البارت الثامن
متى تشعر بي
ورا كل مرة يدير شاهين وجه عني ياخذ شي مني
يسرق جزء مني نوبه ياخذ كلبي ونوبه روحي
ونوبات يسرق النفس الي بيه ما
بس هالمرة لازم من طلعته من هاي الباب اطلعه من كلبي
اني ماأرضى اكون حطام ماارضى انذل علمود كلبي
شنو يعني قابل اموت اول وتالي انسى
درت وجهي ودخلت لبيتنا الأظلم الي لون الحرك مالته
صار اهون من حرك كلبي
صاحتني ايمان
....هيلين.
.....ها عيني
.....امي تريدج
....اي يله جيت
رحت شفت امي مدده ومتغطيه بطانيه ولافه راسها
وجيس الدوة يمها
....ها ماما
....تعاي انطيني الدوة ايمان متعرفه
...اي
صحت ايمان جابت مي
شربتها دواها وكعدت ونتجت على الحايط
...كالت
....يايابه الحايط يلجع من البرد
رحت خليت مخدة ورا ظهرها
...هيلين
...ها ماما
....شبي شاهين
..مابي شي
أشرت لاايمان تكعد
.....شوفي بنتي اني اعرف الماضي واعرف عينج منه وعينه منج من انتو جهال
اكذب عليج اذا اكلج ميريدج لا يريدج من عيونه
وبالخطوبه مالته اتأكدت
....من شنو
....انو هو نفسه بيج
لمن جنتي تحجين ويااوس هوجانت عيونه عليج ينتطر
حركاتج بس يهرب من عيونج من تباعي
بس ياامي احنا ليش نعيش بلاحلام ليش مااجى خطبج اذا يحبج
تريدين ننطي فرصه للعالم يلعبون بمشاعرنا ويدكون بوبنا ويركضون يابنتي اني كسرت ظهري عليكم
عيوني بيضت علما كبرتكم لاتخليني اموت بحسرتي عليج طلعي من بالج خلي يروح يعيش والله يهني
وانتي هم عيشي
.......ان شاءالله ماما
.........اعرف موسهل يكبر وياج انسان وانتي عينج عليه وبعدين يجي ظرف يمنعج من كلشي
حتى من الهواء الي تتنفسي
احنا مجبورين يابنتي نتعايش ويا وجعنا لحد مايطيب
لو يموتنا لو نموته للوجع
.......ان شاءالله
......اني ماعندي غيركم ومااريد شي من رب العالمين غير اشوفكم مرتاحين وسعيدين
والله بصلاتي ادعي اكله ياربي موتني اني واخذ روحي ولاتشوفني شر بجهالي
.....لااسم الله عليج عمرج طول احنا بدونج ما نسوه شي
.ودربالج يمه على اخوتج انتي الجبيرة انتي الي راح تكمشيهم
حتى اذا اجى يوم وازوجتي لتتخلين عنهم وهذا اخوكم علاوي فدوة لعمرة هلالله هلالله بي
وارجع واكلج اذا شاهين قسمتج والله والله
لو الدنيا كلها ترتكب وتريد وتحاول يمنعو حتى لايتقربلج
مايكدرون وصيري قويه لصيرين ياامي رجيجه
لتخلين ياهو الجاي هازج حتى الرجال ميحب المرأة الضعيه جمال المراة بقوتها بسباعيتها
خلي كلمتج يمه مثل الرجال سيف
الله اكيد ضاملج شي احلى كون حظج انتي واخوتج احسن من حظي وحظ ابوكم هذا الرجال المعتر
....والله ياامي ابويه صدك ماكو منه
.....اوف اوف ابوج
ابوج النسمه الحلوة الي بحياتنا عاش عمرة ميأذي بشر بس يأذي نفسه بفقرة بفهاوته
محلو يابنتي الرجال الفقير
...ابويه رجال محترم
....الاحترام شي والفقر شي لااصير ظالم واطغي
وابطش بالناس ولااخلي الناس تاكلني
اصير رجال بكل وقت اخلي الناس تحسبلي الف احساب
الناس بالمنطقه يخافون مني ميخافون من ابوكم
يصير هيج وفوك كل هذا حظه ورزقه قليل واكول الحمدلله والشكر
...الحمدلله على كل حال الله كريم ماما دوام الحال محال
....وشي ثاني
...شنو
.....معليج بعد بيت خالتج ولااريد احسج حاقدة
عليهم ولاتحسين هما احسن منج
ولاعبالج طيبه كلبي وياهم غباء بس خواتي
هسه انتي متحنين على ايمان موتخافين عليها اكثر من نفسج مو تحبيها
...بس بيوم الي ايمان تعاملني على انو اني اقل منها لا
هذاك الوكت يتغير كلشي
....لج انتي شايله طيبت قلب بكد الدنيا. بس ليش حاقدة عليهم هيج علمود شاهين لو علمود اوس
بنتي طلعيهم من حياتج حتى ادكدرين تعيشين ترة الحقد يمرض الانسان
....ياامي تعرفيني احقد على بشر اني
بس ليش هيج يعاملونه دائما يحسسونه احنا اقل من عدهم واذا فقره واذا ابويه رجال على كد حاله هيج
يتعاملون ويانه
شنو الفقر عيب
والله ياامي ماجنت احس احنا فقره الا من اشوف خواتج
ويكومن يعيرون ويغيرنج على القسطني وكل شويه وكايليلج ليش متشترين تحفيات تخليها بيتج ويضحكن و ليش متبدلين البردات مال صاله خاف يجوج ضيوف ويضحكن
كل قصدهن يضوجنج ويحسسنج انتي ماعندج
وانتي جنتي اسكتين لو مرات تجين ودمعتج على خدج
وبيومها اعرف سمعوج حجابه قويه وبلعتيهاً
بس ماكدرتي تبلعين دموعج
ياامي الله خلقنا طبقات هاي حكمته هيج
مو خلقنا ناس تعير بناس
والله ياامي مااهتم اذا كاعدة بقصر لو كاعدة بغرفه
بس صعبه واحد يباوعلج بنظرة اقل منه دكولين
الله خالقنا مختلفين
سبحان الله الناس اصير عدهاشجع وعدها حقارة من يشوفون واحد فقير
....اعرف بيج والناس موكلهم سوه لا مثلا هاي ام اسعد مو غريبه شفتي شلون
وكفت ويانا وساعدتنا لابنتي الناس مادكاطعت بس دورات حظ الانسان يوكعه بشله منافقه وتافة
توكلي بالله وذبي حمولج على ربج وتوجهي اله وصلي فد ركعتين وادعي بنيه طيبه وكلب صافي
وخلي بالج الدنيا بعدها بخير
باوعتها بحزن
وكتلها
...يعني بعد مااحزن ياامي
ابتسمتلي بنظرت ام
بنظرة مليانه حنيه نظرة تحسسني انو لو الدنيا كلها
