انقذيني من انتقامي....مكتملة

الحلقة 17

انقذيني من انتقامي
الكاتبة:زينب الشمري
..............................
يتجلى ألشوق في دعاء كميل
وٱنت تُخاطب ٱلله منكسراً❕
" اَمْ كَيْفَ يَشْتَمِلُ عَلَيْهِ زَفيرُها
وَاَنْتَ تَعْلَمُ ضَعْفَهُ" 💕.

قرائة ممتعة لكم

المتصل:عمر تتزوج يعني تعوف المقر وتروح لغير ديرة تجي بهاي اللحضة وتجيب مرتك وبدون اي كلمة وبعدين هية حالهة حال السبايا الموجودات هنا وزواجك منهة متعه ومستحيل يصير دائم لو عل كص ركبتي.......

عمر ضليت صافن شجاوبة هذا هسة ماكدر اغلط عليي لو اصيح كبل انفصل
كتلة:حاضر سيدي
سديت التلفون وضليت حاير اجه رياض
كال:ها عمر بشر شلون صارت
عمر:زينة صحت بس شوف شصار بية
رياض:خير شكو ياستار
عمر:خابرني ابو بكر
رياض:شكو شيريد ياستار
عمر:يكول شعندك عايف المقر وهذا زواجك متعه وهية حالهة حال السبايا ومادري شيمسلت
رياض:صدك يحجي هذا عود خليهة يمي اني اروح احاجي انت ضل يم مرتك
عمر:لا يمعود اني اروح شنو متدري اذا مارحت شيصير بس خيي رايد منك خدمة ضل شويه هنا اني رايح وارجع اذا صار شي خابرني
رياض:روح خوية اني هنا ضال بمكانك لاتخاف

سلمت علي وطلعت شغلت السيارة ومشيت

نزل من السيارة وهوة يتمرجل بمشيته عيونة مركزة عل الشخص اليشوفة كبالة يعاين علي بنضرات حادة يزفر نفسة الي ضاق لمن شافة وبلمقابل جانت الة نضرات انتصار وابتسامة صفرة شريرة وصل يمه الي واكف يم سيدة ابو بكر البغدادي

عمر وهوة ياخذ تحية :اهلا سيدي
ابو بكر عاين عل الورا ورجع عاين علي
كال:عمر وين مرتك
عمر:سيدي اول ماطلعنه من المقر صار حادث بلسيارة وتاذت وهسة هية بمستشفى ......
بس الحمدالله حالتهة زينة
ابو بكر: متاكد عمر ترا راح اسوي استفتائات اذا طلع مو هيج الله ميخلصك مني
عمر:ليش الجذب سيدي الحمدالله من طلعنة من الحادث بسلامات كالهة وهوة يرفع حاجبة ويدير نضرة عل الشخص الواكف يم ابو بكر

رجع دحك عل ابو بكر

وكالو: سيدي من رخصتك عندي كم حاجه اخذهة منا ورايح
كلو:اسمع يعمر بس تصحى مرتك ترجع لهنا ورجلك فوك راسك
كتلو:ماكو داعي للتجاوز راجع اصلا ياعالم خل اتهنى بزواجي شبيكم حاطين عيونكم علية كالهة وهوة يلتفت عل الي سبب بلحادث عثمان
ابو بكر:لتصيح عل شنو نحسدك هية كلهة خلك سبية من سبايا العدنه
عثمان:سيدي لو شايف عمر صايدلك خوش صيدة كالها وهوة يلعب بشاربوا

احتدت عيون عمر عل هاي الكلمة اتقرب من عندو ويزفر بهوا حار كان اشبه انو يتحول للنار لزمو من ياختو
كلو: ياس....ط ياسر......ي تجيب طاري مرتي وكبالي نزل عليي بلبوكسيات ورم وجهة يحاولون يوخرو بس هوة خلص فقد بعد ميفتهم شديصير بس الي خلا يصحة ويكوم من فوك عثمان هوة تلفونة الي دك باسم رياض كام بسرعه وفتح الاتصال عبالة اكو شي انفاسة السريعه التعبانة كوة يطلع الكلمه من حلكه
عمر:الوو رياض شكو صاير شي
رياض:شجالك عمر شبيك ليش هيج تتنفس
عمر:عوفك مني صاير شي يمك
رياض:خابرتك حتة ابشرك مرتك كعدت
غير هذا الخبر داخلة الكئيب الضايج من تصرف عثمان الى عصتفير تتطاير فرحا بكلبة عاف المكان والهوسة السواهة ورا وطلع ركب بلسيارة يسمع الاصوات ورا بس كل هذا ميهمة شغل بسرعه وطلع وصل يم المستشفى طب يركض باتجاه الغرفة يحس الطريق طويل وميرضة يخلص وصل لغرفتهة اول مافتح الباب شافهة كاعدة ومنتجية عل الجرباية بيدهة الكانونة جانت انضارهة متوجهة لشباج كويل بلغرفة يطل عل حديقة المستشفى بس انتقلت نضراتهة لعمر بعد مادخل للغرفة وانرسمت عل شفتهة ابتسامه خفيفة تعبانة اجه كعد يمهة كال

عمر: حبيبتي طمنيني عنج شلون صرتي
رادت تجاوبه بس تحولت عيونهة لايدة المتروسة دم من ضرب الشخص الي خلاهة توصل لهاي الحالة عقدت حواجبهة وبرطمت

كالت:عمر شبيهة ايدك دتنزف شمسوي بروحك ليش هيج
عمر:لتهتمين حياتي مابية شي اهم شي انتي بخير
اسماء:عمر كول شصاير
حجيتلهة الصار ويانة انقهرت واتذمرت
اسماء: بس انت ماسويتله شي حتة يوصلك للموت
عمر:حياتتي هوة من زمان عندة عداوة وياي يلة هسة لتضوجين روحج تحسني حتة نطلع من المستشفى والله العظيم ماكو هيج بشر فكر حتة زواجي ماتهنيت
اسماء: ضحكت عليي شلون يشكي جنة طفل كتلو:شتسوي هذا حضك
كال:مشكلتج تزوجتيلج واحد فكر
ورة شوية اجه الدكتور فحصني
كال:الحمدالله عل السلامه ماكو شي تكدرون تطلعون وعمر استعجل بطلعتك ترا المستشفى تقريبا صارت مو امينه والعدو قريب علينه
عمر:ماشي دكتور اشكرك ماقصرت هسة شوية ونطلع
كال: لا شكر عل الواجب
وطلع شوية خلص المغذي اجه الدكتور شلعه الية وطلعنة فتت من يم مراية بلغرفة دحكت وجهي ذبلان حيل هالات سود جوة عيوني
كتلو لعمر:عمر ادحك شلون صاير وجهي ادحك الهالات حدر عيوني راح تطلكني
عمر:اسماء حبيبتي الة ماثر عليج الحادث يلة دتحجين هيج كوة حصلتج اني وتحجين هيج اسكتي اسكتي احسلج
ضحكت عل كلامه صعدنه بلسيارة
كتلو:عمر وين نروح
كال:لمكان قريب ع الحدود بس اسماء لازم افاتحج بشغلة
اسماء:كول خير قلقتني
عمر:باجر نرجع للمقر ماكدر اضل اكثر البارحه دزو علية كوة قنعتهم شكم اجيبج باجر ميقبلون
اسماء بغضب:بس عمر احنه ماتفقنه هيج انت كتلي راح نضل عايشين بعدين عن المقر
ولذلك اني قبلت اتزوجك
عمر بصدمة تخترق جسدة من كلمتهة الاخيرة معقولة هيج طلعت خادعته وهية متحبة بس حته تخلص من المقر
عمر:يعني انتي جنتي تضحكين علية بس تردين تخلصين من المقر مو لسواد عيوني تزوجتيني واني الغبي المخدوع بيج ولو حقج شلون تحبين واحد داعشي........

وللحكاية تكملة
.................
اترك لكم التعليق ياترى شتتوقعون اسماء تحب عمر لوتزوجته بس حتى تخلص من ضلم الداعشيين الهة

التقيكم غدا