حب_مبعثر

حب_مبعثر البارت الأول

حب_مبعثر

زهرة بنت عمرها 16 سنة تدرس بالصف الثالث متوسط
جانت هيه واهلهه تواصلهم مو كلش ويه خوالهم وخصوصا بيت عمهه سعد جانت العلاقه اللي بينهم اشبه معدومه
زهرة...
بيوم جنت بالمدرسة اني واختي وبعد ما خلصنه دوام اجه بابا حته ياخذنه للبيت واحنه بالطريق اجه بابا اتصال من خالي عدنان.
جنت اسمع بابا يكول اي هسه شوي واجي يمكم حسيت بابا تلبك وتغير لون وجهه سألته!
زهرة..بابا شكو شبي خالي عدنان شيريد؟
كلي هاا لا بنيتي ميريد شي بس هيج
طبعا اني حسيت اكو شي وبابا ميريد يكلي وصلنه للبيت لكيت ماما لازمه موبايلهه ودا تخابر وتبجي كتلهه ها ماما خير خوما صاير شي شبيج تبجين كلتلي لا ماما ماكو شي بس هيج اني محجيت شي ورحت لغرفتي على مود اغير ملابس المدرسة وبعدين جيت لكيت ماما ما موجوده بابا كلي راحت لخالتج شويه وتجي اني هنا تلبكت حسيت اكو شي بس ليش ميريد يكلولي؟!
المهم اني رحت لغرفتي وبديت اقره حسيت نفسي تلعب صاحوني للغده كتلهم ممشتهيه جان عندي ثاني يوم امتحان بكتاب اسمه (الوطنية)
كعدت اقره امتحاني خلصته ونمت شويه اجتي اختي العصر كعدتني كلتلي بابا يكول ع السريع تحضرن راح نروح لخالتي سمر كتلهه..
زهرة ...خير شكو يا ستار خو ما اكو شي صاير؟!
ريمة...ما اعرف بس اللي اعرفو لازم نمشي بساع.
بدلنه وطلعنه الطريق كلو اسأل ابوي ميجاوب وصلنه للفرع مال بيت خالتي طريقهم مزدحم مليان سيارات وعواصات الشرطة والناس ملتمه بيت خالتي وكلهه تبجي اني كلبي كام يوجعني اكيد صاير شي نزلت اركض لكيت خالتي تبجي حضنتهه وكتلهه شكو خالة كلتلي يبعد خالتج صرت ارمله خالتج ترملت اني هنا الصدمه دموعي كامن يصبن وبدون اي حركه كعدت وبس ابجي وبنات خالتي يلطمن وهنه اصلا بعدهن زغار (وحده اسمهه ريم بالخامس ابتدائي ووحده اسمهه سارة بال ثاني ابتدائي) بنات خالتي يحضنني ويبجن واني ما اعرف شأسوي يا سواد ذيج الليله ...

يتبع.