صبرا يانفسي

قصه واقعيه جميله
تتحدث عن معاناة شابه انباريه
ولكن لن تستمر هذه المتاعب
عنوان القصه (( 🔞صبرا يانفسي 🔞))
🔞🔞🔞🔞🔞🔞🔞🔞🔞🔞🔞🔞🔞
حصرا للكاتب (عصام الدليمي)
تابعوني حتئ يصلكم كل جديد

بارت 1

‏"أنا شخص قد تعثّر و استقام، إنحنى و اعتدل،

إنهار و استقوى، ثم صار يعرف حدوده مع ا

الحياة والناس، متى يواجه، ومتى ينسحب،

ومتى لا يلتفت أبدًا..،،،،،،،،

سماهر انباريه عمري  32سنه ارمله ماعندي اطفال جميله جدا اعشق روح البداوه يعني الصحراء والصيد والسفرات الئ صحراء الانبار
احس راحتي هناك من كنت بنت اني هيج طبعي اعشق الانبار وافتخر بالعادات والتقاليد
عائلتي ناس علئ كد حالهم بابا موضف
وماما ربة بيت اخويه علي طالب وكولش كسلان
تزوجت من شخص اردني سنة 2005
كان يجي لبيت خوالي يشتغل وياهم يجيبون
سيارات من الاردن يبيعون بالعراق
وجنت اروح كل فتره ازور خواالي مره شافني يمهم وانعجب بيه وكال لجديتي واجت حچت ويه اهلي وصارت القسمه بس اشترطت ابقئ،بالعراق وقريبه من اهلي وافق واتزوجنا بعد زواجنه بسنه انقتل علئ، طريق طريبيل هو وخالي قتلوهم الامريكان
المهم هاي نبذه مختصره عن زواجي السابق
تشكلت الحكومه وجانت الاوضاع بعدها زينه
ماكو شي يخوف لكن بعد سنة الـ 2006 دخلو
تنظيم القاعده وهجمو الانبار وكل يوم معارك
مع الامريكان ورعب وقتل صار الواحد اذا يريد يطلع من بيته يتشاهد علئ روحه لان مو ضامن الرجعه لبيته ابد
المهم مره بنهاية سنة 2006 صارت معركه كولش قريبه من بيتنا
والدنيا احتركت طبعا جانت الساعه 1 نص الليل
بابا معلمنا من يصير شي كلنا ندخل جوه الدرج
اخاف ينظرب البيت الدرج قوي يعني بي امل
ينقذ حياتنه
احنا جوه الدرج ونسمع الباب يندفر
بابا كام يريد يطلع وماما وعلي لازمي
عصب عليهم وكال وخرو خلي اشوف منو بالباب
وطلع بعد اقل من 3 دقائق سمعنا صوت طلقات
وماما صاحت دخلو الامريكان وياهم الجيش
وسحبو علي اخويه اخذو لغير مكان واحنا نعيط
الكهرباء طافيه ومنشوف بس الاضويه مالت سلاحهم
وماما تتوسل بيهم اجئ المترجم وكال الها لتخافون زوجج جان ارهابي وقتلو الامريكان
يبوو اني كلبت الدنيا بالعياط وماما فقدت مرتين
دخل واحد من الجيش العراقي
گام يغلط ويسب بينا كال انتو ارهابيه ومتستحون ولو بيدي هسه حتئ انتن اقتلجن
المهم طلبت من المترجم بس يشوفني بابا
للمره الاخيره وكال تمام
طلعت ويا وماما فاقده بس من شدة الموقف
مااهتميت الها
طلعت لگيته بالكراج ضاربي بصدره اويلي عليك بابا وين رحت وتركتنا كال المترجم
يله اخذي امج وديليني علئ احد من اقربائكم
ناخذكم يمه لان البيت لازم تفتيش دقيق وراح يبقون بي الامريكان
كلتله ماشي بس اخويه وين كال اخوج اعتقلو
يحققون ويا
ولتناقشين ابد يله رحت اسحل بماما سحل
والمترجم وياي والجيش والله العظيم بس يغلطون ويفشرون
ولا قبلو يساعدوني ابد
المهم ،،،،،،،،،،