البارت الرابع
متى تشعر بي
كل هالسنين المرت ماكانت اكو قصه بحياتي غير حبي الصامت ولكن فجأة باليلة
ويوم صارت عندي قصه ومااعرف وين راح تنتهي
قصتي الي بديتها بشخص احبه وظهر بيها شخص يحبني
من بعد هالمرة قررت انو ابتعد قدر الامكان عن اوس وعن شاهين وعن بيت خالتي عن كلشي
يذكرني
بيهم
اصريت على امي انو نرجع للبيت
ورجعنا لبيتنا ماتحملت بعد ابقى واسمع شي واشوف نظرات اتهام
ومر 22يوم كامله على اخر مرة شفت اوس
وعن اخر مرة تنفست
لان اني بس من اشوف شاهين اتنفس
شاهين جان بطل احلامي
الفارس الي تحلم بي كل البنات هو جان فارسي
الي جنت اعيش وياة بقصه انسجها من خيالي
يكفيني اعيش شعور الجنون من اكون وحدي لان احسه موجود ويايه احسه حتى ينام ويايه على نفس المخدة
ميفارك حلمي مرات اكول لنفسي
اني مريضه اكيد لان مامعقوله هيج افكر
وميصير اتخيله هو سراب هو وهم موحقيقه
هو مو يمي انفاسه وخطواته مو هنا يم
الي يحبها
جنت اتمنى يحبني ويكولون شاهين يحب هيلين
واحس نفسي مغرورة بحبه
بس ليش كاعدة احلم وهذا الحلم اكبر مني ميصير
اباوع على النجوم
لازم اخلي عيني بالكاع حتى لااوكع وتوكع الدنيا عليه حتى لااندفن بتراب فشلي
هاي الايام بدأ البرد يزيد وبدينا نفتح صوبات
وكانت ايمان عدها امتحانات فجانت تحب تكعد بصف الصوبه تقرأ
لمن كلنا دخلنه نام وصينا ايمان تسد الصوبه
لان جنا نخاف لايصير قدر واحنابيتنا تعبان كلش
وكل الكهرباء كانت ظاهريه بالحايط ومبينه
فكنا نخاف من النار او من حريق
ولكن غباء ايمان خلاها تدخل تنام وتترك الصوبه مفتوحه الصوبه كانت كهربائيه ومفجور الراس مالها وماخذ ة الكهرباء كلها وهذا تسبب بحريق البيت
اني نايمه وايمان نايمه يمي بالغرفه حسيت على صوت مثل الانفجار ودخان
كمت ارجف وطلعت مثل المخبله على اهلي
ومكمنا نشوف شي الدخان مله البيت والهول مالتنا كان عبارة عن لهيب
كمنا نركض وطلعنا برة البيت
وكامت امي تعيط واخويه يريد يدخل واني هم ردت ادخل حتى
نطفي النار بس امي خافت علينا
وكامت اجرنا وتعيط والتمو الناس والي بقه يتفرج والي كام ياخذ مي ويطفي ويلي يكلنا تعالو
دخلو لبيتنا
وبلحظات البيت كله حترك
سبحان الي طلعنا منه
ورا ماطفت النار البيت
صار عبار ة عن كتله سودة ومخلف فوكاه
غيمه من الدخان
بدو العالم يدخلون لبيوتهم
وامي كعدت على الرصيف وتضرب على رجلها ودكول
....يارب وين انطي وجهي شلون نعيش مابقى بالبيت شي
ياربي لو حاركني بالبيت وماخذ روحي جان احسن جان خلصت وارتاحيت ياربي
دليني الطريق يارب هو بس هالبيت املكه لامني اني وجهالي
وهالمسكين المقعد وين اروح يارب
وين انطي وجهي بيهم
طلعت بيت جوارينا وكومت امي بكوة ودخلتها يمها ودخلنا ابويه
ودخلت كعدت يم امي وابويه وشويه ودخلت ايمان ودخل
اخويه علي
كال خابرت اوس
كتله
.....وليش خابرت بله
....شمدريني خابرته وكال هسه اجي
ماما كالتله
...اي زين سويت
....شنو الي زين
...لجادليني اني بيا حاله
ورجعت دك وتلطم وتبجي
وشويه ودك تلفون اخويه علي
كال
....هذا اوس
....الو ها اوس ها انت برة هسه اطلعلك
وطلع علي وكمت طلعت ورا
وكفت باب الشارع شفته وكف سيارته ورا سيارة شاهين لان هما كاعدين بنفس المنطقه بس من شفته
كلبي تخربطت دكاته بس لمحته
يمكن لو هو مالتي ويخصني جان ركضت عليه وخليت راسي على صدرة
ونسيت الخوف الي عشته
نزل اوس ركض واجى عليه
كمشني من جتفي
...وعيونه بيها قلقل وخوف
..... هيلين انتي زينه بيج شي
يوجعج شي امانه الله كوليلي
....مابيه شي والله كلنا مابينا شي الحمدلله
علي كله
....امي وابويه جوة تعال
مشى وجان يلتفت عليه ودخل جوة ديطمن على اهلي
باوعت شاهين طالع بهدوم البيت وحتى جاكيت ملابس
والدنيا جانت باردة وجان لابس نص ردن
خفت عليه ماخفت على نفسي
اجاني يمشي وكف كدامي وظل يباوع بوجهي
ولااول مرة عيونه بيها نظرات مختلفه
ماشفت بيها البرود شفت بيها شي غير كل مرة من اباوع بيها
......الحمدلله انتو بخير
.....نحمد الله شكرا لانك اجيت
..... خوما تأذيتي هيلين
....لا
....جنت قلق عليج قصدي عليكم
.....ليش هيج ملابس سترة او جاكيت
باردة عليك
غمض عينه وفتحها
.... من زمان حياتي باردة مو هسه صارت باردة
متعلم على البرد
.....انت شمدريك
....امي كلتلي خالتي فوزيه مخابرتها من اخوج مخابر اوس وخابرتنا وكالتنا
....جنت نايم اكيد
.....اي
....مجان بيها داعي تجي
.....ليش متريدين وجودي
......لا شلون مااريد يعني اكيد اريدك تجي بس اوس اجى
واصلا اني ماقبلت انو علي يخابر احد بس هو مخابر بلا ماادري
....احنا اهلج ولد خالتج ولازم نوكف وياكم
خلي ادخل اشوف اهلج حتى تجون ويايه للبيت
...لاماكو داعي
،....لعد وين تبقون يعني عدكم كومه اهل
وتريدون تبقون بيت الناس
.....لا نرجع لبيتنا
...انتي تخبلتي شي هو شباقي بيتكم
الظاهر الهبطه اثرت عليج
...شكو
....اندار شاهين جان اوس
وانت شعليك اجيت مناك لهنا دكول شكو ليش انت شفت
