زواج الثأر

آلَحًلَقُةّ آلَآوٌلَﮯ 🖤

روان:فتحت عيوني وكانت الصوره مش واضحه هلبا نشوف في اجهزه وخيوط واضح اني في مستشفى نسمع في صوت خوتي يعيطو ويقولو والله إلاما نقتلوهاااااا وبوي يمنع فيهم وصوت عياط برا وضرب سلاح حوايجي ملطخات دم يديا مخبشات راسي كله شاش ابيض انا نسيت ليش هنايا وشنو درت؟!

قبل3ساعات✨✨✨

روان:بابا هيا وقت عليا الجامعه
جمال:استني اختك بتمشي معانا
روان:اففففف😒
هاجر:هيا واتيه انا
روان :اخيرااا
هاجر:قعمزت في السياره وهيا فرحاااانه اول يوم في المصحه الخاصه ليها ❤️

هاجر دكتوره نساء كيف متخرجه مواليد 90 انسانه هااااديه بكل وراقيه❤️موصفاتها رقيقه بيضه وشعرها اسود لامع نقشها كله رقيق وقنينه✨

روان:عكس اختها تماماً طايشه ولسانها طويل وغيوره من كل شي مواليد94تخصص علم حيوان موصفاتها حنطيه وجمالها حااد❤️

عندهم3خوت ولاد اشرف مؤيد ربيع وعندهم اخت متزوجه اسمها ايه من مدينه شرقيه مش رح نذكر اسمها 🤷‍♀️عيلتهم عاديه زي اي عيله مش متشدده هلبا ومش فري بكل ❤️

وصلت روان للجامعه وزي كل يوم اتصلت بي بنت خالتها وتوأمها متعلقين ببعض لدرجه رهيبه

روان:كككككيف؟!مفهمتش
سلسبيل(بنت خالتها):ونننبي وراس روان خوذي منه الفلوس بس
روان:كيف الزفت هوا حبيبك مش راجلك تاخذي منه فلوس
سلسبيل:ونبي فكيني ترا ناقصتني الف حااااجه وهوا فلوسه هلبا عادي كان خذيت منه كم فلس
روان:لالا مستحيل
سلسبيل:ونننننبي روان 😭انتي عارفه عرس امجد قريب وخاطري نشري حجات ع ذوقي بوي مسكر راسه وضام فلوسه علينا الهم الاحرف قداش مره بنشرحلك وانتي فاهمه كل شي
روان:تنهدت ....افففف به كيف بناخذهم منه
سلسبيل:فرحت....عطيته رقمك تو يجيك الجامعه يمدهولك ويمشي
روان:نهااااري حرف كيف 😨
سلسبيل:تي اطلعي بكري من الامتحان اكيد الدنيا فاضيه ويجيك
روان:اخخخخ به يصير خير سكري توا هي
سلسبيل:تمام....وسكرت الخط

هاجر:خشيت المصحه سلمت ع كل الدكاتره وتعرفنا والامور تمام ❤️بديت في خدمتي وكنت فرحاااانه لدرجه لا توصف ✨لا حضت حركات غريبه في المصحه بس قلت عادي ممكن لان جو جديد عليا ولانها مش زي المشفى العام يلي خدمت فيه

روان:طلعت من الامتحان واتصل بيها حبيب سلسبيل:-
يوسف:الوو
روان:اهلين
يوسف:اهلين بيك شنو طلعتي
روان:خايفه.....ااءء. اي اي انت وين
يوسف:انا حاليا في البركيدجو سيارتي تيوته كحله
روان:خافت....اءءء ببب به حتا انا في البركيدجو
يوسف:شن لابسه؟!
روان:جاكيت عنابي
يوسف؛نزل نضراته ودرس سيارته ....انا وراك
روان:سكرت التالفون وقربت من السياره وهيا خااايفه بتموووت
يوسف:نزل الروشن يلي مقابلها
روان:قعدت نشوفله كيف جنتل واول مفتح الروشن فاحت عليا ريحة البرفان متعه قوووويه تلبكت معش عرفت شن ندير
يوسف:كيف الحل
روان:بسرررعه منقدرش نوقف هلبا
يوسف؛ههههه به بشويه عليك....وفتح قجر السياره يدور ع الزرف متع الفلوس لين لقاه
روان:مدت يدها بتاخذه تشوف صاحب خوها جاي من بعيد هوا واخته ....صااااااحب خوووي😨😨😨
يوسف:وين؟!
روان:واقفه ورجليها يرعشو معش قادره حتى تاخذ نفس ومتقدرش تنزل راسها لان البنت رح تعرفها طول
يوسف:به اركبي تو نطلع برا البركيدجو
روان:مستحييييل
صاحب خوها يقرب اكتر واكتر لين شك فيها وقعد يشبحلها
روان:لما عرفت انه يشبحلها بدون شعور فتحت الباب وركبت جنب يوسف وتخض مع بعضها من الخووف

هاجر:ركبت لقسم العمليات كانت عندها حالة ولاده مع دكتوره تانيه بس غلطت في الحجره وخشت لغرفة عمليات تانيه وهني كانت الصدمه💔الدكتور منحى حوايج المريضه يلي كانت مخدره ويعتدي عليهااا قعدت دقيقه كامله باش استوعبت المنضر يلي تشوف فيه

روان:حي  علياااااا حي عليااااا بنموت😭😭😭
يوسف:تي هدي بلا عياط تو نحطك برا الجامعه في مكان مفيشي حد ونمشي ع حالي
روان:بلعت ريقها....به بسرررعه اطلع من هني بسرررعه
يوسف:ولع وطلع من الجامعه وروان قلبها قابضهاااا وخايفه
يوسف:جوه مليح ويساوي في روحه ومش واكل هم شي

يوسف مواليد89 ولد واحد  و3بنات عايش علي فلوس بوه ميخدمش ولا مكمل قرايته اصلا معتمد علي جماله وفلوسه في كل شي وبس علاقه هوا وسلسبيل بنت خالت روان سنه كامله

اول مطلعو من الجامعه تجيهم سياره فاقده السيطره وتجري بسرعه جنونيه والواضح ان يلي يسوق فيها سكران خشت فيهم وكان حادث شنننننيع 💔💔💔💔

هاجر:اول مشافت المنضر يلي قدامها عيطت بصوت عااالي وبدت تنادي مكانتش تعرف ان كل حد في المصحه عنده علم بيلي يدير فيه الدكتور وهيا يلي رح تنتهي 💔دقايق بس وحست ان في حد سكرلها فمها ويسحب فيها قاومت هلبا لاكن مفيش اي فايده

يتبع…

التنزيل هيكون يومي اتمنى ان تعجبكم