في قصر كبير قدامه مجموعه من العربات الفخمه والحرس محاوط القصر داخل القصر ده كان في عائله كبييره مجتمعه في السفره وكان في الكرسي الرئيسي راجل
عمرو فووق ال٨٠الشيب كان مغطي راسوو و الكبرياء والوقار ظاهر في ووشوو(كبير العيله صلاح المغربي) كانت العيله تأكل في صمت تام وفجأه كسر الصمت صووت رقيق
ملاذ: احم جدوو
رفع راسوو :نعم ي ملاذ
ملاذ :جدوو حبيبي ذي م انت عارف انو انا اتخرجته الحمدلله بامتياز واسي عايزه افتش شغل
الجد:هههه وتفتشي شغل لي انزلي الشركه مع ابهاتك واخوانك
ملاذ :جدو انا عايز اعتمد علي نفسي وابني نفسي بنفسي عليك الله واوعدك اني لو فشلته حاجي استلم مكاني في الشركه
الجد :سكت مسافه بعدها طيب ي بتي هدا ابووك قدامك كان وافق ليك انا م عندي كلام
قاطع كلامو صوت ابووي محمد صلاح المغربي :قال لا ي ابوي انت كبيرنا والكلمه كلمتك ودنقر (كات✋نعرفكم علي شخصيات الروايه وبعدين نواصل كلامنا عشان م تدوشو ساي😂💔
كبير العيله صلاح المغربي رجل محترم وبملك شركات واراضي زراعيه رجل اعمال يعني لكن سلم الشغل كلوو لاولادو التلاته وهو اتقاعد لكبر سنو زوجتو متوفيه عايش في قصرو مع اولادو واحفادو ولدو الكبير اسموو محمد صلاح المغربي بكر البيت ابو ملاذ ٢١بطلتنا😻ومأب ١٩سنه ومهاب١٤سنه زوجتو اسمها سميه وهو زول طيب وعلي نياتو ومربي اولادو علي البساطه والاعتماد علي النفس.
*****
ابوبكر صلاح المغربي عكس اخوه زول متكبر شديد ومربي عيالو علي كدا والشغل عندو اهم من ااي شي زوجتو اسمها هبه اولادو عبدالرحمن ٢٧سنه ايثار ٢٢سنه وغنوان١٤سنه و نرمين١٩سنه.
*
عثمان صلاح المغربي الاخ الاصغر لي محمد وابو بكر زول هادي ورزين عكس مرتو زهرة مرا مفتريه ومتكبره وهمها كلوو الرياء والتفاخر اولادو ايمن ١٠سنه وملاك ٢٠سنه سامي ٢٨سنه اسامه ١٢سنه
نواصل 💜)
الجد:ابتسم خلاص تمام ربنا يوفقك ي بتي
ايثار قاطعت كلام جدها :بمياعه كيف يعني ي چدو يعني حتخليها تفتش شغل عند الغربه الناس حتقول علينا شنو اصلا ملاذ بتحب الشقي
الجد :بصوت حاد اووعك تقاطعيني في كلامي ي بت فاهمه وم تدخلي وانا قلته كلمه بعد كلامي ماف زول يفتح خشمو
ايثار سكتت
جدو طلع غرفتو ايثار حمرت لي ومشت طبعا ايثار م بعرف مشكلتها معاي شنوو بتغير مني من ونحن صغار وللاسف الغيره دي اتحولت لكره مع اني بحاول اتقررب منها بس هي دايما بتصدني
طبعا القصر كبيرر وفيهو اربعه طوابق احنا ف طابق واعمامي ااي زول في طابقو ومعاو اولادو بس بتلمنا سفره واحده
______________________________*
في شقتنا قعدين انا وابووي ووامي (سميه)ومأب وايهاب اخووي بنشررب في شااي المغرب ابووي قال لي ايهاب خلص كبايتك سررعه وامشي اقرا (طبعا ايهاب ممتحن تامن) ايهاب قال ليهو حاضر ي ابوووي
ابووي قال لي مأب اها جاهزه الاسبووع الجااي حتنزلي الجامعه قالت ليهو ااي جاهزه بس منتظره التلفوون ابووي ابتسم ليها (مأب شالووها هندسه مدنيه هي ونرمين في نفس الجامعه بس هي عام ونرمين خاص ابووي قبل عليي قال لي م لقيتي شغل قلته ليهو لسه بكرا حابدا افتش واثناء م انا بتكلم مع ابووي صوت تلفوني علا رفعتو وصمتو سرعه قلته ليهم دي ميسوون حامشي ارد ليها وجربت ع غرفتي وانا مبتسمه م كانت ميسون المتصله كان امجد حبيبي وابوه شريك ناس بابا في الشركه وبنحب بعض من ونحنا صغار
الوو:
امجد :حبيبي 💗مشتاق لييك
انا:م اكتر مني
امجد طيب انزلي تحت قاعد في الصالون مع ناس ايثار ابووي ووصاني ااجيب اوراق لعمك وبنات عمك قالو ليي إلا اقعد اشرب قهوه
انا :طيب حبيبي جايه عليك ظبطه نفسي ونزلته تحت
استغربته لما لقيتو هو وايثار ويثار تضاحك معاو سلمته عليهو قلته ليهم ووين الباقين ايثار قالت لي كل واحد مشي ع غرفتو وقامت قالت لي امجد وانا كمان ماشه غرفتي بيناتنا الشبكه تمام ضحكت ومشت عاينت لي ومرقت اتضايقته من تصرفها وقبل م اسئل امجد من متين بتتكلم معاها قام جراني عليو ومشي يدو علي وشي وهمس في اضاني مشتاق ليك شديد بدا يشم ريحتي حتي اني حسيت بأنفاسو في رقبتي بعدت منو بسرعه قلته ليهو امجد انت جنيت ااسي كان جا زول وشافنا وبعدين انت عارفني م بحب الحركات دي قال لي اووف طيب ي ستي ممكن تنادي لي عمك عشان اديهو الاوراق عاينته ليهوو بحنيه قلته ليهو انت زعلته قال لي وزعلي بهمك؟؟قلته ليهوو حبيبي طبعا بهمني باس يدي وقال لي انا مستحيل اززعل منك وهمس ليي بحبك قلته ليهووو وانا بمووت فيك قال لي يلا جيبي بوسه حمرت ليهو قال هههه بهظر معاك م تمدي لي بووزك ده عامله عيونك السمحات ديل ابتسمته ودنقرت راسي نظام خجلانه وكدا مشيت ناديت ليهوو عمي ورجعته غرفتي.
كسرهه
( بطلنا اسموو عمر مختار وحنتعرف عليهوو في الاجزاء الجايه)
محتاجه بس دعوه منكم 💞💜💜
#يتبع
