شاهر: خلاص كده تمام يا فندم كل اللي طلبتيه اتنفذ.
كارمن: برافو عليك يا شاهر. تعالالي بقا في المكتب علشان تقولي علي التفاصيل
شاهر: نص ساعه بالكتير وابقى عندك.
(كارمن بنت جذابه جدا ملامحها جريئه لون عيونها ميكس بين الاخضر والرصاصي. لونه تحفه جدا. شخصيه جاده جدا وقاسيه بس بتبقى عكس كده تماما مع اخوها كريم)
_______________________________
في مكان تاني......
في اوتيل فخم جدا في باريس يجلس شاب وسيم(اسمه فهد ) ذو بشره قمحيه وعيون خضراء وشعر بني في الثامن والعشرين من عمره. يرتدي بدلته ويستعد للرحيل.
فهد: ايوه يا ريمو جاي النهارده. هوصل مصر عالساعه 4 العصر كده
ريماس: اوك يا حبيبي مستنياك.
(ريماس بنت عندها 24 سنه شعرها اسود وعيونها زرقاء وبشرتها بيضه. متخرجه من كليه صيدله. تبقى اخت فهد وهو يبقى كل حاجه في حياتها بعد ما باباها ومامتها ماتو )
فهد اغلق هاتفه ووضعه في جيبه ثم اخذ حقائبه وركب سيارته واتجه نحو المطار.
____________________________
عند كارمن....
شاهر وصل المكتب عند كارمن.....
كارمن: ايه يا شاهر طمني عملتو ايه.
شاهر: متخافيش يا فندم كل الموضوع اتظبط
كارمن: يعني العيال دي خلصنا منها خلاص
شاهر: اه خلاص. انا مشيت وراهم انا والرجاله وخطفناهم وبعدين خلصنا عليهم وحرقنا العربيات.
كارمن: ايوه كده علشان يبقوا يعرفوا هما بيتعاملوا مع مين
شاهر: بس كده كتير يا كارمن هانم دول مش اول ناس نعمل فيهم كده
كارمن: ايه يا شاهر انت قلبك بقا رهيف ولا ايه. وبعدين ما انت عارف ان اللي قتلناهم دول شمامين اصلا وشويه بلطجيه يعني مش هيتزعل عليهم يعني
شاهر: لا مش قصدي بس احنا هنفضل لحد امتى في السكه في السكه دي
كارمن: لحد ما اعرف مين اللي قتل بابا وماما. لحد ما اجيب حقهم من كل اللي ظلموهم وقتلوهم.
شاهر: ده احنا بقالنا اكتر من سنتين مش عارفين نوصل لحاجه
كارمن: ولو بقالنا عشر سنين بردو مش هستريح الا لما اخد حقهم
وفي اللحظه دي الباب خبط....
....: مس كارمن انا كنت جايبلك ملف ب مبيعات الشركه زي ما حضرتك طلبتي مني
كارمن:شكرا يا بشمهندس احمد. تقدر تتفضل
(احمد يبقى مهندس عنده 25 سنه. شخص محترم وطيب باباه متوفي ومامته هي الل ربته. بشرته قمحيه وعينه عسلي وشعره بني )
أنت تقرأ
اذاب قلبي
Randomظننت قلبي حجرا ولكنه اذابه، اخرج الملاك البريء من داخل الوحش القاسي، حسبت هذا الزواج مجرد صفقه! ظننت الحب مجرد اساطير حتى وقعت انا فيه
