كسران الهوى

البارت 11

.
.
.
اوف يا دنيا اشسويتي بحالي
وما ادري الصار والي جرالي
مخدوع من الناس الغوالي
ليش محد رحم بحالي
قهر وحزن كذاني تالي😭

.
.
.
عشق ..ليش اتغيرتي ويايه
وهسه رجعتي اتحبيني فهميني لو اتمثلين عليه

ام عشق..الله شاهد ربيتج مثل بلقيس
بس ابوج كرهني بيج وبمج يعني تدرين ابوج من اينام يحلم بيه وايصيح بأسمه حته من اينام وياي ايكول احبج هوى وبعدين اني اعوفه وازعل وبعدين ايراضيني كلته هوى ماتت افتهمت ترة انته تجرحني بكلامك انته عايش ويه انسانه ميته  واني كدامك ما امعبرني تدرين انتي اتشبهين امج صحيح انه توم بس امج عيونه زرك واني خضر بس هم اتشبهيني واتشبهين بلقيس
عشق..يعني اني يتيمه
ام عشق..لا يمه اني موجوده
عشق..انتي اتغيرتي
ام عشق..والله من شفت الصار بيج كلبي مات عليج صحيح اتغيرت من اتزوجتي وجان ابوج امحلفني ايضل تعاملي وياج زين اني تعاملي وياج زين  بس من ورى اتغير فكال من تتزوج اشون متردين عامليه المهم أمن عليه يم رجله بيوم عرسج كتله

**هاي زوجته بعد لتكلي ***
*** لهنا اوكافي افتهمت****
وبعدين من كمتي تجين اتغيرت بس والله احبج تدرين الام التربي مو التخلف وسامحيني

عشق ..زين اني مسجله بلجنسيه بأسمج
ام عشق..اني كلت لبوج ايسلج بأسمي وحتلا لتحسين انج يتيمه الام واتعيشين حياة عاديه حالج حال اي بنيه ..

....نرجع للماضي ..
هشام اسم ابو عشق

هشام ..تعبت والله من بعد وفات هوى و حاير بتي وين اولي بيه ومن بعد تفكير طويله قررت اتزوج ندى اخت هوى وكلته على الزواج وجانت هيه وحيده مثلى فقبلت رحنه اني وياهه للمحكمه عقدت عليه وهم عقد سيد وصارت مرتي وحايرة بتي خطيه بعد مرور وقت وهوى جنسيه ماكو ما امسوي كلت اخذ ندى وانروح انسوي جنسيه بس ندى كالت سجله اسمي بدال اسم امه علمود لتحس بليتم وتنقهر واذا هم خلفت اتحس روحه وحيدة فأني قبلت ورحنه للمستشفى وطلعنه بيان جديد وغيرنه اسم الام والتاريخ وجان اكو عرف صديق ابوج فساعده بلموضوع وسولفله على وفات امج وتغير اسم الام صح جانت صعبه بس الله سهله وبداك الوقت جان عمر هوى خمسه اشهر

...نرجع للحاضر..

عشق..لا تعليق تعبت من الي سمعته وكلت علاء اريد سوي معامله الطلاك وقت التوقيع تعال اخذني ورحت للغرفه وسديت الباب وبناتي ما ادري وين
بلقيس..السمعته صدمني يعني عشق اختي من ابويه بس والله القهر اكل كلبي عليه ..بعد ما علاء راح رحت جبت بنات عشق يم جيران عفتهن رحت جبتهن واجيت وبدلت الهن ونومتهن ..

بعد مرور شهر.....

عشق..صارلي شهر بلغرفه وما اطلع وخزنانه على اجروحي وبناتي اشوفهن اشويه وانطيهن لبلقيس ..طبعا ابويه درة بيه عرفت منيه امي وكال هذا جان لازم ايصير من زمان علمود لتتفأجين .. واليوم قررت اطلع من الغرفه وكلت كافي طلعت وشفت بلقيس بلمطبخ اتوكل بناتي كاعده بلكاع والي فاجئني بناتي ايكعدن واتوكل بيهن اباوع على نفس فاتحه حلكه وطالع سن وعطرطالع سنين من حلكه اجيت كتلهن اشون الحلوات
بلقيس..كاعده اوكل بنات عشق ملتهيه بيهن وجان اسمع صوت عشق كالت اشون الحلوات
بلقيس..برحمه الله بشوفتج اكلج عشق
عشق..كولي
بلقيس..قبل اشويه خابر علاء وكال كملت معامله الطلاك بقه بس توقيعكم انتي وسفير
عشق...اخ كلبي والله احس روحي تطلع من فكرة الطلاك بس هذا قراري .
ولازم اكمل وسفير بلنسبه الي مات من يوم الباعني ونام بفراشي ويه حده من الشارع من كد ما حبيت ليالي هسه كرهته
بلقيس ..سو صفنتي
عشق....هااا .اشوكت اروح اوقع
بلقيس ..باجر اليوم راح ايودي تبليغ لسفير
عشق..خوش اني اروح اغسل وابدل واريد اطلع اجيب ملابس العصر سود
بلقيس.. ليش اسود
عشق.. ما اريد انهار من احاجيج وما اريد اقهرج مني كافي اسأله
بلقيس..تمام ..ادري بيه مجروحه ومخذوله واني مايوم زعلت منه
عشق.. طلعت العصر اني وامي اشتريت ملابس وبلقيس ضلت يم البنات وامي ما حجت وياي خذت بناطير  سود وتلاثه بديات هم سوي كل واحد فصاله شكل وحذائين سود واحد رياضي واحد ابو الكعب ورجعت للبيت واتعشينه وغسلت الاماعين خطيه بلقيس هم هواي تعبته واخذت بناتي ونمت وبلقيس هم نامت يمي فرشنه بكاع ونمنه واليوم بعد كل هاي الفترة كله جانن بناتي يم بلقيس اتنام بلستقبال اليوم كتله نامن يمي ..وبعد تفكير طويل ياله نمت
وكعدت الصبح وكمنه اني بلقيس سوينه ريوك وابويه جان موجود رحت طبيت للغرفه مالته طلبت شي منه بعدين اتعرفون..وكعدنه على السفرة اتريكنه وخابر علاء كال جاي والكل يدري بقراري فرحت بدلت ولبست بطرون اسود وبدي اسود نص ردن وفوك الردن شيفون ردن كامله وبي قوله ودكم وضفرت شعري وطلعت اجه علاء وكال يله
عشق..اباوع لعلاء وجه امزورك كتله اشبيك
علاء ..مو كملت معامله الطلاك ودزيت استدعات لسفير علمود ايوقع اجاني وبيده الورقه عرف اني محامي مالتج وطاح دك كتل بيه والتمو علينه بلمكتب وكوه وخرو من فوكايه موتني.
عشق ..يله امشي الله اليستر
وطلعنه واني وعلاء ورحنه للمحكمه وكاعده انتضر يجي سفير علمود نطلك
سفير..بهاي الفترة الراحت عقدت على ليالي وعفته اصلان مال شغل بيه واني احس روحي ما عايش ومشتاق لعشق ولبناتي وما بليد حيله وجان يجي شرطي حسن بيده ورقه حضور قريته عقل ماضل براسي يعني اتريد تكلك ورأسن طلعت ورحت للمحمه وطبيت لعلاء موته كتل لن هوه محامي مالته وكوه فكوني منه وطلعت واني افتر بلسياره وصار الليل واني رحت يم الجسر مخنوك واضرب بهل جكاير وكلت لروحي هاي هيه راح اطلكه بس لو اتموت ما اخليه تزوج وساعه اوكول لروحي لا ولك هاي هواك وعشقك اشون تتنازل عنه وساعه اكول كافي هذا قرارهه
وصار الصبح واني نايم بلسيارة وتوجهت للمحكمه وطبيت للقاضي وهيه هم وكال القاضي
القاضي..بنتي بما انج اتنازلتي عن الحاضر والغايب نحكملج
بطلاك وبناتج الج لن بعدهن ازغار ومن ايكبرن هنه يختارن لو انتي لو ابوهن (ملاحضه ترة ما اعرف بلقانون فهذا الكلام مني )
سفير...ليش تتنازلين عن حاضر والغايب كدامج مو رجال لا عيني الج حاضرج وغايبج ولبناتي انطي نفقه انتي شنو وتتنازلين سيدي القاضي اني الراح اطلك وحقوقه الهة
القاضي ..ابني السيدة عشق هيه طالبه الطلاك
سفير ..اني راح اطلكه وحقوقه اله
.
.
بعد مرور وقت قصير وفي غرفه القاضي.....

سفير ..كعدنه واحد اكبال الاخ واتذكر حجيه وشقاهه واشون اجت وطخت بيه بصيطرة واشون وكعت واتذكر من اجيب اله كاكو اتضل ادبج واتبوسني وتضحك واشون من جانت حامل الكاهه فارشه دوشك واتنام حاطه كارتون وغافيه وبطنه جبيرة واجي اني اشيله واحطه على جربايه واغطيه واحط اله حلويات علي صدر جربايه ادري بيه تكعد بليل ادور اكل واتذكر اشون من جابت بناتي وحطتهن بحضني واني ما اعرف اشيل جهال كتله اخاف يوكن مني واتذكر من كالت انته اتسميهن كتله اسمي وحده نفس لن اني اتنفسج والثانيه عطر لئن عاشق عطرج ....وصحيت من صفنتي من كال القاضي
القاضي ..ها ابني وقع
سفير ..مع الاسف وقعت
عشق..اني اشكد حبيتك واموت عليج وما تتوقع فديوم اني اتزوج بعدك اني احبك وانته خنتني ليش بداخلي صوت يصرخ ليش ليش ليش ماكو جواب اله اتذكر من جان ايشيلني وايبوسني  واني حامل من يصعد اسوي روحي نايمه واضحك ومرات صدك نايمه احسه من أيشيلني احس بأمان ومحد يكدر ايأذيني واشون من ايكلي اتنفسج ومن ايكلي انتي هواي وانتي عشقي..بعد صفنه القاضي.كال
القاضي ..بنتي وقعي.
عشق ..ايدي ترجف ما اكدر اصيطر على القلم بس بعدين وقعت مع الاسف

..نزع الحلقات..

سفير..اعصابي انهارت كوه نزعت الحلقه واحس روحي انزعت وياهه واباوع على عشق ادموعه تلمع بعينه وعيونه حمر وايديه ايرجفن ولازمه حلقه بيده وانزعته
عشق ..شفت سفير كوةنزع الحلقه وعيونه حمر والقهر امبين ابوجه واني هم مديت ايدي انزع الحلقه اديه ايرجفن واختنكت وغصه بلكلبي ما اكدر بس هذا قراري وحطيت الحلقه على الميز وهوه هم حطهه وطلع واني هم طلعت ويه علاء كتله وصلني لهلي

علاء..كالت يله اخذني لهلي واني مقهور على قهرهه طلعنه من المحكمه ورحنه للبيت طبت عشق تركض وتبجي
عشق ..الموقف البيه لا احسد عليه هدني وصلت للبيت طبيت ركض ابجي
واليوم كبرت ٢٠ سنه فوك عمري واني عمري كله ١٧ سنه .
.
عشق..لزمت عده ٣اشهر وعشرة ايام وفي هذا الو قت انفض الطلب الطلبته من بابه.
.
.تذكرون .من طبت عشق لبوهه وطلبت طلب..
.نرجع ليوم طلاك عشق الصبح قبل لتطلع
عشق..بابه اطلب منك طلب ولتفهمني غلط
ابو عشق..اطلبي
عشق ..اريدد..
.
.
..
.
ازل مراد

السلام عليكم احبائي اتمنه تعجبكم قصه وتاخذون العبرة اشكد قست الدنيا على سفير وعشق بس عشرتهم مانوسه والدنيا جبرتهم يفترقون بس الحب خالد في القلب المهم