لبارت الرابع
&خالد &
.
.
.
قعمزنا وهدرزنا. شوي وجابو العشاء وكانت الوجبه الرئيسيه رز بالخلطه وموالح ومشروب تعشينا وشوي وجابو التحليه والحلويات وطلعت الهدايه وكل حد عطيته هديته وتذكرت اني مجبتش هديه لي روند حي نسيتها
كلهم فرحانين بالهدايا ويشكرو فيا
خديجه؛ صحيت ياولدي مكانش في داعي تكلف ع روحك
انا؛ لا مفيش تكليف ولو
ريهام؛ شمميني عطرك روند
روند؛ اه م م معنديش
خديجه؛ كيف معندكش
انا؛ اسف بس مزادنش كنت جايبهن ع البد بس شكلي مخلبط
روند؛ اا قاطعت كلامها نعيمه؛ لا يوليدي عادي معندكش عليش تتأسف
روند؛ اي عادي مزعلتش عادي
وصبت بتمشي تذكرت السلسله وصبيت وراها
$$$$$
&روند&
.
.
.
.
نضت من جنبهم وبنركب لي داري ونا ع الدروج نحكي بيني وبين نفسي نقول. معقوله انا بس ميجيبلي هديه انا مش طماعه بس كيفي كيفهم يعني تنهدت بضيق ونسمع في حد ينادي فيا
روند روند
برمت عليه ولقيته خالد 😲😏 تو جاي هه بتعتذر
خالد؛ روند
انا؛ نعم بصوت يرجف
خالد؛ ااا كيف حالك
انا؛ الحمدلله
خالد؛ اسف ع الهديه
انا؛ لا عادي ولا يهمك
برمت وبنخش لي داري
خالد؛ روند لحظه
انا؛ نعم
قرب مني توترت ووخرت هو يقدم ونا نوخر وحاط يده في جيبه
انا؛ خ خالد شن تبي بتوتر
خالد؛ كنت نبي نعطيك حاجه
وطلع ايده وكان ماسك سلسله في يده مكتوب عليها اسمي روند فرحت وكنت نبي نضمه بس فطنت لي روحي ونزلت ايديا وخالد ضحك
انا؛ اا شكرا ☺️
خالد؛ ولو هذي حاجه بسيطه. نلبسهالك
انا؛ 😳لا شكرا نلبسها بروحي
خالد؛ ابتسم نلبسهالك انا
برمت؛ ورفعت شعري ولبسلي السلسله.
انا؛ شكرا
خالد؛ العفو وقعد يشوف فيا ومبتسم
وانا سحت في عيونه ولحيته طالع جنتل يهبل بكل 😍نعليا. مصحيتش ع روحي الا وخالد يهز فيا
خالد؛ اوي انتي وين رحتي
انا؛ اه لا قاعده
خالد؛ انا تو نازل متقعديش فوق بروحك
انا؛ بتسمت حاضر شوي ونازله
خالد؛ اوكي ونزل. ونا فرحانه بنطير ونشوف في السلسله عجبتني ومش مصدقه ومشاعري متخلبطه
®®®®®
&خالد &
.
.
.
بعد شفت ملامح الزعل ع وجها تذكرت السلسله الي بسمها وقلت نعطيها ليها مشيت في جرتها ولبستها ليها وكان واضح عليها الفرح سرحت في عيونها شوي وفطنتلها كيف سارحه في عيوني ضحكت عليها وفطنتتها لي روحها ونزلت وقعمزت جنبهم ومش الجو عادي وكان عقلي مش معاي كنت نفكر فيها شوي ونزلت بعد شافتها حنى نازله قالت
حنى؛ بعد روحت ياخالد بالسلامه لازم تتجوز انت الوحيد الي في عيلتنه في العمر هضا مزال متزوجتش
انا؛ والله ياحني شن نقولك مزال بكري تو كيف روحت
حنى؛ لا مش بكري ونا حاطه عيني ع وحده ونبيها لك
وقعمزت روند جنب حنى لأنه المكان الوحيد الفاضي
خالد؛ من هي مع اني مش مقتنع بس بنت من
حنى؛ لا من العيله
خالد؛ من العيله؟؟ بطلقي وحده منهن ونتجوزها انا ولا كيف😅 مفيش حد كلهن صغار
حنى؛ صغار؟ من الصغار روند ولا ريهام.
طبعا انا بعد سمعت اسم روند قلبي قعد يدق بسرعه
خالد؛ والله مش عارف شن نقولك ياحنى
حنى؛ متقولش شي وافق بس
خالد؛ إن شاء الله خير
#####
&روند &
.
.
.
.
طبعا حنى بعد قالت اسمي انا وريهام وجهي قعد ألوان ألوان وتلفتت ع ريهام وجها حتى هي ألوان مشاءالله 😥.
وطبعا اليوم خميس وكلهم باتو عندنا من قبل يباتو فما بالك خالد روح 🤣
درنا جو سمح بكل وطبعا خالد شوي شوي ويبحت فيا ويتبسم ونا مزلت منحرجه من كلام حنى
مر سبوع تام وعلاقتي انا وخالد تحسنت اكثر صح هو معترفليش بأنه يحبني بس انا متأكده
....
وجي يوم الخميس
ولتمينا بعد العشاء جبنا شاي وقهوه وحلويات وجو
حني؛ خالد
خالد؛ نعم ياحني
حني؛ في وحده في بالي نبيك تتجوزها كيف ماقتلك حاطتها في بالي من قبل وانت بعد روحت خلاص لازم تخطبها وتحددو العرس
خالد؛ كان يشرب في القوه حولها من ع فمه. 😃حتى نا حاط وحده في بالي (وبحت فيا) وان شاء الله تكون هي نفسها الي في بالك
حني؛ حتى لو كان مش نفسها الي في بالك حتاخذها
خالد؛ لالا ان شاء الله نفسها
طبعا الكل مايقدروش يتخطو كلامها
حني؛ الخميس الجاي خطبتك انت ووووو😱🤬😠😵😭
زعما من الي ختارتها حني لي خالد
وايش رايكم في هذا البارت
ومتنسوش تفاعلكم
للكاتبه؛ ﴿♬ MØømä Hë ❤♩℡┊❥..
