عشق الريف(الجنون 💔😭)

ﺍﻟﻴﻮﻡ ﺟﺒﺘﻠﻜﻢ ﻗﺼﺔ ﻣﻦ ﻗﺼﺺ ﺍﻟﺮﻳﻒ ﺍﻟﻤﻠﻴﺎﻧﺔ ﺻﺪﻕ ﻭﻭﻓﺎﺀ ﻭﺍﻧﺸﺎﻟﻠﻪ ﺗﻌﺠﺒﻜﻢ

ﺍﻛﻮ ﺑﻨﻴﺔ ﻭﻭﻟﺪ ﻭﺍﺣﺪ ﻳﺤﺐ ﺍﻟﺜﺎﻧﻲ ﺍﻟﻰ ﺍﺑﻌﺪ ﺍﻟﺤﺪﻭﺩ
ﻭﺟﺎﻧﻮﺍ ﻳﻠﺘﻘﻮﻥ ﻣﺜﻞ ﻣﺎ ﺍﻧﻜﻮﻝ ﺑﺎﻟﺒﻮﻛﺎﺕ ﻳﻌﻨﻲ ﺑﺎﻟﻜﻮﺓ
ﻭﻳﺨﺎﻓﻮﻥ ﻣﻦ ﺍﻟﻨﺎﺱ ﺧﺎﻑ ﺗﺸﻮﻓﻬﻢ…
ﻓﺠﺎﻧﺖ ﺍﻟﺒﻨﻴﺔ ﻣﻦ ﺗﻄﻠﻊ ﺗﺮﻭﺡ ﺗﺠﻴﺐ ﻣﺎﻱ ﺍﻭ ﺗﺮﻭﺡ ﻟﻠﺒﺴﺘﺎﻥ ﺗﺨﻠﻲ ﻓﺪ ﻋﻼ‌ﻣﺔ ﺑﺎﻟﻄﺮﻳﻖ ﺣﺘﻪ ﺣﺒﻴﺒﻬﻪ ﻳﻨﺪﻝ ﻭﻳﻦ ﺭﺍﻳﺤﺔ
ﻓﻤﺜﻞ ﻛﻞ ﻣﺮﺓ ﻳﻠﺘﻘﻮﻥ ﻭﻳﺤﺠﻮﻥ ﺷﻌﺮ ﻣﻦ ﻳﻠﺘﻘﻮﻥ ﻭﺍﺣﺪ ﻳﺤﺠﻲ ﻟﻠﺜﺎﻧﻲ ﺍﺷﺘﻴﺎﻗﻪ
ﻟﻴﺶ ﻣﺎﺷﺎﻓﻬﻢ ﺍﺑﻦ ﻋﻢ ﺍﻟﺒﻨﻴﺔ… ﻭﻫﻮ ﺟﺎﻥ ﻳﺮﻳﺪﻫﻪ ﻓﺄﺟﺘﻪ ﻣﻦ ﺍﻟﻠﻪ
ﻭﻛﺒﻞ ﺭﺍﺡ ﻛﺎﻝ ﻷ‌ﺑﻮﻫﻪ ﻃﺒﻌﺎً ﺍﺑﻮﻫﻪ ﻗﺮﺭ ﻳﺰﻭﺟﻬﻪ ﻷ‌ﺑﻦ ﻋﻤﻬﻪ ﻏﺼﺒﻦ ﻋﻠﻴﻬﻪ..
ﺑﻌﺪ ﻣﺎ ﻣﻨﻌﻬﺎ ﻣﻦ ﺍﻟﻄﻠﻌﺔ ﻟﻠﺒﺴﺘﺎﻥ ﺍﻭ ﻷ‌ﻱ ﻣﻜﺎﻥ ﺛﺎﻧﻲ
ﺍﻟﻤﻬﻢ ﻇﻠﺖ ﺗﺸﺘﺎﻕ ﻟﺤﺒﻴﺒﻬﻪ ﻭﻫﻮ ﻧﻔﺲ ﺍﻟﺤﺎﻟﺔ
ﻭﻛﻠﻤﺎ ﻳﺘﻘﺮﺏ ﻣﻮﻋﺪ ﺯﻭﺍﺟﻬﺎ ﻫﻲ ﺗﺘﺄﺫﻩ ﺍﻛﺜﺮ ﺍﻟﻰ ﺍﻥ ﺍﺗﻤﺮﺿﺖ ﻣﺮﺽ ﻣﺤﺪ ﻛﺪﺭ ﻳﻌﺎﻟﺠﻬﻪ……… .
ﺑﻌﺪ ﻭﺍﺑﻦ ﻋﻤﻬﻪ ﻣﺼﺮ ﻋﻠﺔ ﺯﻭﺍﺟﻬﻢ ﻓﺒﻌﺪ ﻳﻮﻣﻴﻦ ﻋﻠﻪ ﺯﻭﺍﺟﻬﻪ ﺣﺒﻴﺒﻬﻪ ﻣﺎﺻﺒﺮ ﺭﺍﺩ ﻳﺸﻮﻓﻬﻪ ﺑﺄﻱ ﻃﺮﻳﻘﺔ ﺣﺘﻪ ﻟﻮ ﻳﺪﻓﻊ ﻋﻤﺮﻩ
ﻓﺠﺎﻧﺖ ﺍﻟﺒﻨﻴﺔ ﻋﺪﻫﻪ ﺍﺧﺖ ﻓﻬﺎﻱ ﺍﻻ‌ﺧﺖ ﺳﺎﻋﺪﺕ ﺍﻟﻮﻟﺪ ﺣﺒﻴﺐ ﺍﺧﺘﻬﻪ ﺣﺘﻪ ﻳﺸﻮﻓﻬﻪ ﻟﻠﻤﺮﺓ ﺍﻻ‌ﺧﻴﺮﺓ
ﻓﺄﻧﻄﺘﻪ ﻣﻼ‌ﺑﺲ ﻣﺎﻝ ﻧﺴﻮﺍﻥ ﻭﺧﻠﺘﻪ ﻳﺠﻲ ﻟﺒﻴﺘﻬﻢ ﺑﺎﻟﻠﻴﻞ ﻋﺎﻻ‌ﺳﺎﺱ ﻭﺣﺪﺓ ﻣﻦ ﺑﻨﺎﺕ ﺍﻟﺴﻠﻒ
ﻓﻤﻦ ﺷﺎﻓﻬﻪ ﻭﻫﻲ ﻧﺎﻳﻤﺔ ﻣﺎﺗﺪﺭﻱ ﺑﺎﻟﺪﻧﻴﺎ ﺣﻂ ﺭﺍﺳﻬﻪ ﻋﻠﻪ ﺭﺟﻠﻪ
ﻭﻇﻞ ﻳﺒﺠﻲ ﺑﺠﻲ ﻳﻔﻄﺮ ﺍﻟﺼﺨﺮ
ﻓﻬﻲ ﺣﺴﺖ ﻓﺘﺤﺖ ﻋﻴﻨﻬﻪ ﻟﻜﺖ ﺣﺒﻴﺒﻬﻪ ﻛﺪﺍﻣﻬﻪ ﺑﻌﺪ ﻣﺎ ﺍﻳﺴﺖ ﻣﻦ ﺷﻮﻓﺘﻪ
ﺣﺎﻭﻟﺖ ﺍﺣﺘﻀﺎﻧﻪ ﺑﺲ ﻣﺎﻛﺪﺭﺕ ﻓﻤﺎ ﻛﺪﺭﺕ ﺗﺤﺠﻲ ﻏﻴﺮ ﻛﻠﻤﺔ
( ﺍﻣﻮﺕ......) ﻭﻣﺎﻛﻤﻠﺘﻬﻪ ﺍﺗﻮﻓﺖ ﺑﺴﺎﻋﺘﻬﻪ ﻭﻫﻲ ﻋﻠﺔ ﺭﺟﻞ ﺣﺒﻴﺒﻬﻪ
ﻓﻬﻮ ﺷﺎﻝ ﺭﺍﺳﻬﻪ ﻭﺧﻼ‌ﻩ ﻋﺎﻟﻤﺨﺪﺓ ﻭﻛﺎﻝ ﻫﺬﺍ ﺍﻻ‌ﺑﻮﺫﻳﻪ……

ﻋﻔﻰ ﻛﻠﺒﻲ ﺍﻳﺘﺤﻤﻞ ﺯﻭﺩ ﻭﻟﻤﺎﻩ
ﻭﻓﺎﺭﻛﺖ ﺍﻟﺒﺪﻱ ﻋﺎﻟﺰﺍﺩ ﻭﺍﻟﻤﺎﻩ
ﻧﺪﻣﺘﻲ ﻣﺎﺧﻠﻄﺖ ﺍﻟﻤﺎﻱ ﻭﻟﻤﺎﻩ
ﺍﺑﺰﻓﺮﻩ ﺍﻭﺣﺰﻥ ﻟﻮﺩﺍﻉ ﺍﻟﻤﻨﻴﻪ