بارت 11
طلعت الهم وصلت دگيت الباب طلعت مره متوسطه من العمر كالت تفضل كلت الها العفو
هذا بيت اهل سماهر كالت اي نعم بشنو اخدمك
كلت الها جايب الكم خبر حلو بس عندي شرط
كالت شنو كلت الها اريد سماهر تجي واسألها سؤال واحد بس اجاوبني علي راح انطيكم
الخبر الحلو الي ميخليكم تنامون من الفرحه
كالت والله ياابني سماهر نايمه
وانت منو كلت الها اني سطام المحامي
كالت هلا بيك سماهر حجتلي عنك هوايه
اتفضل فوت
دخلت وهيه راحت كعدت سماهر
واجت كالت هسه راح تجي سماهر بس كول شنو هالخبر
كلت الها غير تجي ست الجمال بنتج
ضحكت
وصاحت عليها كالت الها تعالي يمعوده راح
انفجر اريد اعرف شنو الخبر الجايبه سطام
دخلت سماهر وسلمت من ورئ خشمها
كالت خير شنو الخبر
كلت الها خبر حلو ويخص شخص غايب
بس جاوبيني بالاول
كالت علئ شنو كلت الها كدام امج اريدج تحجيلي اني بشنو قصرت وياج
وليش اتغيرتي كالت ماقصرت بس اني انسحبت وخلص كلت الها لا اريد السبب
كامت امها كالت ابني اني احجيلك
ولتزعل سماهر اجاها تسجيل صوتي الك
تساوم شخص ابنه مسجون بقضيه وانت تطلب منه فلوس للضابط والك نسبه
علمود اطلعه برائه
اني انصدمت كلت الها وانتو صدگتو
كالت سماهر اي طبعا اصدك
كلت الها اوك بس اريد تفسير واريد اعرف
منو جاب الح هذا التسجيل
كالت مو مهم وكولشي انتهئ سطام شوف حياتك واذا علئ الخبر الجايبه
فـ اكيد فبركت هاي القصه علمود تجي بس
كمت كلت الها اوك بما انو هذا كلامج
اني راح انسحب وبالنسبه للخبر مو مفبرك
ولا اخلاقي تسمحلي اسوي هيج اخوج محمد عايش وموجود بالبصره مسجون يم الامريكان
وباجر تجيني الرسائل مالته تكدرين تروحين العصر للمكتب وتاخذين الرسائل
امها من سمعت هيج كامت تعيط وهيه بدون وعي
،،،،،،،،،،،،،،،،،،،،،،،،، يتبع
