خادمه ولكن

البارت 9

خادمه ولكن
.............
كوراي بيفرش مفارش التربيزات: ها حلو كدا يا عصفورتي
بلين بخجل : ميه مرة اقول لك متقوليش عصفورتي
قرب منها بخبث وخطف بوسه قوية من شفايفها رغم انها كانت بوسه سريعة وبعدها هرب منها لانه عرفها دي ممكن تقتله
بلين بغضب : كوراي تعال هنا اقتلك بسرعه
كوراي بيشاورلها ب لا: قادره تعمليها وضميرك مرتاح
....................
انتهي اليوم من ترتيبات للحفله
كان المكان جاهز
والتورته الي عملوها شهاب وملاك بعد ما طردوا خديجه من المطبخ عشان يهبلو براحتهم وبعد ما خلصو التورته وكانت جاهزة كتبوا عليها جملة مش عاوزين حد يشوفها غيرهم وخفو التورته في مكان ما
.................................
تاني يوم في شركه الزيني
كانت ملاك قاعده تكمل شغلها كمحترفه للهكر هي بارعه في ده من صغرها ويوسف الزيني قام بختبارها وعارف مقدار موهبتها في استخدام الحاسب واختراق الانظمة في الواقع كل شئ وكل شخص وكل همسة تحصل في القاهره تتسجل في حواسيب الحكومة وهي تقدر بسهولة اختراقها
وهي صممت تعرف مين هو الجاسوس الي بيبوظ كل صفقات شركتهم!!!
في أثناء بحثها بصت بتمعن للشاشة واتصدمت لكن الصدمة ماكنتش قوية لانها كانت بتشك في الشخص ده من مدة
اتحركت بسرعة لمكتب السيد يوسف و طلبت من شهاب وهاندا وليزا يحصلوها هما كمان لمكتب المدير
اتجمع الكل
ليزا هاندا شهاب هانيا سيف يوسف
واخيرا ملاك
ملاك بثقة وابتسامة : زي ما انتم عارفين احنا اكتشفنا من فتره تسريب معلومات عن شركه الزيني باختصار بالفعل بينا جاسوس
بصت هانيا وليزا لبعضهم بصدمة مين ياتري الجاسوس
ملاك بصت للشخص بحزن : مكنتش اتوقع انك انت الجاسوس الكل هنا بيثق فيك ثقه عمياء
ثم بصت للكل : للاسف الجاسوس غلط غلطه كبيره لما ساب دليل إدانته وراه
يوسف بصرامة : مين هو اتكلمي ؟
ملاك: هو ساب بصماته واحنا اخدنها وقارنها واكشتفت انها بصماتك انت هاندا
يوسف بصرامة : هاندا انتِ مفصولة
هاندا بخوف : يا يوسف بيه استني انا مـ
سيف بعصبيه :اخرجوا يلا كلكم برا يله
خرج الكل وفضلت هاندا مع سيف ويوسف
وكانت ملاك ماشيه بهدوء ومعاها شهاب وليزا وهانيا
ليزا بتوتر : هروح للحمام
مشت ليزا
والتلاته كملو طريقهم
في دورة المياه
رمت ليزا شئ ما في سلة المهملات بس قبل ماتتخلص منه
ملاك مره واحده وعلي فجأه مسكت ايدها وبغموض :  كشفتك
ليزا بتوتر : انتي بتعملي ايه هنا ؟
ملاك بثقة : كنتِ مخبياه في هدومك امممم طبعا مش حابه يكون دليل في إدانتك ويوصل للمدير لكن لما اكتشفو الجاسوس انتي مش محتاجه مهاره عشان تخفيه وانتي اطمنتي طبعا انك خرجتي من دايره الشبهات
ليزا بذعر : اممم عارفه كتير انتي ياحلوه
وبسرعه البرق وطت وجابت حاجه من جيب بنطلونها الي كان عباره عن مسدس
ليزا بنصر : بس للاسف يا ذكيه هتموتي قبل ما تبلغي حد بالموضوع
لكن في نفس اللحظة
دخل مراد يصرخ : أرمي مسدسك علي الارض
خرج من دورات المياه عدد مهول من رجال الشرطة
هاندا بحماس وهي ماسكه بآلة تصوير
: ننفع نكون ممثلين مش كدا ليزا
وبعد ما صورت كل الي حصل قفلت آلة التصوير : انا صورت كل حاجه سلمي نفسك بهدوء
وفعلا تم القبض علي الجاسوسه
ولما حطو الكلابشات في ايديها وبيجروا ليزا قربت من ملاك وهمست لها بكلمات
خلتها تتصدم لكن دارت ده ببراعة ولامبالاة
................................
منزل الزيني يوم الحفله
بدأت الحفله و حضر الكل
من أكبرهم لأصغرهم
ولكن كان الجو مكهرب بينهم
بين نظرات الكره والشماتة هي الي كانت موجودة بدل الفرحة
في أثناء الحفله
انفجرت الألعاب الناريه هنا وهناك
وطلع علي المسرح شهاب وملاك
اتفاجئ الكل منهم
شهاب بدعابه : سيداتي سادتي انساتي العزيزات اخباركم ؟
سكت الكل وهو متفاجئ
ملاك بطريقه كوميدي : حفلتنا اليوم بعنوان " نرجع أسرة واحدة "
شهاب : كنت قاعد في يوم والصراحه فكرت ولقيت نفسي انا شخصيا تعبت من العنصريه الي ماليه عيلتنا ليه نتخانق ونقطع بعضينا ونسيب الصحافة وغيرها يتشمتو فينا ؟ ملاك قالت لي ان افضل حاجه نقرب بيها شمل العيله نعمل حفله
ملاك : انتم مش أسرة واحدة أنتم كجسد اذا اشتكي منه عضو تداعي له سائر الجسد بالتعب والشقا فاليه تنفصلو ياريت دلوقت ترجعو اسره واحده الدنيا فانيه والموت علي الابواب نعيش يومنا من غير خلفات ولا مشاكل ولو حصلت في يوم برضو منقطعش بعض
سكتت ملاك وشهاب مستني اجابة منهم
فصرح عامر وسها بتهورهم كالمعتاد : نعمممممممممممم موافقون
والكل وافقو علي كدا هما كمان نفسهم ينسو الخلافات وبما ان شهاب كان السبب الرئيسي في الخلاف وعاوز الصلح وهما كمان عاوزين الصلح
شهاب صرخ : دخلو التورته
دخلت التورته وكانت مستطيلة وكبيرة جدا
كتب عليها عباره " نرجع أسرة ايد واحده"
وكانت عبارة عن تورته بطعم الشوكولاته مزينه بكريمة الفانيليا وغطت بالفراولة اللذيذة
شهاب : انا الي عامل التورته دي بايدي دول ومعايا الشيف ملاك والمشرفه ألسون امي وطنط خديجه ساعدتنا فيها يلا اهجمو عليها حالا
بدأ الكل يأكل من التورته الي عجبهم طعمها
مريم خالتو : بس مين ياشهاب دي الي كانت معاك ؟
وقفت ملاك بخجل قصادهم ونزلت رأسها باحترام
ملاك : أسمي ملاك عبد الرحمن
شهاب ضمها له : دي ملاك مراتي
بدء الكل يباركلهم ويتعرفو عليها وطبعا الشباب مبطلوش كلام مدح لملاك ولجمالها وده خلها تتكسف جدا لكن فيه ثلاث عيون بتراقبهم
بحسد
بتفاجؤ
بصدمة
العين الأولي كانت لفيروز بنت خالتو الي حبت شهاب وعهد قطعته علي نفسها ان تفشل الجوازه دي بإي تمن
العين الثانية كانت لكارمن زوجه ابن عمهم الي كانت بتحب شهاب لكن سابها
كارمن بهمس لجان : دي الي كنت تقصدها أمبارح ؟
جان : ايوه من بداية حياتهم الزوجية وكانت هي و شهاب شويه خلافات كان بيكرها بس دلوقت بيعشقها
كارمن : اممم عشان كدا عاوزه تبان لطيفة
العين الثالثة لمراد
مراد بإستغراب : "ملاك عبد الرحمن ؟ (وبتفكير) فين سمعت الاسم ده قبل كدا"
...........................
في الحفله زاويا من زوايا الجنينه
ليدي بوقاحه : حضن عميق حار ياتري يعتبر خيانة ؟
كانت ليدي بتكرهه ملاك ونفسها تنتقم منها لانها قربت تولين لمراد
لكن الانتقام ده متعرفش انه هيورطها هي كمان
شهاب كوراي بلين تولين وقفوا بصدمة وعدم استيعاب يتفرجو علي المشهد الي نادتهم ليدي بسرعه ليه وهو ملاك في حضن مراد
شهاب بصدمة وغضب :"لا ملاك لا يمكن تعمل كدا مستحيل هي بتحبني ايوه بتحبني "
بلين بتوتر : يمكن...يمكن...هي وقعت وهو مسكها
كوراي بتوتر : احنا واثقين فيهم
تولين بصدمة :كفايه كفايه لحد هنا وخلاص انا شوفت منه الي يصدمني بزياده اولهم ليدي واخرهم ملاك
كوراي : طيب نسمع حوارهم يمكن فيه لبس في الموضوع
كانت دي أمنية الاربعة انه يكون الامر برمته غلط
تعالو احنا نسيبهم بياكلو في نفسهم ونروح احنا كدا نسمع كلام ملاك ومراد
مراد :تعالي هنا مسكتك
ملاك بابتسامة : تمام قبضت عليا اتفضل خدني لسجنك
مراد برومنسية : ايوه هخدك اسجنك في قلبي
ثم ضحكو بصوت عالي وميعرفوش ان كلامهم ده شعلل نار في بعض القلوب
قلب حزين واقف ينزف علي حب شايفه بينهدم قصاده # شهاب
وقلب مليان من الجروح الي فيه ودلوقت بيضيف للجروح جرح تاني# تولين
قلب غاضب كارهه عاوز الثأر لاخته # كوراي
قلب تايهه حاقد محتاج يفهم تصرفات اخوه # بلين
كدا وبالشكل ده اتنوعت المشاعر بين الاشخاص الاربعة لكن ليدي وقفت ببرود كأن الامر عجبها
مراد بمشاغبه : تعرفي متوقعتش اشوفك تاني ياه بوصي لنفسك كبرتي امتي اخر مره شوفتك فيها كان عمرك وقتها 6 سنين
استغراب استغراب انجلي علي الكل يعني كان يعرفها من زمان
شهاب هنا افتكر ان ملاك قالتلو عن صديق اخوها
مراد : كنتِ فين؟ زعلت منكِ لانك مجتيش معايا
ملاك بهدوء وطلعت قعدت علي المرجيحه : انا اتربيت في حمله بنات الشوارع
مراد بصدمة :اييييييييييييييييييييييييه
لالالا مش هو الوحيد الي عاوز يصرخ فيها كمان الشاب الي واقف وراهم
شهاب بصدمة : "حمله بنات الشوارع"
................................
حمله بنات الشوارع
حمله ليها حوالي 30 سنه
هي عباره عن حمله مقاطعة نشأت من 30 سنه بقيادة بنات الشوارع الي ضاقت بيهم الدنيا وملاقوش لقمه ياكلوها
المقاطعة تهدف لهدف نبيل لكن بمخالفتهم القوانين بقت ليهم سمعة سيئه الحمله دي أنشأتها مجموعة من البنات الي ملو من النوم في الشوارع والخوف علي الشرف فاختاروا منطقة بسيطة مهجورة تكون بيت ليهم يحتويهم
وكانو بيتجمعو البنات اليتامي من كل مكان لحمايتهم بعد ما طنشت الحكومة حقوقهم لكن مع الزمن بدأت البنات دي تسرق عشان يعيشو ويأذوا الي يتعرضلهم فبقت ليهم سمعه زفت والشرطه يبحثو عنهم لمحاكمتهم ويقبضو عليهم للمحاكمه
وفيه فرقة ضدهم اتكونت هي أولاد الشوارع والحرب بينهم مش بتنتهي الكل فكرهم عاوزين يستولو علي المكان لكن طالبهم الوحيد كانت اللقمه والهدمه والحمايه والتعليم فمثلا لو شاف ولد من حمله اولاد الشوارع بنت تاكل فيروح يسرق منها الاكل الي اصلا هي سرقته عشان تاكلو وبدات هنا الحرب بينهم حرب الجوع الي المجتمع غمض عينه عنها
.................................
مراد بصدمة : تعرفي انا كام مره حاولت اقبض عليهم مش لوحدي كل شرطي حلمه يقبض علي اي بنت واحدة منهم
ملاك بسخرية : أنا قدامك اقبض عليا
مراد بصدمة ونفي : لا لا مش قصدي لكن ازاي انتِ منهم ؟
ملاك بحزن وألم : ضاقت بيا الدنيا طفله عندها 6 سنين ماشيه من غير هدف طريقها اسود قدامها ملهاش حد مالهاش غير الانتقام وفي يوم منيل هلكني الجوع والتعب وقفت قدامي بنت قدمت لي الي معاها من اكل وضمتني لحمله بنات الشوارع
مراد : بس دول حراميه مجرمين مطلوبين
ملاك : لاااا بقي هما مش كدا زي ما انتم فكرنهم
مراد : ازاي بقي ؟
ملاك : بزمتك انت تعرف الحمله دي سرقو ايه اكل غطا كتاب ؟
مراد :بس ملاك
ملاك قطعته: اسمعني احنا مكنش لينا مأوى المجتمع اهمل الفئة دي فئة ما تحت الفقر اهملها واحنا عاوزين نعيش عشان كدا سرقنا
مراد : انت سرقتِ معاهم ؟
ملاك بدموع : سرقت دواء لصديقتي وهدوم سرقت اكل عشان اشبع واَسد جوعي
مراد : خلاص سيبك من ده فضلتي لامتي معاهم
ملاك: لحد ما بقي عندي 16 سنه لان السن ده بتخرج البنت من الحمله وتبدء تدور عن شغل واشتغلت حاجات كتير منهم خدامه في البيوت لكن اتعرضت طبعا للتحرش فاسبته وروحت اشتغلت في الفاعل بس جسمي وجعني اشتغلت كتير يمكن شغل قلل من كرامتي لكن انا صمدت واتعلمت لحد ما اخدت شهاده الاعداديه
مراد بندهاش : الحمله بتقدم التعليم ؟
ملاك هزت رأسها بالنفي
ملاك : لا انا اتكلمت كتير مع المدرين في المدارس كتير منهم رفضوا لكن فيه منهم واحد كان جشع وعاوز فلوس فوافق حتي لو مافهمتش حرف واحد بعد الاعدادية طردوني لاني مامعيش فلوس ادفع والمصاريف كل سنه طبعا بتزيد
وحالتي المادية زفت سبت التعليم وكل مواهبي ولفيت علي شغل لحد ما في يوم وقفت قصاد جنينه نمت علي الكرسي من التعب وصحيت علي ايد ناعمة بتمسح علي شعري وعرفت اني في حضن حد
وقفت بسرعة لقيت اتنين ستات بيضحكو ليا وقفت بتوتر لانهم باين عليهم الغني الفاحش سالوني فين بيتي واسمي اتوترت بس رديت عليهم يرحموني ويسبوني في حالي بس شوفت دموعهم بتنزل علي حالي وعلي حياتي ولاول مرة احس بواحده فيهم بتحضني حضن دافي
نزلت من علي المرجيحه
ووقفت تمسح دموعها ومش دموعها هي لوحدها حتي البنات بلين تولين
ما تصورش ان ملاك عانت في حياتها كل المعاناة دي
ملاك بابتسامة شقت طريقها بين الدموع : ومش ندمانه انا اخدت الي انا عاوزاه
أسرة...زوج طيب...أصدقاء...شويه هزار كدا يعني
مراد بحزن : ايه شكل علاقاتك مع شهاب ؟
ملاك بابتسامة : ايه شكل علاقتك انت مع تولين ؟
بصو لبعض ثواني بعدها اتنهد مراد بحزن
ملاك : ليه يامراد تبعدها عنك ؟
مراد : هي طلبت الحرية خلاص مش عاوزه تعيش معايا عشان كدا ولاني بحبها حبيت اسعدها
ملاك : وياتري هي سعيدة دلوقت ؟
مراد : لما حاولت الانتحار كنت روحي بتخرج معاها وقتها فكرت ارجعلها لكن
ملاك : لكن كرامتك ماتسمحلكش انك تفرض نفسك علي شخص مش عاوزك
مراد : أنتِ بتفهمي تفكيري...ملاك رجاء
قفلي علي الموضوع لانه بيخلني احس....
ملاك: بالألم
صمت لدقائق
ملاك بابتسامة غامضة : تعرف ايه هو اكتر حاجه كان نفسي القيها ومالقتهاش
مراد باستغراب: انا واثق ان شهاب لايمكن يبخل عليكي بالي تحتاجيلو
ضحكت ملاك ضحكة غريبة كانت خبيثة
ملاك بحقد : لا لانه شئ محدش يقدر ينفذه
مراد بقلق علي ملاك : ايه هو ؟
ملاك بخبث : انتقامي
صمت دام للحظات
شهاب باستغراب : "أي انتقام ؟ ملاك شفافة لدرجة انها مستحيل تحقد لأول مرة اشوف الجانب ده منها "
صرخة كانت صرخة مراد الغضبانه
مراد بغضب : أنسي ملاك انسي
ملاك بحقد وحده: مستحيل أنسي طلاما قلبي بينبض لازم احقق انتقامي فاهم
مراد : لا انا مش عاوزك كدا حقودة
ملاك بكرهه وحقد : انا هنتقم للكل
مراد : مصطفي مكنش يتمني انك تبقي حاقده كدا
ملاك بألم : مصطفي ااااه انا بشوفه دايما في احلامي مش قادره انسي ملامحه ابدا وملامح المجرم ومتعته في قتل الناس مستحيل انسي ده وهقتله يعني هقتله
شهاب بصدمة : " مين ده ؟ ياتري له علاقة بالكابوس ؟"
سكت مراد وكمان ملاك
...:ملاك ملاك
ملاك : انا هنا
جيهان : روحتي فين تعالي نتعرف عليك
ابتسمت ملاك ابتسامة ساحرة خطفت قلب شهاب وجيهان بنفس الوقت
جيهان :" يا ربي نفس ابتسامة مصطفي "
جيهان بابتسامة : يلا بينا
..............................
مكان مهجور
...: ها طمني لقتها؟
...: ايوه يا باشا وهجبها لحضرتك قريب
...: لا مش عاوزها تيجي لوحدها
...باستغراب : ازاي يا باشا ؟
...بخبث : جوزها وعيلته هيكونو في ضيافتنا شويه من الوقت
ثم ضحك بخبث ....:"طلعت خبيث صح "
.....: أمرك ياباشا
....: باشا
.....: عاوزه ايه يا سيرين ؟
سيرين بخبث : باشا ممكن اقتل شويه منهم ؟
بصي لها الشاب بحنق وغضب
لكن الباشا فكر بخبث
...: لا لا سبينا نستمتع معاهم شويه
يلا انتم امشو
حنو رأسهم باحترام وخرجو
الشاب بانزعاج : قتل مستحيل فاهمه
سيرين بغضب:ملكش دعوه بحياتي يا مصطفي
مصطفي بغضب : لا ليا انتي اختي
سيرين بغضب : وانا مش بعترف بالاخوة
دي وسابتو ومشت
مصطفي بغضب : " ليه يا سيرين؟ ليه عاوزه تلوثي نفسك بقزارتهم ؟ ليه ما نهاجرش ونعيش بعيد عنهم نعيش حياتنا يا اختي "
ثم اتنهد ومشي هو كمان
.....................................

فات اسبوع عادي محصلش اي شئ جديد يذكر
غير ان عائلة شهاب اجتمعو كلهم في قصر واحد
•جيهان مبطلتش تفكير في مصطفي وعندها احساس كبير انها هتقبله قريب
°مراد وملاك بينهم تجنب شديد من حيث الطرفين
•بلين وكوراي مشغولين بتجهيز حفله زفافهم لكن لسه فكرهم مشغول بالي قالته ملاك لمراد
•شهاب عنده فضول كبير يعرف عن اي انتقام حكت ملاك لمراد وقرر يسأل مراد قريب يمكن يلاقي اجابه
•مراد متجاهل ليدي وبيحاول يصحح الي حصل لـ تولين
•تولين بتفكر فالي سمعته ازاي مراد كان يعرف لملاك ومحكلهاش عنها
•جان ماهر مروان علي حالهم
والبقية لاتغير حياتهم زي ماهي
......................
في يوم ما
تحديداً في قصر الزيني
انتشر الدخان القوي الي من شدته يخلي اي حد يستنشقه يقع علي الارض مغمي عليه
دخلو الشباب الي لبسهم عباره عن بناطيل سوده وجزم سوده طويله وقمصان من غير اكمام بأحزمه في الوسط مع غطا للراس متصل بالقميص وعلي وششهم اقنعه سوده تخفي ملامح وششهم اتحركو وكأنهم عارفين واجهتهم اتوزعو في انحاء البيت ناشرين الدخان بكثافة في كل مكان وقرب شاب منهم واتقدم وفتح الباب وبص للي جوه بصدمه
.......
رايكم مهم للتكمله