الحلقات 1_2_3
جمعتنا صدفة
الحلقه الاولي
في مكان ما في الاسكندريه في بيت ليس يكبير ولا صغير تعيش هدي وشادي وجميله
جميله من المطبخ ياهدي يا شادي اصحوا بقا الساعه8 انا عايزه انزل الشغل
هدي. في اوضتها حاضر حاضر
هدي بشرتها بيضه وشعرها اسود متوسط الطول وجسمها مناسب ليا ومش طويله اوي
صحيت هدي ولبست وصلت وطالعه من الاوضه
هدي.صباح الفل يا ماما عامله ايه
جميله. صباح الورد يا حبي هبقي كويسه لو صحيتي اخوكي عايزه انزل
هدي. حاضر هخش اصحيه اهو
دخلت هدي اوضه شادي شادي في 3ثانوي
هدي. ايه الاوضه ديه مزبله يخرب بيتك يا زفت يا الي اسمك شادي انت
هدي بصوت عالي. شااااااااااااادي اصحي ياض الساعه 12 الضهر اتاخرت علي درس الفيزيا
شادي قام مره واحده بيجري يدور علي هدومه عان يبلس وهدي ميته ضحك
هدي.انت بتعمل ايه
شادي. اتاخرت على الدرس ومسك موبيله يهزق احمد صاحبه بس شاف الساعه لسه 8
شادي. يا بارده وطلع يجري وراها في الشقه هدي بتنادي علي مامتها يا ماما يا ماما ابنك هيموتني
جميله. خلاص يا شادي سبها انا الي قولتلها تعمل كدا اسكت بقا
شادي. ليه كدا يا ماما حرام عليكي انا قطعت الخلف خلاص
هدي. عادي ما ماما من ساعه مصحياني وبتقولي الساعه 8 اصلا
جميله. بطلوا رغي انا نازله وانت يا هدي اكلك انت واخوكي علي السفره كلوا وانزلوا باي
هدي وشادي. باي يا قلبي
هدي.انا نازله عشان سهي جت تحت البيت باي
شادي. مش هتاكلي
هدي. هاكل في الجامعه باي
شادي. باي
شادي اكل ولبس وراح درسوا
في عربيه سهي
سهي. كل دا يا بنتي هنتاخر عندنا محاضره بدري
هدي. معلش يا سو يلا بينا
سهي. طيب بقولك
هدي. قولي
سهي. فاكره الشركه الي قولتلك عايزين ننزل فيها تدريب
هدي. اه مالها
سهي. بعت الورق بتاعنا هناك واتقبلنا يا بت
هدي. الله بجد انت بتتكلمي جد
سهي. اه والله بتكلم جد
هدي. هنروح امتي طيب
سهي. انهارده بعد المحاضره
هدي. الله طيب اشطا هقول لماما
هدي كلمت مامتها ومامتها وافقت وهيروحوا
هدي بتجري. يلا بسرعه المحاضرة هتبدا والدكتور رخم
سهي. براحه قطعتي نفسي
دخلوا المحاضره وخلصوا وطلعوا يقعدوا شويه َبعدين راحوا الشركه عشان المقابله
اتفاجات هدي بان الشركه هي احد شركات المحمدي
هدي. الله بصي يا بت الحلاوه
سهي. اه حلوه اوووي يلا بينا نخش
هدي وهي داخله اتكعبلت وخبطت حد غصب عنها
الشخص. مش تحاسبي يا بتاعه انتي
هدي. ايه بتاعه ديه اتخبطت غصب عني مالك
الشخص. انت اصلا ايه الي جايبك شركه المحمدي
هدي. شيء ميخصكش اصلا بعد ازنك
واخدت سهي ودخلوا الشركه..
دخلت هدي وسهي الشركه واتقبلوا وهيشتلغوا فيها من بكره
هدي. انا هعيط انا فرحانه اوووووووي
سهي. وانا كمان والله الحمد لله
هدي. انا عايزه اروح مش قادره
سهي. اشطا يلا
سهي وصلت هدي وروحت....
الحلقه الثانيه
الشخص بعد ما خبط في هدي اتخنق انها ازاي متعرفهوش دا اسر المحمدي صاحب الشركه
اسر. والله لرويكي يا بتاعه انت
بعدها ذهب لصاحبه ياسين صاحب عمره وحكالوا
ياسين. هههههه اخيرا لقيت بنت تقف في وشك يا اسر يا محمدي
اسر. والله لوريك يا حيوان وقام يضربه
ياسين. خلاص والنبي انا عندي عيال عايز اربيها
ييجي محمود ابن ياسين ويشوقهم بيضربوا بعض بهزار
محمود. ايه دا يا بابي انكل اسر بيضربك زي مامي
اسر. هههههه وعاملي فيها شبح اتوكس
ياسين. عيب كدا يا محمود انا بهزر مع مامي ملكش دعوه خش جوه
محمود. حاضر يا بابي وباس اسر ومشي
اسر. وبعدين
ياسين. ولا قبلين انت تعرفها
اسر. لا
ياسين. معاك رقمها
اسر. انت غبي لا
ياسين. يبقا خلاص مش هتشوفها تاني انسي يا معلم
اسر. طيب انا همشي بوسلي محمود
ياسين. سلام يا صاحبي
ذهب اسر فيلته عايش هو واخواته مازن ودنيا وباباه
اسر. السلام عليكم
مازن. وعليكوا ماسلام يا خويا اتاخرت ليه يا عم انت
اسر. عم!!!
مازن. اه مالك خليك فرش كدا
اسر. حل عن دماغي انا مش فايقلك خالص
مازن. مالك في ايه
اسر. مليش عايز انام
مازن. اشطا
اسر. فين دنيا وبابا
جت دنيا من غرفتها وباست اسر انا اهوو
اسر. اهلا يا دودو فين بابا
دنيا. نايم من بدري
اسر. طيب تصبحوا علي خير
دنيا.وانت من اهلو
مازن. وانت منهم
عند هدي كانت في زياره لجدتها مع مامتها وشادي ولقو هناك مروان وايه
هدي. سلاموا عليكوا
الجميع. وعليكوا ما السلام
هدي سلمت علي الكل وقاعده جنب جدتها
مروان. عامله ايه يا هدي اخبارك
هدي. الحمد لله والله كلنا بخير
ايه. اخبارك ايه شكلك تعبان اوي
هدي. لا انا تمام اوي
ايه. لا شكلك خاسه اووي وعينك تحتها اسود
هدي ببرود.ما انت عارفه هندسه بقا
ايه. بس انت لازم تشوفي حل
هدي. حل لايه
ايه. عشان عينك وجسمك
هدي. والله انا جسمي عاجبني ومناسب ليا وعيني عشان كنت بحضر المشروع
مروان. مشروع ايه
هدي. مشروع مهم تبع الجامعه والحمد لله خلصتوا واتقدم
ايه. مضيعه للوقت اصلا
هدي ببرود. لا خالص انا بسبب المشروع دا هشتغل في اكبر شركه في مصر
ايه. سركه ايه غزل ونسيج
هدي ببرود. لاااا لااا انا هشتغل في شركه المحمدي اظن عرفاها صح
ايه بغيظ. اه عرفاها اصلا هيمشوكي قريب
هدي. هنشوف
مروان بحرج من اخته. يلا بينا يا ايه يلا انا اسف ياهدي
هدي. لا ولا يهمك انت ذنبك ايه بس
مشيوا مروان وايه واول ما نزلوا هدي كانت بتغلي علي قد ما كانت بتحاول تكون بارده تعبت من جواها ومشيت هي ومامتهاوشادي
عند ايه ومروان
مروان. ايه الي نيلتيه دا
ايه. انت محموق لها ليه ما انت عارف الي حصل زمان
مروان. الي حصل زمان احنا ملناش ذنب بيه افهمي بقا
ايه. ربنا يسهل
هدي كلمت سهي تحكلها
ياسمين. يا بنت ال
هدي. حاسه اني عايزه اولع فيها اصلا
سهي. والله لاوريها امو مناخير كوبري استلي ديه
هدي بضحك. ههههه فصلت
سهي. خلاص بقا فرفشي كدا
هدي. حاضر باي
سهي. باي
تاني يوم الصبح
صحيت هدي ولبست ونزلت مع سهي
سهي. صباحوا
هدي. صباح الخير
سهي. بصي بقا عندنا محاضره الاول وبعدين هنطلع علي الشركه
هدي. اشطا
سهي. ايه الحلاوه ديه ابت
هدي كانت لتبسه فستان وعليه جاكت جينز وكوتش ابيض وطرحتها طبعا وميكب خفيف جداااا
هدي. فين دا بس دا احنا هنشوف بلاوي في الشركه
سهي. ملناش دعوه
ذهبت سهي وهدي للجامعه
عند اسر في فيلا المحمدي
اسر. صحي ولبس بدلته ونزل عشان يفطر سلم علي اخواته وباباه
كريم المحمدي. صباح الخير يا حبيبي عامل ايه
اسر. تمام
كريم. بقولك عندنا بنتين تدريب وبعدين نشوف هنوظفهم ولا
اسر. حاضر اساميهم ايه
كريم. الورق عندك في المكتب شوفهم وقولي
اسر. حاضر
اسر قام بص علي الورق وعجبه جدااا ورق هدي عشان كانت ليها تقديرات عاليه
اسر. بابا كويسين بس شكلنا هنوظف واحده بس
كريم. انهو واحده
اسر. هدي
مازن. بابا انا عايز اتجوز
كريم. تتجوز ايه يا اهبل
دنيا. مش تعرف هيتجوز مين الاول
كريم. مين
مازن. دهلوزه يا بابا(الكلب)
اسر. هو دا اخرك كلبه يا معفن
مازن. مليش دعوه
دنيا. اتجوزها وهتجيبوا عيال راس كلب وجسم انسان
اسر. لا وانا ابقي عم الكلاب
مازن. انا همشي بكرمتي احسن وهتجوز دهلوزه برضو
في الوقت دا الكلب هوهو
مازن. جايلك يا دهلوزتي
اسر. يلا ياض من هنا يلا بقا
مشي مازن وراه دنيا
اسر. مالك يا بابا كنت عايزني في حوار
كريم. بص يا اسر انت امك ماتت من 10 سنين وانا رفضت اني اتجوز عشان اربيكوا وانا خلاص كبرتكوا وكنت عايز اتجوز
اسر. هو انت ومازن انهارده وياتري هتتجوز حمار ولا ايه
كريم بضحك. لم نفسك يا ولد انا هتجوز واحده محترمه جداا وارمله وعندها بنت و ولد
اسر. ومالو يا بابا انا معنديش مانع وهكلم مازن ودنيا
كريم. تسلملي يا حبيبي
اسر قام مشي هو وكريم
عند هدي وسهي بعد الجامعه راحوا الشركه
هدي وهي داخله الشركه كلب من كلاب الحراسه هوهو وهي عندها فوبيا من الكلاب بعدت عنهم بسرعه خبطت في كريم وكريم بعد من الخبطه كانت هتقع بس اسر مسكها وفضل يبصلها وهي قريبه منه وعيونها الي تاه فيها وجمالها وريحه برفانها الي شهمها لما قرب منها مش زي الباقي فواحه متحركه هدي بتحاول تقوم بس اسر ماسكها جامد تايه فيها هدي قامت وقفت واسر رجع لعقله وقام اتعدل وهدي مكسوفه وبتحاول تعدل هدومها
اسر. انت تاني امبارح انا وانهارده بابا ايه انت حوله
هدي. انا مالي انت الي بتطلع مره واحده
اسر. المفروض امشي اقلب نور عشان متخبطيش فيا
هدي. علي العموم انا الي غلطانه اسفه ارتحت كدا
اسر. مش اوي
هدي كانت هترود بس كريم قاطعها وقال خلاص يا بنتي حصل خير وانت يا اسر خلاص
كريم. اسمك ايه
هدي. اسمي هدي
اسر. افتكر الورق وصورتها وانها هي الي جايه تدريب
اسر. انت الي جايه تدريب
هدي. اه انت عرفت منين
كريم. انا كريم المحمدي صاحب الشركه واسر المحمدي ابني
اسر كان هيرود بس باباه قاطعه واخدوه ودخلوا
هدي وسهي دخلوا الشركه
في مكتب كريم
اسر. ايه يا بابا دا
كريم. ايه
اسر. هتدخلها عادي
كريم. اه عادي هو يعني هي قاصده تخبط فيك
اسر. الله هو اعلم
كريم. بطل هبل وروح غرفه الاجتماعات عندنا اجتماع وكمان هنشوف البنات هتدرب مع مين
اسر. حاضر
في الاجتماع اتكلموا عن الشغل وبعدين
كريم. احنا يا جماعه عندنا بنتين تدريب هنشوف مين هيدربهم
اسر. انا برجح عبد الرحمن و فادي
كريم. اختيار موفق ناديهم يا مني
مني السكرتيره. حاضر يا فندم
نادت عليهم ودخلوا
هدي كانت خايفه اول مره يحصل معاها كدا بس سهي كانت معاها
دخلوا وفادي اول ما شاف هدي عجبته جداااا
كريم. تحبوا تتدبوا مع مين
هدي. مش هتفرق معانا يا فندم احنا جاين نتدرب مش اكتر
اعجب كريم جدااا بهدي وكذالك اسر بس طبعا مش هيقول
كريم. تمام عبد الرحمن انت هتدرب سهي وانت يا فادي هتدرب هدي
اسر اتغاظ من فادي لانو من اول الاجتماع عينه علي هدي
كريم. يلا كله علي شغوا
خرج الكل وراحوا علي مكاتبهم
فادي. اهلا يا انسه هدي
هدي. اهلا يا استاذ فادي
فادي. يلا نبتدي
هدي. تمام
فادي. دماغك حلوه جدااا
هدي. شكرا
فادي. شكلك حلو جدا
هدي بغضب. افندم ياريت نخلينا في الشغل وبس
فادي. احم اسف
اشتغلوا كتيير وهدي اتعلمت حجات اكتر
عند سهي
عبد الرحمن. اهلا يا استاذه
ياسمين. اهلا
عبد الرحمن. يلا نشتغل
سهي. يلا
اشتغلرا كتير لحد وقت البريك
في البريك هدي قابلت سهي وقعدوا سوا
هدي. انا تعبت والبتاع الي بشتغل معاه دا متخلف
سهي. سيبك منه خلينا في الشغل
هدي. ربنا يعديها علي خير
في كليه تجاره
كان مازن واقف مع صحابه وكانوا بيضحكوا وبيتكلموا
فهد صاحب مازن. يا ابني ارحم نفسك كل شويه تعاكس بنت
مازن. ياعم سبني انت مالك دا انت رخم
كانت اميره في نفس الكليه وكانت خارجه من المحاضره وقعدت في الكافيه وواحد جيه قعد معاها مره واحده
اميره. افندم
عمر. ممكن اقعد معاكي
اميره. لا مش ممكن واتفضل قوم من هنا
عمر. ولو مقمتش
قامت اميره وكانت هتمشي مسك ايديها
اميره. سيب ايدي انت مجنون يلا
اتلم الناس ومنهم مازن وفهد
عمر. يلا انت هبله دا كل بنات الكليه هيموتوا عليا
اميره لفت اديهم وعوجت ايده وكانت هتكسرها
اميره. روحلهم لاكن انا لا يمعت ولا اسمعك تاني
عمر. سيبي ايدي هتتكسر
اميره وهي بتوعج ايده اكتر
اميره. لو فكرت تمد ايدك عليا تاني هكسرها بجد سااامع
عمر. طيب طيب
اميره سابت ايده وهو قعد يزعق ويعيط وهي اخدت شنطتها ومشت، مازن كان متابع الموقف وعجبه شخصيتها جدااااا
عند هدي وسهي......
هدي قعدت مع مني وبقوا صحااب جدا بعد يوم طويل كانوا مروحين
هدي مروحه هي وسهي بس مني نادت عليها هدي هدي
هدي. نعم يا مني
مني. ممكن تودي الورق دا لمستر اسر يمضيه عشان انا عندي اجتماع مهم مع مستر كريم ولازم اروح
هدي. طيب مفيش مشكله هاتيه
مني قالت لها علي مكان المكتب
هدي رايحه للمكتب وهي خايفه بس حاولت تبان قويه
دخلت المكتب .......
الحلقه الثالثه
هدي اول ما دخلت المكتب انبهرت بيه جدااا بتصميمه وشكله وبتدور عليه مش موجود دخلت وقعدت تلف في المكتب وسمعت صوت من وراها
اسر. انت بتعملي ايه هنا
هدي بخوف. انااا انا كنت اا مني ااا
اسر بصوت عالي. انجزي
هدي باندفاع. مني بعتالك الورق دا عشان تمضيه عشان عندها اجتماع مهم مع مستر كريم ولازم تروح فا كان لازم تجيبهولك
وسكتت تاخد نفسها وبتبصله واسر بيحاول ميضحكش بس قعد يضحك وصوت ضحكه كان عاالي وكريم دخل لاقاه بيضحك
كريم. انت بتضحك ازاي
كريم كان مستغرب لان اسر صعب اوي يضحك ودايما صلب وصعب التعامل
اسر بطل ضحك واستوعب انو ضحك من قلبه بعد سنين
اسر بصلابه. هاتي الورق
هدي. اديته الورق ومضاه واخدتوا ومشيت
كريم. كنت بتضحك علي ايه
اسر. ولا حاجه مفيش يلا نمشي
كريم. يلا
هدي راحت سابت الورق في مكتب مني ومشيت مع سهي
سهي. ايه كل دا
هدي. اسكتي دا انا كان هيجرالي حاجه
حكت هدي لسهي ايه الي حصل
سهي بضحك. طول عمرك هبله عادي يعني
هدي. بطلي ضحك يلا بينا نروح
روحوا الاتنين
عند هدي في البيت قاعدين بيتعشوا
شادي. ايه الاخبار في الشغل
هدي. حلو وانا مبسوطه جدا هناك
جميله. ربنا يوفقك يا بنتي
هدي. ياارب
جميله. عايزه افاتحكوا في موضوع
شادي. خير يا ماما
جميله. انا متقدملي عريس
هدي. اخيييرا ما انا من زمان اقولك اتجوزي يا جوجو
جميله. كان لازم اكبركوا الاول عشان مظلمكوش
هدي. وادينا كبرنا اتجوزي بقا
جميله. وانت يا شادي
شادي كان متضايق من فكره ان حد ياخد مكان باباه بس هدي خبطته في رجله بمعني انو يوافق
شادي. تمام يا ماما معنديش مشكله
جميله. طيب يا حبايبي هو لسه شويه يعني
هدي. قوليلي بقا ايه اخباروا
جميله. هو عنده شركه كبيره بتاعته وعنده 3عيال ولادين وبنت ومراته ماتت من وهما عيال صغيره
هدي. حلو جدااااا
جميله. طيب يلا كلوا وناموا يلا
دخلت هدي اوضتها وطلعت صوره باباها وباستها وعيطت وحشتيني يا بابا وصعب حد ياخد مكانك بس ماما ملهاش ذنب
وكانت هتنام بس اميره اتصلت بيها
هدي. الووو ميرا وحشتني
اميره. انت ندله اصلا مش بتسالي
هدي. ما انت عارفه انا في الكليه الصبح وبعد كدا عندي تدريب في الشركه
اميره. ربنا معاكي انا هنام بقا تصبحي على خير
هدي. وانت من اهل الخير يا قلبي هنتكلم بكره كتير ان شاء الله
اميره. ان شاء الله
........
بعد مرور اسبوع دون احداث تذكر سهي وهدي في الجامعه و التدريب في الشركه بعدها وشادي في دروسه واسر وكريم في الشركه كل يوم واسر قال لمازن ودنيا ان ابوهم هيتجوز ومكنش عندهم مانع واميره بتروح الكليه بتاعتها ولاحظت ان مازن دايما متابعها
..........
هي صباح يوم السبت كانت جميله ترتب البيت وكانت مامت جميله موجوده من الصباح الباكر
هدي.صباح العسل
الجده. صباح الفل علي عيونك يا قمر
هدي. هو في ايه انهارده
شادي وهو بيضرب هدي علي راسها بخفه
شادي. انهارده العريس جاي يا قطه
هدي وهي بتضرب راسها. اوووو نسيت
جميله. طيب يلا علي الكليه وبعدين متتاخريش في الشغل
هدي. حاضر يا ماما انا نازله باي
ذهبت هدي للكليه ومكنش عندها محضرات لان الدكتور كان غايب
هدي. حظي حلو انا تعالي معايا يا سهي عايزه اجيب طقم عشان العريس جاي انهارده
سهي. يا ليلتك السوده هتتجوزي من ورايا يا هدي
هدي. انت هبله دا عريس ماما
سهي. اه صح نسيت
هدي يلا طب
ذهبت هدي وسهي واشترت هدي بنطلون واسع من اللون الاسود وعليه بلوزه ليست طويله ولا قصيره بالون السماوي وطرحه مزيج من الاوان وجزمه من اللون الابيض وكان الطقم جميله جدااااا
سهي. كدا خلصنا يلا علي الشركه بقا
هدي. يلا يا ساسو
في الوقت الي كانوا بيشتورا فيه الهدوم في فيلا كريم المحمدي
كان كريم محتار يلبس انهو بدله عنده دخل عليه اسر ومازن
اسر. ايه يا كبير محتار في ايه
مازن. اكيد بيدور علي حاجه تعجب المزه
كريم. لم نفسك انت وهو
اسر. طيب يا عم خد اهي بدله جديده نوفي اهي
كريم. حبيبي يا اسر
مازن.وادي الجزمه اهي جلد كمان ها
كريم وهو بيحضن عياله حبايبي ربنا يخليكوا لياا
دخلت دنيا وهي بتقول بصوت عالي. خيااااانه بابا واخواتي اه قلبي
ضحك كريم وحضنها. حببتي يا دودو
واعطه دنيا بوكس فتحه كريم وجد ربطه عنق من اللون الازرق
كريم.ربنا يخليكوا ليا ياااارب
اسر.طيب يلا بينا يا بابا عشان هنتاخر على الشغل
كريم.يلا بينا
ذهبوا الي الشركه وذهب مازن لكليته ودنيا ذهبت لتشتري فستان وذهبت للكوافير
في الشركه....
وصلت هدي وسهي واخدوا يعملوا بجد وفي البريك كانت ذاهبه هدي حتي تستاذن من اسر انها تروح بدري قدام مكتب اسر كانت داخله لاكن اوقفها صوت فادي وهو يقول
فادي. هدي
هدي. افندم مستر فادي
فادي. انهارده في عشا عمل وكنت محتاجك معايا ممكن
هدي. اعتقد ان لما بيكون في عشا عمل بيكون مع حد متوظف مش تدريب وكمان بيجيلي ورقه من مستر كريم او مستر اسر مش كدا
فادي بإرتباك. اااا انااا بس
هدي.لاخر مره بقول لحضرتك يا مستر فادي متتخطاش حدودك معايا عشان تصرفي مش هيعجبك عن اذنك
واكملت طريقها لمكتب اسر بس اسر كان موجود في مكتب كريم ومكتب كريم قريب من المكان الي كان بيتكلم فيه هدي وفادي واعجب جداا بشخصيتها القويه وهدي دخلت المكتب واستنوا جوه واسر دخل لقاها قاعده قدام مكتبه وسرحانه ومخنوقه بالعياط
اسر. انسه هدي خير
هدي. اا مستر اسر انا كنت عايزه من حضرتك طلب
اسر وهو بيبص في الورق. خير
هدي وهي بتدمع. مستر اسر انا مش عايزه اتدرب مع مستر فادي لو سمحت
اسر. ليه
هدي ودموعها هتنزل. بيتكلم معايا بطريقه مش كويسه وبيبصلي بطريقه وحشه وانهارده قبل ما اخش لحضرتك قالي ان في عشا عمل وانا فهمت انو بيكدب
مسحت دموعها زي الاطفال وبصتله ممكن متدربش معاه
اسر وقد تاااه في عنيها الي لونها اتغير وهي بتعيط وحس انو كان عايز يقتل فادي
اسر. تمام هيتغير
هدي بابتسامه. شكرا جدا لحضرتك شكرا
اسر. العفو
هدي. هو ممكن امشي بدري انهارده
اسر. اممم ليه
هدي. اصل عندي ظروف في البيت وكدا
اسر. لا مش هينفع عشان انا همشي بدري انهارده
هدي. طيب امشي بدري ساعه واحده بس
اسر. قولت لا
هدي بضيق. طيب شكرا
خرجت هدي من عنده وهي مضايقه وقابلت سهي
سهي. مالك يا بومه
هدي. مرداش يمشيني بدري اعمل ايه العريس جاي الساعه 8وانا بمشي الساعه 7ونص ومن هنا للبيت نص ساعه هلحق اجهز امتي انا
سهي. انا عندي الحل
هدي. ايه
سهي. انت معاكي الهدوم هنا وانا معايا الميك اب انت الساعه 6ونص تلبسي ونجهز ونمشي الساعه 7ونص وانا هوصلك بنفسي
هدي. ربنا يخليكي ليا ياااارب يا ساسو
سهي. حببتي يلا بقا نخلص الشغل كله عشان تعرفي تجهزي
وبالفعل انهوا كل الشغل والساعه 5ذهب كريم واسر الي الفيلا عشان يجهزوا
في الفيلا
كريم ارتدي ملابسه الي جلبها له ابنائه واسر ومازن ودنيا جهزوا كلهم ونزلوا وفي طريقهم لبيت جميله
في الشركه في نفس التوقيت
ارتدت هدي ملابسها ووضعت لها سهي القليل من الميك اب اصبحت اجمل بكثير
.....
الساعه 8وصل عائله المحمدي اسفل منزل جميله ونزل كريم ودنيا من السياره الاول والسياره الثانيه نزل منها مازن واسر
كريم. يلا بينا
وصعدوا الي الشقه التي تسكن بها جميله وضربوا الجرس فتح لهم الجد محمد والد جميله. رحب بهم ودخلوا وقعدوا
محمد. ازيك يا ابني
كريم. الحمد لله يا حج بخير
محمد.مش هتعرفنا
كريم. دا اسر ابني الكبير بيشتغل معايا في شركتي ودا مازن ف
قاطعوا مازن وقام قعد جنب محمد وحط ايده حوالين كتفه وقال. انا مازن يا جدو في 2كليه تجاره وسنجل وبدور علي عروسه عندك واحده
محمد بضحك. هههههههه كان علي عيني حفيدتي في 3هندسه
مازن بزعل مصطنع. يووووو دايما حظي كدا
محمد. هههه معلش بكره تلاقي بنت الحلال
كريم كمل. ودي دنيا في 3ثانوي
محمد. قد شادي يعني
كريم. اه
محمد. اهلا بيكي يا بنتي
دنيا. اهلا بيك يا جدو
وهما بيتكلموا كانت وصلت هدي وفتحت الباب
هدي. سلامو عليكم
الجميع. وعليكم من السلام
هدي بصدمه. ايه دا
..................
