Gun N Roses

Gun n Roses 10

Gun n Roses part 10

Hud Cozley Morgan sapit ngagai Browen ...Hud dulu ninggal ka dunya ba penusah jalai alun dua taun ka udah .Pemarai iya cukup ngasuh ati Melinda mamau Laban iya cukup satu ka Hud tang nama daya seput ukai ulih ditampung .Melinda nyabak sesikuk ngenang Hud laki ti dikesayauka iya .Enti Hud enda parai suba enda iya nemu Hud bisi sapit ti sebaka gamal taja ari mit iya ngelala Hud tang apai indai Hud nadai kala nyerita ngagai urang iya bisi anak lelaki siku da .Penatai Browen maya ngesah pemarai menyadi iya cukup ngasuh Melinda enggau urang bukai tekenyit .Morgan sebilik cukup nyimpan rahsia datai ka semua urang deka Nemu kini ka penunga Browen ngelamatu .

Ba Browen meh Melinda mantup ka pengerindu iya singin ati iya deka merap Browen tang urang laki nya lain jelah ulah ari Hud .Browen baka urang tu nadai ati ,mangah serta enda tunduk enggau jaku .Ulah iya mega enda ulih ditelah ingkar serta ngengkam enda tau singir jaku tauka salah pengawa ba nya iya .Jaku iya mega kasar mimit nadai meh bebasa tauka nyaga ati urang maya bejaku .Browen jauh nyempelah ulah ari Hud baka langit enggau tanah tajapen seduai menyadi sapit begulai karung .Tusah ati deka nyagam Ulah enggau runding iya jampat berubah .Tajapen ulah Browen bakanya Ati Melinda tetap deka ngulihka laki nya laban nadai kala urang laki mantah jaku iya kelimpah ti senurut tunjuk jari iya .

**************

Lyana matak runding iya taja Ati iya ransing deka ngelarika diri .Ingatka ulah Irec ti nyual iya ati Lyana asaika ditunu enggau api .Mua iya mirah ngenat ka pengeringat dalam ati iya .

"Mummy enti seduai daddy agi idup enda penghidup aku bangat diperinsa dataika aku dijual bakatu .Lain pengidup urang menyana lain aku nadai pengidup. Nama penyadi enggau pengidup aku udah tu ..nadai daya Mina nyerah ka pengidup aku ngagai laki ti enda dikepala aku.Kada urang Manah enggau aku kala urang meriam enggau aku mummy"ko Lyana nyabak ngeransi nasib diri ti bangat jai. Nyau kepuas iya nyabak Lyana enda berasai nyau lelap kediri .

"Ninga kami seduai apai nuan endu tang nama daya kita enda sama pendiau agi .Anang irau nuan jadi nuan enggau laki nya ila berubah meh pengidup nuan "Pia ko Mummy iya bejaku merap iya .Apai iya Mina tucum aja murus pala iya .Lyana nyabak enggai jauh apai seduai indai iya .

"Enda sanggup aku idup bakatu mummy diperinsa urang belama maya ni aku ka ngasaika penyampai enti baka ka muntang deka aku nitih ka seduai ."Pia ko Lyana nyabak .

"Mali munyi nya asie .. bedau datai maya iya nuan begulai enggau kami seduai apai nuan .Nuan mesti kering ati .Nuan mesti ngambi baru reta ungkup nuan .Nama nuan ka irau kami seduai apai nuan ngemata ka nuan belama ..Besampi meh ngagai Tuhan Nemu iya malas pemedis ti diasaika nuan ila."Pia ko apai iya bejaku .Indai iya lalu ngendas ai mata Lyna sebedau seduai iya ayas ari mata Lyana .

"Mummy!!Daddy !!Anang ninggal ka aku "nyawa Lyana ka nyerauh nya di dinga ari luar bilik iya ti ngujungka Mumy enggau Lysa muka pintu bilik iya .Ati seduai kesal engka Lyana ka deka lari tang maya seduai ka Tama bilik nya dia seduai iya meda mata Lyana agi pejam gali meluku ba atas tilam enggau sabak sabak .Seduai bela beperening pangan diri sebedau ngusak tubuh Lyana .

"Lyana!!Dani !!umbas nya tinduk ..ngigau nuan tu ..."Pia ko Lysa nguyang bau iya .Gamal mamy enggau Lysa berupai irau meda Laban ka enda kala meda Lyana bakanya .

"Lya...!!Lyana ...!!"nyepi kuyu iya asaika ditampar urang begadai dia Lyana lalu enchelak ka mata iya .Malik iya kiba kanan yang sebaya apai seduai indai iya nadai dipeda mina bisi Lysa enggau Mamy aja ka bisi ba bilik iya .

Besambung ...

Votes plssssssss