نور / بقلم أميرة أبي
كانت فبيتها غادا جايا مغددة من الاستقبال لي دارو ليها واهتمام الكل بها
باتول: نقطع دراعي ادا ماكانت ساحرة ليهم خاصكي تموتي باش نتهنى مايمكنش بعدما ضحيت ببنتي وخططت شحال يمشي من يدي كولشي خدات تليفونها دوزات نمرة وحطاتو على ودنيها كتستنى الرد
زهرة : الو لالة الباتول اش خبارك
باتول: زهرة حلي ودنيك معايا بغيت الخبرة لي عندك وكاع تخلويض وتشيطين لي فيك يبانو
زهرة: هاانا معك امري وانا نفد
باتول: داك دوا لي درت ليها ما قضا فيها والو مات غير البيبي وهي مازال على قلبي هنا انا بغيت نتهنى منها فمرة وهادي هي الوجيبة على مافهمت انها كانت كتدير حصص مع طبيب نفسي واكيد غادي يكون عطاها شي دوا انا بغيت هاد الدوا نبدلوه بشي دوا ليكون كيدير الاكتئاب ويخليها تنتاحر وتموت ونتهنى منها فمرة
زهرة: وادا شك شي حد
باتول بثقة لا لا معندهم كيفاش يشكو غير جيبي ليا المطلوب بغيت نتهنى منها فأقرب وقت
زهرة : واخا انا غادي نسول واحد طبيب
باتول: عنداكي تجبديني ولا تخليه يشك
زهرة: لا لا كوني هانية
باتول: وحتى انتي بحلاوتك
زهرة: لهلا يخطيك
قطعات عليها ودارت خارجة وهي توقف مسعوقة وعينيها خرجو تسمرات فبلاصتها وهي كتشوف فعدنان لي كان واقف فالباب وجهه حمر وعروق فجبهتو نافر عينيه فحال الدم كيشوف فيها بلا مايرمش
باتول بصدمة ع عد عدناان
صوتها فيقو من الصدمة بالزربة قرب منها شنق عليها ودفعها على الحيط هازها بيد واحد مزير على رقبتها وبصوت تسمع صداه
عدنان: قتااالة مجرمة قتلتيييي ولدييي
لي كانو لتحت سمعو غواتو
نور بخوف هدا عدنان !!
نسرين: ويلي مالو
طلع الياس ومعاه اسامة بجرا لفوق تابعين الغوات لقاوه خانق الباتول بيديه لي لونها تبدل وولات حمرة ماقاداش تتنفس وكتحرك رجليها وتفركل قربو منه كيحاولو يفكوها
الياس: عدنان رجوع لله اش كتدير اصاحبي
عدنان ماكانش كيسمع خرج على وعيه وغير ماكيزيد يزير بيديه عليها حتى بدأ وججها كيزراق
الياس كيفك يديه من رقبتها واسامة كيجبد فعدنان بكل قوتو
الياس: عدنان طلق راك غادي تقتلها عدنااااان
نور وقفات باش تطلع قلبها ممهنيهاش
سامية: بنتي غير جلسي انتي ها نسرين وايلاف طلعو
نور: خاصني نطلع
سامية: شوفي ريم كيف خايفة غير بقاي معاها..
نسرين وايلاف تصدمو وهما كيشوفو ف الياس واسامة كيحاولو يفكو الباتول من يد عدنان وهو كارز عليها وباتول صافي بدات كتطلع فالروح وعينيها تقلبو
نسرين بخوف ماااامااا
الياس جمع كل قوتو ونزل على عدنان بضربة قوية حتى اختل التوازن ديالو رجع لور وترخت يديه من عنقها جبدها اسامة من يديه جات طايحة للارض بقات كتسعل مخنوقة كتحاول تتنفس ونسرين جرات لعندها خايفة عليها..
عدنان بغا تاني يتهجم عليها وشدوه الياس واسامة خرجوه وهو كيحاول يتسلت منهم ويرجع ليها
الياس: تهدن اصاحبي اش هاد المرض واش حماقيتي
عدنان جاعر بعععد بعد ليوم نقتلها مجرمة هي السباااااب هي هي لي قتلات ولدي وكانت كتخطط تقتل نور سمعتها بودنيييي سمعتها وماكفهاش حرمتني من ولدي لااا مازال كتخطط تحرمني حتى من مرتي..
الكل تصدم من كلام عدنان... اما الباتول غير منزلا راسها نسرين طلقات منها وبعدات كتحرك راسها ممصدقاش شنو سمعات كلهم تصدمو مالقاو مايقولو....عدنان طاح على ركابيه فاشل ماقادش يستوعب خالتو لي كان دايرها فمقام مو ولي ديما كان كيسد عينيه على أخطائها ويسامح ويقول ماعليش تدير فيه هكا تحرمو من بنو تخطط تقتل مرتو لي ماعمرها اداتها ولا خطات فحقها شد فراسه لي عاطيه الصداع مزير عليه بيديه تالف و ماعرف مايدير حتى نطق اسامة
اسامة : غادي نعيط على البوليس مستحيل نخلي هاد المجرمة تفلت من هدشي لي دارت فختي
غير سمعات كلام اسامة ناضت من بلاصتها وترمات على عدنان كتبكي وتنوح
باتول: عفاك اولدي راه انا خالتك ماديرش فيا هكا عفاك على وجه الدم لي شاركين انا فحال ماماك ماتسمعش كلامهم خاصهم يفرقونا واش غادي تدخل جدات بنتك للحباسات اش غادي يقولو الناس علينا
عدنان شاف فيها ودفعها ووقف مبعد وهي رجعات ترمات على رجليه
باتول: ولدي ماديرش فيا هكا نبوس ليك رجليك انا انا ك كنت باغا غير مصلاحتك
عدنان كيشوف فيها باحتقار جبد رجليه من بين يديها وزاد مخليها طالقة حناجرها
باتول: ماااشي انا لي خاصك تجري عليها داك سوسة لي خربااات حيااااتنا وبدلاتك عليااا هي لي خاااصها تمشي واش سمعتيييي عدنااان عدنااان
عدنان نزل بلا مايتلفت غير وصل لتحت دار شاف جهة نور بأسف ماقادش يهز عينيه فيها حاسس بالدنب وزاد خارج
نور بغات تبعو وقفات وحسات بالحريق اسفل بطنها ماقداتش تزيد ورجعات جلسات شادة على كرشها بألم....
أنت تقرأ
~~ نور ~~ بقلم >> أميرة أميرة أبي (2015)
Ngẫu nhiênهل يغيرنا الحب ..؟؟ هل يغير بعض من تصرفاتنا وأفكارنا ؟؟ حتى لو كانت هذه التصرفات والافكار غير موجوده فينا من قبل ؟ هل نتنازل عن أمور كثيرة في سبيل الحب هل الحب حقاً يغير الانسان ويعيده نقيا عذبا شفافا ويغسل المرء ويعيده صادقا وبريئا 《حتى الحجر يمكن...
