يقين جريئه

البارت11

البارت الحادي عشر
يقين جريئه
وطويل عشان محدش يزعل ....الا الكدب قصدي الا زعلكم
نبدأ
..........................*********..................

ام زين دخلت على يقين بجناحها و معاها مجموعه كبيره من العاملات
ام زين : صباح الخير والورد ياعروستنا الحلوه
يقين ببتسامه جميله : صباح النور لا احلى ماما
ام زين : يارب تكوني نمتي امبارح كويس.
يقين في سرها ( منين ياحسره وانا مرميه على الكنبه لما انكسر ضهري ) اه يا ماما الحمد لله
ام زين : انا جبت معاي مجموعه من الخبره يهتموا بيك .. ومعاي المصوره حابه تاخد لك كام صورعشان تعدلها بالفوتشوب ليك مع زين انا معايا اللبوم صور فاضي!!! و انتي كل الي عليك تامري و كله تحت امرك
يقين سلمت نفسها للخبيرات اللي اعتنوا ببشرتها و بشعرها وعملولها اقنعة نضاره للبشره وحطت فرينش مناكير و استرخت بحمام دافي من الورود
و دخلت مريم و معاها الكوفيره
مريم : فين عروستنا الحلوه
يقين خارجه من الحمام : انا هنا يا قمر
مريم: انا بقي هخلي الكوفيره عندك تجهزك وتظبطك ولو احتجتي حاجه كلمينا انتي عارفه ان المعازيم بيوصلوا علي الساعه 10 و انا لازم انزل مع مامي تحت ..
يقين:اوك ياقمر
يقين اتصلت على بنات عمها : الوو .. ايه يا بنات فينكم ..
امال : خلاص باقي منو مخلصتش
منى كشرت : منو فعينك انا كام مره قولتك اعدلي اسلوبك يا بقره .. و خليك زي الناس الهاي هاي ..
يقين : ههههههههههه .. بقولكم ايه انتو مش هتبطلوا خناق الا اذا اتجوزتوا
امال : ربنا يجيبهم المخافي بسرعه ياااارب
منى : مين دول..
امال : يعني مين .. عرسان الغفله ..
منى : امييييييييييييييييييييييي ييييييييييييييين
و التفتوا كل اللي فالبيوتي سنتر عليهم مستغربين منهم ..ومن اسلوبهم
ابرار : ما توطوا صوتكم فضحتونا ..الله يحرقكم
يقين ضحكت: ايه اخبار الفساتين عجبكم ذوقي ..
امال صفرت: دي تهبل .. الحمد لله نحفانه 5 كيلو وطالع الفستان يهبل ..
منى تسحب الموبيل : حتى انا فستاني الموفي يهبل عليا و انا حليته زياده احسن من الفيل الي زيك ..
امال : و الله الفيل عارف نفسه ..
منى : قصدك ايه ..
امال : اللي على راسه ...
يقين نفخت : طيب يارشيقات اخلصوا بقي ومتتأخروش علي الحفله سامعين
مع السلامه يا حلوين
الكل:مع السلامه
................
وفي قاعه الاحتفالات الخاصه لزين .........)
وقفت ثريا تتامل من بوابه القاعه الي وجهتها الرئيسي لداخل القاعه
وكان مدخل القاعه عريض وجدرانه من المرايا الطويله المزينه باطارات خشبيه
مشت ثريا بخطوات واثقه مسموعه على الرخام الفاخر وهي تشاهد مدخل القاعه الداخلي ..
الملفته للنظر فكانت الجهه اليمين للبوابه تربيزه وفيها صوره يقين وزين ماسكين ايد بعض.
وكمان كان فيها عباره عن زينه وأخد شكل مضله باللون الابيض واطرافها بالون الاحمر وتتدلي منها سلاسل من الكرستال الفضي وفيها كروت بيضا عشان يكتبوا عليها
المدعوات للحفله عباره جميله تبقى ذكرى خالده !!!!
وفي الطرف التاني كان جذع شجره مجوف من الداخل ويتخللها من النص الورد الجوري والكرستال وفيها فروع رافعه معاها سَلات زجاجه شفافه رافعه هدايا للمدعوين عباره عن ميدليه بها كرستاله شيك انيقه ومجموعه من العبارات مغلفه بالتغليف الحراري وكانت احدى العبارات .
(اشكر من لبى لحضور دعوه حفلنا الكريم ....ثريا الرفاعي...)
دخلت ثريا القاعه واستقبلتها ريحه الياسمين الجميله الي انتشرت في كل مكان .
وأتاملت بنظره راضيه جمال القاعه الي فعلا تليق بمستواها الاجتماعي الراقي
والتربيزات المدوره المفروشه بمفارش بيضا وعليها تل احمر محطوط عليها الشموع المدوره الحمرا داخل تحف فضيه وفي نص كل تربيزه سله صغيره جواها شوكولاته سويسريا فاخره والورد الجوري .
والكراسي الي حوالين التربيزه متغطيه بقماش ابيض وتل احمرعلى ضهر كل كرسي
وفي الزويا فيه جهاز عرض يعكس صوره لجدار الخلفيه ليقين وزين وكان مكتوب على الخلفيه والصوره
أحببتها . . .رسمتها في مخيلتي رسمتها كالبدر مضيئا في سمائي رسمتها كلوحه رسام ابدع في رسمها رسمتها كالبحر عالي الامواج هي من ملكت تفكيري هي من ملكت قلبي هي من ملكت احاسيسي ومشاعري
. .
في قاعة الاحتفالات الخاصه بقصر زين كان صوت المطرب العالي (رامي جمال).. و ريحة الياسمين المنتشره ..
ثريا واقفه تستقبل الضيوف اللي كانوا من الطبقه الراقيه المخمليه التي تنتمي لها ام زين ...
دخلوا عليها 3 بنات لفتوا انتباهها ..
و خاصة اللي لابسه الفستان الوردي الطويل بفتحه من الجنب عاليه و بديل و من غير اكمام ..
و المكياج الوردي الهادي .. و تسريحه شعرها رولات واصله لاخر ضهرها .. اللي هي امال
اما منى لا بسه فستان موف ماسك على الجسم و قصير لحد الركبه .. و حاطه مكياج ناعم بدرجات الموف .. مكسره شعرها على طوله لحد اخر ضهرها
اما ابرار لابسه فستان ذهبي مكسر من تحت و ماسك من فوق .. و حاطة مكياج برونزي ..
ام زين : يا اهلا وسهلا
ابرار : يا اهلا بيك .. انا ابرار مرة اخو يقين
ام زين بفرحه : اهلا وسهلا نورتوا و شرفتوا ..
و عرفت ابرار البنات على ثريا...
و دخلوا قعدوا على التربيزه المحجوزه لهم و جاتلهم مريم و ريهام يسلمو عليهم
ونظرات الحضور هتطلع عليهم.. وتقيم الجمال الهادئ الي تتميز بيه التوأم امال و منى .. لان الشبه بينهم كبير ..
و اللي يفرق بينهم حسنه مخلوقه سبحان الخالق على خد امال ..
و ثريا اتصلت بزين : هاه الطقم جاهز خلاص انا هنزل يقين حالا ..
...........
عند يقين
يقين قاعده تتامل الفستان الاوف وايت اللي واخد شكل جسمها وله ديل طويل
و صدره مفتوح و ضهرها باين لحد نصه ..مع كرستالات فضية صغيرة على حدود الصدر والضهر
و كريستالات خفيفه فضية موزعه على الفستان ..
و بصت في المكياج اللي عملتو ليها خبيرة التجميل
اتاملت المكياج الهادي الي دامجه فية الالوان الاحمر و الفضي والكحل الاسود من فوق والماسكارا السودا الكثيفة وزدات يقين من الشدوالاخضر المخملي تحت العين علشان يبرز من لون عيونها الرماديه الفاتحة والبلاشر الوردي و الروج الاحمر الشفاف واللمعة الفضية الي وزعتها على وشها ورقبتها وضهرها
شعرها رولته ورفعته من قدام وحطت تاج من الماس صغير فوق ونزلت الخصل المرولة على ضهرها ومن قدام نزلت خصل صغيرة شقرا حوالين وشها والي زادت من اشراقة
لبست الصندل الفضي العالي
وأأعدت تقرا الاذكار و الايات على نفسها
دخلت عليها ثريا وهي تذكر الله من شكل يقين الي كانها اميرة تسحر الكل بجمالها واناقتها و حضورها ورقتها الدايبه بفتنه آخاذه
ام زين مبهوره من جمال يقين اللي يزيد يوم بعد يوم : ماشاء الله ايه الجمال والطعامه دي كلها
يقين الي حاسه نفسها كانها عروسة بجد : عيونك الحلوة يا احلى مامي
ام زين: فين زين يشوف الحلاوه دي كلها
يقين انحرجت وقلبت فروله من الخجل
الا صوت زين الي جالهم من المكتب
ثريا: ده زين وصل وجه عشان يشوف القمر
دخل زين ومعاة صندوق كبير شيلاه الشغاله وحطته على التربيزه زين سلم على امه
ولف ناحيه يقين الي كانت عطيالو ضهرها ولفتلو اول ما دخل ووقعت عيونه المتفحصة بعيونها البريئه الي باين عليها الفرحة
زين الي اتحنط ما كانش متوقع ان يقين ياثر عليها حفلة او حتي فستان الي لاحظة عليها ان أي شئ بسيط يفرحها . (ومعقولة من فستان وحفلة بسيطة تفرحها والله غريب امرها ماشفت زي قناعتها في حريمي الي اتجوزتهم الواحدة تديها ولا يملى عينها غير الالماظ )
زين : الي طلبتيه يا امي جبته وعلى طلبك الخاص
ام زين : منحرمش منك حبيبي ولفت ليقين
يقين يلةأتاخرنا على المعازيم انا رايحه لجناحي اجيب حاجه وراجعه القاك جاهزة
وبصت لزين غمزتله بمعني يلبس يقين الطقم : متأخرهاش يا زين
زين اتصنع الغباء: وليه اعطلها خليها تروح معاك
ام زين اتكت ع شفايفها وبحلقت فيه ( بيجنني الولد) وبصوت واطي قربت من زين: الاول لبس مراتك الطقم وبعدين اعدي وتنزل معايا على بال ما يجهزو الزفة الي بتنزل بيها انت ويقين
طلعت ثريا لجناحها علشان تخللو الجو بينهم
زين مشى واتحرك لحد ما وصل عند يقين الي واقفة عند المراية الطويلة طول الجدار وتعدل الفستان من جنب بتقفل اخر زرار بس مش قادرة
زين بثقة : ممكن اساعدك
يقين انحرجت بس ثريا طلعت هي و الشغاله : انا بحاول
زين ما عطاهاش فرصة وقرب منها وبعد ايدها المرتجفة عن الزرار وقفلو بنفسة وايده تمسح على اطراف الفستان باطراف صوابعه وفضل يتامل جمال عيونها الي دايما يجذبة بلونها الرمادي الفاتح
زين مذبهل بجمالها : لون عيونك ساحر بيخليني اتخيل نفسي في لوحه فنيه ومش عاوز حد يدخلها غيري واملكها انا وحدي وما يملكهاش غيري...عارفه
اول ما قالتلي ماما انها عاوزه ليك طقم الماس باحجار كريمة تعرفي ايه الي خطر على بالي
يقين :......
زين بذهول من شكل يقين الي دوخة وسقط جميع حصون الدفاع عندة : الزمرد لون عيونك وحبيت اني اشوفه عليك
فتح الصندوق وخرج منه علبة كبيرة وفتحها باتقان وخرج الطقم الالماس باحجار الزمرد كان على شكل اوراق شجر من الالماس تتدلى منها احجار الزمرد الكريمه على شكل دمعات
و اخده وقرب من يقين مرة تانية ونزل لمستواها : عاوز البسك ممكن ترفعي شعرك شوي
يقين باحراج رفعت شعرها على جنب وقرب زين اكتر من ورا ضهرها وانفاسة تضرب ضهرها العاري ارتجفت يقين من لمسة ايده على رقبتها وهو بيقفل العقد ويطلع الحلق ويلبسها الفردتين
و يقين تبعد وهو يقربها منه ويمسك ايدها ويلبسها الاسوارة ورفع عينه وهي بنفس الوقت رفعت عينها و التقت بعيونه في المراية الي قدامهم
وطولت النظرة بين قلبين مرتجفين ومشاعر جياشه متملكه الاتنين و كل واحد منهم خايف ان اللحظه الحالمه تنتهي ..وتختفي
مشاعر طالبه فهل من مزيد من الوقت ..
و مشاعر تانيه خفيه تهدد بانتهاء اللحظه الحلوه ..
زين بمشاعر جياشة واضحة : اول ماشفتة قلت حلو وعليك هيبقي احلى .. واحلى... ومش علشان هو حلو وبس لا عشان انت هتحليه اكتر
ولفها علية وكمل : عارف الزمرد بيشع الوان وكذالك الالماس بس بصراحة شعاع عيونك يجذبيني ليك اكتر
يقين ومشاعرها متأججة وقلبها عمال يدق بقوة خافت انه يسمع دقاته واترعشت من كلام وتعامل زين الحلو .. (على الاقل يوم كان قاسي كنت اقدر ارد علية واجارية بس لما يكون حنين اضيع وانتهي من تصرفاته)
مسك ايدها المرتجفة الباردة وهو يتأمل جمال المناكير الرسومات الرقيقة ولبسها الخاتم ومن غير شعور رفع ايدها لشفايفه وباس اطراف صوابعها وعيونه متعلقة بعيونها ولفها بدراعه لصدرة
يقين باحرج وهي مكسوفه من الخجل : زين لو سمحت
زين دوخته ريحة البرفيوم : لوسمحت ايه ...
يقين بارتباك : خايفه تبوظ الفستان والمكياج... واتاخرت على الحفلة
زين وهو مقربها منه بتملك: من ناحية التأخير ما اعتقدش انك اتاخرت لان امي هتعدي عليك
وكمل بخبث ) ومن ناحية اني ابوظ الفستان و المكياج تعرفي انا كمان خايف من نفسي اتهور
يقين حاولت انها تبعد بس زين يضمها بايده التانية : ما تتحركيش علشان مابوظش شكلك
يقين (ياربي حاصرني ) ورفعت وشها الاحمر علية وبرجاء : ربنا يخليك ابعد شوي بس شوي عيب كدا بعدين الميك اب يتشلفط
زين ما تحركش : قلتلك مش متحرك وهتفضلي واقفه بين ايديا اتأملك لحد مااقولك خلاص
يقين بخوف : يوه شفت ازاي كرمشت الفستان
زين بعدم مبالاة : كرمشت .. وبعدين انا مش مستعجل صحابي لسه ما جوش
يقين نفخت بقوة : انا مش فاهمه انت هتستفيد ايه من أأعدتك عندي هنا
زين رفع وشها : هههههه انا حر بصراحة بتأملك عندك مانع وبعدين انا العريس ولا (وضحك بصوته كله)نسيتي
يقين لمعت عيونها بخبث ( ان ما خليتك تبعد مش عني الا عن الاوضه كلها ) رفعت ايدها وشبكتها وري رقبته وبدلع ومياعة مبحوحة : زينو حبيبي انت نور عنوني ابعد عني شوي مكن(مكن ها دلع مقصوده عشان نطفش زينو)
يقين كانت مفكره ان دلعها هيخلي زين يبعد عنها زي لما كان يتخانق معاها لما تدلعة وتحسبه بيبعد ويسبها في حالها
كلامها ضرب على الوتر الحساس عند زين اللي بدء يدوب بقربها و يحس بتملك ليها وانها تخصه وحده فقط
لكن الي مش حسبت يقين حسابه ان زين ضمها بقوة ورفع وشها وباس رقبتها بعنف خلتها تتالم وتركت اثر عليها وحست ان الهوا انقطع
زين وانفاسه على رقبتها : ده عقاب بسيط ليك علشان ما تكسريش كلامي وانحنى مرة تانية
ثريا دخلت عليهم فجاة وابتسمت لما شافت زين مع يقين : لا والله عال عال انت وهي ناوين تبوظولي شغلي
زين رفع راسه وهو لسة ماسك يقين : و ليه كدا يا ثريا ده حضن عادي
ام زين بهزار: زين فك البنت مش طايرة .. تعالي يا يقين
يقين محروجه لان زين لسه ماسكها ومتغاظه منه : زينو ابعد شوي
زين قرب من يقين وانفاسه على ودنها : ما تلعبيش بالنار يايقين لانها ياروحي ممكن تحرقك!!!!
يقين بتحدي بصوت واطي تولعه: قلتلك ياحبيبي ياعمري انت كلها كم ساعة ونكون مع بعض
ثريا عجبها الكلام بينهم مفكره ان امورهم تمام وطلعت للممر تكلم الشغالة
زين ساب يقين الي عدلت فستانها وخرجت تمشي مع ثريا
زين خرج يتأمل يقين وهي تتدلع و يفكر بسرحان فجأه قال : لحظه شوي .. عندي ليك شئ تحطيي منه مع البرفيوم بتاعك
يقين باستغراب : احط منه !!!!! ليه ريحه البرفيوم بتاعي مش حلو
زين: ههههههه تجنن بس اصبري على شوي
دخل زين لمكتبه ورجع ومعاه علبه سودا فاخره من المخمل وحطها على التسريحه و فتحها وطلع منها علبة دهان صغيره
زين اخد العلبه الصغيره و مشى لحد يقين وفتح العلبه بطريقه انيقه وساحره خلت يقين نبضها يتسارع بقوه
زين : العلبه دي هديه من صديقي الفرنسي بييار .. اهداها لي بمناسبة افتتاح معمله لتصنيع العطور .. ودي هديه خاصه بيا
يقين تستنشق الريحه الساحره المنتشره من العلبه : شكل العلبه تحفه فنيه و الريحه جنان
زين : الريحه دي كوكتيل من مجموعه من الورود النادره المقطره بطريقه فنان
يقين : و الله عالم العطور فن
زين قرب منها اكتر : انتي عارفه انو في طريقه معينه لاستخدام البرفيوم والدهان
يقين بصالو بهيام : انا .. انا .. مـ ـا ..
زين مسك ايدها ورفعها له و مسح على صدرها من البرفيوم اللي في العلبه : يعني علشان ريحة البرفيوم تبان كويس وتدوم فتره طويله امسحي على اماكن النبض من الجسم يعني على الصدر
يقين حست بالخدر في اطرافها من لمسة صوابع زين على صدرها اللي خلتها ترتجف زي الريشه الخفيفه
زين : و بعدين تمسحي شوي على الرقبه
و ارتفعت صوابعه لرقبتها و مسح عليها بالبرفيوم وعيونه تراقب عيونها التايهه في نظراته المعجبه
و ارتفعت صوابعه لوشها وارتفعت معاها دقات قلب يقين .. و اخد شوي من البرفيوم ودهن ورى ودنها و على رقبتها
يقين حاسه بلمسات زين الرقيقه على رقبتها زي النار اللي تحرقها
وتحس ان التنفس عندها يضيق او بقي شبه معدوم
حاست انها ضايعه .. كانها بتعوم في بحر .. وتدخل في وسط موجه قويه وعاليه ترفعها لفوق وبعدين تغوص فيها لاعماق البحر تغرقها بمشاعر جياشه و حالمه
مشاعر لزين الراجل فقط
زين بصوت يدوب: ادهني منه شوي ورى ودنك عشان تدوم ريحة البرفيوم اطول
زين مسك ايد يقين و هي بتخرج وابتسم بحبور : انا متأكد انه مافيش واحده فالحفله مش هتتمنى تكون زيك او بمكانك
يقين بارتباك : ليه ايه معنى مكاني او زي
زين بصدق و عيونه عليها: انتي غير بكل حاجه .. انتي زي القطعه النادره من القطعه الاثريه اللي الكل يتمنى يمتلكها عشان يتميز فيها و تجيب قيمتها مع الوقت ..
يقين تبتسم بدلع : لالا كدا انا هتغر في نفسي
زين مسح على شعرها : مستحيل تنغري يا يقين عارفه ليه ..
يقين : ليه يعني
زين قرب منها وباسها على جبينها : لاني عرفك اكتر من نفسك .. و عارف ان الثقه الزايده فيك طبع مستحيل يتحول لغرور و.....
وسرح زين لبعيد و بحزن : اذهليهم يا يقين .. واثبتي للكل ان زين عرف يختار صح وتألقي زي النجمه اللي دايما تلألأ بالسما العاليه .. وطيري زي الفراشه لكن ابعدي عن اللهب لا يحرقك يا يقين ومسك ايدها ومشي بيها اول خطوات من اعلي السلم من فوق وباس جبينها وبعدها..بعد عنها ومشى ودخل مكتبه الخاص وعيونها متبعاه بوهله
يقين اذهلها كلام زين ( ماله ده النهارده غير .. اتحول لحنون و لطيف و طيب ؟ .. عرف يختار ؟ .. قصده ايه انا وهو عارفين اتجوزنا ليه ؟ ..
ما كانش اختيار كان اجبار وانتقام ؟ .. و ابعد عن اللهب .. أي لهب اللي يقصده زين .. معقوله في حاجه انا مش عارفاها .. معقوله زين يتغير بسهوله .. ولا انا الي ما فهمته صح .. ليه كل مره يقولي اعرفك اكتر من نفسك .. معقوله في انسان يعرف انسان اكتر من نفسه .. طيب لييييييه ؟؟ )
وخرجت تمشي مع ثريا لقاعة الاحتفالات ومشاعرها طايره من حواليها ..
مريم كانت مستناهم عند السلم ووقفت يقين اعلى السلم عطتهم مريم اشارة وبدأت الموسيقى الكلاسكية ويقين نازله السلم اللي اطرافه من الزجاج المدهب لحالها وام زين ومريم يستونها تحت
بالثقة المعتادة وبالنفسية الحلوة ليقين من تغير معامله زين ليها نزلت يقين وحواليها هالة من السحر والجاذبية الكل كان بصصلها باعجاب من الفستان الراقي الالماس والزمرد للشعر الاشقر والجسم المياس
اول ما جات عينها على صورتها هي و زين المنعكسه على الجدار وقرئت الشعر المكتوب سرحت ببحر غميق من الاحلام الورديه .. ودنيا مليانه بالامل بزين الراجل
ام كرم : ما شاء الله عليها
ام خالد : اه والله واسلوبها احلى واحلى
فايزة بقهره: دايما زين محظوظ
ام كرم : قولي ما شاء الله لا تضربيها عين
فايزة بدفاع : انا اضربها بالعين ليه انشاء اللة بس من كتر ما انا معجبه بيها
.....................
اما على تربيزه بنات عمها
امال : واااااو يقين قمر ربنا يحفظها
منى : امييييين
ابرار: يقين تستاهل كل خير
نزلت يقين ووقفت الموسيقى وبدؤء يسلموا عليها كل الحضور وهي عيونها تدورعلي بنات عمها
ام زين : محتاجة حاجه
يقين : سلامتك مامتي بس عاوزه اسال عن بنات عمي جم ولا لسه
ريهام: شفتهم التوام يهبلوا والله تعالي اوديك ليهم
مشت يقين مع ريهام ونظرات الاعجاب تلاحقها لتربيزه بنات عمها الي قاموا اول ما شفوها
امال : اهلا بأحلي يقين في الدنيا
منى : هاي حبي
ابرار: اهلا بالعروسه
سلمت عليهم وقعدت معاهم شوي وبعدين راحت عند ثريا تدورعليها بين المعازيم وصلت لتربيزه ام كرم و ام خالد وفايزه
ام زين : تعالي يا عروسه سلمي علي ضيوفنا
ام كرم : ازيك يا عروسه والف مبروك
يقين : الله يسلمك ..الله يبارك فيك
ام خالد : ازيك يا يقين
يقين : بخير الحمد لله
فايزه بحراره : اهلا وسهلا بالنور
يقين محروجه : اهلا بيك
ام كرم : ربنا يوفقكم يا بنتي ..
ام خالد : ربنا يسعدكم ويوفقكم
ام زين : امييين .. وعن اذنكم ..
ام كرم : اذنك معاك ..
ام خالد : الا ايه اخبار مذيعنا المحبوب كرم
ام كرم : هههههه الله يسلمك بخير
ام خالد : ربنا يهديه ماله ومال التعب ما شاء الله خيره كتيير
ام كرم : اه و الله تعبت و انا اقوله بس مش بيسمع .. يرد يقولي هوايه وبحب شغلي بالاعلام
ام خالد : ما شاء الله برنامجه من نجاح لنجاح وهو له طله مميزه وطريقه مميزه بطرح المواضيع
ام كرم : لا كرم من الناحيه دي واثقه منه بس انا عاوزاه انه يخلي باله على ممتلكاته و اعماله احسنلو
فايزه : اذا كانت هوايه عنده خليه على راحته
ام خالد : هههههههه انتي كل الامور عندك فري
فايزه : انا بحب الحريه الشخصيه
ام كرم : ماقلناش حاجه بس لو يقابل بنت الحلال احسنلو بدل ماهو رامي الشغل كله على اخوه الصغير
ام خالد : الا على فكره ايه اخبار خطوبه كرم
ام كرم بحسره : و الله ماتمت حاجه بيقول عنده مواصفات معينه وكلام فاضي
ام خالد : طيب انتي دوري علي واحده بالمواصفات اللي عاوزها
ام كرم: انا عارفه ابني مش عاوز يتجوز شغله بالاعلام اخد كل وقته ..
ام خالد : الا شفتي البنات اللي كانت قاعده معاهم يقين ..
ام كرم : اه و الله شكلهم كيوت
فايزه : لا ما ظنش ما فيش شبه بينهم ..
ام خالد : يقين فيها عرق اجنبي
ام كرم : فعلا
فايزه : وانا اقول ليه كلمتها غريبه شويه
بنات عم يقين كانو قاعدين مع يقين وثريا ومريم وريهام
ابرار : الف مبروك يا طنط
ام زين : الله يبارك فيك
ابرار : بصراحة البنات جايبين هدية بسيطة ليقين وكنا عاوزين نوزعها على التربيزات
ام زين : تسلمي وليه كلفتوا نفسكم
امال : لا كلفة ولا حاجه هدية بسيطة كم بنت عم عندنا هي وحده و تستاهل كل خير
ثريا معجبة بامال لان فيها من شخصية يقين : شكرا حبايبي
ريهام : خلاص تعالو معاي نوزعها على التربيزات الي حوالين البسين
ابراراتصلت على تامر الي يادوب لسه واصل ومعاة الهدايا .. وعطاها للحارس يوديها للشغاله الي بتاخدها منه عند البسين
تربيزات العشا كانت موزعة حوالين البسين ومرتب عليها الصحون والملاعق والزينة و الورود ومفروشة بالمفارش الحمرا الراقية
و البسين كان بشكل مستطيل و مليان بلونات باللون الاحمر والابيض و النافوره شغاله جوه البسين
وصلوا ريهام وامال ومنى عند التربيزات
امال : رني على ابرار ليه اتاخرت قال عطاها للشغاله ليه ما جاتش
منى : اقولك ما يجيبها الا رجلينا انا باخد ديلي في سناني اروح اشوفها
ريهام : تعرفي المكان خليني اكلم واحد من الحرس يجيبها عند البسين
منى : ليه بسرعه اروح واجي مش بحب الانتظار
مشت مني للمدخل الرئيسي تدور ما شافتش حد ولقت السلة الي مليانه ورود على تربيزه جانبية عند المدخل ... وشافت واحد واقف بيتكلم بالموبيل و يتامل الورد ويضحك ولابس بدلة رسمية بس منزل الجاكيت على ايدة
منى (شكله كدا الي عطالو تامر السله لا وقاعد يضحك ويرغي وكمان يتأمل الورد )
منى : انت يا كابتن انت بجد زودتها بدل ما تجيب السلة عند البسين قاعد تتأملها ولا وكمان تهزر في الموبيل ولا كأن عندك شغل تشوفة
.... رفع راسة باستنكار " Are you talking to me?
منى : يا حلاوه حتى خدمهم يتكلموا انجلش مشت لحد عندة:Yes ,im speaking to you
Carry this basket quickly (شيل السله بسرعة)
..... بستغراب: حلاوه وتتكلم انجليزي كمان :ok
شال السلة ومشى وراها
منى بتفكير عميق بصوت عالي : انا فين شفت الخلقه دي يا مني فين فين فين ...ايوه افتكرت فين(وضحكت بصوت واطي )ياحلاوه شبه المذيع كرم قلبي فداه هو وطلته المميزة
.... : ضحك في نفسة (معقولة ماعرفتنيش وفكرتني اني بشتغل هنا )
كرم: who are you?
منى بحتقار : ياربي اول مرة اشوف خدام و قليل الادب عاوز مني ايه انت keep silent
وصلو عند البسين وما شافتش البنات
منى put it here > thank you
كرم حط السلة وبدل ما يروح وقف مكانه يراقبها لا شعوريا جذبته بعفويتها
منى عطته ضهرها وفكرته مشي شالت البلورو ورمته على الكرسي وبدئت توزع الورد
منى : افففف راحوا فين دول وخلوني لوحدي .. طيب يا امال ان ماوريتك ما اكون منى
واقف يتفرج علي منى وهي بتوزع الورد على التربيزات كانت عبارة عن وردة جوري مغلفة لوحدها ومعاها بطاقة شُعر لزين ويقين باسم منى وامال وابرار
منى بصوتها العذب غنت اغنية نانسي الدنيا حلوه
منبهر من صوتها العذب اندمج معاها بالاغنية ونسى نفسة وهو بيراقبها تتحرك من تربيزه للتانية وهي تمد ايدها وهو يناولها الورد
لما خلصت كل التربيزات
وفجاة صحى كرم على صوت الحارس الشخصي لة
نادر : استاذ كرم محتاج حاجه
كرم : لا ابعد يا نادر وانا اذا احتجت حاجه هاقولك
كرم النجار صاحب زين عمرة 32 سنة طويل ووسيم عيونه عسلية فاتحة وجسمه رياضي ويعمل مذيع في التلفزيون وهو من عيله غنية جدا .... بس العمل في التلفزيون هواية عندة
منى من الخضه لفت ورها وشافت اللي شال لها الورود ..
وبعد ما استوعبت اتمنت الارض تنشق وتبلعها من الاحراج يعني ده مش خدام و المصيبة اسمه كرم رفعت عيونها والتقت بعيوونة الجميله
منى باستغراب : استاذ كرم .. يعني انت .....
كرم بثقه : معاك المذيع كرم النجار...
منى بارتباك : انا اسفة كنت بحسبك العامل اللي بيوصل السله
كرم كتم ضحكته : عادي سوء تفاهم حصل خير .. انا شفت السله وعجبني الورد وقريت الشعر
منى بارتباك واضح : و الله ما كان قصدي اهينك و ...
كرم بتفهم : قلت لك انا مش زعلان
منى دابت من اسلوبه وفجأه عرفت انها اخدت راحتها وخربتها... ... شهقت بقوه تدور علي البلورو اللي نسيت فينه
منى من كتر احراجها جريت عاوزه تدخل جوا القصر بس وهي بتعدي من جنب كرم داست بالكعب العالي بقوه وجات تقع لكن كرم كان اسرع منها ومسكها من ايدها علشان ماتقعش
كرم بخوف : حبه حبه لا تتأذي
منى محروجه ومره واحده أأعدت تعيط من الاحراج : اهئ اهئ
كرم باهتمام واضح : لا حول ولا قوة الا بالله ليه الدموع .. الموقف ما يستاهلش دموعك الغاليه
كرم بعد عنها شوي وعينه على الارض عشان ما يحرجهاش كتير
وطلع المنديل من جيبة وعطاهولها وحاول انه يلطف الجو : حرام تبهدلي مكياجك
وسحب كرسي وقال لها : اتفضلي اقعدي على الكرسي لحد ما تهدي مش حلو تدخلي والدموع كدا على وشك
منى من بين دموعها مسكت المنديل باحراج
كرم بحنان : و اذا و جودي ربكك انا همشي و اخليك تاخدي راحتك بس الاول اوعديني انك توقفي الدموع
ومشى ووقف شوي عشان ما تبان منى لنادر
و بعدين نادى نادر
نادر : ايوه يا بيه
كرم : جيب كاس ميه بارده مع عصير ليمون
نادر : امرك
كرم وهو عطيها ضهره : عامله ايه دلوقت ان شاء الله احسن
منى : .......
كرم : مش مشكله اذا انتي محروجه عادي بس المهم دموعك ما تنزلش
منى حاسه بذهول و ايدها على وشها من الاحراج والكسفه ..
كرم اخد الميه و العصير من نادر
نادر : عنك يا استاذ كرم انا اوصلها مكان ما تحب
كرم : لا انا هاخد الصينيه
و اخد الصينيه ومشى لحد التربيزه اللي قاعده عليها منى وعينه على الارض
وحط الصينيه على التربيزه واخد ورده من الزينه وحطها على الصينيه
كرم عطاها ضهره : اتفضلي اشربي الميه و العصير وهدي أعصابك وانا هعتبر نفسي ما شفتش حاجه .. و لما تدخلي الحارس هيرتب المكان
منى حست براحه من كلامه المهذب و احترامه ليها و طريقته اللطيفه
مشى لجهة الرجاله وهو مبتسم من عفويتها ورقتها ( شكلها حساسه وبريئه جدا )
منى ( معقوله ده كرم النجار .. اللي انا بتابعه بالتلفزيون يكون قدامي ويكلمني ويديني منديله و يقدملي ميه وعصير )
منى بصت في المنديل الكاروهات باللون الازرق و الابيض منقوش عليه اسمه
مشت و شافت البلورو خطفته من على الكرسي و راحت بسرعه للقاعه
امال : فينك يا مخفيه فين اختفيتي
منى بخوف : انت الي فين اختفيتي
امال : و الله حضرتك اتاخرت قلنا شكلك رجعتي للقصر
منى : لا والله يا ذكائك الخارق ارجع و انا سايبه شنطتي طب ازاي
امال بصتلها بتركيز : منى ايه الدموع دي
وتاخدها معاها عند الحمام تعدل لها المكياج
منى : والله ياامال لو تعرفي شفت مين
امال بسخرية : مين يعني وايه الحماس ده كله لايكون شايفة فارس الاحلام كرم
منى باندفاع : وانت ايش عرفك اني شفته
امال : بتستهبلي عليا اصحي فوقي وبلاش هبل واحلام فاضية شفتي مين انطقي
منى : هو انا شفته بس .. ده انا كمان كلمته وجابلي ميه وعصير وورد
ورفعت الورده توريها لامال
امال : يعني قاطعه ورده مشعارفه منين وتقولي من كرم
منى : انتي ما تعرفيش حاجه من الرومانسيه اسمها قاطفتها و بعدين دي من كرم
امال : ههههه اتجننت الحمد لله
منى تعدل الميك اب : واذا وريتك حاجه تأكد كلامي تعملي ايه
امال : ههههههه لالالا راح العقل كله
منى مدت المنديل الي عطاهولها كرم ومنقوش علي اسمه كرم النجار
امال شهقت بقوة وشدتها : انطقي ايه الي حصل
منى شايفة نفسها : شالي الورد واتكلمت معاه على انه الخدام
امال بصرخه : يخربيتك انتي وسواد وشك حكيتي معاه
منى : وطي صوتك بقي .. قلت لك الشغال .. لو تشوفيه يا امال يهبل بصراحة من دون مبالغة احلى من التلفزيون بكتير
امال : ياللا امشي قدامي
منى : على فين
امال : يا حظي لسود نشوف كرم
منى : بت احترمي نفسك النهارده ما صدقت انه يروح وادخل... الليله ليله يقين خلينا نرجع للحفلة
امال : هههههه صدقت المجنونه عموما لما نرجع البيت لينا كلام تاني
منى : اسكتي هتجنن من الاحراج والكسوف
امال ضحكت: مكثوفه ياحلوفه قدامي
.....................
وفي جهة تانية كرم وزين قاعدين وصحابه وتامر بس عقلة مش معاه عقلة مشغول بالبنت الي شافها عند البسين
كرم عرف انها منى بنت عم يقين من الكرت الي موجود في الورود
زين : الي واخد عقلك يتهنا بيه
كرم سرحان : اااااااااه يازين من الي واخد عقلي و مش عقلي بس الا مخي وفكري ههههه
زين : ههههه لايكون مذيعة معاك في القناة ولا نقول ضيفة من ضيوفك
كرم : لا والله من ضيوفك انت
زين : هههههه لا انت مش معنا ابدآ انت بعالم تاني
كرم : لا والله معاك انت وبقوة
زين : يعني الحكايه فيها واحدة جذبتك
كرم : ااااااااه والله ومش أي واحدة
زين: اوعي تكون قاعد تنقر في ضيوف الوالده
كرم : صدفة ومن بين كل الناس علقني من ساعه ما شفتها و عيني جات في عينها
حسيت بحاجه بعيونها حاجه تجذبني
زين الي حس بشعور غريب وهو يفتكر موقفه مع يقين قبل 4 سنين
زين : ههههه حالتك صعبة ومستعصية الله يعيينك على مابلاك
كرم: في ايدك الحل
زين : يابني انت سكران ولا مالك حتي كلامك سكران زيك
كرم : هههههه اعمل ايه ده الي طلع مني
زين : عاوزلك قاعده خاصة بس دلوقت انا مشغول مع النسيب
كرم : بقولك النسيب ده اتوصى بيه جامد ربنا يكرمك يا صديق عمري
زين مستغرب : ههه الا انا متاكد ان فيك شئ مش طبيعي
كرم فرحان : ليه يعني مش طبيعي
زين: انت كرم اللي قابلت كتير بحكم شغلك لا وكمان مشاهير تتلخبط من وحده شفتها صدفه
كرم : قلت لك مش أي وحده ليها سحر خاص .. سحرتني يا زين بنعومتها و عفويتها و ادبها و خجلها
زين : يا عيني كل ده لا احنا لينا قاعده طوييله نعالج مشكلتك هههههه
كرم : دلوقت انا بقيت مشكله
زين : اه الحب مشكله كبيره احسن حاجه ما تعلقش نفسك كتيير
كرم : ههههه امال امال انا اقول عليك ايه ياللي طايح بالعرفي
زين : هههههه اسكت هتفضحنا قدام النسيب
كرم : الا على فكره مراتك مش عارفه عن مسايرك
زين : ههههههه عجبتني مساييرك جديده دي
كرم : شايفك بتهرب من الاجابه
زين : لا بهرب ولا حاجه بس دي حياتي عجبها اهلا و سهلا مش عجبها باباي
كرم : لالالا انا عمري ما شفتك بالقسوه دي
زين : لا قسوه و لاحاجه بس دي حياتي وواعتقد ان مراتي معندهاش اعتراض .. وبعدين دول عرفي يعني ما اعلنتش جوازي منهم و مالهمش حقوق عندي الا اللي ادهالم من طيب نفسي
كرم : يعني بتفهمني انها مش بتغير منهم او انها متعرفش
زين بصدق : لا عارفه عنهم بس عمرها ما اتجرأت و كلمتني عنهم
كرم: اها يعني انت مستنيها تسأل و الله انك مهوي
زين : لا ما اعتقدش انها بتسألني لان تفكيرها اعلى من كدا .. و بعدين انا مراتي مختارها عشان فيها كل المواصفات اللي عاوزها
كرم : يا سيدي الله يهنيك لو تسمع مشورتي هترتاح
زين : ايه عندك جديد ؟
كرم : يا صديق عمري مالك و مال العرفي مدام ربنا انعم عليك بزوجه فيها كل المواصفات
زين : ايه رايك تجرب العرفي لذيذ والله
كرم : لا ياعم انت هتخليني امشي علي سكتك يفتح الله
زين : طيب يلا عن اذنك
زين قعد مع تامر واصحابه و اخدتهم الحكايات
......................
اما يقين الي كانت نجمة الحفلة زي الفراشة متألقة بقوة
بس كانت ترتجف من جوا خايفة من لقاء زين بعد الحفلة
كانت سرحانه لدرجة انها ما انتبهت لصوت ريهام
ريهام : يقين تعالي بعرفك على صديقاتي رنا وندى
رنا : هااااي انا رنا
ندى : هاي انا ندى
يقين بدلع : هاي معليش كنت سرحانه شوي
ريهام : هههههههههه اللي واخد عقلك يتهنى بيه
رنا : هههه كنتي فين بقي
ندى : اكيد عند زيزو
ريهام : هههههه لا كدا كتير يمكن يقين بتغير
يقين اللي مش فاهمه حاجه : ليه اغير
رنا : لا يمكن تغيري اذا عرفتي اننا بندلع زين بزيزو
يقين اللي بجد وصلت الغيره معاها ( يعني مش كفاي حريمه و بنت عمه يطلعولي صحبات بنت اخته ) قدرت انها تتحكم فنفسها و بهدوء : لا انا واثقه من زيزو كتيير
ندى : يا عيني على الثقه
رنا : بصراحه اسمحيلي اعبرلك عن اعجابي بيك انتي كيوت
ندى : احنا لما عرفنا ان زيزو اتجوز قلنا يا تري ايه شكل مراته هههههه
رنا بهزار : هههه كنت حاطه امل كبير عليه بس لما اتجوز اتحسرت و لما شفتك فقدت الامل مره واحده
ندى بهزار : هههههههه حتى انا نفس الحسره
يقين اعمتها الغيره حتى انها مش ملاحظة نبرت المزح بصوت ندى و رنا
رنا بشقاوه طلعت موبيلها و مدته ليقين : هوريك خلفية موبيلي بس اوعديني انك ما تكسريه
ندى وريهام اللي فاهمين هزار رنا ضحكوا بصوت عالي ..
يقين باستغراب : ايه الي يخليني اكسر موبيلك
رنا : اخاف تموتي من الغيره مني و انا ما اتحملش
يقين بدأت تستوعب الحركه : لا متخافيش وريني الخلفيه
و مدت ايدها و اخدت الموبيل و برقت عيونها وهي شايفه صوره زين..
البنات : هههههههه
رنا : ههههه هتقولي ايه .. اعمل ايه لما جابت ريهام صورت زيزو في النمسا صورناه و حطيناه احنا التلاته خلفيه بموبيلتنا ذكرى يعني..!!!
ندى : ههههههههه احلي ذكرى
ريهام: هههههههههه تصدقوا حتى انا ما غيرتش الخلفيه
يقين بتفهم لطبع المراهقه : ههههههه اعتبرها صورة لزين المشهور مش امر خاص
رنا : ايه رايك اخد لك صوره وتبقي خلفيه مع زيزو
يقين بدلع مبحوح : لا ما اقدرش عرض مغري بس زيزو مش هيرضي
ندى بهزار : بس خلاص ناخدلكم انتوا الاتنين صوره مع بعض
ريهام: طيب ايه رايكم تكون الصوره الجماعيه لينا احنا التلاته معاك انتي زيزو
رنا وندى : ياريييييت
يقين بخجل : ممنوع اذا انا بتصور مش بحب حد يشاركني غير زيزو
رنا : يا عيني يا عيني يحق لك الغرور
ندى : لا حرام عليك ادينا فرصه تانيه
يقين : ههههههههه لا تانيه و لا تالته خلص العرض!!!!
قطعت عليهم الكلام مريم : يقين تعال اعرفك على ......
يقين انتبهت لنظرات ريهام المرتبكه و المركزه على البنت الواقفه مع امها
و البنت كانت تمسح يقين بنظرات حاقده متفحصه من قمة راسها الى اسفل قدميها نظرات ذات معنى
###############!

يا ترا مين البنت دي..
وتقصد ايه بنظراتها ليقين..
ياتري هتكون عثره جديده في حياتها مع يقين..
ام انها سحابة صيف في سماء زين ويقين