#الــشــهيـــد 💕🖇
#الــبارت (5) 🖇💕
عبايتها باهته اضحكك ،
انا انصدمت وتلفتت للبنت
البنت : ههههههههههه
انا : قعدت واقفه نشوفلها ومصدومه في كمية التفاها متعها
البنت : شافتلي وسكتت
وانا تلفتت وكملت طريقي
قعمزت في الجردينا نفكر وحايره
صح الفقر مش عيب لكن الناس بدت تحكي بالمال ،
أخخ ربي يهديهم لو عاشوا ربع اللي عشته راه ماحكموش عليا بـ هكي
سمعت صوت بنت وراي تلفتت :
البنت : ابتسمتلي
وانا نفس الشيء
جت تهدرز عليا :
شهد : جديده
انا : اي
شهد : حسيت بيك مستغربه
انا : هههه اي
شهد: انا شهد وانتي
انا : راسيل
شهد : ع الاسامي
وتعرفت عليها عجبتني هلباا وقعدنا نهدرزو
قعدت معاها لعند روحت مع نورهان
وروحت اخديت من ماما فلوس وطلعت انا وجنات رافعنا خليفه للسوق
شريت حاجات انا وجنات ،
وروحنا
واحنى خاشين نضحكوا ونهدرزو مع خليفه
لقيته قارن حواجبه 🤨 ومتعقد مقعمز قدام الحوش :
جنات: تربح نزل هالحاجب
وخشت تجري تضحك
وانا وراها نضحك
خليفه قعمز جنب شهيد
شهيد : وين رفعتهم
خليفه : درت بيهم للمحلات
شهيد: اها كويس
" كان بيسأل خليفه لو راسيل تكلم فيه بس تحشم في لاخير مايقدرش يسأل خوه هك "
خليفه : فيك شيء شهيد
شهيد : نفكر في هالبلاد اللي ماتبيش تمشي القدام
خليفه : شن صاير
شهيد : مش مطمن والله حاس كلام مراد الله يرحمه حق
خليفه : دواعش قصدك
شهيد : ايييييي
خليفه : ت لالا مراد لاعبين بعقله
شهيد : حاير والله لكن اخيي ياراجل تحارب في خوك والله اخخي للوح 💔"
أنت تقرأ
رِوَايَــــه : الشـــهـــيــدْ"مكتمله"
Romanceروايه منقوله : للكاتبه : رورو عاشور روايه ممتعه تمثل واقعنا أحداثها مشوقه.. و سلمت آنامل الكاتبه ع روايه هذه الحروف الجميله أثمن لكم قراءه ممتعه__
