بارت 15
كالت اي بس تعال والله اليوم اركص علئ قبرك
ولك شلون تتركني بهيج موقف
كلت الها اتحملي 20 دقيقه وراح تعرفين وتعذريني
علي راد يحجي كلتله لا اشرتله يسكت ميحجي شي وفتحت سبيكر
وهو يسمع اخته شلون ترزلني وخربان ضحك بس لاحضته عيونه صارت حمره راد يبچي
وكلت لسماهر اجتني سيطره
وسديته
وصرت امشي سرعه اكثر واخذت علي للسوك
اشتريتله ملابس وجهزته طلع شخصيه خرافيه ورحنا للقاعه الناس كلها تحجي عليه وينك وليش رحت كلت الهم هسه تعرفون واخذت علي ودخلنا جوه سماهر وامها ماعرفو هو من شافهم ركض عليهم وقرب منهم ام سماهر عرفته من صار قريب وصاحت سماهر كلبت الدنيا بالعياط والناس ميعرفون شنو السالفه
عاد رحت للمطرب وفهمته بالقصه وفتح السماعه وحجئ قصه علي واهله والزواج انقلب عزاء اكثر من ساعه الناس تبجي علئ حالتهم
وهمه يبجون وام سماهر كل شويه تتخربط يبوو بس ماانسئ موقف المطرب بعد ساعه او اكثر كال كافي بجي يله نسوي الحفله حفلتي وشعل الجو والشباب ماقصرو وشدو الدبچه والچوبي وصارلي زواج تاريخي
ماقبلت اروح للفندق للساعه 12 ونص بالليل
سماهر متعرف شنو تسوي بروحها من الفرحه احس الدنيا ما واسعه الها
اخذنا علي وامه وياني وحجزت الهم غرفه
بنفس الفندق
ودخلنا اني وسماهر وبقينا ساعتين وهيه مثل المخبله بالكوه يله اخذتها
من كملنا وسبحنا وتعشينا
كالت سطام الله عليك امشي نروح شويه نكعد ويه علي
كلت الها يله رحنا وكعدنا للفجر ورجعنا للغرفه كالت هسه نبدي بمراسم الزواج
اتفقنا علئ كولشي وتفاهمنا بكل الامور القادمه
وقطعنا وعد الزعل ابد ميدخل بيتنا
بقينا يومين ورجعت للبيت وماقبلت نسافر شهر عسل تكول علي مااتركه المهم علي خليته يشتغل وياي بالمكتب
ومع مرور الايام اتزوج وفتح شغل جديد
واني صارلي ولد يجنن يشبه خاله علي
عرفت للي موصل التسجيل ومفبركه عليه هو اقرب صديق الي جان يريد يسقطني علمود ياخذ مني قضيه
المهم تركته هو وربه واني اهتميت بحياتي طلعت لمصر وكملت دراسات ورجعت صرت مدعي عام
وحاليا عايش خياتي بس مكسور
الوالده توفت ومن بعد وفاتها اني انكسرت
فعلا غياب الام كسرة ضهر
واحس راحت هيبتي ويه امي
الله يرحمها الجانب الاخر لحياتي كولش حلو وسماهر بقت جنبي وامها واخوها وزوجة اخوها صارو همه عائلتي
،،،،،،،،،،،، ،،،،،،،،،،،،،،،، ،،،،،،،،،،،،،،، ،،،،،، ،
هاي نهاية القصه واسف اختصرت هوايه اخوكم علي ابن الناصريه تحياتي
انتضروني بقصه اجديده
اشوفكم بخير
