بارت 10
ترسل مسج تكول مشغوله حاليا
ارجع بعد ساعه او بعد الدوام ونفس الحاله
بقينا علئ هاي السالفه اسبوعين اني طكت روحي عذبتني
رسلت الها مسج وطلبت منها تجاوب مكالمه ضروري
كالت بعد ساعه اتصل
انتظرت ساعه واتصلت كلامها كان بارد ومال
وحده بس تريد تفتك مني حسستني انو اني عبئ عليها المهم
كلت الها انتي شغيرج وشنو الي سويته
علمود تجازيني هيج كالت لا ماكو شي بس شويه تعبانه ومشغوله
ولازم تقدر وضعي كلت الها اوك
وهم غذا تريدين اني اختفي وانسحب من حياتج كالت ياريت تنسحب افضل
اني طكيت وكمت اغلط عليها
لأن متقبل تكول شنو السبب كالت اوك من هسه
تغلط عليه ولك انت منو حتئ تتجرئ تغلط عليه
امشي منا و روح راجع نفسك وانت تعرف شنو مسوي
وهذا التجاوز مالتك مردود عليك وانتهئ كولشي يله باي
سدت الخط واني صافن والله ولا اذكر سويت شي شبيها هاي اخر مره جنت احجي وياهئ طول المكالمه عمري وحياتي ونخطط للزواج وللحياة الزوجيه
شنو الي غيرها عليه
المهم بقيت يومين اتصل بيها مجاوبني وبعد هاي اليومين مغلق خطها عرفت هيه انسحبت من حياتي بس الشي الي يموتني مااعرف شنو السبب
والله ممسوي الها شي ابد ولا عندي وياهئ اي نية سوء
بالعكس حبيتها حب جنوني ليش تسوي هيج
بسببها ومع مرور الايام وقفت العمل وكعدت
بالبيت وشبه صارت عندي حاله نفسيه
الوالده متخبله عليه تريد تعرف السبب
وعندي كم صديق يراجعوني وماتركوني ابد
طبعا اني اندل بيتها بس ابد مافكرت اروح الها
لأن كلامي وكلامها چان كولش قاسي
فـ اخاف من اللقاء يزيد الطين بله
مره العصر كاعد واتصل بيه صديقي من دائرة محماة العراق
وگال سطام الاسم الي دزيته الي موجود بالبصره مسجون يم الامريكان
كلتله يااسم
كال محمد؟ ،،،،،، ؟
فزيت علئ طولي كلتله الله عليك تحجي صدگ
گال اي والله اني جبت عنه معلومات عن طريق
جماعه
وهم ماحبيت احجي الك الا اتأكد من الخبر
واتواصلت مع الصليب الاحمر
واكدولي الخبر
ونطوني رقم التسلسلي مالت محمد
وجابولي رسائل منه موجودات
باجر ادزهم الك كلتله لا اخوي هسه فدوه
صورهم ودزهم
وباجر اريد النسخ الاصليه
هذا اهله مسويله فاتحه عبالهم ميت
كال اوك دزهم الي
واني من دون وعي ركضت للغرفه بدلت
وكلعت لبيت سماهر
