تمر الايام بهدوء على الجميع بانتظار انتهاء هذا الشهر وتنتهي امتحانات اناغيم ليتم عقد الخطبة والجاهة فهي من اهم اساسيات الجواز ... جاهة الرجال حيث يأتي اكبر عدد ممكن من رجال عائلة العريس من اقارب واصدقاء ومن كبار العائلة وكل ما كان العدد اكبر كان افضل ويتم اعادة طلب العروس من قبل كبير عائلة العريس امام الجميع ويقف كبير عائلة العروس ويجيبه بالقبول ويتم كتب الكتاب امام الجميع ومن ثم يذهب العريس الى مكان اقامة حفل النساء ويدخل ويلبس العروس خاتم الخطبة والشبكة وبعدها يبدأ حفل الخطبة ...
بعد تخرج اناغيم لشراء فستان الخطبة وتكون برفقة صديقتيها شهد وسنا ... ويكن بانتظار وصل فلك من رام الله ..
سنا * وهي تقلب بهاتفها * : اسمعن ولكن صارت عملية
شهد : بتمزحي ..!!! شو صاير ؟؟
سنا : ولكن صايري عند حاجز ترمس عيا ومولعة هناك مات مستطوتن وواحد حالة حرجة وشب استشهد والثاني قدر يهرب ورام الله النملة بتطلعش منها مسكرين كل المداخل والمخارج
اناغيم : يا الله ... خلينا نتصل على فلك نشوف شو صاير معها
شهد : بتصل عليها التلفون مشغول شكلها عرفت ...
اما في الجانب الاخر فكانت فلك في الكراج تنتظر لترى الوضع وما سيحدث وتتحدث مع والدها على الهاتف ...
فلك : لا مني مروحة اليوم مروحة بروح بلا روح بدي اروح ...
احمد : اهدي شوي ... واسمعي هس بتصل ع جوز اختك يجي يوخذك وضلي عندهم
فلك : *بصراخ* مين يابا ؟؟؟ مش رايحة عندها ومش ضالة عندها ... وبعدين مهي الطرق مسكرة بديش انشالله ارجع ع السكن واضل هناك مش رايحة
احمد : طب استني اشوف امك ... * بعد وقت تتحدث فلك مع والدتها *
وفاء : اسمعي ولي هبلة ..
فلك : سامعة يختي منتي لازم الغلط
وفاء : طيب سدي شوي .. قبل شوي اتصلت ناهد لما صار يلي صار تسأل اذا روحتي ولا لأ وشو صار معك .. لانها برام الله بالسوق ... فبتسأل اذا بتوخذك عندها لحد ما نشوف شو رح نعمل
فلك : * بهدوء * بس بابا يعني بقبل
وفاء : يختي ماشاء الله قبل شوي صوتك بقا ملعلع هسا تخبا جعفر وطلعت اليسا
فلك : مهو مش الحق على جوزك يعني ما يستناني تا اخلص واروح معو ومرضيش اطنش اخر محاضرتين واروح معو لا يروح هو وانا انلطع هون
وفاء : اخرسي .. يعني شو اقولها
فلك : طيب ماشي يا ستي * تنهي الاتصال*
احمد : تشيف يعني تروح معها وهي عند اختها مش قابلة تروح
وفاء : منتا عارفها هي وزوج اختها وحماتها نرا ومولعة وبعدين مهي وناهد حبايب
أنت تقرأ
جنون العشق
Romanceعندما يسيطر القلب على العقل والجسد .... فهو من يتحكم ويقوم بكل ما هو يرغب به ... ولكن بعد هذه السكرة يسيطر العقل من جديد ويرى كل ما دمره صديقه العدو من افعال ويحاول ان يصلح ما قام به ... فهل ينجح الحب بمسامحت الحبيب وغفران اخطائه العاشقة ؟؟؟ ام ان...
