أنا غير سمعتو قالها حدي بقيت مبقلة فيه عينيا 👀👀👀 ممصدقاش لكلام لي كيخرج من فمو حيت معجزة هدي باش غادي يخليني ننرجع المغرب معقت براسي حتا شفتو يشوف فيا وقال
طلعت بزربة لبيتي قبل ميبدل الرأي ديالو لي جاني علي غفلة ومدرت بحساااااابو ومدرت بحساااااااابو (خلتها لطيفة رأفت )
لبست بزربة لحوايج لي جاو قدامي في المريو لي كانو عبارة عن قبية سخونة وسروال جينز مقطع من ركابي وصبدرية في لكحل بحال القبية وشعري خليتو مطلوق ودرت علية طاقية وليگونات سخان نص نص حيت كاين البرد بزاف خارج شفت في المريا جاني راسي زوين حيت هدا هوا السيتيل لي كيعجبني وكنحماق عليه وخا عارفة مغديش يعجب داك الوحش ديال بوندبة المهم ختاريتو سوقو هداك ولي بغا يقولو يقولو ندير ودن سمعت وودن لا
مني كملت من لبيس تميت غادا خارجة من البيت لعندو لفين كيتسناني يالله خرجت من البيت وتميت غادا وأنا نتصدم بداك الشي لي كنشوف قدامي في البيرو ديال بوندبة لي كان قريب لبيت ديالنا👀👀👀 رجعت بالور جوج خطوات حتا لصقت معا الحيط حدا الباب وأنا كلي كنترعد ممحملتش نشوف داك الوضع لي يخزي العار
أنا : لا ميمكنش هاد الشي لي كنشوف لا ميمكنش
مصدقتش عينينا تشوف داك المنضر لي قدامي تشجعت تاني ورجعت طليت غير بشوية وشفت فيهم ولاكن هوما بانو ليا مكيشوفش فيا منساجمين معا بعدياتهم لدرجت حتا واحد ميشوفوه قدامهم
يمكن دركم راسكم باش تعرفو أش شفت أيوا أسيادي شفت داك لي كيقولو ليه راجلي جالس علي الكرسي ديال البيرو ديالو وديك خيتنا (يعني بنت عمو )باركة قدامو لا حشمة لحيا وشداه من الكول ديال التجكيط وباركين يتباوسو في علاني وحتا هوا منساجم معاها وعاجبو الحال
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الصراحة محسيت براسي حتا هزيت أيدي حتا لسما وجمعتها علي شكل لكمة وضربتها معا الحيط بديك الحرارة لي هزاتني من الداخل ديال الشمتة والغدر لي حسيت بيه من عند داك الزامل لمدود لاخر
