مرة العراق ومصر واليابان قرروا عمل فلم تايتنك مصر گالت احنا نحظر الممثلين ...اليابان گالت احنا نصنع السفينة ....العراق گال احنا نقطع الكهرباء..!
.
اكو 3 لوتية راح متأخرين عالدوام گاللهم المدير ليش متأخرين ؟؟ الاول گال چنت مضيع محبسي ودورت عليه الثاني گال اني جنت اساعده .. الثالث كال اني چنت دايس عليه .!!
.
أسير رجع من الاسر و على الحدود صاح: وطني! گلولة لا عيني مولدة ..!!
.
عراقي وامريكي ديلعبون شطرنج الامريكي وصل الجندي مالتة لنهاية رقعة الشطرنج فيتحول وزير, العراقي وصل الحصان مالتة للنهاية وحولة وزير, گله الامريكي هاي شنو! ميصير بقوانين اللعبة تحول الحصان لازم بس الجندي, گله العراقي ليش احنه كل الحصونة عدنة صارت وزراء.
.
واحد محشش ضاعت محفظته , فراح للشرطة-الشرطة گالوله انت روح البيت وراح نطلعها ولو من تحت الارض , فهو ورايح البيت شاف عمال البلدية ديحفرون فگلهم شدوا الهمة اخوان المحفظة لونها احمر..!
.
مدرس گال للطلاب اريد اثنين يرسمون على السبورة حيوانات برية! فگام الاول رسم غزال والثاني رسم نقطة وگعد , گله المدرس شنو هاي النقطة؟ گله استاذ هذا فيل جاي من بعيد .!
.
اكو شيخ قبيلة جمع اهل قبيلته وگلهم اللي يخاف من مرته يگوم يوگف! كلها گامت وگفت بس واحد بقى گاعد والشيخ يعرفه كلش زين يخاف من مرته! فگله ها فلان ليش ماگمت؟ فگله ولله شيخنه من اسمع بطاريها بعد رجليه ما يعينني اوگف .!!
.
عراقي رجع للعراق بعد الغربه فاول منزل من الطائره خله الجنطه بالكاع ودنك ايبوس تراب الوطن رفع راسه ملكه الجنطه كال رجعنه لطيحان الحظ
.
اثنين اغبياء راحو لمحطة القطار لگو القطار ديتحرك! ركضو وراه زاحد منهم لحگ وركب والثاني ماگدر وگعد يضحك !! الناس سالوه ليش تضحك؟؟ گلهم الي ركب القطار هو المودع وانا المسافر..!!
.
اكو فد عجوز راحت للعمرة من رجعت گامت تحجي على ولدها تگوللهم ليش متخابروني؟ العالم كلهم اهلهم ايخابروهم گالولها يمه احنه اندگ عليج بس يطلع مغلق! طلعت ماخذة الريموت مال السبلت عبالها موبايل..!!
.
اربع شباب صاعدين بتكسي , يريدون يغلسون الأجرة عالسايق اتفقو انو ينزلون بسرعة بس توكف السيارة. وفعلا وكفت السيارة فتحوا الباب بسرعة واشتغل الركض شافو عمارة دخلو بيها وصعدو اول طابق..ثاني طابق..ثالت.. حتى وصلو لاخر طابق وطبعا كلهم ختلو ولا حس ولا نفس, بعدين واحد منهم.. دغ الي بصفة كله: هسة اشصار بالسايق؟ گاله: لك اني السايق بس گلي شنو القصة..!!
=============
أنت تقرأ
نكت عراقية مع ألغاز و قصص°•
Humorنكت للتسلية كتابياً و احتمال اضافة بعض الصور💕☄ كما هناك بعض الاسئلة الحزازير ☻🖤 طبعا ادخل على الاجزاء عشان تشوف مين القصص مين الاسئلة مين النكت و كمان اضافة بعض القصص باللغة العامية اي بدون لهجة معينة🖤💥
