انقذيني من انتقامي....مكتملة

الحلقة 18

انقذيني من انتقامي
الكاتبة:زينب الشمري
.............................‏
‏الجـسم ناحـل صبح جرح التجافي كلف
والجـرح لـو بالگـلـب مـو جـرح يـنعد كلف
ساعدني يا صاحبي گضيت عمري كلف
مـاشـوف غـیـرك الي بين الخـلايق عرف
يفزع الي بشـدتي لـو عـاز جرحي عرف
حالي بغـیابك سـوه وي حال صوره عرف
مـحـد يـعـايـن عـلـي وفـراگـك اكـثـر كلف

ملاحظة صغيرة اعزائي في بداية البارت
اول شي احب اشكركم عل متابعتكم وانتضاركم للقصة ثاني شي رجائا للبعض وليس للكل لمن تكتبون التعليق راعو سمعه ومشاعر الكاتبة متعرفون تعليقاتكم السلبية شكد تجرحني والي متعجبه القصة مراح اجبرة يبقة يقرة بس اطلب طلب منكم الي متعجبة القصة ينسحب بهدوء بدون ترك تعليقات تاثر عل نفسيتي ونفسية صاحبة القصة وثالث شي اني مناشرة القصة حبا بداعش بس نشرتهة حتة اوضح كمية الضلم الي تعرضلة وطنه من هلتنضيم الفاشل

اتمنى الكم قرائة ممتعة

صافنة عل الشباج وبالي كومه حسبات وحدة منهن شلون اصلح هاي الجفصة الجفصتهة كلساع ادحك عل وجهو وارجع للجامه عيونو جانت حمر شريان واكو شريان براسو ينبض من كد الغضب ميدحك علية ابد نضراتو موجهة ليكدام ينفخ بغضب ويستغفر  اخاف احجي كلمة خاف يكتلني وصلنة يم بيت صغير
اجه يمي ردت افتح الباب اني فتحهة هوة جرني من ايدي امشي واتعثر بعباتي انادي باسمه بس هوة كلشي ميشوف كباله فتح الباب وطبينه للبيت اندار علية يعاين بألم بس تغيرت نضرته للغضب وتحولت ايدة من ايدي لركبتي وبدة يضغط بكل قوته عل ركبتي ادفع بي بس لاحياء لمن تنادي كلما ادفع بي اكثر يقوي ضغطاه عل ركبتي اكثر لحد ماحسيت حيلي باد وخلص وصلت نهايتي وجهي صار ازرك هديت ادية الي جانت محاوطات ايدة من شافني هيج صرت وخر ايدة من ركبتي بحركه سريعه رئسن وكعت بلكاع كمت اكح واحاول اخذ نفس شكد ماكدر بس حسيت نفسي دايخه حيل دحكت عليي  يدك بايدة عل الحايط اريد اكومه ماكدر انوب بعد ماحسيت بنفسي نمت لا خلص فقدت طاقتي عل التحمل بس صحاني قبل ماابدي اغفة وهوة يضرب عل وجهي من فتحت عيوني وشفته حاطني بحضنة وعيونه كلهة خوف من شافني فتحت عيوني شالني عباتي وكعت ضهر ثوبي الي لابسته جوة عباتي والي بي ريحه الديتول والمستشفى شايلني ومسيطر بشيلتي كأنو شالي لعابة بيدو فتح باب جانت مقابيلنه عاينت عليهة مبينه غرفة هاي نزلني من الجرباية ودار وجهو بسرعه وطلع من الغرفة عاينت عل ارجاء الغرفة جانت متربة مبين بيت متروك  قرفصت نفسي واني ادحك داير مدايري ادحك بلفراغ ضليت بلساعات كاعدة بلغرفة وحدي حتة احس معدتي تكطعت من الجوع واني مريضة بحيث بطني كامت  توجعني حيل كمت من الجرباية واكمش بلحايط اسند نفسي وابجي من الجوع والالم وصلت يم الباب كمت ادك علي دكات خفيفة يادوب تنسمع احاول اقوي الدكة بس حيلي منتهي بديت اضغط عل نفسي وادك عل الباب صارت تقريبا شوية مسموعه حسيت بخطوات قريبة عل الباب صحت بصوت منهك
عمر......عمر تسمعني
تقربت الخطوات اكثر وصار صوت طكت قفل عرفت فتح الباب وخرت عن الباب انفتح وضهر كدامي عمر يدحك علية عيونو حمر ومبين باجي بدون شعور مني ركضت علي وحضنتو وكمت ابجي جانت حركتي اشبه بلاعتذار الو عل الحجاية الحجيتهة بلبداية جان منزل ايدو كان زعلان علية بس بعدين رفع ايدو عل ضهري
نزلت دموعي وحضنتوا بقوة بديت احس بهزة عل اكتافي عرفتو ديبجي وخرت من حضنو ومسحت دموعو من خدو
كتلو: والله مافهمت قصدي انت بس اني ماريد ارجع للمقر ع الضلم الي شفتو هناك كثير ايام ماكدر انام من حر الجو لو من برودتو  البرودة تاكل باعضامي راح يصير سنة اني هناك انت ماتعرف الي صار بيه هذا كولو من غير الاكل اخشع نفسي تلعب منو ارحمني عمر والله من ضيم كلبي كلت هيج انت تكول ماحبيتيني ترا ماكو وحدة بلدنيا تحب عدو لبلدهة ماكو وحدة بلدنيا تحب واحد قاتل ابرياء ودمر بلدهة بس هاي مشاعري الي ماكدرت اسيطر عليهة اتحملت لخاطرك شغلات كومه من جهة نضرات البنوات البلمقر لمن عرفو اني متزوجتك جانت نضرات كلهة قرف واشمئزاز نضراتهم تنبت بقلبي ومن جهة الذنب الجاي احسة بداخلي بس حبي اقوة من هيج عقلي شي وطلبي شي واني بداومه تفكير حط اصبعو علة حلكهة 
كال بهمس وعيونو مدمعه:اششش حاس بيج وداعت كل الم عصر كلبي عليج وداعت كل لحضة مانسيتج بيهة تقرب علية اكثر ودفعني عل الجرباية

فتحت عيوني بنعاس دحكت علي منتجي عل الجرباية ويدحك علي بعيونو الف سؤال شغلات ماكدرت افسرهة فرحه عل استغراب
كتلو: عمر ليش هيج  تدحك علية
كال بصوتو الرجولي: اسماء انتي عذراء عذراء
تسلل شعور الفرحه بداخلي خلاني انطز من مكاني كتلو بصوت يرجف ومامصدك الي ديسمعو

كتلو: شتقصد بكلمة عذراء عمر انت دتوعي الي تكولو يعني اني مابية شي يعني ماختصبوني
حطيت ادية عل عيوني وكمت ابجي بفرحه هم ونزاح عن قلبي حضني عمر
كال:مبروك النه مرتي هذا الشي صار طبيعي اكيد لحكت عليج قبل ليصير شي باسني براسي وكال:الله يوفقني واسعدج
وخر مني
وكال:يلة اني راح اسبح اكو ملابس الج جبتلجياهن شوفيهن برة من اطلع طبي وراي
كمت عل كيفي امشي عندي الم قليل فتحت باب الغرفة اكو كدامي مثل الهول تخم صغير وتلفزيون من هذا القديم عل ميز خشب قديم
واكو فوك التلفزيون مثل القماشة البيضة صغيرة انتبهت عل ادق التفاصيل الموجودة بلمكان لحد ماندسني عمر من ورة
عمر:حبي ليش واكفه هنا هذني ملابسج
اتقرب عل كرسي من التخم الموجود واخذ قماشة موجودة عليي انطانيهن
وكال:هذا الحمام روحي سبحي
مشيت باتجاه الحمام عل كيفي وايدي عل الحايط مثل التتوجه علي اجه هوة كادني بيد وحط ايدة الثانية ورة ضهري وصلني للحمام فتحت الباب وطبيتلو جان الحمام سراميك شكلو قديم مشيت لتعاليك موجودات بلحمام علكت ملابسي عليهم فتحت الدوش جان المي حيل قوي تسلل عل جسمي رجعت بذاكرتي لليوم الضنيت اغتصبوني بي الانذال وبعدهة غسلت وشعوري المقرف من وصاختهم الموجودة عل جسدي بس هسة شعور مختلف ماكو اي قرف رغم انو هوة من الدواعش كذلك لكن الشعور يختلف خلصت غسل وطلعت لكيتو كاعد عل التخم اكو مشط بصفو  ردت اسحبو حتة امشط شعري كمش ايدي وكعدني بصفو فتح الخالولي من عل شعري وبدة ينشف بي بنعومه وبعدين جاب المشط وبدة يمشط بشعري عل كيفو
كال:شهلشعر السرح
ضحكت عل حجايتو
كتلو:عجبك
كال بهمس:كلشي بيج يعجبني

جاب قراصة ناعمة ولف شعري بيهة وبعدين كام كال انتضريني هنا اني رايح للمقر يجوز اجي بليل يجوز ماكدر اجي راح اقفل الباب وراي واي واحد يدكهة لتجاوبين اني من اجي افتحهة ماشي حبيبي
كتلو:ماشي
باسني بكصتي وراح بس احس كلبي مامرتاح ابدا لروحتو قبل ليوصل للباب
كتلو:عمر
كال:عيونو
ركضت علي وحضنتو
كتلو:ارجعلي لتبطي علية
حضني بقوة وكال:راجعلج انشالله بس ادعيلي

عمر

وصلت للمقر واهجس روحي مقبوضة شفتهم ملتمين كلهم رحت عليهم داسلم اجاني صوت من ورة

ابو بكر:عمر اجيت
عمر اخذت تحية وكتلو:نعم سيدي
كال:ليش ماجبت السبية
كتلو:هاي مرتي وماجيبهة بعد لهنا راح تعيش بهذاك البيت معززة مكرمه
كال:شنو شنو ماسمعت تالي وكت انت تفرض رئيك علية الي كلتو يتنفذ وحرف واحد زايد ماريد لسة ماناسي ضربك لعثمان
عمر:مرتي متجي لهنا يعني متجي
كال:هوهو مو انت بكيفك شو تالي وكت السبية طلعتك من طورك اسمع عمر ياتكتلهة يانتبرأ منك وانت تعرف شراح يصير اذا تبرئنه منك يعني اعتبر نفسك في اسفل سافلين اخذ قرارك بسرعه وبلا حجي زايد يلا انتضر منك الخبر......

وللحكاية تكملة

.....................
ادعولي بلشفاء مريضة وكوة كتبت هلجم كلمه وشوفو التنوية الي ببداية البارت اريد رئيكم بي