.احمد البصري:
.احمد البصري:
البارت الرابع عشررررر
متى تشعر بي
شاهين راح وراحت ويا كل حبال الوصل مابقى غير
يوم واحد يفصلني عن حياة جديدة
وعن رجال راح ياخذ كلشي مني ورغم انو اني حقه
بس اني احس انو اني مو من حقه
ويا حفنت التراب الي ملت الجوو من تحركت سيارة شاهين ويا هاي الحفنه من التراب طارت اخر احلامي
راح امضي بطريقي وراح يظل اكو شي بداخلي مستحيل يكمل
واكيد بداخل كل شخص سر وألم وندم ولحظات انهيار ولحظات قوة ولحظات شجاعه بس محد يعرفها بس هو
اني مثل الطير الي نولد بقفص وعاش بهذا القفص
وظل يعتقد بانو الطيران جريمه او ظل يعتقد بأنو هو ميعرف يطير
بقيت احجي ويانفسي واكول
مثل مادخلت لقلبي ياشاهين لابد تطلع بس شوكت ماادري
كون تلكي الخير وين ماتكون ماكدرت اكرهك
ولا لحظه برغم جرحك الجببر الي ماكدرت احقد عليك
حتى من حسيتك مكسور حسيت هذا الكسر بكلبي
ومن كلتلي انتي بنتي واخذوها مني كلبي
نشف دمه
والدنيا نملت غيم
دخلت جوة ورجعت الم بالغراض جتي امي كالتلي
....منو اجى
....شاهين
....جابه
.....ديسلم عليه
....ليش وين راح يروح
....مااعرف
جنت دالم بالغراض بس حسيت بحسرة
عفت الملابس من يدي وكعدت
...شبيج بنتي
...مابيه شي
....شكلج هيج و لونج نخطف
....ماكال شي غير جم حجايه توجع
....سلامتج يمه من الوجع
....الله يسلمج ماما ادعيلي كلبي يهدء ويبرد
....الله ينور دربج وطريقج وتشوفين الراحه والسعادة
...ان شاءالله
ورا ساعه
دك تلفوني جان كاميران
.....الو هلوووو
....هلو هيلانه شلونج شدسوين
...الحمدلله زينه كاعدة دالم ملابسي
.....كلشي زين مامحتاجه شي ماعندج شي تريدي دكولي
....لا
...اني عندي شي اريد اكوله
....شنو
... لحد الان راح اسئلج انتي مقتنعه بلي دسوي قصدي بالزواج
...اي اكيد
... لاعبالج اني شخصيه مهزوزة وضعيف وداسئلج واني مو واثق بس هاي الشغلات مابيها ثقه هذا احساس بكلبنا
لو موجود لو مموجود
لان المشكله الاحساس مينولد من العدم
الاحساس ينبت بداخلنا مثل الزرعه وبعدها يكبر
واما تكون هاي الزرعه احنا الي نحصدها اما غيرنا
يعني حبج اما الي اما لغيري
سكتت
...وين تريد توصل كاميران احنا باجر عرسنا
....مجاوبني على الي كلته
بس كلي
.... تعرفين اني حبيت مرتين بحياتي الي حبيتها هوايه جانت زميلتي بالكليه
بوكتها خطبتها بس ابوها ماقبل لان جنت بعدني طالب
وكلي اني ماازوجها اريدها تخلص
وطمنت كلت لمن اتخرج ازوجها بس فترة كامت مداوم
ولمن رجعت اداوم
جانت لابسه حلقه كالت اخذني ابن عمي
ابن عمها المتخلف الهمجي
وانتهت قصتي وياها
اما الثانيه فهي انتي حبيتج يمكن مااكلج للمرحله االي اتصيبني بالجنون بس حبيتج نعجبت ببج برغم سكوتج وبرودج وتعلقت بيج كمت مااكدر انام اذا مااسمعج تحجين ويايه
تعلمت عليج بحياتي
بس مااعرف شنو ا احساسي اتجاهي بس مااريد اسمعه
اريد باجر احسه من انتي يمي
....ان شاءالله
...روحي نامي ارتاحي باجر وراج كعدة من وكت
...صحيح
...ماسئلتيني اليوم شنو الي صار
....شنو
....ليش موتعرفين اليوم عزمت اصدقائي بمطعم
....اي موكلتلي البارحه راح تعزم اصدقائك
....بس شاهين جان موعلى بعضه وكلي انو هو عاف خطيبته وجنا كاعدين وهو
طلع وين راح ماادري متغير كلش شاهين
... ماادري ان شاءالله يلكي وحدة سعدة
....اي ان شاءالله
يله تصبحين على خير
...وانت بخير كاميران
سديت التلفون وعدلت فراشي وخليت راسي على المخدة
وتغطيت ونمت واحلامي جانت كلش هوايه بس كلهن
جنت بيها تعبانه واركض وانهزم من شي
وحسيت على صوت الاذان
كعدت كلت خلي اصلي فد ركعتين بلكي كلبي يبرد
توضيت وفرشت السجادة
وكمت اصلي ولمن خلصت الصلاة كعدت على السجادة
وظلت دموعي تنزل
بلا صوت امسح دمعه توكع بدالها عشرة
دعيت الله يريحني
وكمت وشلت السجادة ورحت للمطبخ وشفت ابويه كاعد
رحت كعدت يمه وظليت احجي وياة وبعدين خليت راسي بحضنه وهو ظل يسولفلي ويحجي عن الحياة وانو كلشي تجربه وكلشي يمر
ويتغير
وبعدها دخلت سبحت وطلعت لبست جبه لان داروح للصالون اجتي ويايه للصالون بيت جوارينا
رحت للصالون
وبقيت كاعدة انتظر لان كانت اكو عروسه قبلي
باوعتها جانت طايرة من الفرح وكل شويه يدك تلفونها
ودكله حبيبي شبيك مستعجل وتضحك
واني حاطه يدي على خدي ولازمه نفسي
وخابرني كاميران مرة وحدة
وخابرتني ايمان
..... صباح الخير هيلين
....صباح الخيرات امونه
...خابرت علاوي كلي بالصالون
....اي
.....شلونج حبي خوما ضايجه
...مختنكه موضايجه مداحس اني راح انزف داحس ميته وراح يشيلون تابوتي ويمشون
.....اسم الله الرحمان ليش هيج ياكلبي فرحي يمعودة هي ماشيه هسه تتعودين شلون اني تعودت
وكمت اسكت ومااهتم
...ان شاءالله
...روحي حبيبتي كملي واني اخابرج بعدين
....ايمان
...ها حبيبيتي
....تحبي لرجلج
.....لا وفوك هذا يجرحني ويخوني ويشرب بس متحمله
وساكته لحد ماالوضع شويه يتحسن وارجعلكم
....سودة عليه جنت اعرف بيج مامرتاحه واسئلج وانتي ماتحجين
...مااريد
