الطيبون للطيبات
#طائر_بلا_تغريد
يمه أفنان وينج
بلي ماما هياتني
ماما افتحي الباب
أي جايه جايه
منو
أني خالتج نجيه
هلووو خاله شلونج
هلا يبعد كلبي شلونج خاله امج شلونهه
الحمد لله زينه
وينه
هياتهه بلصاله كاعده دتابع مسلسل هندي
يبوووو ولا تمل من المسلسلات الهنديه امج
ههههه ولج هيه تنمل المسلسلات كلش حلوه
يمعوده وين حلاتهه شو كله جذب بجذب هههه
شلونج خيه
هلا بعد كلبي انتي شلونج الولد شلونهم
الحمد لله زينين
عساكم دوم بخير
يمه افنان اريد كلاص مي
أي خاله تدللين
رحت ركظ صبيت كلاص عصير وكلاص مي واجيت
قبل لا اوصل للصاله سمعت خالتي تسولف ال ماما
وج خيه أني كلش تعبانه
يا ليش خيه شصاير
ولج هذا أكرم كايم علينه هلايام يريد يعرس
أي علخير شكو بيهه الوليد جبير ومستحق زواج
وج خيه مو هاي المشكله
جا شكو
يريد يتزوج وحده مدري منين مصاحبهه
وصلت الاذني الحجايه بس مكدرت استوعبهه
يعني شنو
أكرم يحب وحده غيري
راح يتزوج واني وين اروح عمري كوله كظيته واني انتظر منه حجايه نظره هيج بكل بساطه يروح من ايدي
حسيت الصينيه تريد توكع من ايدي
دخلت عل امي وخالتي
هلا يبعد خالتج
تفظلي خاله
زاد فضلج يروحي
أوووف شكد تمنيت تصيرين جنتي
أم أكرم لا تحجين هيج كدام البنيه تفتحين عيونهه
شتفتح عيني هو أني فتحته عل أكرم احجي ويه روحي تمالكت نفسي وحجيت
خير خاله شعنده ابو طويله ههههه
أم أكرم...... يا ولج أفنان ماتبطلين تعيبين على أكرم
أفنان ..... ههههه خاله والله ما اكدر كل ما اشوفه اتذكر جدي الله يرحمه من يكله جنك التفكه الطويله بس طول لاحظ ولا دبان ههههه
يا يا ولج عيب من خالتج صاحت امي
أم أكرم .... خليه خيه خليه تعيب عليه ماشايفته هسه شلون صاير غير يكتل كتل طوله
