من داخل أحد غُرَف الفنادق المشهورة بالقاهرة
ملك: سارة ! انتِ يا بنتي فين الشوز !؟ أنتِ نسيتيها !!شكلك مجبتيهاش هحضر الفرح حافية ولا اييه ؟! 🙄
سارة: حافية ايه يا بنتي اهدي بس أنتِ متوترة كدا ليه ؟
الشوز جنبك أصلاً ! 🤔
ماما تعالي شوفي ملك متوترة اوي وهتنزل الفرح تتعصب علي المعازيم هتفضحنا 😄
سلوي : طبعا لازم تبقي متوترة مش عروسة 😍، اوعي كدا يا ساتر قافلة المكان كله😒
ايه يا حبيبتي اهدي مش كل حاجة تمام و ناقص بس تلبسي فستانك ! الميك اب مش عاجبك ؟!
ملك : معرفش بقي أنا خايفة و متوترة ، و أستاذ سليم باشا ، ولا علي باله 😏 كل لما أكلمه يقول خلاص هلبس البدلة 😬
و لسه في تصوير و الزفة احنا متأخرين 😥
سارة : ملك ، انتم أكدتوا علي بتوع البوفيه في عصير البرتقان ولا لاء !؟
ملك : حد يشيلها من قدااامي 😬 انتي فين عيالك روحي اقعدي بيهم 🙄
-صوت نقر علي الباب-
مونيكا: افتحي يا عروووسة انا العريييس 👏🏻يااا ملك😍
ملك : افتحيلها يا ماما ، هتفضحنا في الأوتيل 🤷
سلوي: ايه دا يا مونيكا انتِ لسه ملبستيش !! دي ملك هتصوت لو شافتك بالكوتشي دا 🤦
مونيكا: هلبس علي طول والله يا طنط ، ازغرط بس الأول و تفطروني بعد كدا نشوف الموضوع دا 🤭
سلوي: أنتِ حرة يارب تطردك 🙄😂
ملك : نهاارك مش فاايت ، أنتِ كل دا لسه ملبستيش ، حرام عليكم والله 😥 هو انتم مش مستوعبين اني بتجوز ؟! يا جماعة عاوزة احضر فرحي من الاول مش لازم أتأخر علي المعازيم يعني 😭
سارة : ماما انا جعانة !
ملك : ياارب ارحمني 🤦
رشا : لولولولولولولي ، مبرووك يا ملوكة بقيتي عروسة اهو يا صغيرة ، طب والله فرحانة بيكِ اوي 😍
ملك : الله يبارك فيكِ يا رشا يا اللي دايما متأخرة 😏
رشا : بااس انا غلطانة اني جيت ، أنا هروح احسن 🤷
سلوي : تعالي يا قلب خالتك اقعدي هنا متعصبيهاش 😬
ملك : يلا يا ماما يلا يا حبيبتي متتنحيش روحي اقعدي جنب خالتك 🤫
سارة : ملك كان في علبة زبادي هنا راحت فين !!
ملك : انا مش هرد عليكِ
-صوت جرس التليفون-
ملك: ألو ..ايوا يا سليم انا خلاص هلبس الفستان بس .
سليم: ماشي يا حبيبي، انا خلاص جاهز و كلنا هنا جاهزين ،و مستنيين القمر يحن علينا و ينزل 😉
ملك: ماشي يا سيدي هسيبك تعاكس براحتك ، ما انت بقيت جوزي بقي ☺️
سلوي: لسه فاضل ساعة و يبقي جوزك ، اتعدلي 😏
ملك: يوووو يا ماما هو ضُرتك ؟! دا جوز بنتك اقتنعي بقي 🤷
سليم: سيبيها كدا كدا مش هنروح عندهم تاني اصلا 🤫
ملك: ايوا صح احسن بردو 🤭😂
سليم: طيب يلا يا قلبي بقي عشان متتأخريش، و اوعي تناامي يا غيبوبة 🙄
ملك: عيب عليك انا صاحية اهو 🤷يلا باي .
رشا: والله مش مصدقة أن انتِ و سليم خلاص هتتجوزوا ، دا من زمان أوي وانتم مع بعض ايه مزهقتوش من بعض !
ملك: ايه يا بومة أنتِ بعد الشر نزهق من بعض ايه ،دا روحه فيا وانا روحي فيه ☺️ اطلعي أنتِ منها بس .
رشا: طلعت ياختي 😏
-الريسبشن-
شادي: ايه يا عريس ،ايه الحلاوة دي ،لا دا انت الجواز هيخليك تتغر علينا و هتاكل الجو مني شكلك كدا 🤔
سليم: لا ياعم خليك انت القمر اللي فينا، انا علي قدي بردو
شادي: طبعا يابني انا في حد زيي اصلا 🙈
علي: بس يا بابا بس يا حبيبي ، روح شوف بتوع الزفة يلا اعمل حاجة مفيدة يلاا.
شادي: طب براحة يا عم سيب الچاكيت مكوي 🙄
سليم: البليزر بتاع ابو نسمة اللي قارفنا بيه دا 🙄يلا يابني بقي
علي: مبروك يا فريندي ، أخيرا هنخلص منكم
سليم: الله يبارك فيك يا سيدي ، شوفت بقي بعد سبع سنين مرمطة 🙂
علي: بس ملك بنت حلال و تستاهل بجد اللي انت عملته عشانها .
سليم: و تستاهل اكتر من كدا كمان ❤️
علي: ربنا يخليكم لبعض ، تعالي نشوف شادي شكله راح البوفيه 😂
.................................................................................
ملك: مونيكا الطرحة كدا مظبوطة !؟ انا حاسة شعري مش حلو ، هو انا شكلي حلو ؟!
مونيكا: قمر يا قلبي والله ،انتي علي طول حلوة يا ملك 😍
سارة: قمر ايه ! دي قمر دي !؟
رشا: مش عارفة والله ما انا قولت لسليم زمان مش حلوة مسمعش كلامي 🤷
ملك: ولا عمره هيسمع كلامك ولا هيهمه عشان بيحبني
مونيكا: سيبك منهم تعالي ألبسك الشوز و نظبط الفستان اخر مرة 😍
ملك: هو انا بجد شكلي حلو ؟؟
مونيكا : يابنتي بأمانة أحلي عروسة شوفتها في حياتي ، كفاية انك حلوة في نظر سليم مش أنتِ علي طول تقولي كدا 🤷
ملك: ايوا صح كفاية هو شايفني حلوة ❤️
مونيكا: وشك منور و هيبقي احلي يوم في حياتكم 😍😘
ملك: ربنا يخليكِ ليا أنتِ دايما بتطمنيني من واحنا عيال 😍
مونيكا: طبعا يابنتي مش صحاب و عِشرة يجي عشرين سنة ، مش كفاية كدا ولا ايه ؟
ملك: اخرك معايا الزفة يا بت أنتِ و تروحي 🙂
مونيكا: لا انا هروح معاكم اصلا 🤷
بقولك ايه احكيلي عن سليم زي ما دايما بتحكي عنه لسه شوية علي الزفة
ملك: يا بنتي هو دا وقت حكايات ! م انتي حفظاها اصلا 🤷
مونيكا: عشان خاطري بقي احكي وانا هسجل ال هتقوليه و نبقي نسمعه لسليم بعدين .
ملك: ماشي لما اشوف اخرتها 🤷 بصي يا ستي .....
#يتبع
