زفير القمر 🌑⚡(بين القلم 🖋والفرشاة🖌)

البارت الثاني(تقسيم المهمات)

"ده طلع جميل بشكل من حقك تستخبي عننا والله"

كانت تلك جملة ليلة بالطبع وهي تتأمل ذلك الحجر الرائع عبر البلورة
لحظات من الصمت التام سيطرت علي المكان ثم وقفت الملكة سليلة بشموخ أمامهم لكي توضح لهم وتجيب عن تلك التساؤلات في عيونهم قائلة

زفير القمر مختفي من سنين زي ما انتم عارفين بس حصل خلل في الحماية الي عليه مش عارفة ده حصل ازاي بس ده مش وقته الاهم دلوقتي ان سلفادور قدر يعرف مكانه لو وصل له قبلنا هتبقي كارثة..

تسلل القلق الي نفسهم وقد ظهر ذلك عليهم بشكل واضح فمن الواضح أن الأمر خطير للغاية أكملت الملكة سليلة
الحجر موجود في غابات المنطقة الفاصلة بينا وبين مملكة الديفلز الغابات دي ليها خمس بوابات لو قدرتوا توصلوا لمركز الغابات دي الوصول للحجر هيبقي اسهل بكتير لان بمجرد الوصول للمركز هتلقوا هدية هتساعدكم علي الوصول لزفير القمر

تسائلت غانية:
وايه هي الهدية دي ي جلالة الملكة؟!

اجابتها الملكة قائلة:
مش هينفع تعرفوها دلوقتي كل حاجه وليها وقتها المهم دلوقتي انتم لازم تتحركوا بسرعة قبل وحوش الديفلز ..انتم اقوي جنيات عندي وانا واثقة فيكم المملكة كلها واثقة انكم قدها💪

تحدثت جوزال بتردد موجهة حديثها للملكة:
بس ي جلالة الملكة انتي عارفة اني يعني بسبب الي حصل انا مقدرش انا ....

قاطعتها الملكة قائلة بحنو :
جوزال حبيبتي متخليش الي فات يأثر عليكي دلوقتي ،انتي من اقوي جنيات المملكة لازم تؤمني بنفسك انتي قد المهمة دي انا واثقة فيكي

أومأت لها جوزال موافقة علي رغم من القلق المسيطر عليها خوفا من أن تكون غير قادرة علي المواجهة ولكن الملكة قد وثقت بها علي الرغم من فقدانها جزء كبير من قوتها في اولي حروبها لا لن تخذل الملكة تلك المرة ستعمل جاهدة وستثبت كفاءتها
أكدت بيسان بثقة علي حديث الملكة سليلة قائلة:

أوامرك ي جلالة الملكة احنا هنبذل كل جهدنا وهنوصل لزفير القمر باسرع وقت ....

ثم انحنوا جميعهم امامها باحترام وشرعوا في الرحيل وهي تودعهم بابتسامة ثقة وفخر

علي الجانب الآخر في مملكة الديفلز

"فهمتو دي مداخل الغابة خمس بوابات والسر في المركز طبعا كل المعلومات دي سليلة عرفت بيها واكيد هتبعت جنياتها علي هناك انتو لازم توقفوهم باي طريقه تموتهم تعطلوهم اي حاجه بس تجيبولي زفير القمر لحد عندي ..