة أن شاء الله

غير سمعتو وهوا يركب ليا الما في ركابي تم تم ضورت راسي عندو وأنا مصدومة

أنا : 😳😲😳😲كيفاش أش كتقول نتا ؟كيفاش ماتو؟ وشكون قالها ليك نتا بعدا ؟