بارت 12
حضنتني وتهوس وعياطها لسابع جار
ردت اطلع ماخلتني كالت بغلاة امك اصبر
لتروح اني اسفه واعتذر وراح افهمك بكلشي بس مو هسه الله عليك لتروح و راح يرجع كولشي لمكانه
امها من الفرحه يمكن صارت بحالة هستريا كالت
اذا هذا كلامك صح اجتك سماهر هديه مني
الك
اني طرت من الفرحه كلت لعد تعالو اكعدو خلي اثبت الكم انو علي عايش
كعدو وطلعت الفون ودخلت للصور
وكمت اقرئ الهم (( السلام عليكم امي الغاليه
اختي العزيزه طمنوني عن حالكم بعدي وبعد والدي ان كنتم تقرؤون رسائلي
فـ انا باحسن حال وكل يوم اتشوق لرؤيتكم
امي امانة لا تحزني وادعي الله ان يجمعني بكم
ابنك البار علي))
كالت سماهر بس شو قصيره كلت الها اي هاي مراقبه مو بكيفه يكتب
رجعت فتحت الرساله الثانيه وكلت الهم اسمعو هاي
(( الي امي الغاليه واختي العزيزه انا بخير والحمد لله
قريبا سوف اكون بينكم انا والعم ابو محمد مشاري طمنو اهله عنه هو بخير وموجود معي في نفس الكم (القاعه)
امي حبيبتي عندي تحت الخزانه في الغرفه مبلغ
قليل اخرجيه و تصرفي به هو ملك لكم))
كامت سماهر تركض دخلت لغرفة علي
ورجعت طلبت مني ادخل ارفع الكنتور ورحت رفعته طلعت علاكه بيها فلوس خطيه جان يجمع بيهم علمود يشتري سياره
المهم وهذا ابو محمد عرفو يعني صا اكو اثبات ودليل علئ انه عايش
اويلي شلون انقلب البيت بالفرحه
كامت ام سماهر وبوستني وكالت مراح انسئ الك هاي البشاره واني عد كلامي سماهر الك
كلت الها والله هاي احلا هديه بالكوون كله
باوعت عليها صافنه عليه ومبتسمه
كلت الها وجع شبيج مثل الخبله
والله لموتج بس اصبريلي انتي صرتي الي واني اعلمج شلون نخليني كل هاي الفتره مريض ومقهور
كالت هههه متكدر والنبي اني اموتك وشفت الصار هذا درس كولش بسيط
كلت هاا والله صدك تحجين عابت مينكدرلج
،،،،،،،،،، يتبع ليش تفاعل ميت 😮😮
اذا صار تفاعل قوي اليوم انزلها كامله
لحد يزعل او ينتقد لأن اطلب تفاعل اني صارتلي مشكله بغير كروب ويمكن اكو هوايه اعضاء يعرفون السبب واريد تفاعل بس علمود ينضغطون و اساس المشكله لان فقط القصص مالتي بيها تفاعل انضغطو
واريد وگفتكم وياي
