#الزوجه_البديله🙆🗝
#الحقلة_الأوله✨
طلعت من قاعة العرس ونسمع في اصوتهن يتضحكن ويقولن اسم الله عليها كيف تبي تعيش مع ضره لا وضرتها احلا منها ؟!
وقتها انا عطيت وعد النفسي اني ح نكون بكرامتي ونثبت وجودي بينهم ونوريهم ان الله حق!!😌👌
طلعت وكانت سيارته مدرسها قدام القاعه بضبط نزلت بروحي تقول مقطوعه من شجرة😂💔
وجيت نبي نركب قدام بعدها تذكرت كرامتي فتحت الباب وركبت من الخلف🔥
المعتصم عدل المرأيا عليا : تشوفي فيا سواق بوكي تركبي من الخلف؟!
انا قبل سكتت بعدها للمره ثانيه تذكرت وعدي النفسي 😂💔خذيت نفس ولأول مره نتجرا ونرد ع حد
انا:العفو ، كان مش سواق بويا راك نزلت ودرتلي قدر انت ماقدرتنيش فما تتوقعش مني نقدرك وانت بروحك حطيت القدرك حجم😒👌
المعتصم عقد حواجبه: شن قصدك انتِ!
انا: اللي عنده عقل ماحد يفهمه😌
المعتصم: تقول واخذ عجوز من النجع انا وخبط ع دومان بقوه ومشى🌚
انا قعدت نقرا في لفتات المحلات وساكته وخلاص عاد كلكن اديرن فيها ولا🌚😂
وعمك معتصم واخذ في روحه مقلب واغني كفار وصوت عالي وخلاص ويتميل مع الموسيقى تقول خبطه جن رقاص🙁
وصلنا للحوش بين عليه عادي مافيش اي امكانيات فوق العادي "كوخ"
اول ماخشيت انصدمت وين الحاجات اللي مفرشتهن وين دار النوم اللي حكولي عليها فتفريشه؟!😳
طبعاً سبرنا قبل الفرح يمكن بأسبوع يمشن مجموعه من بنات العيله يفرشن الحوش عشان تخشيه واتي وماتتعبيش لعند ملابسك ينظمنهن لك فدولاب✨
كان كوخ مهجور اعشاش عنكبوت في كل مكان وبشبوات بس انا يعني مانخافش منهم عادي🌚😂💔
خش هوا جوا وفتح الروشن ع اساس يتهوا الحوش قصدي الكوخ
المعتصم : نبي نطلع انامادورينيش نظمي روحك .. وسكري ع روحك الباب
انا: درب يسد ولايرد يالله✋
المعتصم: مسكني من كتفي بقوه .. في شروط وقوانين عندي ماتلتزميش بيهن نرقدك ع طريحه ونوعيك ع طريحه وقولي قالها سكتلك مره مانسكتلكش اخرا😡
انا خفت منه بجد واخذيت ع خاطري من ابن عمي ع قولت السوريين😂😭💔
مشى للباب يبي يطلع
حطيت يدي ع كتفي وقلت هـ الهم اللي ربي بلاني بيه والقنه كتفي وجعني 😭
المعتصم:عودي شن قلتي؟
انا: شي وانت ماتصدق😒
طلع سكرت الباب كويس ورواشن وقعدت نفكر في حالتي اللي تشغل
سلحت الڤيلو بالقوه وكنت ديره احتياطاتي ديره شنطه فيها حاجات هكي بسيطه منشف صابون شامبو وديتول اصغير نحب بنته"ريحته" وحاطه قفطان بصمه بمعنى جلابيه اللي يلبسو فيها العجيز 😌😂💔 هو المعروف العروس توتي حاجات خاصه وهكي بس انا بديل يعني ماتتوقعوش مني حاجات عاديه!!
طلعت قفطان البصمه لبسته وتوضيت وصليت صلاتي ورفعت شعري فنص راسي تقول نخله🙄
خشيت الحمام القيت بشبوات وسياقه ومكنسه ذايبه
خذيت هذك الشامبو وحطيت منه ع الأرضيه وبديت تسيق وحك انا مش متعوده نقعد فمكان امعفن وبعد كم ساعه رفعت هاتفي القيتها الساعه3 الفجر القني تعبه بكل وماتريحتش لين خليت الكوخ يتلامع القيت كنبه مهتريه شوي بس عادي قعدت عليها خذاني النوم
أنت تقرأ
#الزوجه_البديلة🙆🔥
Fantasyرواية عباره عن مقدمه وتسع حلقات ... مزيج مابين الأكشن والدراما والكوميديا من الواقع الليبي🖤✨
