مَكتُوبتـــلــك*مكتمله*

الحلـــقـ18ــــه

الـحـلقـة ⃣8⃣
.
.
.
❤
.
.
.
ناضت سمرا الصبح وولعت سيارتها وطلعت
سمرا..اني وصلت انت وين!!
هو..اهو قريب نوصل اي اهو شفتك تمام
نزل من السيارة وجي ركب جنبها
سمرا..كم تبي
هو..4000د 2000توا و 2000بعدين😁
سمرا..نهار ابيض شن بدير بيه هدا كله وبعدين مش لدرجة هدي
هو..الي عندي قلته ماتنسيش ان بنفرق بين زوز وع حسب ماتحكي يبو موضوع كبير باش نقدر نفرق بينهم اني لبين ماخططت وعرفت عليها كل شي نكلمك ونقولك اعطيني الفلوس وبعد كل شي تعطيني الباقي
سمرا..ااااه امري لي الله تمام
هو..هي بيننا تلفون
سمرا..استنى هدي هيا
هو..طرف😍😍
سمرا..منين جتها😒خلينا في الي حني فيه توا
هو..اي تمام حفظت شكلها
سمرا..اوك تسقد
هو..هي تشاو
سمرا..بايات
نزل هوا ومشت سمرا
.
.
.
شهد..سمرا روحت!
داليا..اي نضت الصبح ع صوت سيارتها
الاء..فكة😌
شهد..كان ماتقول لعمتي ان لزيناها
داليا..خلي تقول😑
الاء..اني ماعنديش خدمة اليوم
داليا..واني ماعنديش عطلة
شهد..وحتى اني بنفوت المحاضرة نحس في روحي مريضة
قعمزو يهدرزو والاء اطيب
طلع مروان واني ضميت الحوش ودوشت وبدلت ونزلت للبنات😻
شهد..صباح الورد
اني..ازيك يابت
الاء..اهلاا😊
داليا..شن جو
اني..الحمد لله
داليا..فطرتي!
اني..ايه من بكري
شهد..فطرت هي وحبيب القلب مش زينا قاعدين نلكلكو😂😂
اني..خزي عليك😂
كنا نضحكو فجأة حسيت روحي دايخة قعمزت وخليت روحي عادية مابيتش نبينلهم وبعدين كبدي زهقت نحس روحي خلاص بنطلع الي في بطني نضت نجري للحمام استفرغت 🤢
شهد..شممس خيركك بسم الله
داليا..خيرك😦
اني..ااه لا تمام غر استفرغت بس
الاء..بردة!!
اني..شكلي هكي بس توا بس
داليا..ايه اكيد بردة خودي بنادول
شهد..تو نعطيك
عطتني شهد بنادول حسيت راسي باهي قعمزت معاهم نهدرزو لين طاب الغدي تغدينا وقمنا المواعين قعمز مروان يتفرج واحني نهدرزو ونشربو في الشاهي جيت بناخد حاجة حلوة نضت مرة تانية نجري استفرغت
الاء..لازم تمشي تعايني
مروان..خيرها
داليا..من بكري هكي
شهد..بدلي بري عايني
اني..لالا بردة عادية تو غدوا يولي حالي باهي
مروان..بري بدلي نرفعك تعايني
اني..والله مالازم
مروان..بري قتلك
ركبت اني لبست عبايتي ونزلت مشيت عاينت دارولي تحاليل
اني..نبي نركب السيارة مش متحملة الريحة
مروان..تمام هي
ركبت السيارة ومشي مروان قعمز يستنى في التحاليل
تكيت اني الكرسي وقعدت متكية
الدكتورة..شمس فوزي الـ...
مروان..ايوا
مشي خدي التحاليل من الدكتورة
مروان..شنو طمنيني
الدكتورة..خش للدكتورة وهي تقولك😊
مروان..تمام
طلعلي مروان ونزلت ممن السيارة وخشينا للدكتورة قعمزنا وعطيناها التحاليل
د..مرتك😊؟
اني..ايه مرته☺
د..مبرووك حامل😘
اني..كييف😍
د..ايه حامل وليك اسبوعين😊
مروان..الف الف مبروك حبيبتي😍😍
اني. يبارك فيكم
د..اول بيبي؟😊
اني..ايه 😍
د..مبروك حبيبتي ولو تبي اتابعي عندي افتحي ملف عندي وان شاءالله حنتابع حالتك اول بأول بس في شي لازم تعرفوه
اني ومروان..شنو
د..لازم تحافظي ع ماكلتك دمك نازل شوية كولي مقويات وحجات تزيد تقويلك دمك و فواكه كتري منها هلبا حركة هلبا لا تقيمي رزين ممنوووع🚫الكعب انسيه 😊 ردي بالك انتِ قاعدة في المراحل الاولى
اني..ان شاءالله
مروان..من اليوم معاد تمس شي 😊
اني و دكتورة..هههههههه
طلعنا اني ومروان روحنا للحوش 💒
لقينا البنات يستنو فينا
الاء..شن قاللكم الدكتور
اني ابتسمتلهم..😊
مروان..😀
البنات..خيركم
اني..امممم بيجينا بيبي😆
شهد نقزت وجتني تجري تغمرتني..😂😂
الاء..بالحقااااا😍😍 روروروروروروري
داليا..الف الف مبروووووك😍😍
تغمروني وتغمرو مروان وفرحو هلباااااا
شهد..بنولي عميمة😍😍ناعليا اني وخلاص
الاء..شن بتسموه😍😍
اني..مش مفكرين الحق
داليا..نفكرو مع بعض😍😍
.
.
.
.
عند محمد
محمد..قمررر
قمر..نعممم
محمد..وينك
قمر..فوق اني اهو نازلة
نزلت قمر لمحمد وخدت منه الحجات
قمر..علاش هدا كله مداير عزومة نهارك وماقلتليش امتى بنلحق اني ياربي 🤦ديما بعمايلك يا محمد
محمد..لاللا مادرتش شي بس بندير
قمر..منو وعلاش
محمد..ملاحظة ان ماجي حد عندنا غير اماليك😏
قمر..اي به خيرك تقول فيها هكي
محمد..يعني اماليا ماجي حد منهم هني من يوم العفسة الي درتيها
قمر..محمد اني اعتذرت منهم وهما ذنبهم ع جنبهم اني ماقلت لحد ماتجينيش😒
محمد..احترميني الزفت
قمر..باه
محمد..بنعزمهم الي هما امي وبوي وخوتي واختي ومرت خوي
قمر..باه🤐
محمد..وزي ما سترتي روحك قدام اماليك بتستريني قدام اماليا
قمر..اني متربية وع الاصول ومانديرش الفرق بينهم بس هما دارو الفرق بيني وبين مرت خوك يوسف
محمد..هدي دوة زايدة لو اديري زي مرت يوسف حيعتبروك بنتهم واحسن من بنتهم لاكن انتِ من اول يوم مشاكل وتلقيح وهم احرف وجوازة حرفة ع راسي اني وخلاص المهم غدوا العزومة تبي شغالة تساعدك نجيبلك ماتبيش ماتبيش
وطلع محمد وخلا قمر مقعمزة ومتعفلقة اتصلت بأمها
قمر..ماماااا يهين فيا يا ماما😭
هدى..من هوا اللطف وانتِ من يوم جيتي اهني بديتي كل يوم عراك
قمر..محمد يا ماما قالي جوازة حرفة
هدى..عنده حق كان كل يوم مدايرتيله مرداح
قمر..حتى انتِ جيتي عليا
هدى..اني مانبيلك كان الراحة
قمر..كان تبيلي كان الراحة راك نهيتيني وماقلتيلي ديري وديري
هدى..هداكا قبل واني تراجعت وفتت مانبيش بيتك يخرب والدنيا نصيبات هني روحك وهنينا عليك تراه
قمر..قالي بيعزم عيلته
هدى..هوا حر
قمر..تي قداش بندير تعرفيني نعرفش نطيب هلبا
هدى..ومن دارلنا الماكلة يومها
قمر..طلبت من مطعم
هدى..غبارتك السودة كدبتي عليناااا
قمر..ايه وكل يوم نطلب من مطعم يجيب فيه لعندي لما محمد في الخدمة باش مايعرفش ان اني مانعرفش نطيب😊
هدى..وشن تعلمتي عندي
قمر..اني تعرفيني مانعرفش نطيب كان رقيق وحجات خفيفة
هدى..ياحشمتي مع سلفتي ياغبارتي السودة بتجلطيني انتِ
قمر..انتِ ماعلمتينيش
هدى..حي حي عليا حي
قمر..كيف ندددير ماعنديش فلوس باش ندير الي درته يومها
هدى..تو نبعتلك اني فلوس وخودي وديري الي درتيه يومها ونهارك غبارتك سودة كان ماتتعلميش هدي ترباية المطاعم والدلاع شن دارلك
قمر..باه ماما هزبتيني هلبا ره
هدى..تبي طريحة انتِ اصلا ياعازتك يوم يتزوج عليك قولي وووه
قمر..باهي باه هي باي
هدى..ماشي😡
سكرت قمر منها وهي متعفلقة ومش عارفة شن ادير
اتصلت بمحمد
قمر حاولت تلطف الجو..حبيبي
محمد..شن ناقص!😡
قمر..غر خيرك ماناقص شي
محمد..تبي فلوس؟
قمر..محمد شن تقول
محمد..ماهو تعودت ان مرتي ماتقولش هكي الا لما تبي شي معين
قمر..اني هكي!!_
محمد..ايه انتِ هكي راجعي نفسك تو تشوفي مني الي هكي
قمر..باه بنقولك كلمتهم والا نكلمهم اني
محمد..من هما
قمر..اختك وامك
محمد..لا كلميهم انتِ واني تو نعاود نكلمهم ونكلم خوتي
قمر..باهي
محمد..ماشي هي
قمر..اسمع
محمد..شنو
قمر..نحبك
محمد..والي بعدها
قمر..محمممد عاااد
محمد..قوليلي من الاخير شن تبي هي عشي من برا والا تطلعي والا بتمشي لأمك؟
قمر..ولا وحدة منهم
محمد..شن صايرلك توا خليتك بعقلك
قمر..تي باهي باهي غبية اصلا ان كلمتك
محمد..اهو طلع جعفر ايواه هكي نعرفك اني
قمر..مبردددك😠
محمد..انتِ بردتيني وخليتيني هكي مش اني
قمر..هيا بااااي
محمد..ماااشي
حط محمد فونه ع الطاولة وفتح الملف وقعد يتصفح فيه والخط مفتوح
قمر خلت الخط مفتوح وحطت الفون جنبها
عند محمد
طق طق
محمد..ادخل
..السلام عليكم
.
قمر سمعت صوت شافت لفونها لقت الخط مزال مفتوح حطاته ع ودنها سمعت صوت بنت
.
محمد..وعليكم السلام تفضلي
..استاذ محمد نبيك توقعلي ع الاوراق هدم لقيت استاذ فوزي مهناش
محمد..ااه تمام
قعد يقرا في الاوراق محمد ويوقع
..امممم كيف حال مرتك🙂
محمد..الحمد لله
..كويس😊
محمد..تعرفيها؟
..ءء إ ايه ههه
محمد..اممم
..تحبها؟
محمد..مرتي اكيد
..بنت عمك صح؟
محمد..ايه
..اممم ربي يحفظكم لبعض
محمد..ان شاءالله
..تميت
محمد..ايه اخر ورقة هدي تفضلي هي
..شكراا😊
طلعت هيا وخدي محمد فونه لقي الخط مفتوح
محمد..مشااااءالله تتسمعييي علياااا
قمر مابتش تتكلم
محمد..الوووو نكلم فيييك وينك الووووو
سكر محمد الخط وفكر ان الفون مش جنبها وفات
قعدت تفكر قمر من هيا هدي الي جت لي محمد وتتكلم معاه هكي 🤔 وتفكرت كلام امها لما قتلها كانا تزوج عليك قولي وووه
طقت في راسها ناضت تجري فتحت ع قروب انتع طبخ ولقت اكلات منزلينها دارت حجات للعشي وضمت كل شي داراته وركبت تجري دوشت ولبست قفطان طويل وفيه فتحة للفخد ودارت شعرها وشوية ميك اب ونزلت حطت العشي ع الطاولة ودارت جو شموع وورد ودارت معطر جو باش تتغير الريحة🌷🌸
وقعمزت تستنى وتصور في سيلفيات وتحط ع السناب تفكرت ان ماكلمتنيش وماكلمتش ماما
قمر..حييييي عليااااا تو يقولي بالعاني
فتحت اتصلت بيا
لقيت فوني يشرين واني عند ماما كنا نهدرزو
ماما..منو
اني..قمر😏
ماما..ردي
اني..ماخاطريش مانبيش انكد ع روحي
ماما..غر ردي
رديت عليها
اني..ايوا
قمر..اهلين كيف حالك
اني..الحمد لله ياقمر
قمر..ءء شممس اني عازماتك غدزا عندي😁
اني..ءء امتى غدوااا؟؟
قمر..ايه
اني..بس اني
قمر..انسي الي فات قمر خلاص اني اسفة قتلك وانسي الي قلته كان معمي ع عيوني
اني..قمر شن تبي تاني
قمر..نبي ان تجيني انتِ وباقي العيلة ماجانا حد بكل😢كأننا وحيدين
اني..شوفي شن درتي
قمر..اتأسفتلكم
اني..سامحيني لين نسئل مروان كان قالي باهي تو نجي
قمر..اوك
سكرت مني واتصلت بماما
ماما..اهلين قمر كيف حالك
قمر..الحمد لله عميمة كيف حالك انتِ
ماما..الحمد لله
قمر..عميمة اني عازماتك غدوا باش تجيني ولا مرة جيتينا
ماما..باهي حاضر
قمر..هي خلي نتصل بي اميرة
ماما..اوك
سكرت من ماما واتصلت بأميرة وهي كانت معانا
اميرة..ايواه سلفتي😊
قمر..اهلين كيف حالك😑
اميرة..الحمد لله شن اخبارك انتِ😊
قمر..الحمد لله شن جو الحمل
اميرة..اهو محدديلي موعد يوم الاربعاء الولادة
قمر..طبيعي ؟
اميرة..ايه
قمر..ربي يسهلك بنقولك اني عازماتك غدوا
اميرة..وين
قمر..في حوشي
اميرة..اهااا امتى باه؟
قمر..كان بتجي حتى من توا 😒😅
اميرة..😑يعني عزومة مفتوحة؟
قمر..ايه
اميرة..اوك ان شاءالله
سكرت منها وشافتلنا
اني..شكلها واخدة قراماتها
اميرة..واضح
ماما..ربي يهديها معليشي ع عيون خوك بنتحملو هو مرتاح خلاص
اني..ايه ربي يهديها
ماما..تعالي ماتكسريش بخاطر خوك
اني..ان شاءالله☺
.
.
.
فتح محمد الباب لقاه مطفي الضي
محمد..ك العادة مسكرة الضي وراقدة وماتستناش فيا اااه ياربي شن غيرها هكي
سكر الباب وراه برجله ودخل البيزا في المطبخ وطلع جي بيفتح الضي وقمر واقفة في جنب تاكو الضي
فتح الضي وتلفت وولا تلفت مرة تانية لقاها واقفة ومبتسمة
محمد نصدم وقعد يحك في راسه ومش فاهم شن صاير ..ءء😳
قمر..🤣
محمد..لالالا انتِ مش طبيعية شن كليتي بعد ماطلعت بلكي حاجة في الخضرة مداوية وهكي مدايرتلك
قمر..هههههههه حمودي عاد خلاص والله تغيرت اني
محمد..متغيرة ليك زمان
قمر لفت يديها عليه..بس لا وليت قمر الاولى اني اسفة حبيبي سامحني
محمد..من لما روحنا من بريطانيا وانتِ شخص تاني مش نفسها الي كانت معاي وتحبني وتحب عيلتي انتِ مش بس تغيرتي ع اهلي تغيرتي عليا اني باه لو المشكلة بينك وبينهم اني شن ذنبي اديري فيا هكي؟؟
قمر..انت بديت تستكرد فيا
محمد..لانك وصلتي لمراحل غلط توصليلها
قمر..اني اسفة😔
محمد..باه
قمر شافتله وعيونها معبيات دموع..اتصلت بيهم
محمد..باه
قمر..يكلمو فيا بجفاف وخصوصا شمس مكانتش هكي
محمد..شمس انتِ تغيرتي عليها وانتِ باعدتي عليها واهنتيها ودرتيلها كل شي وتبيها عادية؟؟؟
قمر..اتأسفتلها
محمد..شمس تعرفيها اكتر مني يعني مش ساهلة
قمر..ايه صعبة تسامح شخص غلط فيها😔
محمد..اممم
قمر..اي خلينا منهم شن رايك😊
محمد..قمر ياقمر
قمر..سامحتني
محمد..ايه
قمر..هي تعالى نتعشو
محمد..منين جبتيه
قمر..شن هوا
محمد..العشي نعرف انك تجيبي من برا ره
قمر..😅منين عرفت
محمد..كاميرات حبيبتي
قمر..نسيتهم😅
محمد..باه من اما مطعم اليوم
قمر..من مطعمي اني اني درتهم اليوم
محمد..هاك تعرفي اديري
قمر..من النت
محمد..باهي طلع في فايدة
قمر..هههههه
محمد..ولأول مرة ناكل ماكلة مرتي هي احم بسم الله
كلي محمد اول كاشيك دار روحه بيرجع
قمر..شنوووو
زمطتها..شنو هدا ملللح
قمر..لااااا😮
خدي دولمة..وووه خيرك صامتة بكل هدي وحارة
قمر..ياربببي😢خلاص معاش تاكل
خدي كلي امبطن..بطاطة مش طايبة خيرك هدي ماكلة توا؟؟
قمر..اني مش فالحة في شي 🤦خلاص برا خود وحدة تانية تعرف اطيب وتضملك وماتحشمكش قدام اماليك وقول لي اماليك مايجوش غدوا
ناضت ومشت
شدها من يدها ويضحك..ههههههههه تعالي قعمزي نبصر عليك
قمر..حول محمد
محمد..والله نبصر تعالي والله ماتوقعت يطلع منك هكي
قمر..بلا بسالة
محمد..مانتبسلش وحق ربي الا قنين تعالي قعمزي
قمر..مبردك بااااهي
محمد..ههههههههه
قعمزو وقعدو ياكلو ويهدرزو
.
.
.
اني..حبيبي
مروان..عيونه وروحه
اني..عزمنا خوي محمد
مروان..باه
اني..لحوشه
مروان..امم كلمني بكري
اني..اي معناها شنو
مروان..كانك بتمشي باهي
اني..ايه ع خاطر خوي
مروان..ايه فوتيها هيا
اني..باه نحبك
مروان..نموت فيها حبيبت قلبي اني
اني..باهي الها في سواقة
مروان..حاضر
كانت في سيارة اضايق فينا بس كان مروان يتجاهل فيها لحد ما ضايقنا هلبا
اني..من هدا مروان😓
مروان..ماتخافيش شكله سكران
اني..ياربي تساعدنا ياربي😢
مروان..ماتخافيش
اني..مروان رد بااالك سيارة
اجتازها مروان وجي اجتازنا الولد مرة تانية وجي قدامنا وايضايق فينا وبعدين جي جيهتي
هو..شموووس حبببي وينك ياقلبي ههههههههه
اني..نهار اسود يعرف اسمي منو هدااااا
مروان..من هدااا😠
اني..والله مانعرفففه
هو يعيط من روشن..تكدبي عليه وتوا كنتي معاااي 😒عموما اسمها شمس فوزي الـ عندها 4خوووت وماينفعو شي الدليل انها متزوجاتك ومدايرة علاقة معاي ومش مصدق حتلقاني يوم تاني وتشوف صورنا مع بعض ههههههههههههااااااي
اني..خيررره هداااا شن يخرطط 😭والله كداااااااااب
مروان عفس ع البنزينة وشديت اني في الكرسي وخايفة يصير شي💔 وريحناه ووصلنا للحوش
نزل مروان وما استنانيش اصلا فتح باب الحوش ومشي خش من الباب التاني باش يركب لحوشنا طول
نزلت من سيارة وراه وقفت نشوفله ونشوف شن يدير خايفة نركب وتصير مشكلة بعد ما ارتحنا علاش ياربي بعد هدا كله هكي يصير بيننا ومنو هدا الي متسلط عليا اني عمري مادويت مع واحد ولا وقفت ع شخص علاش هكي بسس ركبت وسميت بالله وخشيت
مروان..شن امالا كلمتيه وركبتي
اني نصدمت..نعم😳
مروان وقف وربع يديه..فهميني دكتورة شمس منو هدا؟؟؟
اني..والله العظيم مانعرفه
مروان..كيف عرف اسمك باش ماتعرفيشي!!! كيف عرف خوتك اسم بوك لقبك انك مرتي كيف كيففففف فهممممي ام الي جاب امممي تواااااا
اني..والله مانعرفه يامروان والله مانعرفه ولا عمري عرفت ولد ولا عمري تكلمت مع شخص غيرررك
مروان..خاطري نصدقك بس للأسف مافيش شي يثبت
اني..ثقتك فيا هي الي تثبت يا مروان
مروان..اني واثق فييييك افهمممي بس للأسف الي قاله وكيف واثق من نفسه وكيف قالي ان صوووووركم مع بعض هدي مخولتنننني😠
اني وجعتني ان صدق واحد في الشارع حقير وكذبني اني خديت بعضي وكلمت تيم يجي ياخدني
مروان..مش حتطلعي من هني
اني..مكان مالياش فيه مانقدرش نقعد فيه مكان فيه انت مش واثق فيا خلاص
مروان..اني ماعنديش مرااا تمشي حرجانة لحوش بووها
اني..افهم انت تبيش تصدددقني لو اني نشوف بعيوني ونكدددب ومانصدقش مروان انت اهنتني والولد الي تكلم اهاني واهان شرفي وانت صدقته هكي يعني بكل ثقة تي تصدق واحد شوارعي وتجي تكدبني بلكي حد حقود بلكي حد حاسدك ويبي يفرق بيننا بلكي حد مايحبنيش اني ويبي يفرق بيني وبينك ليش طول حطيتني نعرفه ونكدب عليك ليش قلت ان في بالك ان نخون فيك واني عمري مادويت حتى الدوة ع راجل غيرك اني بنت متربية ومتسمية وليا قيمتي وهيبتي اني بنت ناس وبنت اوصول اني بنت متربية بين 4رجالة ومربيني راجل اني بنت بي ستين راجل عمرا مايقدر يواطيني ويواطي اسم عيلتي شخص تافه زي هدا اني حبيتك ومن قلبي وحملت بقطعة منك بس انت مش مقدر االشي هدا كله ووصدقت كلام واحد كذاب وحقييير ومدامك مصدقه خلاص الي بيننا انتهي يا مروان اني مانقعدش معاك مداما انت شاك فيا ومش مصدددقني تنحل المشكلة هدي تصير غيرها ونفس الشي حديره ف لهني وستوووب مروان خلاص ✋🏻
شرينلي تيم
اني..نعم
تيم..اسمعي بوي قالي لا ماتمشيلهاش
اني..كييييف
تيم..ايه بوي عرف ان في بينكم مشكلة وقالك لو في شي يجيبك هوا
اني..ماشي ماشي
مروان..خيركم
اني..ءء سيارته وقفت في الطريق
مروان..🤐
خشيت للدار وسكرتها بالمفتاح وقعدت نبكي
قعمز هوا وقعد متعفلق ومضايق
اني..علاش مافيش حاجة تمشي لقدام ياربي علاش هكي😭😭
قعدت نبكي لعند رقدت
ورقد مروان برا
مع الصبح نسمع في الباب دار يطق نضت فتحتله خش خدي حوايجه وطلع للحمام واني خشيت للحمام دوشت وبدلت وطلعت قلت نديرله فطور حطيته
وخشيت للدار نسرح في شعري نشوف فيه من المراية لبس ساعته وبخ بارفانه
اني..فطورك واتي وقهوتك هونا في المق
مروان..مش حنفطر وحناخد القهوة نضت امخر ووقت عليا
طلع قبل مانتكلم خدي قهوته ونزل بسرعة ركب سيارته وطلع
قلبي يوجع فيا ومضاااايقة ونحس في روحي تعبانة اتكيت وقعدت نفكر من الي ممكن يدير هكي ويفرق بيني وبين مروان هكي💔قعدت نبكي من ظلم ومن الي يطارد فيا هدا😭 طق الباب نضت مسحت دموعي وفتحت الباب
شهد..قاعدة راقدة
اني..ءء لا نضت من بكري
درت روحي نقيم في صواني ونغسل فيهم ونتهرب منها مانبيهاش تشوف عيوني
شهد..قلنا اني وخواتي بما ان الجامعة الفترة هدي عطلة نطلعو رحلة مع بعضنا
اني ونغسل في المواعين..اممم كويس
شهد..نبوك تقنعي مروان
اني..تو نحاول
شهد..اي تو باش قلنالك مانبوش تعبي روحك وهكي قتلك دكتورة
اني..والله مرتاحة بس التعب يجي لعندي
شهد..كيف
اني..شي
شهد..شممس خيررك
اني كأني كنت مستنيتها تقولي خيرك انهرت بالبكي
جتني شهد طول وحضنتني
شهد..لالالا شن هدا شن في خيركك
اني..😭😭😭
شهد..خلاص حبيبتي علاش هدا كله
اني..مش قادرة نشد نفسي
قعدت نبكي في حضنها لعند ماهديت ورقدت
شهد..ربي يفرجها عليك مهما كانت ضيقتك
غطتني وكملت باقي المواعين ورتبت كل شي وسكرت الباب ونزلت وهيا حايرة فيا
داليا..شن قتلك
شهد..شكله الي سمعتيه يا الاء امس صح
الاء..قتلكم انهم متعاركين امس قريب قلبو الدنيا
شهد..ماسمعتش اني غريبة
داليا..اني غارقة في نومي
الاء..تي نقولكم قريب قلبو الدنيا والقصة فيها ولد لانة يقولها منو هوا وكيف عرف اسمك وعيلتك وهي تقوله مانعرفاش ولاعمري تعرفت ع شخص غيرك
داليا..ياااربي ان شاءالله خير
شهد..قعدت تتهرب مني تبينيش نشوف عيونها واول ماقتلها خيرك انهارت بالبكي لين رقدت
الاء..ربي يستر
قعدو مشغولين عليا ومش فاهمين شنو صاير بيننا 💔
قعد مروان في خدمته وماروحش
نضت العصر حسيت راسي يوجع فيا ودايخة وليت رقدت مش قادرة نوقف نحس في روحي تعبانة هلبا
معاش قادرة نوقف
اني..شهددد ياشهددد اااه شكلها روحت ياربي ساعدني مرواااان وينك مرواااان 😭بطططني اااه يارربببي
قعدت نبكي من الالم لعند غبت عن الوعي معاد نندري ع روحي
مع العشي خش مروان لقي الحوش ضياته مطفية وهدوووء يحسابني مشيت لي اماليا قعد ينادي عليا ومارد عليه حد خش لدار وفتح الضي لقاني راقدة ارتاح وقعد واقف يشبحلي ..شمس شممس خيرك راقدة لتوا نوضي شمممس
قعد ينوض فيا ومارديتش عليه
مروان.. شن هدا😵
.
.
.
ان شاءالله تنال اعجابكم 😍